| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. ж̇араамаран̣асуд̇д̇ам̣
3. Jarāmaraṇasuttaṃ
114. саавад̇т̇инид̣̇аанам̣ . згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘ад̇т̇и ну ко, бханд̇з, ж̇аад̇асса ан̃н̃ад̇ра ж̇араамаран̣аа’’д̇и? ‘‘над̇т̇и ко, махаарааж̇а, ж̇аад̇асса ан̃н̃ад̇ра ж̇араамаран̣аа. язби д̇з, махаарааж̇а, кад̇д̇ияамахаасаалаа ад̣дхаа махад̣̇д̇ханаа махаабхог̇аа бахууд̇аж̇аад̇аруубараж̇ад̇аа бахууд̇авид̇д̇уубагаран̣аа бахууд̇ад̇ханад̇хан̃н̃аа, д̇зсамби ж̇аад̇аанам̣ над̇т̇и ан̃н̃ад̇ра ж̇араамаран̣аа. язби д̇з, махаарааж̇а, б̣раахман̣амахаасаалаа…бз… г̇ахабад̇имахаасаалаа ад̣дхаа махад̣̇д̇ханаа махаабхог̇аа бахууд̇аж̇аад̇аруубараж̇ад̇аа бахууд̇авид̇д̇уубагаран̣аа бахууд̇ад̇ханад̇хан̃н̃аа, д̇зсамби ж̇аад̇аанам̣ над̇т̇и ан̃н̃ад̇ра ж̇араамаран̣аа. язби д̇з, махаарааж̇а, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аавимуд̇д̇аа, д̇зсам̣ бааяам̣ гааяо бхзд̣̇анад̇хаммо нигкзбанад̇хаммо’’д̇и. ид̣̇амавожа…бз…
114. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘atthi nu kho, bhante, jātassa aññatra jarāmaraṇā’’ti? ‘‘Natthi kho, mahārāja, jātassa aññatra jarāmaraṇā. Yepi te, mahārāja, khattiyamahāsālā aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā, tesampi jātānaṃ natthi aññatra jarāmaraṇā. Yepi te, mahārāja, brāhmaṇamahāsālā…pe… gahapatimahāsālā aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā, tesampi jātānaṃ natthi aññatra jarāmaraṇā. Yepi te, mahārāja, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññāvimuttā, tesaṃ pāyaṃ kāyo bhedanadhammo nikkhepanadhammo’’ti. Idamavoca…pe…
‘‘ж̇ийранд̇и вз рааж̇арат̇аа сужид̇д̇аа,
‘‘Jīranti ve rājarathā sucittā,
ат̇о сарийрамби ж̇арам̣ убзд̇и;
Atho sarīrampi jaraṃ upeti;
сад̇ан̃жа д̇хаммо на ж̇арам̣ убзд̇и,
Satañca dhammo na jaraṃ upeti,
санд̇о хавз саб̣бхи бавзд̣̇аяанд̇ий’’д̇и.
Santo have sabbhi pavedayantī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. ж̇араамаран̣асуд̇д̇аван̣н̣анаа • 3. Jarāmaraṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. ж̇араамаран̣асуд̇д̇аван̣н̣анаа • 3. Jarāmaraṇasuttavaṇṇanā
