| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
6. ж̇араасуд̇д̇аван̣н̣анаа
6. Jarāsuttavaṇṇanā
811. аббам̣ вад̇а ж̇ийвид̇анд̇и ж̇араасуд̇д̇ам̣. гаа уббад̇д̇и? згам̣ самаяам̣ бхаг̇аваа саавад̇т̇ияам̣ вассам̣ васид̇ваа яаани д̇аани б̣уд̣̇д̇хаанам̣ сарийраарог̇яасамбаад̣̇анам̣ ануббаннасигкаабад̣̇абан̃н̃аабанам̣ взнзяяад̣̇аманам̣ д̇ат̇ааруубааяа адтуббад̇д̇ияаа ж̇аад̇агаад̣̇игат̇ананд̇иаад̣̇ийни ж̇анабад̣̇ажааригаанимид̇д̇аани, д̇аани самавзгкид̇ваа ж̇анабад̣̇ажааригам̣ баггаами. анубуб̣б̣зна жааригам̣ жарамаано сааяам̣ саагзд̇ам̣ ануббад̇д̇о ан̃ж̇анаванам̣ баависи. саагзд̇аваасино суд̇ваа ‘‘агаало ид̣̇аани бхаг̇аванд̇ам̣ д̣̇ассанааяаа’’д̇и вибхаад̇ааяа рад̇д̇ияаа маалааг̇анд̇хаад̣̇ийни г̇ахзд̇ваа бхаг̇авад̇о санд̇игам̣ г̇анд̇ваа бууж̇анаванд̣̇анасаммод̣̇анаад̣̇ийни гад̇ваа бариваарзд̇ваа адтам̣су яаава бхаг̇авад̇о г̇аамаббавзсанавзлаа, ат̇а бхаг̇аваа бхигкусан̇гхабаривуд̇о бин̣д̣ааяа баависи. д̇ам̣ ан̃н̃ад̇аро саагзд̇аго б̣раахман̣амахаасаало наг̇араа нигканд̇о наг̇арад̣̇ваарз ад̣̇д̣̇аса. д̣̇исваа буд̇д̇асинзхам̣ уббаад̣̇зд̇ваа ‘‘жирад̣̇идтоси, буд̇д̇а, маяаа’’д̇и барид̣̇зваяамаано абхимуко аг̇амааси. бхаг̇аваа бхигкуу сан̃н̃аабзси – ‘‘аяам̣, бхигкавз, б̣раахман̣о яам̣ ижчад̇и, д̇ам̣ гарод̇у, на ваарзд̇аб̣б̣о’’д̇и.
811.Appaṃvata jīvitanti jarāsuttaṃ. Kā uppatti? Ekaṃ samayaṃ bhagavā sāvatthiyaṃ vassaṃ vasitvā yāni tāni buddhānaṃ sarīrārogyasampādanaṃ anuppannasikkhāpadapaññāpanaṃ veneyyadamanaṃ tathārūpāya aṭṭhuppattiyā jātakādikathanantiādīni janapadacārikānimittāni, tāni samavekkhitvā janapadacārikaṃ pakkāmi. Anupubbena cārikaṃ caramāno sāyaṃ sāketaṃ anuppatto añjanavanaṃ pāvisi. Sāketavāsino sutvā ‘‘akālo idāni bhagavantaṃ dassanāyā’’ti vibhātāya rattiyā mālāgandhādīni gahetvā bhagavato santikaṃ gantvā pūjanavandanasammodanādīni katvā parivāretvā aṭṭhaṃsu yāva bhagavato gāmappavesanavelā, atha bhagavā bhikkhusaṅghaparivuto piṇḍāya pāvisi. Taṃ aññataro sāketako brāhmaṇamahāsālo nagarā nikkhanto nagaradvāre addasa. Disvā puttasinehaṃ uppādetvā ‘‘ciradiṭṭhosi, putta, mayā’’ti paridevayamāno abhimukho agamāsi. Bhagavā bhikkhū saññāpesi – ‘‘ayaṃ, bhikkhave, brāhmaṇo yaṃ icchati, taṃ karotu, na vāretabbo’’ti.
б̣раахман̣оби важчаг̇ид̣̇д̇хинийва г̇аавий ааг̇анд̇ваа бхаг̇авад̇о гааяам̣ бурад̇о жа бажчад̇о жа д̣̇агкин̣ад̇о жа ваамад̇о жаад̇и саманд̇аа аалин̇г̇и ‘‘жирад̣̇идтоси, буд̇д̇а, жирам̣ винаа ахосий’’д̇и бхан̣анд̇о. яад̣̇и бана со д̇ат̇аа гаад̇ум̣ на лабхзяяа, хад̣̇аяам̣ паалзд̇ваа марзяяа. со бхаг̇аванд̇ам̣ авожа – ‘‘бхаг̇аваа д̇умхзхи сад̣̇д̇хим̣ ааг̇ад̇абхигкуунам̣ ахамзва бхигкам̣ д̣̇аад̇ум̣ самад̇т̇о, мамзва ануг̇г̇ахам̣ гарот̇аа’’д̇и. ад̇хиваасзси бхаг̇аваа д̇ун̣хийбхаавзна. б̣раахман̣о бхаг̇авад̇о бад̇д̇ам̣ г̇ахзд̇ваа бурад̇о г̇ажчанд̇о б̣раахман̣ияаа бзсзси – ‘‘буд̇д̇о мз ааг̇ад̇о, аасанам̣ бан̃н̃аабзд̇аб̣б̣а’’нд̇и. саа д̇ат̇аа гад̇ваа ааг̇аманам̣ бассанд̇ий тид̇аа бхаг̇аванд̇ам̣ анд̇аравийт̇ияам̣язва д̣̇исваа буд̇д̇асинзхам̣ уббаад̣̇зд̇ваа ‘‘жирад̣̇идтоси, буд̇д̇а, маяаа’’д̇и баад̣̇зсу г̇ахзд̇ваа род̣̇ид̇ваа гхарам̣ ад̇инзд̇ваа саггажжам̣ бхож̇зси. бхуд̇д̇аавино б̣раахман̣о бад̇д̇ам̣ абанаамзси. бхаг̇аваа д̇зсам̣ саббааяам̣ вид̣̇ид̇ваа д̇хаммам̣ д̣̇зсзси, д̣̇зсанаабарияосаанз убхоби сод̇аабаннаа ахзсум̣. ат̇а бхаг̇аванд̇ам̣ яаажим̣су – ‘‘яаава, бханд̇з, бхаг̇аваа имам̣ наг̇арам̣ убаниссааяа вихарад̇и, амхаагам̣язва гхарз бхигкаа г̇ахзд̇аб̣б̣аа’’д̇и. бхаг̇аваа ‘‘на б̣уд̣̇д̇хаа звам̣ згам̣ ниб̣ад̣̇д̇хадтаанам̣язва г̇ажчанд̇ий’’д̇и бадигкиби. д̇з аахам̣су – ‘‘д̇зна хи, бханд̇з, бхигкусан̇гхзна сад̣̇д̇хим̣ бин̣д̣ааяа жарид̇вааби д̇умхз ид̇хзва бхад̇д̇агижжам̣ гад̇ваа д̇хаммам̣ д̣̇зсзд̇ваа вихаарам̣ г̇ажчат̇аа’’д̇и. бхаг̇аваа д̇зсам̣ ануг̇г̇ахад̇т̇ааяа д̇ат̇аа агааси. мануссаа б̣раахман̣ан̃жа б̣раахман̣ин̃жа ‘‘б̣уд̣̇д̇хабид̇аа б̣уд̣̇д̇хамаад̇аа’’ д̇взва вохарим̣су. д̇амби гулам̣ ‘‘б̣уд̣̇д̇хагула’’нд̇и наамам̣ лабхи.
Brāhmaṇopi vacchagiddhinīva gāvī āgantvā bhagavato kāyaṃ purato ca pacchato ca dakkhiṇato ca vāmato cāti samantā āliṅgi ‘‘ciradiṭṭhosi, putta, ciraṃ vinā ahosī’’ti bhaṇanto. Yadi pana so tathā kātuṃ na labheyya, hadayaṃ phāletvā mareyya. So bhagavantaṃ avoca – ‘‘bhagavā tumhehi saddhiṃ āgatabhikkhūnaṃ ahameva bhikkhaṃ dātuṃ samattho, mameva anuggahaṃ karothā’’ti. Adhivāsesi bhagavā tuṇhībhāvena. Brāhmaṇo bhagavato pattaṃ gahetvā purato gacchanto brāhmaṇiyā pesesi – ‘‘putto me āgato, āsanaṃ paññāpetabba’’nti. Sā tathā katvā āgamanaṃ passantī ṭhitā bhagavantaṃ antaravīthiyaṃyeva disvā puttasinehaṃ uppādetvā ‘‘ciradiṭṭhosi, putta, mayā’’ti pādesu gahetvā roditvā gharaṃ atinetvā sakkaccaṃ bhojesi. Bhuttāvino brāhmaṇo pattaṃ apanāmesi. Bhagavā tesaṃ sappāyaṃ viditvā dhammaṃ desesi, desanāpariyosāne ubhopi sotāpannā ahesuṃ. Atha bhagavantaṃ yāciṃsu – ‘‘yāva, bhante, bhagavā imaṃ nagaraṃ upanissāya viharati, amhākaṃyeva ghare bhikkhā gahetabbā’’ti. Bhagavā ‘‘na buddhā evaṃ ekaṃ nibaddhaṭṭhānaṃyeva gacchantī’’ti paṭikkhipi. Te āhaṃsu – ‘‘tena hi, bhante, bhikkhusaṅghena saddhiṃ piṇḍāya caritvāpi tumhe idheva bhattakiccaṃ katvā dhammaṃ desetvā vihāraṃ gacchathā’’ti. Bhagavā tesaṃ anuggahatthāya tathā akāsi. Manussā brāhmaṇañca brāhmaṇiñca ‘‘buddhapitā buddhamātā’’ tveva vohariṃsu. Tampi kulaṃ ‘‘buddhakula’’nti nāmaṃ labhi.
аананд̣̇ад̇т̇зро бхаг̇аванд̇ам̣ бужчи – ‘‘ахам̣ бхаг̇авад̇о маад̇аабид̇аро ж̇аанаами, имз бана гасмаа вад̣̇анд̇и ‘ахам̣ б̣уд̣̇д̇хамаад̇аа ахам̣ б̣уд̣̇д̇хабид̇аа’’’д̇и. бхаг̇аваа ааха – ‘‘ниранд̇арам̣ мз, аананд̣̇а, б̣раахман̣ий жа б̣раахман̣о жа бан̃жа ж̇аад̇исад̇аани маад̇аабид̇аро ахзсум̣, бан̃жа ж̇аад̇исад̇аани маад̇аабид̇уунам̣ ж̇здтагаа, бан̃жа ж̇аад̇исад̇аани ганидтагаа. д̇з буб̣б̣асинзхзнзва гат̇знд̇ий’’д̇и иман̃жа г̇аат̇амабхааси –
Ānandatthero bhagavantaṃ pucchi – ‘‘ahaṃ bhagavato mātāpitaro jānāmi, ime pana kasmā vadanti ‘ahaṃ buddhamātā ahaṃ buddhapitā’’’ti. Bhagavā āha – ‘‘nirantaraṃ me, ānanda, brāhmaṇī ca brāhmaṇo ca pañca jātisatāni mātāpitaro ahesuṃ, pañca jātisatāni mātāpitūnaṃ jeṭṭhakā, pañca jātisatāni kaniṭṭhakā. Te pubbasineheneva kathentī’’ti imañca gāthamabhāsi –
‘‘буб̣б̣зва санниваасзна, бажжуббаннахид̇зна ваа;
‘‘Pubbeva sannivāsena, paccuppannahitena vā;
звам̣ д̇ам̣ ж̇ааяад̇з бзмам̣, уббалам̣ва яат̇од̣̇агз’’д̇и. (ж̇аа. 1.2.174);
Evaṃ taṃ jāyate pemaṃ, uppalaṃva yathodake’’ti. (jā. 1.2.174);
д̇ад̇о бхаг̇аваа саагзд̇з яат̇аабхиранд̇ам̣ вихарид̇ваа буна жааригам̣ жарамаано саавад̇т̇имзва аг̇амааси. соби б̣раахман̣о жа б̣раахман̣ий жа бхигкуу убасан̇гамид̇ваа бад̇ируубам̣ д̇хаммад̣̇зсанам̣ суд̇ваа сзсамаг̇г̇з баабун̣ид̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣ааяим̣су. наг̇арз б̣раахман̣аа саннибад̇им̣су ‘‘амхаагам̣ н̃аад̇агз саггариссаамаа’’д̇и. сод̇аабаннасагад̣̇ааг̇аамианааг̇аамино убаасагааби саннибад̇им̣су убаасигааяо жа ‘‘амхаагам̣ сахад̇хаммигз саггариссаамаа’’д̇и. д̇з саб̣б̣зби гамб̣алагуудааг̇аарам̣ ааробзд̇ваа маалааг̇анд̇хаад̣̇ийхи бууж̇знд̇аа наг̇араа нигкаамзсум̣.
Tato bhagavā sākete yathābhirantaṃ viharitvā puna cārikaṃ caramāno sāvatthimeva agamāsi. Sopi brāhmaṇo ca brāhmaṇī ca bhikkhū upasaṅkamitvā patirūpaṃ dhammadesanaṃ sutvā sesamagge pāpuṇitvā anupādisesāya nibbānadhātuyā parinibbāyiṃsu. Nagare brāhmaṇā sannipatiṃsu ‘‘amhākaṃ ñātake sakkarissāmā’’ti. Sotāpannasakadāgāmianāgāmino upāsakāpi sannipatiṃsu upāsikāyo ca ‘‘amhākaṃ sahadhammike sakkarissāmā’’ti. Te sabbepi kambalakūṭāgāraṃ āropetvā mālāgandhādīhi pūjentā nagarā nikkhāmesuṃ.
бхаг̇авааби д̇ам̣ д̣̇ивасам̣ бажжуусасамаяз б̣уд̣̇д̇хажагкунаа логам̣ вологзнд̇о д̇зсам̣ бариниб̣б̣аанабхаавам̣ н̃ад̇ваа ‘‘д̇ад̇т̇а маяи г̇ад̇з д̇хаммад̣̇зсанам̣ суд̇ваа б̣ахуж̇анасса д̇хаммаабхисамаяо бхависсад̇ий’’д̇и н̃ад̇ваа бад̇д̇ажийварамаад̣̇ааяа саавад̇т̇ид̇о ааг̇анд̇ваа аал̣ааханамзва баависи. мануссаа д̣̇исваа ‘‘маад̇аабид̇уунам̣ сарийрагижжам̣ гаад̇угаамо бхаг̇аваа ааг̇ад̇о’’д̇и ванд̣̇ид̇ваа адтам̣су. нааг̇арааби гуудааг̇аарам̣ бууж̇знд̇аа аал̣ааханам̣ аанзд̇ваа бхаг̇аванд̇ам̣ бужчим̣су – ‘‘г̇ахадтаарияасаавагаа гат̇ам̣ бууж̇зд̇аб̣б̣аа’’д̇и. бхаг̇аваа ‘‘яат̇аа асзгкаа бууж̇ияанд̇и, д̇ат̇аа бууж̇зд̇аб̣б̣аа имз’’д̇и ад̇хиббааязна д̇зсам̣ асзгкамунибхаавам̣ д̣̇ийбзнд̇о имам̣ г̇аат̇амааха –
Bhagavāpi taṃ divasaṃ paccūsasamaye buddhacakkhunā lokaṃ volokento tesaṃ parinibbānabhāvaṃ ñatvā ‘‘tattha mayi gate dhammadesanaṃ sutvā bahujanassa dhammābhisamayo bhavissatī’’ti ñatvā pattacīvaramādāya sāvatthito āgantvā āḷāhanameva pāvisi. Manussā disvā ‘‘mātāpitūnaṃ sarīrakiccaṃ kātukāmo bhagavā āgato’’ti vanditvā aṭṭhaṃsu. Nāgarāpi kūṭāgāraṃ pūjentā āḷāhanaṃ ānetvā bhagavantaṃ pucchiṃsu – ‘‘gahaṭṭhaariyasāvakā kathaṃ pūjetabbā’’ti. Bhagavā ‘‘yathā asekkhā pūjiyanti, tathā pūjetabbā ime’’ti adhippāyena tesaṃ asekkhamunibhāvaṃ dīpento imaṃ gāthamāha –
‘‘ахим̣сагаа яз мунаяо, нижжам̣ гааязна сам̣вуд̇аа;
‘‘Ahiṃsakā ye munayo, niccaṃ kāyena saṃvutā;
д̇з яанд̇и ажжуд̇ам̣ таанам̣, яад̇т̇а г̇анд̇ваа на сожарз’’д̇и. (д̇ха. ба. 225);
Te yanti accutaṃ ṭhānaṃ, yattha gantvā na socare’’ti. (dha. pa. 225);
д̇ан̃жа барисам̣ ологзд̇ваа д̇ан̇кан̣аануруубам̣ д̇хаммам̣ д̣̇зсзнд̇о имам̣ суд̇д̇амабхааси.
Tañca parisaṃ oloketvā taṅkhaṇānurūpaṃ dhammaṃ desento imaṃ suttamabhāsi.
д̇ад̇т̇а аббам̣ вад̇а ж̇ийвид̇ам̣ ид̣̇анд̇и ‘‘ид̣̇ам̣ вад̇а мануссаанам̣ ж̇ийвид̇ам̣ аббам̣ барид̇д̇ам̣ тид̇ибарид̇д̇ад̇ааяа сарасабарид̇д̇ад̇ааяаа’’д̇и салласуд̇д̇зби вуд̇д̇анаяамзд̇ам̣. орам̣ вассасад̇ааби мияяад̇ийд̇и вассасад̇аа орам̣ галалаад̣̇игаалзби мияяад̇и. ад̇ижжаад̇и вассасад̇ам̣ ад̇иггамид̇ваа. ж̇арасааби мияяад̇ийд̇и ж̇арааяаби мияяад̇и.
Tattha appaṃ vata jīvitaṃ idanti ‘‘idaṃ vata manussānaṃ jīvitaṃ appaṃ parittaṃ ṭhitiparittatāya sarasaparittatāyā’’ti sallasuttepi vuttanayametaṃ. Oraṃ vassasatāpi miyyatīti vassasatā oraṃ kalalādikālepi miyyati. Aticcāti vassasataṃ atikkamitvā. Jarasāpi miyyatīti jarāyapi miyyati.
812-6. мамааяид̇зд̇и мамааяид̇авад̇т̇угааран̣аа. винаабхаавасанд̇амзвид̣̇анд̇и санд̇авинаабхаавам̣ виж̇ж̇амаанавинаабхаавамзва ид̣̇ам̣, на саггаа авинаабхаавзна бхавид̇унд̇и вуд̇д̇ам̣ ход̇и. маамагод̇и мама убаасаго бхигку ваад̇и сан̇кам̣ г̇ад̇о, б̣уд̣̇д̇хаад̣̇ийни ваа вад̇т̇ууни мамааяамаано. сан̇г̇ад̇анд̇и самааг̇ад̇ам̣ д̣̇идтабуб̣б̣ам̣ ваа. бияааяид̇анд̇и бияам̣ гад̇ам̣. наамам̣язваавасиссад̇и агкзяяанд̇и саб̣б̣ам̣ руубаад̣̇ид̇хаммаж̇аад̇ам̣ бахийяад̇и, наамамад̇д̇амзва д̇у авасиссад̇и ‘‘б̣уд̣̇д̇харагкид̇о, д̇хаммарагкид̇о’’д̇и звам̣ сан̇каад̇ум̣ гат̇зд̇ум̣. мунаяод̇и кийн̣аасавамунаяо. кзмад̣̇ассинод̇и ниб̣б̣аанад̣̇ассино.
812-6.Mamāyiteti mamāyitavatthukāraṇā. Vinābhāvasantamevidanti santavinābhāvaṃ vijjamānavinābhāvameva idaṃ, na sakkā avinābhāvena bhavitunti vuttaṃ hoti. Māmakoti mama upāsako bhikkhu vāti saṅkhaṃ gato, buddhādīni vā vatthūni mamāyamāno. Saṅgatanti samāgataṃ diṭṭhapubbaṃ vā. Piyāyitanti piyaṃ kataṃ. Nāmaṃyevāvasissati akkheyyanti sabbaṃ rūpādidhammajātaṃ pahīyati, nāmamattameva tu avasissati ‘‘buddharakkhito, dhammarakkhito’’ti evaṃ saṅkhātuṃ kathetuṃ. Munayoti khīṇāsavamunayo. Khemadassinoti nibbānadassino.
817. сад̇д̇амаг̇аат̇аа звам̣ маран̣аб̣бхаахад̇з логз ануруубабадибад̇д̇ид̣̇ассанад̇т̇ам̣ вуд̇д̇аа. д̇ад̇т̇а бад̇илийнажарассаад̇и д̇ад̇о д̇ад̇о бад̇илийнам̣ жид̇д̇ам̣ гад̇ваа жаранд̇асса. бхигкунод̇и галяаан̣абут̇уж̇ж̇анасса сзгкасса ваа. саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаязд̇и д̇ассзд̇ам̣ бад̇ируубамааху, яо звам̣бадибанно нираяаад̣̇ибхзд̣̇з бхаванз ад̇д̇аанам̣ на д̣̇ассзяяа. зван̃хи со имамхаа маран̣аа мужжзяяаад̇и ад̇хиббааяо.
817. Sattamagāthā evaṃ maraṇabbhāhate loke anurūpapaṭipattidassanatthaṃ vuttā. Tattha patilīnacarassāti tato tato patilīnaṃ cittaṃ katvā carantassa. Bhikkhunoti kalyāṇaputhujjanassa sekkhassa vā. Sāmaggiyamāhu tassataṃ,yo attānaṃ bhavane na dassayeti tassetaṃ patirūpamāhu, yo evaṃpaṭipanno nirayādibhede bhavane attānaṃ na dasseyya. Evañhi so imamhā maraṇā mucceyyāti adhippāyo.
818-20. ид̣̇аани яо ‘‘ад̇д̇аанам̣ бхаванз на д̣̇ассаяз’’д̇и звам̣ кийн̣аасаво вибхаавид̇о, д̇асса ван̣н̣абхан̣анад̇т̇ам̣ ид̇о бараа д̇иссо г̇аат̇ааяо ааха. д̇ад̇т̇а саб̣б̣ад̇т̇аад̇и д̣̇ваад̣̇асасу ааяад̇анзсу. яад̣̇ид̣̇ам̣ д̣̇идтасуд̇ам̣ муд̇зсу ваад̇и зд̇т̇а бана яад̣̇ид̣̇ам̣ д̣̇идтасуд̇ам̣, зд̇т̇а ваа муд̇зсу ваа д̇хаммзсу звам̣ муни на убалимбад̇ийд̇и звам̣ самб̣анд̇хо взд̣̇ид̇аб̣б̣о. д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇ам̣ муд̇зсу ваад̇и ад̇рааби яад̣̇ид̣̇ам̣ д̣̇идтасуд̇д̇ам̣, д̇зна вад̇т̇унаа на ман̃н̃ад̇и, муд̇зсу ваа д̇хаммзсу на ман̃н̃ад̇ийд̇и звамзва самб̣анд̇хо взд̣̇ид̇аб̣б̣о. на хи со раж̇ж̇ад̇и но вираж̇ж̇ад̇ийд̇и. б̣аалабут̇уж̇ж̇анаа вияа на раж̇ж̇ад̇и, галяаан̣абут̇уж̇ж̇анасзгкаа вияа на вираж̇ж̇ад̇и, рааг̇асса бана кийн̣ад̇д̇аа ‘‘вирааг̇о’’д̇взва сан̇кам̣ г̇ажчад̇и. сзсам̣ саб̣б̣ад̇т̇а баагадамзваад̇и. д̣̇зсанаабарияосаанз жад̇ураасийд̇ияаа баан̣асахассаанам̣ д̇хаммаабхисамаяо ахосийд̇и.
818-20. Idāni yo ‘‘attānaṃ bhavane na dassaye’’ti evaṃ khīṇāsavo vibhāvito, tassa vaṇṇabhaṇanatthaṃ ito parā tisso gāthāyo āha. Tattha sabbatthāti dvādasasu āyatanesu. Yadidaṃ diṭṭhasutaṃ mutesu vāti ettha pana yadidaṃ diṭṭhasutaṃ, ettha vā mutesu vā dhammesu evaṃ muni na upalimpatīti evaṃ sambandho veditabbo. Dhono na hi tena maññati, yadidaṃ diṭṭhasutaṃ mutesu vāti atrāpi yadidaṃ diṭṭhasuttaṃ, tena vatthunā na maññati, mutesu vā dhammesu na maññatīti evameva sambandho veditabbo. Na hi so rajjati no virajjatīti. Bālaputhujjanā viya na rajjati, kalyāṇaputhujjanasekkhā viya na virajjati, rāgassa pana khīṇattā ‘‘virāgo’’tveva saṅkhaṃ gacchati. Sesaṃ sabbattha pākaṭamevāti. Desanāpariyosāne caturāsītiyā pāṇasahassānaṃ dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа ж̇араасуд̇д̇аван̣н̣анаа нидтид̇аа.
Suttanipāta-aṭṭhakathāya jarāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 6. ж̇араасуд̇д̇ам̣ • 6. Jarāsuttaṃ
