| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[256] 6. ж̇арууд̣̇абаанаж̇аад̇агаван̣н̣анаа
[256] 6. Jarūdapānajātakavaṇṇanā
ж̇арууд̣̇абаанам̣ кан̣амаанаад̇и ид̣̇ам̣ сад̇т̇аа ж̇зд̇аванз вихаранд̇о саавад̇т̇иваасино ваан̣иж̇з аараб̣бха гат̇зси. д̇з гира саавад̇т̇ияам̣ бхан̣д̣ам̣ г̇ахзд̇ваа сагадаани буурзд̇ваа вохаарад̇т̇ааяа г̇аманагаалз д̇ат̇ааг̇ад̇ам̣ ниманд̇зд̇ваа саран̣аани г̇ахзд̇ваа сийлзсу бад̇идтааяа сад̇т̇аарам̣ ванд̣̇ид̇ваа ‘‘маяам̣, бханд̇з, вохаарад̇т̇ааяа д̣̇ийгхамаг̇г̇ам̣ г̇амиссаама, бхан̣д̣ам̣ виссаж̇ж̇зд̇ваа сид̣̇д̇хиббад̇д̇аа сод̇т̇инаа бажжааг̇анд̇ваа бана д̇умхз ванд̣̇иссаамаа’’д̇и вад̇ваа маг̇г̇ам̣ бадибаж̇ж̇им̣су. д̇з ганд̇аарамаг̇г̇з бураан̣ауд̣̇абаанам̣ д̣̇исваа ‘‘имасмим̣ уд̣̇абаанз баанийяам̣ над̇т̇и, маяан̃жа бибаасид̇аа, кан̣иссаама на’’нд̇и кан̣анд̇аа бадибаадияаа б̣ахум̣ аяам̣…бз… взл̣урияам̣ лабхим̣су. д̇з д̇знзва санд̇удтаа худ̇ваа д̇зсам̣ рад̇анаанам̣ сагадаани буурзд̇ваа сод̇т̇инаа саавад̇т̇им̣ бажжааг̇амим̣су. д̇з аабхад̇ам̣ д̇ханам̣ бадисаамзд̇ваа маяам̣ ‘‘сид̣̇д̇хиббад̇д̇аа бхад̇д̇ам̣ д̣̇ассаамаа’’д̇и д̇ат̇ааг̇ад̇ам̣ ниманд̇зд̇ваа д̣̇аанам̣ д̣̇ад̇ваа ванд̣̇ид̇ваа згаманд̇ам̣ нисиннаа ад̇д̇ано д̇ханасса лад̣̇д̇хаагаарам̣ сад̇т̇у аарожзсум̣. сад̇т̇аа ‘‘д̇умхз ко убаасагаа д̇зна д̇ханзна санд̇удтаа худ̇ваа бамаан̣ан̃н̃уд̇ааяа д̇ханан̃жа ж̇ийвид̇ан̃жа алабхид̇т̇а, бораан̣агаа бана асанд̇удтаа амад̇д̇ан̃н̃уно бан̣д̣ид̇аанам̣ важанам̣ агад̇ваа ж̇ийвигкаяам̣ бад̇д̇аа’’д̇и вад̇ваа д̇зхи яаажид̇о ад̇ийд̇ам̣ аахари.
Jarūdapānaṃ khaṇamānāti idaṃ satthā jetavane viharanto sāvatthivāsino vāṇije ārabbha kathesi. Te kira sāvatthiyaṃ bhaṇḍaṃ gahetvā sakaṭāni pūretvā vohāratthāya gamanakāle tathāgataṃ nimantetvā saraṇāni gahetvā sīlesu patiṭṭhāya satthāraṃ vanditvā ‘‘mayaṃ, bhante, vohāratthāya dīghamaggaṃ gamissāma, bhaṇḍaṃ vissajjetvā siddhippattā sotthinā paccāgantvā pana tumhe vandissāmā’’ti vatvā maggaṃ paṭipajjiṃsu. Te kantāramagge purāṇaudapānaṃ disvā ‘‘imasmiṃ udapāne pānīyaṃ natthi, mayañca pipāsitā, khaṇissāma na’’nti khaṇantā paṭipāṭiyā bahuṃ ayaṃ…pe… veḷuriyaṃ labhiṃsu. Te teneva santuṭṭhā hutvā tesaṃ ratanānaṃ sakaṭāni pūretvā sotthinā sāvatthiṃ paccāgamiṃsu. Te ābhataṃ dhanaṃ paṭisāmetvā mayaṃ ‘‘siddhippattā bhattaṃ dassāmā’’ti tathāgataṃ nimantetvā dānaṃ datvā vanditvā ekamantaṃ nisinnā attano dhanassa laddhākāraṃ satthu ārocesuṃ. Satthā ‘‘tumhe kho upāsakā tena dhanena santuṭṭhā hutvā pamāṇaññutāya dhanañca jīvitañca alabhittha, porāṇakā pana asantuṭṭhā amattaññuno paṇḍitānaṃ vacanaṃ akatvā jīvikkhayaṃ pattā’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ ваан̣иж̇агулз ниб̣б̣ад̇д̇ид̇ваа ваяаббад̇д̇о сад̇т̇аваахаж̇здтаго ахоси. со б̣аараан̣асияам̣ бхан̣д̣ам̣ г̇ахзд̇ваа сагадаани буурзд̇ваа б̣ахуу ваан̣иж̇з аад̣̇ааяа д̇амзва ганд̇аарам̣ бадибанно д̇амзва уд̣̇абаанам̣ ад̣̇д̣̇аса. д̇ад̇т̇а д̇з ваан̣иж̇аа ‘‘баанийяам̣ бивиссаамаа’’д̇и д̇ам̣ уд̣̇абаанам̣ кан̣анд̇аа бадибаадияаа б̣ахууни аяаад̣̇ийни лабхим̣су. д̇з б̣ахумби рад̇анам̣ лабхид̇ваа д̇зна асанд̇удтаа ‘‘ан̃н̃амби зд̇т̇а ид̇о сунд̣̇арад̇арам̣ бхависсад̇ий’’д̇и бхияяосомад̇д̇ааяа д̇ам̣ кан̣им̣суязва. ат̇а б̣од̇хисад̇д̇о д̇з ааха – ‘‘бхо ваан̣иж̇аа, лобхо наамзса винаасамуулам̣, амхзхи б̣аху д̇ханам̣ лад̣̇д̇хам̣, зд̇д̇агзнзва санд̇удтаа хот̇а, маа ад̇икан̣ат̇аа’’д̇и. д̇з д̇зна ниваарияамаанааби кан̣им̣суязва. со жа уд̣̇абаано нааг̇абариг̇г̇ахид̇о, ат̇асса хздтаа васанаганааг̇арааж̇аа ад̇д̇ано вимаанз бхиж̇ж̇анд̇з лзд̣д̣уусуу жа бам̣суусу жа бад̇амаанзсу гуд̣̇д̇хо табзд̇ваа б̣од̇хисад̇д̇ам̣ авасзсз саб̣б̣зби наасигаваад̇зна бахарид̇ваа ж̇ийвид̇агкаяам̣ баабзд̇ваа нааг̇абхаванаа нигкамма сагадаани яож̇зд̇ваа саб̣б̣арад̇анаанам̣ буурзд̇ваа б̣од̇хисад̇д̇ам̣ сукаяаанагз нисийд̣̇аабзд̇ваа нааг̇амаан̣авагзхи сад̣̇д̇хим̣ сагадаани яож̇аабзнд̇о б̣од̇хисад̇д̇ам̣ б̣аараан̣асим̣ нзд̇ваа гхарам̣ бавзсзд̇ваа д̇ам̣ бадисаамзд̇ваа ад̇д̇ано нааг̇абхаванамзва г̇ад̇о. б̣од̇хисад̇д̇о д̇ам̣ д̇ханам̣ виссаж̇ж̇зд̇ваа сагалаж̇амб̣уд̣̇ийбам̣ уннан̇г̇алам̣ гад̇ваа д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа ж̇ийвид̇абарияосаанз саг̇г̇абурам̣ буурзси.
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ vāṇijakule nibbattitvā vayappatto satthavāhajeṭṭhako ahosi. So bārāṇasiyaṃ bhaṇḍaṃ gahetvā sakaṭāni pūretvā bahū vāṇije ādāya tameva kantāraṃ paṭipanno tameva udapānaṃ addasa. Tattha te vāṇijā ‘‘pānīyaṃ pivissāmā’’ti taṃ udapānaṃ khaṇantā paṭipāṭiyā bahūni ayādīni labhiṃsu. Te bahumpi ratanaṃ labhitvā tena asantuṭṭhā ‘‘aññampi ettha ito sundarataraṃ bhavissatī’’ti bhiyyosomattāya taṃ khaṇiṃsuyeva. Atha bodhisatto te āha – ‘‘bho vāṇijā, lobho nāmesa vināsamūlaṃ, amhehi bahu dhanaṃ laddhaṃ, ettakeneva santuṭṭhā hotha, mā atikhaṇathā’’ti. Te tena nivāriyamānāpi khaṇiṃsuyeva. So ca udapāno nāgapariggahito, athassa heṭṭhā vasanakanāgarājā attano vimāne bhijjante leḍḍūsū ca paṃsūsu ca patamānesu kuddho ṭhapetvā bodhisattaṃ avasese sabbepi nāsikavātena paharitvā jīvitakkhayaṃ pāpetvā nāgabhavanā nikkhamma sakaṭāni yojetvā sabbaratanānaṃ pūretvā bodhisattaṃ sukhayānake nisīdāpetvā nāgamāṇavakehi saddhiṃ sakaṭāni yojāpento bodhisattaṃ bārāṇasiṃ netvā gharaṃ pavesetvā taṃ paṭisāmetvā attano nāgabhavanameva gato. Bodhisatto taṃ dhanaṃ vissajjetvā sakalajambudīpaṃ unnaṅgalaṃ katvā dānaṃ datvā sīlaṃ samādiyitvā uposathakammaṃ katvā jīvitapariyosāne saggapuraṃ pūresi.
сад̇т̇аа имам̣ д̇хаммад̣̇зсанам̣ аахарид̇ваа абхисамб̣уд̣̇д̇хо худ̇ваа имаа г̇аат̇аа авожа –
Satthā imaṃ dhammadesanaṃ āharitvā abhisambuddho hutvā imā gāthā avoca –
16.
16.
‘‘ж̇арууд̣̇абаанам̣ кан̣амаанаа, ваан̣иж̇аа уд̣̇агад̇т̇игаа;
‘‘Jarūdapānaṃ khaṇamānā, vāṇijā udakatthikā;
аж̇жхаг̇амум̣ аяасам̣ лохам̣, д̇ибусийсан̃жа ваан̣иж̇аа;
Ajjhagamuṃ ayasaṃ lohaṃ, tipusīsañca vāṇijā;
раж̇ад̇ам̣ ж̇аад̇аруубан̃жа, муд̇д̇аа взл̣урияаа б̣ахуу.
Rajataṃ jātarūpañca, muttā veḷuriyā bahū.
17.
17.
‘‘д̇з жа д̇зна асанд̇удтаа, бхияяо бхияяо акаан̣исум̣;
‘‘Te ca tena asantuṭṭhā, bhiyyo bhiyyo akhāṇisuṃ;
д̇з д̇ад̇т̇аасийвисо гхоро, д̇зж̇ассий д̇зж̇асаа хани.
Te tatthāsīviso ghoro, tejassī tejasā hani.
18.
18.
‘‘д̇асмаа кан̣з наад̇икан̣з, ад̇икаад̇ан̃хи баабагам̣;
‘‘Tasmā khaṇe nātikhaṇe, atikhātañhi pāpakaṃ;
каад̇зна жа д̇ханам̣ лад̣̇д̇хам̣, ад̇икаад̇зна наасид̇а’’нд̇и.
Khātena ca dhanaṃ laddhaṃ, atikhātena nāsita’’nti.
д̇ад̇т̇а аяасанд̇и гаал̣алохам̣. лоханд̇и д̇амб̣алохам̣. муд̇д̇аад̇и муд̇д̇ааяо. д̇з жа д̇зна асанд̇удтаад̇и д̇з жа ваан̣иж̇аа д̇зна д̇ханзна асанд̇удтаа. д̇з д̇ад̇т̇аад̇и д̇з ваан̣иж̇аа д̇асмим̣ уд̣̇абаанз. д̇зж̇ассийд̇и висад̇зж̇зна саманнааг̇ад̇о. д̇зж̇асаа ханийд̇и висад̇зж̇зна гхаад̇зси. ад̇икаад̇зна наасид̇анд̇и ад̇икан̣зна д̇ан̃жа д̇ханам̣ ж̇ийвид̇ан̃жа наасид̇ам̣.
Tattha ayasanti kāḷalohaṃ. Lohanti tambalohaṃ. Muttāti muttāyo. Te ca tena asantuṭṭhāti te ca vāṇijā tena dhanena asantuṭṭhā. Te tatthāti te vāṇijā tasmiṃ udapāne. Tejassīti visatejena samannāgato. Tejasā hanīti visatejena ghātesi. Atikhātena nāsitanti atikhaṇena tañca dhanaṃ jīvitañca nāsitaṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа нааг̇арааж̇аа саарибуд̇д̇о ахоси, сад̇т̇аваахаж̇здтаго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā nāgarājā sāriputto ahosi, satthavāhajeṭṭhako pana ahameva ahosi’’nti.
ж̇арууд̣̇абаанаж̇аад̇агаван̣н̣анаа чадтаа.
Jarūdapānajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 256. ж̇арууд̣̇абаанаж̇аад̇агам̣ • 256. Jarūdapānajātakaṃ
