| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. ж̇аан̣уссон̣иб̣раахман̣асуд̇д̇ам̣
4. Jāṇussoṇibrāhmaṇasuttaṃ
4. саавад̇т̇инид̣̇аанам̣. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ад̣̇д̣̇асаа ко ааяасмаа аананд̣̇о ж̇аан̣уссон̣им̣ б̣раахман̣ам̣ саб̣б̣асзд̇зна вал̣аваабхират̇зна 1 саавад̇т̇ияаа нияяааяанд̇ам̣. сзд̇аа суд̣̇ам̣ ассаа яуд̇д̇аа хонд̇и сзд̇аалан̇гаараа, сзд̇о рат̇о, сзд̇абаривааро, сзд̇аа расмияо, сзд̇аа бад̇од̣̇аладти, сзд̇ам̣ чад̇д̇ам̣, сзд̇ам̣ ун̣хийсам̣ , сзд̇аани вад̇т̇аани, сзд̇аа убааханаа, сзд̇ааяа суд̣̇ам̣ ваалаб̣ийж̇анияаа б̣ийж̇ийяад̇и. д̇амзнам̣ ж̇ано д̣̇исваа звамааха – ‘‘б̣рахмам̣ вад̇а, бхо, яаанам̣! б̣рахмаяаанаруубам̣ вад̇а, бхо’’д̇и!!
4. Sāvatthinidānaṃ. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Addasā kho āyasmā ānando jāṇussoṇiṃ brāhmaṇaṃ sabbasetena vaḷavābhirathena 2 sāvatthiyā niyyāyantaṃ. Setā sudaṃ assā yuttā honti setālaṅkārā, seto ratho, setaparivāro, setā rasmiyo, setā patodalaṭṭhi, setaṃ chattaṃ, setaṃ uṇhīsaṃ , setāni vatthāni, setā upāhanā, setāya sudaṃ vālabījaniyā bījīyati. Tamenaṃ jano disvā evamāha – ‘‘brahmaṃ vata, bho, yānaṃ! Brahmayānarūpaṃ vata, bho’’ti!!
ат̇а ко ааяасмаа аананд̣̇о саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
Atha kho āyasmā ānando sāvatthiyaṃ piṇḍāya caritvā pacchābhattaṃ piṇḍapātapaṭikkanto yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависим̣. ад̣̇д̣̇асам̣ кваахам̣, бханд̇з, ж̇аан̣уссон̣им̣ б̣раахман̣ам̣ саб̣б̣асзд̇зна вал̣аваабхират̇зна саавад̇т̇ияаа нияяааяанд̇ам̣. сзд̇аа суд̣̇ам̣ ассаа яуд̇д̇аа хонд̇и сзд̇аалан̇гаараа, сзд̇о рат̇о, сзд̇абаривааро, сзд̇аа расмияо, сзд̇аа бад̇од̣̇аладти, сзд̇ам̣ чад̇д̇ам̣, сзд̇ам̣ ун̣хийсам̣, сзд̇аани вад̇т̇аани, сзд̇аа убааханаа, сзд̇ааяа суд̣̇ам̣ ваалаб̣ийж̇анияаа б̣ийж̇ийяад̇и. д̇амзнам̣ ж̇ано д̣̇исваа звамааха – ‘б̣рахмам̣ вад̇а, бхо, яаанам̣! б̣рахмаяаанаруубам̣ вад̇а, бхо’д̇и!! саггаа ну ко, бханд̇з, имасмим̣ д̇хаммавинаяз б̣рахмаяаанам̣ бан̃н̃аабзд̇у’’нд̇и?
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃ. Addasaṃ khvāhaṃ, bhante, jāṇussoṇiṃ brāhmaṇaṃ sabbasetena vaḷavābhirathena sāvatthiyā niyyāyantaṃ. Setā sudaṃ assā yuttā honti setālaṅkārā, seto ratho, setaparivāro, setā rasmiyo, setā patodalaṭṭhi, setaṃ chattaṃ, setaṃ uṇhīsaṃ, setāni vatthāni, setā upāhanā, setāya sudaṃ vālabījaniyā bījīyati. Tamenaṃ jano disvā evamāha – ‘brahmaṃ vata, bho, yānaṃ! Brahmayānarūpaṃ vata, bho’ti!! Sakkā nu kho, bhante, imasmiṃ dhammavinaye brahmayānaṃ paññāpetu’’nti?
‘‘саггаа , аананд̣̇аа’’д̇и бхаг̇аваа авожа – ‘‘имассзва ко зд̇ам̣, аананд̣̇а, арияасса адтан̇г̇игасса маг̇г̇асса ад̇хиважанам̣ – ‘б̣рахмаяаанам̣’ ид̇иби, ‘д̇хаммаяаанам̣’ ид̇иби, ‘ануд̇д̇аро сан̇г̇аамавиж̇аяо’ ид̇ибий’’д̇и.
‘‘Sakkā , ānandā’’ti bhagavā avoca – ‘‘imasseva kho etaṃ, ānanda, ariyassa aṭṭhaṅgikassa maggassa adhivacanaṃ – ‘brahmayānaṃ’ itipi, ‘dhammayānaṃ’ itipi, ‘anuttaro saṅgāmavijayo’ itipī’’ti.
‘‘саммаад̣̇идти, аананд̣̇а, бхаавид̇аа б̣ахулийгад̇аа рааг̇авинаяабарияосаанаа ход̇и, д̣̇осавинаяабарияосаанаа ход̇и, мохавинаяабарияосаанаа ход̇и. саммаасан̇габбо, аананд̣̇а, бхаавид̇о б̣ахулийгад̇о рааг̇авинаяабарияосаано ход̇и, д̣̇осавинаяабарияосаано ход̇и, мохавинаяабарияосаано ход̇и. саммааваажаа, аананд̣̇а, бхаавид̇аа б̣ахулийгад̇аа рааг̇авинаяабарияосаанаа ход̇и, д̣̇оса…бз… мохавинаяабарияосаанаа ход̇и. саммаагамманд̇о, аананд̣̇а, бхаавид̇о б̣ахулийгад̇о рааг̇авинаяабарияосаано ход̇и, д̣̇оса… мохавинаяабарияосаано ход̇и. саммааааж̇ийво, аананд̣̇а, бхаавид̇о б̣ахулийгад̇о рааг̇авинаяабарияосаано ход̇и, д̣̇оса… мохавинаяабарияосаано ход̇и . саммаавааяаамо, аананд̣̇а, бхаавид̇о б̣ахулийгад̇о рааг̇авинаяабарияосаано ход̇и, д̣̇оса… мохавинаяабарияосаано ход̇и. саммаасад̇и, аананд̣̇а, бхаавид̇аа б̣ахулийгад̇аа рааг̇авинаяабарияосаанаа ход̇и, д̣̇оса… мохавинаяабарияосаанаа ход̇и. саммаасамаад̇хи, аананд̣̇а, бхаавид̇о б̣ахулийгад̇о рааг̇авинаяабарияосаано ход̇и, д̣̇оса… мохавинаяабарияосаано ход̇и.
‘‘Sammādiṭṭhi, ānanda, bhāvitā bahulīkatā rāgavinayapariyosānā hoti, dosavinayapariyosānā hoti, mohavinayapariyosānā hoti. Sammāsaṅkappo, ānanda, bhāvito bahulīkato rāgavinayapariyosāno hoti, dosavinayapariyosāno hoti, mohavinayapariyosāno hoti. Sammāvācā, ānanda, bhāvitā bahulīkatā rāgavinayapariyosānā hoti, dosa…pe… mohavinayapariyosānā hoti. Sammākammanto, ānanda, bhāvito bahulīkato rāgavinayapariyosāno hoti, dosa… mohavinayapariyosāno hoti. Sammāājīvo, ānanda, bhāvito bahulīkato rāgavinayapariyosāno hoti, dosa… mohavinayapariyosāno hoti . Sammāvāyāmo, ānanda, bhāvito bahulīkato rāgavinayapariyosāno hoti, dosa… mohavinayapariyosāno hoti. Sammāsati, ānanda, bhāvitā bahulīkatā rāgavinayapariyosānā hoti, dosa… mohavinayapariyosānā hoti. Sammāsamādhi, ānanda, bhāvito bahulīkato rāgavinayapariyosāno hoti, dosa… mohavinayapariyosāno hoti.
‘‘иминаа ко зд̇ам̣, аананд̣̇а, барияааязна взд̣̇ид̇аб̣б̣ам̣ яат̇аа имассзвзд̇ам̣ арияасса адтан̇г̇игасса маг̇г̇асса ад̇хиважанам̣ – ‘б̣рахмаяаанам̣’ ид̇иби, ‘д̇хаммаяаанам̣’ ид̇иби, ‘ануд̇д̇аро сан̇г̇аамавиж̇аяо’ ид̇ибий’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘Iminā kho etaṃ, ānanda, pariyāyena veditabbaṃ yathā imassevetaṃ ariyassa aṭṭhaṅgikassa maggassa adhivacanaṃ – ‘brahmayānaṃ’ itipi, ‘dhammayānaṃ’ itipi, ‘anuttaro saṅgāmavijayo’ itipī’’ti. Idamavoca bhagavā. Idaṃ vatvāna sugato athāparaṃ etadavoca satthā –
‘‘яасса сад̣̇д̇хаа жа бан̃н̃аа жа, д̇хаммаа яуд̇д̇аа сад̣̇аа д̇хурам̣;
‘‘Yassa saddhā ca paññā ca, dhammā yuttā sadā dhuraṃ;
хирий ийсаа мано яод̇д̇ам̣, сад̇и аарагкасаарат̇и.
Hirī īsā mano yottaṃ, sati ārakkhasārathi.
‘‘рат̇о сийлабаригкааро, жхаанагко жаггавийрияо;
‘‘Ratho sīlaparikkhāro, jhānakkho cakkavīriyo;
убзгкаа д̇хурасамаад̇хи, анижчаа баривааран̣ам̣.
Upekkhā dhurasamādhi, anicchā parivāraṇaṃ.
‘‘аб̣яаабаад̣̇о авихим̣саа, вивзго яасса аавуд̇хам̣;
‘‘Abyāpādo avihiṃsā, viveko yassa āvudhaṃ;
д̇ид̇игкаа жаммасаннаахо 3, яог̇агкзмааяа вад̇д̇ад̇и.
Titikkhā cammasannāho 4, yogakkhemāya vattati.
‘‘зд̇ад̣̇ад̇д̇ани самбхууд̇ам̣, б̣рахмаяаанам̣ ануд̇д̇арам̣;
‘‘Etadattani sambhūtaṃ, brahmayānaṃ anuttaraṃ;
нияяанд̇и д̇хийраа логамхаа, ан̃н̃ад̣̇ад̇т̇у ж̇аяам̣ ж̇аяа’’нд̇и. жад̇уд̇т̇ам̣;
Niyyanti dhīrā lokamhā, aññadatthu jayaṃ jaya’’nti. catutthaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ж̇аан̣уссон̣иб̣раахман̣асуд̇д̇аван̣н̣анаа • 4. Jāṇussoṇibrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. ж̇аан̣уссон̣иб̣раахман̣асуд̇д̇аван̣н̣анаа • 4. Jāṇussoṇibrāhmaṇasuttavaṇṇanā
