| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. ж̇анд̇усуд̇д̇аван̣н̣анаа
5. Jantusuttavaṇṇanā
106. бан̃жамз госалзсу вихаранд̇ийд̇и бхаг̇авад̇о санд̇игз гаммадтаанам̣ г̇ахзд̇ваа д̇ад̇т̇а г̇анд̇ваа вихаранд̇и. уд̣̇д̇хад̇аад̇и агаббияз габбияасан̃н̃ид̇ааяа жа габбияз агаббияасан̃н̃ид̇ааяа жа анаваж̇ж̇з сааваж̇ж̇асан̃н̃ид̇ааяа жа сааваж̇ж̇з анаваж̇ж̇асан̃н̃ид̇ааяа жа уд̣̇д̇хажжабагад̇игаа худ̇ваа. уннал̣аад̇и уг̇г̇ад̇анал̣аа, удтид̇ад̇ужчамаанаад̇и вуд̇д̇ам̣ ход̇и. жабалаад̇и бад̇д̇ажийвараман̣д̣анаад̣̇инаа жаабаллзна яуд̇д̇аа. мукараад̇и мукакараа, караважанаад̇и вуд̇д̇ам̣ ход̇и. вигин̣н̣аваажаад̇и асам̣яад̇аважанаа, д̣̇ивасамби нирад̇т̇агаважанабалаабино. мудтассад̇инод̇и надтассад̇ино сад̇ивирахид̇аа, ид̇ха гад̇ам̣ зд̇т̇а бамуссанд̇и. асамбаж̇аанаад̇и ниббан̃н̃аа. асамаахид̇аад̇и аббанааубажаарасамаад̇хирахид̇аа, жан̣д̣асод̇з б̣ад̣̇д̇ханааваасад̣̇исаа. виб̣бханд̇ажид̇д̇аад̇и анавадтид̇ажид̇д̇аа, бант̇аарул̣хаб̣ааламиг̇асад̣̇исаа. баагад̇инд̣̇рияаад̇и сам̣вараабхаавзна г̇ихигаалз вияа вивадаинд̣̇рияаа.
106. Pañcame kosalesu viharantīti bhagavato santike kammaṭṭhānaṃ gahetvā tattha gantvā viharanti. Uddhatāti akappiye kappiyasaññitāya ca kappiye akappiyasaññitāya ca anavajje sāvajjasaññitāya ca sāvajje anavajjasaññitāya ca uddhaccapakatikā hutvā. Unnaḷāti uggatanaḷā, uṭṭhitatucchamānāti vuttaṃ hoti. Capalāti pattacīvaramaṇḍanādinā cāpallena yuttā. Mukharāti mukhakharā, kharavacanāti vuttaṃ hoti. Vikiṇṇavācāti asaṃyatavacanā, divasampi niratthakavacanapalāpino. Muṭṭhassatinoti naṭṭhassatino sativirahitā, idha kataṃ ettha pamussanti. Asampajānāti nippaññā. Asamāhitāti appanāupacārasamādhirahitā, caṇḍasote baddhanāvāsadisā. Vibbhantacittāti anavaṭṭhitacittā, panthāruḷhabālamigasadisā. Pākatindriyāti saṃvarābhāvena gihikāle viya vivaṭaindriyā.
ж̇анд̇ууд̇и звам̣наамаго д̣̇звабуд̇д̇о. д̇ад̣̇ахубосат̇зд̇и д̇асмим̣ аху убосат̇з, убосат̇ад̣̇ивасзд̇и ад̇т̇о. баннарасзд̇и жаад̇уд̣̇д̣̇асигаад̣̇ибадигкзбо. убасан̇гамийд̇и жод̣̇анад̇т̇ааяа убаг̇ад̇о. со гира жинд̇зси – ‘‘имз бхигкуу сад̇т̇у санд̇игз гаммадтаанам̣ г̇ахзд̇ваа нигканд̇аа, ид̣̇аани бамад̇д̇аа вихаранд̇и, на ко банзд̇з баадиязггам̣ нисиннадтаанз жод̣̇ияамаанаа гат̇ам̣ г̇ан̣хиссанд̇и, самааг̇аманагаалз жод̣̇иссаамий’’д̇и убосат̇ад̣̇ивасз д̇зсам̣ саннибад̇ид̇абхаавам̣ н̃ад̇ваа убасан̇гами. г̇аат̇аахи аж̇жхабхаасийд̇и саб̣б̣зсам̣ маж̇жхз тад̇ваа г̇аат̇аа абхааси.
Jantūti evaṃnāmako devaputto. Tadahuposatheti tasmiṃ ahu uposathe, uposathadivaseti attho. Pannaraseti cātuddasikādipaṭikkhepo. Upasaṅkamīti codanatthāya upagato. So kira cintesi – ‘‘ime bhikkhū satthu santike kammaṭṭhānaṃ gahetvā nikkhantā, idāni pamattā viharanti, na kho panete pāṭiyekkaṃ nisinnaṭṭhāne codiyamānā kathaṃ gaṇhissanti, samāgamanakāle codissāmī’’ti uposathadivase tesaṃ sannipatitabhāvaṃ ñatvā upasaṅkami. Gāthāhi ajjhabhāsīti sabbesaṃ majjhe ṭhatvā gāthā abhāsi.
д̇ад̇т̇а яасмаа г̇ун̣агат̇ааяа сад̣̇д̇хим̣ ниг̇г̇ун̣асса аг̇ун̣о баагадо ход̇и, д̇асмаа г̇ун̣ам̣ д̇аава гат̇знд̇о сукаж̇ийвино бурз аасунд̇иаад̣̇имааха. д̇ад̇т̇а сукаж̇ийвино бурз аасунд̇и буб̣б̣з бхигкуу суббосаа субхараа ахзсум̣, ужжанийжагулзсу сабад̣̇аанам̣ жарид̇ваа лад̣̇д̇хзна миссагабин̣д̣зна яаабзсунд̇и ад̇хиббааязна звамааха. анижчаад̇и нид̇д̇ан̣хаа худ̇ваа.
Tattha yasmā guṇakathāya saddhiṃ nigguṇassa aguṇo pākaṭo hoti, tasmā guṇaṃ tāva kathento sukhajīvino pure āsuntiādimāha. Tattha sukhajīvino pure āsunti pubbe bhikkhū supposā subharā ahesuṃ, uccanīcakulesu sapadānaṃ caritvā laddhena missakapiṇḍena yāpesunti adhippāyena evamāha. Anicchāti nittaṇhā hutvā.
звам̣ бораан̣агабхигкуунам̣ ван̣н̣ам̣ гат̇зд̇ваа ид̣̇аани д̇зсам̣ аван̣н̣ам̣ гат̇знд̇о д̣̇уббосанд̇иаад̣̇имааха. д̇ад̇т̇а г̇аамз г̇ааман̣игаа вияаад̇и яат̇аа г̇аамз г̇аамагудаа наанаббагаарзна ж̇анам̣ бийл̣зд̇ваа кийрад̣̇ад̇хид̇ан̣д̣улаад̣̇ийни аахараабзд̇ваа бхун̃ж̇анд̇и, звам̣ д̇умхзби анзсанааяа тид̇аа д̇умхаагам̣ ж̇ийвигам̣ габбзт̇аад̇и ад̇хиббааязна вад̣̇ад̇и. нибаж̇ж̇анд̇ийд̇и уд̣̇д̣̇зсабарибужчааманасигаарзхи анад̇т̇игаа худ̇ваа саяанамхи хад̇т̇абаад̣̇з виссаж̇ж̇зд̇ваа нибаж̇ж̇анд̇и. барааг̇аарзсууд̇и бараг̇зхзсу, гуласун̣хаад̣̇ийсууд̇и ад̇т̇о. мужчид̇аад̇и гилзсамужчааяа мужчид̇аа.
Evaṃ porāṇakabhikkhūnaṃ vaṇṇaṃ kathetvā idāni tesaṃ avaṇṇaṃ kathento dupposantiādimāha. Tattha gāme gāmaṇikā viyāti yathā gāme gāmakuṭā nānappakārena janaṃ pīḷetvā khīradadhitaṇḍulādīni āharāpetvā bhuñjanti, evaṃ tumhepi anesanāya ṭhitā tumhākaṃ jīvikaṃ kappethāti adhippāyena vadati. Nipajjantīti uddesaparipucchāmanasikārehi anatthikā hutvā sayanamhi hatthapāde vissajjetvā nipajjanti. Parāgāresūti paragehesu, kulasuṇhādīsūti attho. Mucchitāti kilesamucchāya mucchitā.
згажжзд̇и вад̇д̇аб̣б̣аяуд̇д̇агзязва. абавид̣̇д̇хаад̇и чад̣д̣ид̇агаа. анаат̇аад̇и абад̇идтаа. бзд̇аад̇и сусаанз чад̣д̣ид̇аа гаалан̇гад̇амануссаа. яат̇аа хи сусаанз чад̣д̣ид̇аа наанаасагун̣аад̣̇ийхи каж̇ж̇анд̇и, н̃аад̇агааби нзсам̣ наат̇агижжам̣ на гаронд̇и, на рагканд̇и, на г̇обаяанд̇и, звамзвам̣ зваруубааби аажарияубаж̇жхааяаад̣̇ийнам̣ санд̇игаа оваад̣̇аанусаасаним̣ на лабханд̇ийд̇и абавид̣̇д̇хаа анаат̇аа, яат̇аа бзд̇аа, д̇ат̇зва хонд̇и. бан̃жамам̣.
Ekacceti vattabbayuttakeyeva. Apaviddhāti chaḍḍitakā. Anāthāti apatiṭṭhā. Petāti susāne chaḍḍitā kālaṅkatamanussā. Yathā hi susāne chaḍḍitā nānāsakuṇādīhi khajjanti, ñātakāpi nesaṃ nāthakiccaṃ na karonti, na rakkhanti, na gopayanti, evamevaṃ evarūpāpi ācariyupajjhāyādīnaṃ santikā ovādānusāsaniṃ na labhantīti apaviddhā anāthā, yathā petā, tatheva honti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. ж̇анд̇усуд̇д̇ам̣ • 5. Jantusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ж̇анд̇усуд̇д̇аван̣н̣анаа • 5. Jantusuttavaṇṇanā
