| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
17. жхаанабажжаяанид̣̇д̣̇зсаван̣н̣анаа
17. Jhānapaccayaniddesavaṇṇanā
17. вид̇аггавижаарабийд̇исоманассад̣̇оманассубзгкаажид̇д̇згаг̇г̇ад̇аасан̇каад̇аанийд̇и зд̇т̇а яад̣̇иби соманассад̣̇оманассасан̇каад̇аани жхаанан̇г̇аани над̇т̇и, сукад̣̇угкасан̇каад̇аани бана соманассад̣̇оманассабхууд̇аанзва жхаанан̇г̇аани, на гааяигасукад̣̇угкабхууд̇аанийд̇и имасса д̣̇ассанад̇т̇ам̣ соманассад̣̇оманассаг̇г̇ахан̣ам̣ гад̇ам̣. нану жа ‘‘д̣̇вибан̃жавин̃н̃аан̣аваж̇ж̇зсуу’’д̇и важанзнзва гааяигасукад̣̇угкаани важ̇ж̇ид̇аанийд̇и сукад̣̇угкаг̇г̇ахан̣амзва гад̇д̇аб̣б̣анд̇и? на, жхаанан̇г̇асукад̣̇угкаанам̣ жхаанан̇г̇абхаавависзсанад̇о. ‘‘д̣̇вибан̃жавин̃н̃аан̣аваж̇ж̇зсу сукад̣̇угкубзгкаажид̇д̇згаг̇г̇ад̇аасан̇каад̇ааний’’д̇и хи вуд̇д̇з д̣̇вибан̃жавин̃н̃аан̣зсу убзгкаажид̇д̇згаг̇г̇ад̇аахи сад̣̇д̇хим̣ гааяигасукад̣̇угкааниби важ̇ж̇ид̇аанийд̇и зд̇д̇агамзва вин̃н̃ааяад̇и, на бана яаани сукад̣̇угкаани жхаанан̇г̇аани хонд̇и, д̇зсам̣ жхаанан̇г̇абхууд̇о сукабхааво д̣̇угкабхааво жа висзсид̇о, д̇асмаа соманассад̣̇оманассабхаавависидтоязва сукад̣̇угкабхааво сукад̣̇угкаанам̣ жхаанан̇г̇абхаавод̇и д̣̇ассанад̇т̇ам̣ соманассад̣̇оманассаг̇г̇ахан̣ам̣ гарод̇и. д̇зна ‘‘д̣̇вибан̃жавин̃н̃аан̣аваж̇ж̇зсуу’’д̇и важанзна важ̇ж̇ияамаанаанамби сукад̣̇угкаанам̣ соманассад̣̇оманассабхааваабхаавад̇о жхаанан̇г̇абхааваабхаавод̇и д̣̇ассид̇ам̣ ход̇и. яат̇ааваж̇ж̇ид̇аа бана сукад̣̇угкобзгкзгаг̇г̇ад̇аа гасмаа важ̇ж̇ид̇аад̇и? яад̇т̇а жхаанан̇г̇аани уд̣̇д̇харийяанд̇и жид̇д̇уббаад̣̇аган̣д̣з, д̇ад̇т̇а жа жхаанан̇г̇анд̇и ануд̣̇д̇хадад̇д̇аа. гасмаа бана на уд̣̇д̇хадаад̇и д̇ам̣ д̣̇ассзд̇ум̣ ‘‘бан̃жаннам̣ бана вин̃н̃аан̣агааяаана’’нд̇иаад̣̇имааха.
17. Vitakkavicārapītisomanassadomanassupekkhācittekaggatāsaṅkhātānīti ettha yadipi somanassadomanassasaṅkhātāni jhānaṅgāni natthi, sukhadukkhasaṅkhātāni pana somanassadomanassabhūtāneva jhānaṅgāni, na kāyikasukhadukkhabhūtānīti imassa dassanatthaṃ somanassadomanassaggahaṇaṃ kataṃ. Nanu ca ‘‘dvipañcaviññāṇavajjesū’’ti vacaneneva kāyikasukhadukkhāni vajjitānīti sukhadukkhaggahaṇameva kattabbanti? Na, jhānaṅgasukhadukkhānaṃ jhānaṅgabhāvavisesanato. ‘‘Dvipañcaviññāṇavajjesu sukhadukkhupekkhācittekaggatāsaṅkhātānī’’ti hi vutte dvipañcaviññāṇesu upekkhācittekaggatāhi saddhiṃ kāyikasukhadukkhānipi vajjitānīti ettakameva viññāyati, na pana yāni sukhadukkhāni jhānaṅgāni honti, tesaṃ jhānaṅgabhūto sukhabhāvo dukkhabhāvo ca visesito, tasmā somanassadomanassabhāvavisiṭṭhoyeva sukhadukkhabhāvo sukhadukkhānaṃ jhānaṅgabhāvoti dassanatthaṃ somanassadomanassaggahaṇaṃ karoti. Tena ‘‘dvipañcaviññāṇavajjesū’’ti vacanena vajjiyamānānampi sukhadukkhānaṃ somanassadomanassabhāvābhāvato jhānaṅgabhāvābhāvoti dassitaṃ hoti. Yathāvajjitā pana sukhadukkhopekkhekaggatā kasmā vajjitāti? Yattha jhānaṅgāni uddharīyanti cittuppādakaṇḍe, tattha ca jhānaṅganti anuddhaṭattā. Kasmā pana na uddhaṭāti taṃ dassetuṃ ‘‘pañcannaṃ pana viññāṇakāyāna’’ntiādimāha.
абхинибаад̇амад̇д̇ад̇д̇аад̇и зд̇зна ааваж̇ж̇анасамбадижчанамад̇д̇ааяаби жинд̇анаабавад̇д̇ияаа абхаавам̣ д̣̇ассзд̇и. ‘‘д̇зсу виж̇ж̇амаанааниби убзгкаасукад̣̇угкааний’’д̇и бораан̣абаато. д̇ад̇т̇а убзгкаасукад̣̇угкзхзва д̇ам̣самааналагкан̣ааяа жид̇д̇згаг̇г̇ад̇ааяаби яат̇аавуд̇д̇знзва гааран̣зна ануд̣̇д̇хадабхааво д̣̇ассид̇од̇и д̣̇адтаб̣б̣о. буб̣б̣з бана сад̇д̇а ан̇г̇аани д̣̇ассзнд̇зна жад̇д̇аари ан̇г̇аани важ̇ж̇ид̇аанийд̇и д̇зсам̣ важ̇ж̇анз гааран̣ам̣ д̣̇ассзнд̇зна на самааналагкан̣зна лзсзна д̣̇ассзд̇аб̣б̣ам̣. адтагат̇аа хзсаад̇и. яад̣̇и жа лзсзна д̣̇ассзд̇аб̣б̣ам̣, яат̇аавуд̇д̇зсуби д̇ийсу згамзва вад̇д̇аб̣б̣ам̣ сияаа, д̇ин̣н̣ам̣ бана важанзна д̇ад̇о ан̃н̃асса жхаанан̇г̇анд̇и уд̣̇д̇хадабхааво аабаж̇ж̇ад̇и, яат̇аавуд̇д̇агааран̣ад̇о ан̃н̃зна гааран̣зна ануд̣̇д̇хадабхааво ваа, д̇асмаа д̇ам̣д̣̇осабарихаран̣ад̇т̇ам̣ ‘‘убзгкаажид̇д̇згаг̇г̇ад̇аасукад̣̇угкааний’’д̇и батанд̇и. яз бана ‘‘жхаанан̇г̇абхууд̇зхи соманассаад̣̇ийхи сукад̣̇угкзна авибхууд̇абхаавзна баагадад̇ааяа инд̣̇рияагижжаяуд̇д̇ад̇ааяа жа самаанаанам̣ сукаад̣̇ийнам̣ жхаанан̇г̇анд̇и ануд̣̇д̇хадабхаавз гааран̣ам̣ вад̇д̇аб̣б̣ам̣, на жид̇д̇згаг̇г̇ад̇ааяаад̇и саа зд̇т̇а на г̇ахид̇аа’’д̇и вад̣̇анд̇и, д̇зсам̣ д̇ам̣ ружимад̇д̇ам̣. яад̣̇и жхаанан̇г̇асамаанаанам̣ жхаанан̇г̇анд̇и ануд̣̇д̇хадабхаавз гааран̣ам̣ вад̇д̇аб̣б̣ам̣, жид̇д̇згаг̇г̇ад̇аа жзд̇т̇а жхаанан̇г̇абхууд̇ааяа вижигижчааяуд̇д̇аманод̇хаад̇уаад̣̇ийсу жид̇д̇згаг̇г̇ад̇ааяа самаанаад̇и д̇ассаа ануд̣̇д̇хадабхаавз гааран̣ам̣ вад̇д̇аб̣б̣амзваад̇и. сзсаахзд̇угзсуби жхаанан̇г̇ам̣ уд̣̇д̇хадамзва уд̣̇д̇харан̣адтаанз жид̇д̇уббаад̣̇аган̣д̣зд̇и ад̇хиббааяо.
Abhinipātamattattāti etena āvajjanasampaṭicchanamattāyapi cintanāpavattiyā abhāvaṃ dasseti. ‘‘Tesu vijjamānānipi upekkhāsukhadukkhānī’’ti porāṇapāṭho. Tattha upekkhāsukhadukkheheva taṃsamānalakkhaṇāya cittekaggatāyapi yathāvutteneva kāraṇena anuddhaṭabhāvo dassitoti daṭṭhabbo. Pubbe pana satta aṅgāni dassentena cattāri aṅgāni vajjitānīti tesaṃ vajjane kāraṇaṃ dassentena na samānalakkhaṇena lesena dassetabbaṃ. Aṭṭhakathā hesāti. Yadi ca lesena dassetabbaṃ, yathāvuttesupi tīsu ekameva vattabbaṃ siyā, tiṇṇaṃ pana vacanena tato aññassa jhānaṅganti uddhaṭabhāvo āpajjati, yathāvuttakāraṇato aññena kāraṇena anuddhaṭabhāvo vā, tasmā taṃdosapariharaṇatthaṃ ‘‘upekkhācittekaggatāsukhadukkhānī’’ti paṭhanti. Ye pana ‘‘jhānaṅgabhūtehi somanassādīhi sukhadukkhena avibhūtabhāvena pākaṭatāya indriyakiccayuttatāya ca samānānaṃ sukhādīnaṃ jhānaṅganti anuddhaṭabhāve kāraṇaṃ vattabbaṃ, na cittekaggatāyāti sā ettha na gahitā’’ti vadanti, tesaṃ taṃ rucimattaṃ. Yadi jhānaṅgasamānānaṃ jhānaṅganti anuddhaṭabhāve kāraṇaṃ vattabbaṃ, cittekaggatā cettha jhānaṅgabhūtāya vicikicchāyuttamanodhātuādīsu cittekaggatāya samānāti tassā anuddhaṭabhāve kāraṇaṃ vattabbamevāti. Sesāhetukesupi jhānaṅgaṃ uddhaṭameva uddharaṇaṭṭhāne cittuppādakaṇḍeti adhippāyo.
жхаанабажжаяанид̣̇д̣̇зсаван̣н̣анаа нидтид̇аа.
Jhānapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 17. жхаанабажжаяанид̣̇д̣̇зсаван̣н̣анаа • 17. Jhānapaccayaniddesavaṇṇanā
