| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੯. ਜਨ੍ਤਾਘਰવਤ੍ਤਕਥਾ
9. Jantāgharavattakathā
੩੭੧. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਜਨ੍ਤਾਘਰੇ ਥੇਰੇਹਿ ਭਿਕ੍ਖੂਹਿ ਨਿવਾਰਿਯਮਾਨਾ ਅਨਾਦਰਿਯਂ ਪਟਿਚ੍ਚ ਪਹੂਤਂ ਕਟ੍ਠਂ ਆਰੋਪੇਤ੍વਾ ਅਗ੍ਗਿਂ ਦਤ੍વਾ ਦ੍વਾਰਂ ਥਕੇਤ੍વਾ ਦ੍વਾਰੇ ਨਿਸੀਦਨ੍ਤਿ। ਭਿਕ੍ਖੂ 1 ਉਣ੍ਹਾਭਿਤਤ੍ਤਾ ਦ੍વਾਰਂ ਅਲਭਮਾਨਾ ਮੁਚ੍ਛਿਤਾ ਪਪਤਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਜਨ੍ਤਾਘਰੇ ਥੇਰੇਹਿ ਭਿਕ੍ਖੂਹਿ ਨਿવਾਰਿਯਮਾਨਾ ਅਨਾਦਰਿਯਂ ਪਟਿਚ੍ਚ ਪਹੂਤਂ ਕਟ੍ਠਂ ਆਰੋਪੇਤ੍વਾ ਅਗ੍ਗਿਂ ਦਤ੍વਾ ਦ੍વਾਰਂ ਥਕੇਤ੍વਾ ਦ੍વਾਰੇ ਨਿਸੀਦਿਸ੍ਸਨ੍ਤਿ! ਭਿਕ੍ਖੂ ਉਣ੍ਹਾਭਿਤਤ੍ਤਾ ਦ੍વਾਰਂ ਅਲਭਮਾਨਾ ਮੁਚ੍ਛਿਤਾ ਪਪਤਨ੍ਤੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਛਬ੍ਬਗ੍ਗਿਯਾ ਭਿਕ੍ਖੂ ਜਨ੍ਤਾਘਰੇ ਥੇਰੇਹਿ ਭਿਕ੍ਖੂਹਿ ਨਿવਾਰਿਯਮਾਨਾ ਅਨਾਦਰਿਯਂ ਪਟਿਚ੍ਚ ਪਹੂਤਂ ਕਟ੍ਠਂ ਆਰੋਪੇਤ੍વਾ ਅਗ੍ਗਿਂ ਦਤ੍વਾ ਦ੍વਾਰਂ ਥਕੇਤ੍વਾ ਦ੍વਾਰੇ ਨਿਸੀਦਨ੍ਤਿ; ਭਿਕ੍ਖੂ ਉਣ੍ਹਾਭਿਤਤ੍ਤਾ ਦ੍વਾਰਂ ਅਲਭਮਾਨਾ ਮੁਚ੍ਛਿਤਾ ਪਪਤਨ੍ਤੀ’’ਤਿ? ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ , ਭਿਕ੍ਖવੇ, ਜਨ੍ਤਾਘਰੇ ਥੇਰੇਨ ਭਿਕ੍ਖੁਨਾ ਨਿવਾਰਿਯਮਾਨੇਨ ਅਨਾਦਰਿਯਂ ਪਟਿਚ੍ਚ ਪਹੂਤਂ ਕਟ੍ਠਂ ਆਰੋਪੇਤ੍વਾ ਅਗ੍ਗਿ ਦਾਤਬ੍ਬੋ। ਯੋ ਦਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਨ, ਭਿਕ੍ਖવੇ, ਦ੍વਾਰਂ ਥਕੇਤ੍વਾ ਦ੍વਾਰੇ ਨਿਸੀਦਿਤਬ੍ਬਂ। ਯੋ ਨਿਸੀਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ।
371. Tena kho pana samayena chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdanti. Bhikkhū 2 uṇhābhitattā dvāraṃ alabhamānā mucchitā papatanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdissanti! Bhikkhū uṇhābhitattā dvāraṃ alabhamānā mucchitā papatantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdanti; bhikkhū uṇhābhitattā dvāraṃ alabhamānā mucchitā papatantī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na , bhikkhave, jantāghare therena bhikkhunā nivāriyamānena anādariyaṃ paṭicca pahūtaṃ kaṭṭhaṃ āropetvā aggi dātabbo. Yo dadeyya, āpatti dukkaṭassa. Na, bhikkhave, dvāraṃ thaketvā dvāre nisīditabbaṃ. Yo nisīdeyya, āpatti dukkaṭassa.
੩੭੨. ‘‘ਤੇਨ ਹਿ, ਭਿਕ੍ਖવੇ, ਭਿਕ੍ਖੂਨਂ ਜਨ੍ਤਾਘਰવਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਭਿਕ੍ਖੂਹਿ ਜਨ੍ਤਾਘਰੇ ਸਮ੍ਮਾ વਤ੍ਤਿਤਬ੍ਬਂ। ਯੋ ਪਠਮਂ ਜਨ੍ਤਾਘਰਂ ਗਚ੍ਛਤਿ, ਸਚੇ ਛਾਰਿਕਾ ਉਸ੍ਸਨ੍ਨਾ ਹੋਤਿ, ਛਾਰਿਕਾ ਛਡ੍ਡੇਤਬ੍ਬਾ। ਸਚੇ ਜਨ੍ਤਾਘਰਂ ਉਕ੍ਲਾਪਂ ਹੋਤਿ, ਜਨ੍ਤਾਘਰਂ ਸਮ੍ਮਜ੍ਜਿਤਬ੍ਬਂ। ਸਚੇ ਪਰਿਭਣ੍ਡਂ ਉਕ੍ਲਾਪਂ ਹੋਤਿ, ਪਰਿਭਣ੍ਡਂ ਸਮ੍ਮਜ੍ਜਿਤਬ੍ਬਂ। ਸਚੇ ਪਰਿવੇਣਂ ਉਕ੍ਲਾਪਂ ਹੋਤਿ, ਪਰਿવੇਣਂ ਸਮ੍ਮਜ੍ਜਿਤਬ੍ਬਂ। ਸਚੇ ਕੋਟ੍ਠਕੋ ਉਕ੍ਲਾਪੋ ਹੋਤਿ, ਕੋਟ੍ਠਕੋ ਸਮ੍ਮਜ੍ਜਿਤਬ੍ਬੋ । ਸਚੇ ਜਨ੍ਤਾਘਰਸਾਲਾ ਉਕ੍ਲਾਪਾ ਹੋਤਿ, ਜਨ੍ਤਾਘਰਸਾਲਾ ਸਮ੍ਮਜ੍ਜਿਤਬ੍ਬਾ।
372. ‘‘Tena hi, bhikkhave, bhikkhūnaṃ jantāgharavattaṃ paññapessāmi yathā bhikkhūhi jantāghare sammā vattitabbaṃ. Yo paṭhamaṃ jantāgharaṃ gacchati, sace chārikā ussannā hoti, chārikā chaḍḍetabbā. Sace jantāgharaṃ uklāpaṃ hoti, jantāgharaṃ sammajjitabbaṃ. Sace paribhaṇḍaṃ uklāpaṃ hoti, paribhaṇḍaṃ sammajjitabbaṃ. Sace pariveṇaṃ uklāpaṃ hoti, pariveṇaṃ sammajjitabbaṃ. Sace koṭṭhako uklāpo hoti, koṭṭhako sammajjitabbo . Sace jantāgharasālā uklāpā hoti, jantāgharasālā sammajjitabbā.
‘‘ਚੁਣ੍ਣਂ ਸਨ੍ਨੇਤਬ੍ਬਂ, ਮਤ੍ਤਿਕਾ ਤੇਮੇਤਬ੍ਬਾ, ਉਦਕਦੋਣਿਕਾਯ ਉਦਕਂ ਆਸਿਞ੍ਚਿਤਬ੍ਬਂ। ਜਨ੍ਤਾਘਰਂ ਪવਿਸਨ੍ਤੇਨ ਮਤ੍ਤਿਕਾਯ ਮੁਖਂ ਮਕ੍ਖੇਤ੍વਾ ਪੁਰਤੋ ਚ ਪਚ੍ਛਤੋ ਚ ਪਟਿਚ੍ਛਾਦੇਤ੍વਾ ਜਨ੍ਤਾਘਰਂ ਪવਿਸਿਤਬ੍ਬਂ। ਨ ਥੇਰੇ ਭਿਕ੍ਖੂ ਅਨੁਪਖਜ੍ਜ ਨਿਸੀਦਿਤਬ੍ਬਂ। ਨ ਨવਾ ਭਿਕ੍ਖੂ ਆਸਨੇਨ ਪਟਿਬਾਹਿਤਬ੍ਬਾ। ਸਚੇ ਉਸ੍ਸਹਤਿ, ਜਨ੍ਤਾਘਰੇ ਥੇਰਾਨਂ ਭਿਕ੍ਖੂਨਂ ਪਰਿਕਮ੍ਮਂ ਕਾਤਬ੍ਬਂ। ਜਨ੍ਤਾਘਰਾ ਨਿਕ੍ਖਮਨ੍ਤੇਨ ਜਨ੍ਤਾਘਰਪੀਠਂ ਆਦਾਯ ਪੁਰਤੋ ਚ ਪਚ੍ਛਤੋ ਚ ਪਟਿਚ੍ਛਾਦੇਤ੍વਾ ਜਨ੍ਤਾਘਰਾ ਨਿਕ੍ਖਮਿਤਬ੍ਬਂ। ਸਚੇ ਉਸ੍ਸਹਤਿ, ਉਦਕੇਪਿ ਥੇਰਾਨਂ ਭਿਕ੍ਖੂਨਂ ਪਰਿਕਮ੍ਮਂ ਕਾਤਬ੍ਬਂ। ਨ ਥੇਰਾਨਂ ਭਿਕ੍ਖੂਨਂ ਪੁਰਤੋਪਿ ਨਹਾਯਿਤਬ੍ਬਂ, ਨ ਉਪਰਿਤੋਪਿ ਨਹਾਯਿਤਬ੍ਬਂ। ਨਹਾਤੇਨ ਉਤ੍ਤਰਨ੍ਤੇਨ ਓਤਰਨ੍ਤਾਨਂ ਮਗ੍ਗੋ ਦਾਤਬ੍ਬੋ। ਯੋ ਪਚ੍ਛਾ ਜਨ੍ਤਾਘਰਾ ਨਿਕ੍ਖਮਤਿ, ਸਚੇ ਜਨ੍ਤਾਘਰਂ ਚਿਕ੍ਖਲ੍ਲਂ ਹੋਤਿ, ਧੋવਿਤਬ੍ਬਂ। ਮਤ੍ਤਿਕਾਦੋਣਿਕਂ ਧੋવਿਤ੍વਾ ਜਨ੍ਤਾਘਰਪੀਠਂ ਪਟਿਸਾਮੇਤ੍વਾ ਅਗ੍ਗਿਂ વਿਜ੍ਝਾਪੇਤ੍વਾ ਦ੍વਾਰਂ ਥਕੇਤ੍વਾ ਪਕ੍ਕਮਿਤਬ੍ਬਂ। ਇਦਂ ਖੋ, ਭਿਕ੍ਖવੇ, ਭਿਕ੍ਖੂਨਂ ਜਨ੍ਤਾਘਰવਤ੍ਤਂ ਯਥਾ ਭਿਕ੍ਖੂਹਿ ਜਨ੍ਤਾਘਰੇ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Cuṇṇaṃ sannetabbaṃ, mattikā temetabbā, udakadoṇikāya udakaṃ āsiñcitabbaṃ. Jantāgharaṃ pavisantena mattikāya mukhaṃ makkhetvā purato ca pacchato ca paṭicchādetvā jantāgharaṃ pavisitabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā. Sace ussahati, jantāghare therānaṃ bhikkhūnaṃ parikammaṃ kātabbaṃ. Jantāgharā nikkhamantena jantāgharapīṭhaṃ ādāya purato ca pacchato ca paṭicchādetvā jantāgharā nikkhamitabbaṃ. Sace ussahati, udakepi therānaṃ bhikkhūnaṃ parikammaṃ kātabbaṃ. Na therānaṃ bhikkhūnaṃ puratopi nahāyitabbaṃ, na uparitopi nahāyitabbaṃ. Nahātena uttarantena otarantānaṃ maggo dātabbo. Yo pacchā jantāgharā nikkhamati, sace jantāgharaṃ cikkhallaṃ hoti, dhovitabbaṃ. Mattikādoṇikaṃ dhovitvā jantāgharapīṭhaṃ paṭisāmetvā aggiṃ vijjhāpetvā dvāraṃ thaketvā pakkamitabbaṃ. Idaṃ kho, bhikkhave, bhikkhūnaṃ jantāgharavattaṃ yathā bhikkhūhi jantāghare sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਜਨ੍ਤਾਘਰવਤ੍ਤਾਦਿਕਥਾ • Jantāgharavattādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਜਨ੍ਤਾਘਰવਤ੍ਤਾਦਿਕਥਾ • 9. Jantāgharavattādikathā
