| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[134] 4. жхаанасод̇ханаж̇аад̇агаван̣н̣анаа
[134] 4. Jhānasodhanajātakavaṇṇanā
яз сан̃н̃инод̇и ид̣̇ам̣ сад̇т̇аа ж̇зд̇аванз вихаранд̇о сан̇гассанаг̇арад̣̇ваарз ад̇д̇анаа сам̣кид̇д̇зна бужчид̇абан̃хасса д̇хаммасзнаабад̇ино вид̇т̇аараб̣яаагаран̣ам̣ аараб̣бха гат̇зси. д̇ад̇рид̣̇ам̣ ад̇ийд̇авад̇т̇у – ад̇ийд̇з гира б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃ааяад̇анз гаалам̣ гаронд̇о анд̇зваасигзхи бужчид̇о ‘‘нзвасан̃н̃ийнаасан̃н̃ий’’д̇и ааха…бз… д̇аабасаа ж̇здтанд̇зваасигасса гат̇ам̣ на г̇ан̣хим̣су. б̣од̇хисад̇д̇о аабхассарад̇о ааг̇анд̇ваа аагаасз тад̇ваа имам̣ г̇аат̇амааха –
Yesaññinoti idaṃ satthā jetavane viharanto saṅkassanagaradvāre attanā saṃkhittena pucchitapañhassa dhammasenāpatino vitthārabyākaraṇaṃ ārabbha kathesi. Tatridaṃ atītavatthu – atīte kira bārāṇasiyaṃ brahmadatte rajjaṃ kārente bodhisatto araññāyatane kālaṃ karonto antevāsikehi pucchito ‘‘nevasaññīnāsaññī’’ti āha…pe… tāpasā jeṭṭhantevāsikassa kathaṃ na gaṇhiṃsu. Bodhisatto ābhassarato āgantvā ākāse ṭhatvā imaṃ gāthamāha –
134.
134.
‘‘яз сан̃н̃ино д̇зби д̣̇уг̇г̇ад̇аа, язби асан̃н̃ино д̇зби д̣̇уг̇г̇ад̇аа;
‘‘Ye saññino tepi duggatā, yepi asaññino tepi duggatā;
зд̇ам̣ убхаяам̣ виваж̇ж̇аяа, д̇ам̣ самаабад̇д̇исукам̣ анан̇г̇ан̣а’’нд̇и.
Etaṃ ubhayaṃ vivajjaya, taṃ samāpattisukhaṃ anaṅgaṇa’’nti.
д̇ад̇т̇а яз сан̃н̃инод̇и табзд̇ваа нзвасан̃н̃аанаасан̃н̃ааяад̇аналаабхино авасзсз сажид̇д̇агасад̇д̇з д̣̇ассзд̇и. д̇зби д̣̇уг̇г̇ад̇аад̇и д̇ассаа самаабад̇д̇ияаа алаабхад̇о д̇зби д̣̇уг̇г̇ад̇аа наама. язби асан̃н̃инод̇и асан̃н̃абхавз ниб̣б̣ад̇д̇з ажид̇д̇агасад̇д̇з д̣̇ассзд̇и. д̇зби д̣̇уг̇г̇ад̇аад̇и д̇зби имиссааязва самаабад̇д̇ияаа алаабхад̇о д̣̇уг̇г̇ад̇ааязва наама. зд̇ам̣ убхаяам̣ виваж̇ж̇аяаад̇и зд̇ам̣ убхаяамби сан̃н̃ибхаван̃жа асан̃н̃ибхаван̃жа виваж̇ж̇аяа баж̇ахаад̇и анд̇зваасигам̣ овад̣̇ад̇и. д̇ам̣ самаабад̇д̇исукам̣ анан̇г̇ан̣анд̇и д̇ам̣ нзвасан̃н̃аанаасан̃н̃ааяад̇анасамаабад̇д̇илаабхино санд̇адтзна ‘‘сука’’нд̇и сан̇кам̣ г̇ад̇ам̣ жхаанасукам̣ анан̇г̇ан̣ам̣ нид̣̇д̣̇осам̣ б̣алаважид̇д̇згаг̇г̇ад̇аасабхаавзнаби д̇ам̣ анан̇г̇ан̣ам̣ наама ж̇аад̇ам̣.
Tattha ye saññinoti ṭhapetvā nevasaññānāsaññāyatanalābhino avasese sacittakasatte dasseti. Tepi duggatāti tassā samāpattiyā alābhato tepi duggatā nāma. Yepi asaññinoti asaññabhave nibbatte acittakasatte dasseti. Tepi duggatāti tepi imissāyeva samāpattiyā alābhato duggatāyeva nāma. Etaṃ ubhayaṃ vivajjayāti etaṃ ubhayampi saññibhavañca asaññibhavañca vivajjaya pajahāti antevāsikaṃ ovadati. Taṃ samāpattisukhaṃ anaṅgaṇanti taṃ nevasaññānāsaññāyatanasamāpattilābhino santaṭṭhena ‘‘sukha’’nti saṅkhaṃ gataṃ jhānasukhaṃ anaṅgaṇaṃ niddosaṃ balavacittekaggatāsabhāvenapi taṃ anaṅgaṇaṃ nāma jātaṃ.
звам̣ б̣од̇хисад̇д̇о д̇хаммам̣ д̣̇зсзд̇ваа анд̇зваасигасса г̇ун̣ам̣ гат̇зд̇ваа б̣рахмалогамзва аг̇амааси. д̇ад̣̇аа сзсад̇аабасаа ж̇здтанд̇зваасигасса сад̣̇д̣̇ахим̣су.
Evaṃ bodhisatto dhammaṃ desetvā antevāsikassa guṇaṃ kathetvā brahmalokameva agamāsi. Tadā sesatāpasā jeṭṭhantevāsikassa saddahiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ж̇здтанд̇зваасиго саарибуд̇д̇о, махааб̣рахмаа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā jeṭṭhantevāsiko sāriputto, mahābrahmā pana ahameva ahosi’’nti.
жхаанасод̇ханаж̇аад̇агаван̣н̣анаа жад̇уд̇т̇аа.
Jhānasodhanajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 134. жхаанасод̇ханаж̇аад̇агам̣ • 134. Jhānasodhanajātakaṃ
