| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. जतुकण्णित्थेरअपदानं
9. Jatukaṇṇittheraapadānaṃ
२७६.
276.
‘‘नगरे हंसवतिया, सेट्ठिपुत्तो अहोसहं।
‘‘Nagare haṃsavatiyā, seṭṭhiputto ahosahaṃ;
समप्पितो कामगुणे, परिचारेमहं तदा॥
Samappito kāmaguṇe, paricāremahaṃ tadā.
२७७.
277.
तत्थ नच्चेहि गीतेहि, परिचारेमहं तदा॥
Tattha naccehi gītehi, paricāremahaṃ tadā.
२७८.
278.
‘‘तूरिया आहता मय्हं, सम्मताळसमाहिता।
‘‘Tūriyā āhatā mayhaṃ, sammatāḷasamāhitā;
२७९.
279.
लङ्घिका सोकज्झायी च, परिवारेन्ति मं सदा॥
Laṅghikā sokajjhāyī ca, parivārenti maṃ sadā.
२८०.
280.
‘‘वेताळिनो कुम्भथूनी, नटा च नच्चका बहू।
‘‘Vetāḷino kumbhathūnī, naṭā ca naccakā bahū;
नटका नाटका चेव, परिवारेन्ति मं सदा॥
Naṭakā nāṭakā ceva, parivārenti maṃ sadā.
२८१.
281.
जल्ला मल्ला च ते सब्बे, परिवारेन्ति मं सदा॥
Jallā mallā ca te sabbe, parivārenti maṃ sadā.
२८२.
282.
‘‘एतेसु कीळमानेसु, सिक्खिते कतुपासने।
‘‘Etesu kīḷamānesu, sikkhite katupāsane;
रत्तिन्दिवं न जानामि, इन्दोव तिदसङ्गणे॥
Rattindivaṃ na jānāmi, indova tidasaṅgaṇe.
२८३.
283.
‘‘अद्धिका पथिका सब्बे, याचका वरका बहू।
‘‘Addhikā pathikā sabbe, yācakā varakā bahū;
उपगच्छन्ति ते निच्चं, भिक्खयन्ता ममं घरं॥
Upagacchanti te niccaṃ, bhikkhayantā mamaṃ gharaṃ.
२८४.
284.
‘‘समणा ब्राह्मणा चेव, पुञ्ञक्खेत्ता अनुत्तरा।
‘‘Samaṇā brāhmaṇā ceva, puññakkhettā anuttarā;
वड्ढयन्ता ममं पुञ्ञं, आगच्छन्ति ममं घरं॥
Vaḍḍhayantā mamaṃ puññaṃ, āgacchanti mamaṃ gharaṃ.
२८५.
285.
तेदण्डिका एकसिखा, आगच्छन्ति ममं घरं॥
Tedaṇḍikā ekasikhā, āgacchanti mamaṃ gharaṃ.
२८६.
286.
‘‘आजीवका विलुत्तावी, गोधम्मा देवधम्मिका।
‘‘Ājīvakā viluttāvī, godhammā devadhammikā;
रजोजल्लधरा एते, आगच्छन्ति ममं घरं॥
Rajojalladharā ete, āgacchanti mamaṃ gharaṃ.
२८७.
287.
तपस्सी वनचारी च, आगच्छन्ति ममं घरं॥
Tapassī vanacārī ca, āgacchanti mamaṃ gharaṃ.
२८८.
288.
सवरा योनका चेव, आगच्छन्ति ममं घरं॥
Savarā yonakā ceva, āgacchanti mamaṃ gharaṃ.
२८९.
289.
आरावचीनरट्ठा च, आगच्छन्ति ममं घरं॥
Ārāvacīnaraṭṭhā ca, āgacchanti mamaṃ gharaṃ.
२९०.
290.
२९१.
291.
इसिण्डा मक्कला चेव, आगच्छन्ति ममं घरं॥
Isiṇḍā makkalā ceva, āgacchanti mamaṃ gharaṃ.
२९२.
292.
खुद्दका सुद्दका चेव, आगच्छन्ति ममं घरं॥
Khuddakā suddakā ceva, āgacchanti mamaṃ gharaṃ.
२९३.
293.
‘‘रोहणा सिन्धवा चेव, चितका एककण्णिका।
‘‘Rohaṇā sindhavā ceva, citakā ekakaṇṇikā;
सुरट्ठा अपरन्ता च, आगच्छन्ति ममं घरं॥
Suraṭṭhā aparantā ca, āgacchanti mamaṃ gharaṃ.
२९४.
294.
२९५.
295.
‘‘नळकारा पेसकारा, चम्मकारा च तच्छका।
‘‘Naḷakārā pesakārā, cammakārā ca tacchakā;
कम्मारा कुम्भकारा च, आगच्छन्ति ममं घरं॥
Kammārā kumbhakārā ca, āgacchanti mamaṃ gharaṃ.
२९६.
296.
‘‘मणिकारा लोहकारा, सोण्णकारा च दुस्सिका।
‘‘Maṇikārā lohakārā, soṇṇakārā ca dussikā;
तिपुकारा च ते सब्बे, आगच्छन्ति ममं घरं॥
Tipukārā ca te sabbe, āgacchanti mamaṃ gharaṃ.
२९७.
297.
‘‘उसुकारा भमकारा, पेसकारा च गन्धिका।
‘‘Usukārā bhamakārā, pesakārā ca gandhikā;
रजका तुन्नवाया च, आगच्छन्ति ममं घरं॥
Rajakā tunnavāyā ca, āgacchanti mamaṃ gharaṃ.
२९८.
298.
‘‘तेलिका कट्ठहारा च, उदहारा च पेस्सिका।
‘‘Telikā kaṭṭhahārā ca, udahārā ca pessikā;
सूपिका सूपरक्खा च, आगच्छन्ति ममं घरं॥
Sūpikā sūparakkhā ca, āgacchanti mamaṃ gharaṃ.
२९९.
299.
हत्थारुहा हत्थिपाला, आगच्छन्ति ममं घरं॥
Hatthāruhā hatthipālā, āgacchanti mamaṃ gharaṃ.
३००.
300.
३०१.
301.
‘‘ये मया कित्तिता सब्बे, नानावण्णा बहू जना।
‘‘Ye mayā kittitā sabbe, nānāvaṇṇā bahū janā;
तेसाहं चित्तमञ्ञाय, तप्पयिं रतनेनहं॥
Tesāhaṃ cittamaññāya, tappayiṃ ratanenahaṃ.
३०२.
302.
‘‘वग्गूसु भासमानासु, वज्जमानासु भेरिसु।
‘‘Vaggūsu bhāsamānāsu, vajjamānāsu bherisu;
सङ्खेसु धमयन्तेसु, सकगेहे रमामहं॥
Saṅkhesu dhamayantesu, sakagehe ramāmahaṃ.
३०३.
303.
‘‘भगवा तम्हि समये, पदुमुत्तरनायको।
‘‘Bhagavā tamhi samaye, padumuttaranāyako;
वसीसतसहस्सेहि, परिक्खीणासवेहि सो॥
Vasīsatasahassehi, parikkhīṇāsavehi so.
३०४.
304.
‘‘भिक्खूहि सहितो वीथिं, पटिपज्जित्थ चक्खुमा।
‘‘Bhikkhūhi sahito vīthiṃ, paṭipajjittha cakkhumā;
ओभासेन्तो दिसा सब्बा, दीपरुक्खोव जोतति॥
Obhāsento disā sabbā, dīparukkhova jotati.
३०५.
305.
‘‘वज्जन्ति भेरियो सब्बा, गच्छन्ते लोकनायके।
‘‘Vajjanti bheriyo sabbā, gacchante lokanāyake;
पभा निद्धावते तस्स, सतरंसीव उग्गतो॥
Pabhā niddhāvate tassa, sataraṃsīva uggato.
३०६.
306.
‘‘कवाटन्तरिकायापि, पविट्ठेन च रस्मिना।
‘‘Kavāṭantarikāyāpi, paviṭṭhena ca rasminā;
अन्तोघरेसु विपुलो, आलोको आसि तावदे॥
Antogharesu vipulo, āloko āsi tāvade.
३०७.
307.
‘‘पभं दिस्वान बुद्धस्स, पारिसज्जे अवोचहं।
‘‘Pabhaṃ disvāna buddhassa, pārisajje avocahaṃ;
निस्संसयं बुद्धसेट्ठो, इमं वीथिमुपागतो॥
Nissaṃsayaṃ buddhaseṭṭho, imaṃ vīthimupāgato.
३०८.
308.
‘‘खिप्पं ओरुय्ह पासादा, अगमिं अन्तरापणं।
‘‘Khippaṃ oruyha pāsādā, agamiṃ antarāpaṇaṃ;
सम्बुद्धं अभिवादेत्वा, इदं वचनमब्रविं॥
Sambuddhaṃ abhivādetvā, idaṃ vacanamabraviṃ.
३०९.
309.
‘‘‘अनुकम्पतु मे बुद्धो, जलजुत्तमनायको।
‘‘‘Anukampatu me buddho, jalajuttamanāyako;
वसीसतसहस्सेहि, अधिवासेसि सो मुनि’॥
Vasīsatasahassehi, adhivāsesi so muni’.
३१०.
310.
‘‘निमन्तेत्वान सम्बुद्धं, अभिनेसिं सकं घरं।
‘‘Nimantetvāna sambuddhaṃ, abhinesiṃ sakaṃ gharaṃ;
तत्थ अन्नेन पानेन, सन्तप्पेसिं महामुनिं॥
Tattha annena pānena, santappesiṃ mahāmuniṃ.
३११.
311.
‘‘भुत्ताविं कालमञ्ञाय, बुद्धसेट्ठस्स तादिनो।
‘‘Bhuttāviṃ kālamaññāya, buddhaseṭṭhassa tādino;
सतङ्गिकेन तूरियेन, बुद्धसेट्ठं उपट्ठहिं॥
Sataṅgikena tūriyena, buddhaseṭṭhaṃ upaṭṭhahiṃ.
३१२.
312.
‘‘पदुमुत्तरो लोकविदू, आहुतीनं पटिग्गहो।
‘‘Padumuttaro lokavidū, āhutīnaṃ paṭiggaho;
अन्तोघरे निसीदित्वा, इमा गाथा अभासथ॥
Antoghare nisīditvā, imā gāthā abhāsatha.
३१३.
313.
‘‘‘यो मं तूरियेहुपट्ठासि, अन्नपानञ्चदासि मे।
‘‘‘Yo maṃ tūriyehupaṭṭhāsi, annapānañcadāsi me;
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
३१४.
314.
‘‘‘पहूतभक्खो हुत्वान, सहिरञ्ञो सभोजनो।
‘‘‘Pahūtabhakkho hutvāna, sahirañño sabhojano;
चतुदीपे एकरज्जं, कारयिस्सतियं नरो॥
Catudīpe ekarajjaṃ, kārayissatiyaṃ naro.
३१५.
315.
‘‘‘पञ्चसीले समादाय, दसकम्मपथे ततो।
‘‘‘Pañcasīle samādāya, dasakammapathe tato;
समादाय पवत्तेन्तो, परिसं सिक्खापयिस्सति॥
Samādāya pavattento, parisaṃ sikkhāpayissati.
३१६.
316.
‘‘‘तूरियसतसहस्सानि, भेरियो समलङ्कता।
‘‘‘Tūriyasatasahassāni, bheriyo samalaṅkatā;
वज्जयिस्सन्तिमं निच्चं, उपट्ठानस्सिदं फलं॥
Vajjayissantimaṃ niccaṃ, upaṭṭhānassidaṃ phalaṃ.
३१७.
317.
‘‘‘तिंसकप्पसहस्सानि, देवलोके रमिस्सति।
‘‘‘Tiṃsakappasahassāni, devaloke ramissati;
चतुसट्ठिक्खत्तुं देविन्दो, देवरज्जं करिस्सति॥
Catusaṭṭhikkhattuṃ devindo, devarajjaṃ karissati.
३१८.
318.
‘‘‘चतुसट्ठिक्खत्तुं राजा, चक्कवत्ती भविस्सति।
‘‘‘Catusaṭṭhikkhattuṃ rājā, cakkavattī bhavissati;
पदेसरज्जं विपुलं, गणनातो असङ्खियं॥
Padesarajjaṃ vipulaṃ, gaṇanāto asaṅkhiyaṃ.
३१९.
319.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
गोतमो नाम गोत्तेन, सत्था लोके भविस्सति॥
Gotamo nāma gottena, satthā loke bhavissati.
३२०.
320.
‘‘‘उपपज्जति यं योनिं, देवत्तं अथ मानुसं।
‘‘‘Upapajjati yaṃ yoniṃ, devattaṃ atha mānusaṃ;
अनूनभोगो हुत्वान, मनुस्सत्तं गमिस्सति॥
Anūnabhogo hutvāna, manussattaṃ gamissati.
३२१.
321.
‘‘‘अज्झायको भवित्वान, तिण्णं वेदान पारगू।
‘‘‘Ajjhāyako bhavitvāna, tiṇṇaṃ vedāna pāragū;
उत्तमत्थं गवेसन्तो, चरिस्सति महिं इमं॥
Uttamatthaṃ gavesanto, carissati mahiṃ imaṃ.
३२२.
322.
‘‘‘सो पच्छा पब्बजित्वान, सुक्कमूलेन चोदितो।
‘‘‘So pacchā pabbajitvāna, sukkamūlena codito;
गोतमस्स भगवतो, सासनेभिरमिस्सति॥
Gotamassa bhagavato, sāsanebhiramissati.
३२३.
323.
‘‘‘आराधयित्वान सम्बुद्धं, गोतमं सक्यपुङ्गवं।
‘‘‘Ārādhayitvāna sambuddhaṃ, gotamaṃ sakyapuṅgavaṃ;
किलेसे झापयित्वान, अरहायं भविस्सति’॥
Kilese jhāpayitvāna, arahāyaṃ bhavissati’.
३२४.
324.
‘‘विपिने ब्यग्घराजाव, मिगराजाव केसरी।
‘‘Vipine byaggharājāva, migarājāva kesarī;
अभीतो विहरामज्ज, सक्यपुत्तस्स सासने॥
Abhīto viharāmajja, sakyaputtassa sāsane.
३२५.
325.
‘‘देवलोके मनुस्से वा, दलिद्दे दुग्गतिम्हि वा।
‘‘Devaloke manusse vā, dalidde duggatimhi vā;
निब्बत्तिं मे न पस्सामि, उपट्ठानस्सिदं फलं॥
Nibbattiṃ me na passāmi, upaṭṭhānassidaṃ phalaṃ.
३२६.
326.
‘‘विवेकमनुयुत्तोम्हि , उपसन्तो निरूपधि।
‘‘Vivekamanuyuttomhi , upasanto nirūpadhi;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
३२७.
327.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
३२८.
328.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
३२९.
329.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा जतुकण्णित्थेरो इमा गाथायो अभासित्थाति।
Itthaṃ sudaṃ āyasmā jatukaṇṇitthero imā gāthāyo abhāsitthāti.
जतुकण्णित्थेरस्सापदानं नवमं।
Jatukaṇṇittherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. पुण्णकत्थेरअपदानवण्णना • 2. Puṇṇakattheraapadānavaṇṇanā
