| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
11. ж̇ад̇уган̣н̣исуд̇д̇аван̣н̣анаа
11. Jatukaṇṇisuttavaṇṇanā
1103-4. суд̇ваанаханд̇и ж̇ад̇уган̣н̣исуд̇д̇ам̣. д̇ад̇т̇а суд̇ваанахам̣ вийрамагаамагааминд̇и ахам̣ ‘‘ид̇иби со бхаг̇аваа’’д̇иаад̣̇инаа наязна вийрам̣ гаамаанам̣ агааманад̇о агаамагаамим̣ б̣уд̣̇д̇хам̣ суд̇ваа. агаамамааг̇аманд̇и ниггаамам̣ бхаг̇аванд̇ам̣ бужчид̇ум̣ ааг̇ад̇омхи. сахаж̇анзд̇д̇аад̇и сахаж̇аад̇асаб̣б̣ан̃н̃уд̇ан̃н̃аан̣ажагку. яат̇аад̇ажчанд̇и яат̇аад̇ат̇ам̣. б̣руухи мзд̇и буна яаажанд̇о бхан̣ад̇и. яаажанд̇о хи сахассагкад̇д̇умби бхан̣зяяа, го бана ваад̣̇о д̣̇вигкад̇д̇ум̣. д̇зж̇ий д̇зж̇асаад̇и д̇зж̇зна саманнааг̇ад̇о д̇зж̇асаа абхибхуяяа. яамахам̣ виж̇ан̃н̃ам̣ ж̇аад̇иж̇арааяа ид̇ха виббахаананд̇и яамахам̣ ж̇аад̇иж̇араанам̣ бахаанабхууд̇ам̣ д̇хаммам̣ ид̇хзва ж̇аанзяяам̣.
1103-4.Sutvānahanti jatukaṇṇisuttaṃ. Tattha sutvānahaṃ vīramakāmakāminti ahaṃ ‘‘itipi so bhagavā’’tiādinā nayena vīraṃ kāmānaṃ akāmanato akāmakāmiṃ buddhaṃ sutvā. Akāmamāgamanti nikkāmaṃ bhagavantaṃ pucchituṃ āgatomhi. Sahajanettāti sahajātasabbaññutaññāṇacakkhu. Yathātacchanti yathātathaṃ. Brūhi meti puna yācanto bhaṇati. Yācanto hi sahassakkhattumpi bhaṇeyya, ko pana vādo dvikkhattuṃ. Tejī tejasāti tejena samannāgato tejasā abhibhuyya. Yamahaṃ vijaññaṃ jātijarāya idha vippahānanti yamahaṃ jātijarānaṃ pahānabhūtaṃ dhammaṃ idheva jāneyyaṃ.
1105-7. ат̇асса бхаг̇аваа д̇ам̣ д̇хаммамаажигканд̇о д̇иссо г̇аат̇ааяо абхааси. д̇ад̇т̇а нзгкаммам̣ д̣̇адту кзмад̇од̇и ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ ‘‘кзма’’нд̇и д̣̇исваа. уг̇г̇ахид̇анд̇и д̇ан̣хаад̣̇идтивасзна г̇ахид̇ам̣. нирад̇д̇ам̣ ваад̇и нирассид̇аб̣б̣ам̣ ваа, мун̃жид̇аб̣б̣анд̇и вуд̇д̇ам̣ ход̇и. маа д̇з виж̇ж̇ид̇т̇аад̇и маа д̇з ахоси. гин̃жананд̇и рааг̇аад̣̇игин̃жанам̣ вааби д̇з маа виж̇ж̇ид̇т̇а. буб̣б̣зд̇и ад̇ийд̇з сан̇каарз аараб̣бха уббаннагилзсаа. б̣раахман̣аад̇и бхаг̇аваа ж̇ад̇уган̣н̣им̣ аалабад̇и. сзсам̣ саб̣б̣ад̇т̇а баагадамзва.
1105-7. Athassa bhagavā taṃ dhammamācikkhanto tisso gāthāyo abhāsi. Tattha nekkhammaṃ daṭṭhu khematoti nibbānañca nibbānagāminiñca paṭipadaṃ ‘‘khema’’nti disvā. Uggahitanti taṇhādiṭṭhivasena gahitaṃ. Nirattaṃ vāti nirassitabbaṃ vā, muñcitabbanti vuttaṃ hoti. Mā te vijjitthāti mā te ahosi. Kiñcananti rāgādikiñcanaṃ vāpi te mā vijjittha. Pubbeti atīte saṅkhāre ārabbha uppannakilesā. Brāhmaṇāti bhagavā jatukaṇṇiṃ ālapati. Sesaṃ sabbattha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа ж̇ад̇уган̣н̣исуд̇д̇аван̣н̣анаа нидтид̇аа.
Suttanipāta-aṭṭhakathāya jatukaṇṇisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 11. ж̇ад̇уган̣н̣имаан̣авабужчаа • 11. Jatukaṇṇimāṇavapucchā
