| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਜਾਤਿਪੂਜਕਤ੍ਥੇਰਅਪਦਾਨવਣ੍ਣਨਾ
10. Jātipūjakattheraapadānavaṇṇanā
ਜਾਯਂ ਤਸ੍ਸ વਿਪਸ੍ਸਿਸ੍ਸਾਤਿਆਦਿਕਂ ਆਯਸ੍ਮਤੋ ਜਾਤਿਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਨਕ੍ਖਤ੍ਤਪਾਠਕੇਹਿ વਿਪਸ੍ਸਿਬੋਧਿਸਤ੍ਤਸ੍ਸ વੁਤ੍ਤਲਕ੍ਖਣਨਿਮਿਤ੍ਤਂ ਸੁਤ੍વਾ ‘‘ਅਯਂ ਕਿਰ ਕੁਮਾਰੋ ਬੁਦ੍ਧੋ ਹੁਤ੍વਾ ਸਕਲਲੋਕਸ੍ਸ ਅਗ੍ਗੋ ਸੇਟ੍ਠੋ ਸੁਤ੍વਾ ਸਬ੍ਬਸਤ੍ਤੇ ਸਂਸਾਰਤੋ ਉਦ੍ਧਰਿਸ੍ਸਤੀ’’ਤਿ ਸੁਤ੍વਾ ਤਂ ਭਗવਨ੍ਤਂ ਕੁਮਾਰਕਾਲੇਯੇવ ਬੁਦ੍ਧਸ੍ਸ વਿਯ ਮਹਾਪੂਜਮਕਾਸਿ। ਪਚ੍ਛਾ ਕਮੇਨ ਕੁਮਾਰਕਾਲਂ ਰਾਜਕੁਮਾਰਕਾਲਂ ਰਜ੍ਜਕਾਲਨ੍ਤਿ ਕਾਲਤ੍ਤਯਮਤਿਕ੍ਕਮ੍ਮ ਬੁਦ੍ਧੇ ਜਾਤੇਪਿ ਮਹਾਪੂਜਂ ਕਤ੍વਾ ਤਤੋ ਚੁਤੋ ਤੁਸਿਤਾਦੀਸੁ ਨਿਬ੍ਬਤ੍ਤੋ ਦਿਬ੍ਬਸੁਖਮਨੁਭવਿਤ੍વਾ ਪਚ੍ਛਾ ਮਨੁਸ੍ਸੇਸੁ ਚਕ੍ਕવਤ੍ਤਾਦਿਮਨੁਸ੍ਸਸੁਖਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ ਸਤ੍ਤਟ੍ਠવਸ੍ਸਕਾਲੇਯੇવ ਭਗવਤਿ ਪਸਨ੍ਨੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Jāyaṃ tassa vipassissātiādikaṃ āyasmato jātipūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto nakkhattapāṭhakehi vipassibodhisattassa vuttalakkhaṇanimittaṃ sutvā ‘‘ayaṃ kira kumāro buddho hutvā sakalalokassa aggo seṭṭho sutvā sabbasatte saṃsārato uddharissatī’’ti sutvā taṃ bhagavantaṃ kumārakāleyeva buddhassa viya mahāpūjamakāsi. Pacchā kamena kumārakālaṃ rājakumārakālaṃ rajjakālanti kālattayamatikkamma buddhe jātepi mahāpūjaṃ katvā tato cuto tusitādīsu nibbatto dibbasukhamanubhavitvā pacchā manussesu cakkavattādimanussasukhamanubhavitvā imasmiṃ buddhuppāde kulagehe nibbatto sattaṭṭhavassakāleyeva bhagavati pasanno pabbajitvā vipassanaṃ vaḍḍhetvā nacirasseva arahā ahosi.
੮੨. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਜਾਯਂ ਤਸ੍ਸ વਿਪਸ੍ਸਿਸ੍ਸਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ।
82. So aparabhāge attano pubbakammaṃ saritvā somanassajāto pubbacaritāpadānaṃ pakāsento jāyaṃ tassa vipassissātiādimāha. Taṃ heṭṭhā vuttatthameva.
੮੪. ਨੇਮਿਤ੍ਤਾਨਂ ਸੁਣਿਤ੍વਾਨਾਤਿ ਏਤ੍ਥ ਨਿਮਿਤ੍ਤਂ ਕਾਰਣਂ ਸੁਖਦੁਕ੍ਖਪ੍ਪਤ੍ਤਿਹੇਤੁਂ ਜਾਨਨ੍ਤੀਤਿ ਨੇਮਿਤ੍ਤਾ, ਤੇਸਂ ਨੇਮਿਤ੍ਤਾਨਂ ਨਕ੍ਖਤ੍ਤਪਾਠਕਾਨਂ વਚਨਂ ਸੁਣਿਤ੍વਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
84.Nemittānaṃ suṇitvānāti ettha nimittaṃ kāraṇaṃ sukhadukkhappattihetuṃ jānantīti nemittā, tesaṃ nemittānaṃ nakkhattapāṭhakānaṃ vacanaṃ suṇitvāti attho. Sesaṃ sabbattha uttānamevāti.
ਜਾਤਿਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Jātipūjakattheraapadānavaṇṇanā samattā.
ਦ੍વਾਦਸਮવਗ੍ਗવਣ੍ਣਨਾ ਸਮਤ੍ਤਾ।
Dvādasamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਜਾਤਿਪੂਜਕਤ੍ਥੇਰਅਪਦਾਨਂ • 10. Jātipūjakattheraapadānaṃ
