| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. ж̇ийвагасуд̇д̇ам̣
5. Jīvakasuttaṃ
51. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и ж̇ийвагасса гомаарабхажжасса амб̣аванз. ат̇а ко ж̇ийваго гомаарабхажжо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисинно ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з – ‘саман̣ам̣ г̇од̇амам̣ уд̣̇д̣̇исса баан̣ам̣ аарабханд̇и 1, д̇ам̣ саман̣о г̇од̇амо ж̇аанам̣ уд̣̇д̣̇иссагад̇ам̣ 2 мам̣сам̣ барибхун̃ж̇ад̇и бадижжагамма’нд̇и. яз д̇з, бханд̇з, звамаахам̣су – ‘саман̣ам̣ г̇од̇амам̣ уд̣̇д̣̇исса баан̣ам̣ аарабханд̇и, д̇ам̣ саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇и бадижжагамма’нд̇и, гажжи д̇з, бханд̇з, бхаг̇авад̇о вуд̇д̇аваад̣̇ино, на жа бхаг̇аванд̇ам̣ абхууд̇зна аб̣бхаажигканд̇и, д̇хаммасса жаануд̇хаммам̣ б̣яаагаронд̇и, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и?
51. Evaṃ me sutaṃ – ekaṃ samayaṃ bhagavā rājagahe viharati jīvakassa komārabhaccassa ambavane. Atha kho jīvako komārabhacco yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho jīvako komārabhacco bhagavantaṃ etadavoca – ‘‘sutaṃ metaṃ, bhante – ‘samaṇaṃ gotamaṃ uddissa pāṇaṃ ārabhanti 3, taṃ samaṇo gotamo jānaṃ uddissakataṃ 4 maṃsaṃ paribhuñjati paṭiccakamma’nti. Ye te, bhante, evamāhaṃsu – ‘samaṇaṃ gotamaṃ uddissa pāṇaṃ ārabhanti, taṃ samaṇo gotamo jānaṃ uddissakataṃ maṃsaṃ paribhuñjati paṭiccakamma’nti, kacci te, bhante, bhagavato vuttavādino, na ca bhagavantaṃ abhūtena abbhācikkhanti, dhammassa cānudhammaṃ byākaronti, na ca koci sahadhammiko vādānuvādo gārayhaṃ ṭhānaṃ āgacchatī’’ti?
52. ‘‘яз д̇з, ж̇ийвага, звамаахам̣су – ‘саман̣ам̣ г̇од̇амам̣ уд̣̇д̣̇исса баан̣ам̣ аарабханд̇и, д̇ам̣ саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇и бадижжагамма’нд̇и на мз д̇з вуд̇д̇аваад̣̇ино, аб̣бхаажигканд̇и жа мам̣ д̇з асад̇аа абхууд̇зна. д̇ийхи ко ахам̣, ж̇ийвага, таанзхи мам̣сам̣ абарибхог̇анд̇и вад̣̇аами. д̣̇идтам̣, суд̇ам̣, барисан̇гид̇ам̣ – имзхи ко ахам̣, ж̇ийвага , д̇ийхи таанзхи мам̣сам̣ абарибхог̇анд̇и вад̣̇аами. д̇ийхи ко ахам̣, ж̇ийвага, таанзхи мам̣сам̣ барибхог̇анд̇и вад̣̇аами. ад̣̇идтам̣, асуд̇ам̣, абарисан̇гид̇ам̣ – имзхи ко ахам̣, ж̇ийвага, д̇ийхи таанзхи мам̣сам̣ барибхог̇анд̇и вад̣̇аами.
52. ‘‘Ye te, jīvaka, evamāhaṃsu – ‘samaṇaṃ gotamaṃ uddissa pāṇaṃ ārabhanti, taṃ samaṇo gotamo jānaṃ uddissakataṃ maṃsaṃ paribhuñjati paṭiccakamma’nti na me te vuttavādino, abbhācikkhanti ca maṃ te asatā abhūtena. Tīhi kho ahaṃ, jīvaka, ṭhānehi maṃsaṃ aparibhoganti vadāmi. Diṭṭhaṃ, sutaṃ, parisaṅkitaṃ – imehi kho ahaṃ, jīvaka , tīhi ṭhānehi maṃsaṃ aparibhoganti vadāmi. Tīhi kho ahaṃ, jīvaka, ṭhānehi maṃsaṃ paribhoganti vadāmi. Adiṭṭhaṃ, asutaṃ, aparisaṅkitaṃ – imehi kho ahaṃ, jīvaka, tīhi ṭhānehi maṃsaṃ paribhoganti vadāmi.
53. ‘‘ид̇ха, ж̇ийвага, бхигку ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇и. со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яааб̣аж̇жхзна парид̇ваа вихарад̇и. д̇амзнам̣ г̇ахабад̇и ваа г̇ахабад̇ибуд̇д̇о ваа убасан̇гамид̇ваа сваад̇анааяа бхад̇д̇зна ниманд̇зд̇и. ааган̇камаанова 5, ж̇ийвага, бхигку ад̇хиваасзд̇и . со д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇асса г̇ахабад̇исса ваа г̇ахабад̇ибуд̇д̇асса ваа нивзсанам̣ д̇знубасан̇гамад̇и; убасан̇гамид̇ваа бан̃н̃ад̇д̇з аасанз нисийд̣̇ад̇и. д̇амзнам̣ со г̇ахабад̇и ваа г̇ахабад̇ибуд̇д̇о ваа бан̣ийд̇зна бин̣д̣абаад̇зна баривисад̇и. д̇асса на звам̣ ход̇и – ‘саад̇ху вад̇а мааяам̣ 6 г̇ахабад̇и ваа г̇ахабад̇ибуд̇д̇о ваа бан̣ийд̇зна бин̣д̣абаад̇зна баривисзяяаад̇и! ахо вад̇а мааяам̣ г̇ахабад̇и ваа г̇ахабад̇ибуд̇д̇о ваа ааяад̇имби зваруубзна бан̣ийд̇зна бин̣д̣абаад̇зна баривисзяяаа’д̇и – звамбисса на ход̇и. со д̇ам̣ бин̣д̣абаад̇ам̣ аг̇ат̇ид̇о 7 амужчид̇о анаж̇жхобанно 8 аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и. д̇ам̣ гим̣ ман̃н̃аси, ж̇ийвага , аби ну со бхигку д̇асмим̣ самаяз ад̇д̇аб̣яааб̣аад̇хааяа ваа жзд̇зд̇и, бараб̣яааб̣аад̇хааяа ваа жзд̇зд̇и, убхаяаб̣яааб̣аад̇хааяа ваа жзд̇зд̇ий’’д̇и?
53. ‘‘Idha, jīvaka, bhikkhu aññataraṃ gāmaṃ vā nigamaṃ vā upanissāya viharati. So mettāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyābajjhena pharitvā viharati. Tamenaṃ gahapati vā gahapatiputto vā upasaṅkamitvā svātanāya bhattena nimanteti. Ākaṅkhamānova 9, jīvaka, bhikkhu adhivāseti . So tassā rattiyā accayena pubbaṇhasamayaṃ nivāsetvā pattacīvaramādāya yena tassa gahapatissa vā gahapatiputtassa vā nivesanaṃ tenupasaṅkamati; upasaṅkamitvā paññatte āsane nisīdati. Tamenaṃ so gahapati vā gahapatiputto vā paṇītena piṇḍapātena parivisati. Tassa na evaṃ hoti – ‘sādhu vata māyaṃ 10 gahapati vā gahapatiputto vā paṇītena piṇḍapātena pariviseyyāti! Aho vata māyaṃ gahapati vā gahapatiputto vā āyatimpi evarūpena paṇītena piṇḍapātena pariviseyyā’ti – evampissa na hoti. So taṃ piṇḍapātaṃ agathito 11 amucchito anajjhopanno 12 ādīnavadassāvī nissaraṇapañño paribhuñjati. Taṃ kiṃ maññasi, jīvaka , api nu so bhikkhu tasmiṃ samaye attabyābādhāya vā ceteti, parabyābādhāya vā ceteti, ubhayabyābādhāya vā cetetī’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘нану со, ж̇ийвага, бхигку д̇асмим̣ самаяз анаваж̇ж̇ам̣язва аахаарам̣ аахаарзд̇ий’’д̇и?
‘‘Nanu so, jīvaka, bhikkhu tasmiṃ samaye anavajjaṃyeva āhāraṃ āhāretī’’ti?
‘‘звам̣, бханд̇з. суд̇ам̣ мзд̇ам̣, бханд̇з – ‘б̣рахмаа мзд̇д̇аавихаарий’д̇и. д̇ам̣ мз ид̣̇ам̣, бханд̇з, бхаг̇аваа сагкид̣̇идто; бхаг̇аваа хи, бханд̇з, мзд̇д̇аавихаарий’’д̇и. ‘‘язна ко, ж̇ийвага, рааг̇зна язна д̣̇осзна язна мохзна б̣яаабаад̣̇аваа асса со рааг̇о со д̣̇осо со мохо д̇ат̇ааг̇ад̇асса бахийно ужчиннамууло д̇аалаавад̇т̇угад̇о анабхаавам̣гад̇о 13 ааяад̇им̣ ануббаад̣̇ад̇хаммо. сажз ко д̇з, ж̇ийвага, ид̣̇ам̣ санд̇хааяа бхаасид̇ам̣ ануж̇аанаами д̇з зд̇а’’нд̇и. ‘‘зд̇ад̣̇зва ко бана мз, бханд̇з, санд̇хааяа бхаасид̇ам̣’’ 14.
‘‘Evaṃ, bhante. Sutaṃ metaṃ, bhante – ‘brahmā mettāvihārī’ti. Taṃ me idaṃ, bhante, bhagavā sakkhidiṭṭho; bhagavā hi, bhante, mettāvihārī’’ti. ‘‘Yena kho, jīvaka, rāgena yena dosena yena mohena byāpādavā assa so rāgo so doso so moho tathāgatassa pahīno ucchinnamūlo tālāvatthukato anabhāvaṃkato 15 āyatiṃ anuppādadhammo. Sace kho te, jīvaka, idaṃ sandhāya bhāsitaṃ anujānāmi te eta’’nti. ‘‘Etadeva kho pana me, bhante, sandhāya bhāsitaṃ’’ 16.
54. ‘‘ид̇ха, ж̇ийвага, бхигку ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇и. со гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яааб̣аж̇жхзна парид̇ваа вихарад̇и. д̇амзнам̣ г̇ахабад̇и ваа г̇ахабад̇ибуд̇д̇о ваа убасан̇гамид̇ваа сваад̇анааяа бхад̇д̇зна ниманд̇зд̇и. ааган̇камаанова, ж̇ийвага, бхигку ад̇хиваасзд̇и. со д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна г̇ахабад̇исса ваа г̇ахабад̇ибуд̇д̇асса ваа нивзсанам̣ д̇знубасан̇гамад̇и; убасан̇гамид̇ваа бан̃н̃ад̇д̇з аасанз нисийд̣̇ад̇и. д̇амзнам̣ со г̇ахабад̇и ваа г̇ахабад̇ибуд̇д̇о ваа бан̣ийд̇зна бин̣д̣абаад̇зна баривисад̇и. д̇асса на звам̣ ход̇и – ‘саад̇ху вад̇а мааяам̣ г̇ахабад̇и ваа г̇ахабад̇ибуд̇д̇о ваа бан̣ийд̇зна бин̣д̣абаад̇зна баривисзяяаад̇и! ахо вад̇а мааяам̣ г̇ахабад̇и ваа г̇ахабад̇ибуд̇д̇о ваа ааяад̇имби зваруубзна бан̣ийд̇зна бин̣д̣абаад̇зна баривисзяяаа’д̇и – звамбисса на ход̇и. со д̇ам̣ бин̣д̣абаад̇ам̣ аг̇ат̇ид̇о амужчид̇о анаж̇жхобанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и. д̇ам̣ гим̣ ман̃н̃аси, ж̇ийвага, аби ну со бхигку д̇асмим̣ самаяз ад̇д̇аб̣яааб̣аад̇хааяа ваа жзд̇зд̇и, бараб̣яааб̣аад̇хааяа ваа жзд̇зд̇и, убхаяаб̣яааб̣аад̇хааяа ваа жзд̇зд̇ий’’д̇и?
54. ‘‘Idha, jīvaka, bhikkhu aññataraṃ gāmaṃ vā nigamaṃ vā upanissāya viharati. So karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyābajjhena pharitvā viharati. Tamenaṃ gahapati vā gahapatiputto vā upasaṅkamitvā svātanāya bhattena nimanteti. Ākaṅkhamānova, jīvaka, bhikkhu adhivāseti. So tassā rattiyā accayena pubbaṇhasamayaṃ nivāsetvā pattacīvaramādāya yena gahapatissa vā gahapatiputtassa vā nivesanaṃ tenupasaṅkamati; upasaṅkamitvā paññatte āsane nisīdati. Tamenaṃ so gahapati vā gahapatiputto vā paṇītena piṇḍapātena parivisati. Tassa na evaṃ hoti – ‘sādhu vata māyaṃ gahapati vā gahapatiputto vā paṇītena piṇḍapātena pariviseyyāti! Aho vata māyaṃ gahapati vā gahapatiputto vā āyatimpi evarūpena paṇītena piṇḍapātena pariviseyyā’ti – evampissa na hoti. So taṃ piṇḍapātaṃ agathito amucchito anajjhopanno ādīnavadassāvī nissaraṇapañño paribhuñjati. Taṃ kiṃ maññasi, jīvaka, api nu so bhikkhu tasmiṃ samaye attabyābādhāya vā ceteti, parabyābādhāya vā ceteti, ubhayabyābādhāya vā cetetī’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘нану со, ж̇ийвага, бхигку д̇асмим̣ самаяз анаваж̇ж̇ам̣язва аахаарам̣ аахаарзд̇ий’’д̇и?
‘‘Nanu so, jīvaka, bhikkhu tasmiṃ samaye anavajjaṃyeva āhāraṃ āhāretī’’ti?
‘‘звам̣, бханд̇з. суд̇ам̣ мзд̇ам̣, бханд̇з – ‘б̣рахмаа убзгкаавихаарий’д̇и. д̇ам̣ мз ид̣̇ам̣, бханд̇з, бхаг̇аваа сагкид̣̇идто; бхаг̇аваа хи, бханд̇з, убзгкаавихаарий’’д̇и. ‘‘язна ко, ж̇ийвага, рааг̇зна язна д̣̇осзна язна мохзна вихзсаваа асса арад̇иваа асса бадигхаваа асса со рааг̇о со д̣̇осо со мохо д̇ат̇ааг̇ад̇асса бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. сажз ко д̇з, ж̇ийвага, ид̣̇ам̣ санд̇хааяа бхаасид̇ам̣, ануж̇аанаами д̇з зд̇а’’нд̇и. ‘‘зд̇ад̣̇зва ко бана мз, бханд̇з, санд̇хааяа бхаасид̇ам̣’’.
‘‘Evaṃ, bhante. Sutaṃ metaṃ, bhante – ‘brahmā upekkhāvihārī’ti. Taṃ me idaṃ, bhante, bhagavā sakkhidiṭṭho; bhagavā hi, bhante, upekkhāvihārī’’ti. ‘‘Yena kho, jīvaka, rāgena yena dosena yena mohena vihesavā assa arativā assa paṭighavā assa so rāgo so doso so moho tathāgatassa pahīno ucchinnamūlo tālāvatthukato anabhāvaṃkato āyatiṃ anuppādadhammo. Sace kho te, jīvaka, idaṃ sandhāya bhāsitaṃ, anujānāmi te eta’’nti. ‘‘Etadeva kho pana me, bhante, sandhāya bhāsitaṃ’’.
55. ‘‘яо ко, ж̇ийвага, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа уд̣̇д̣̇исса баан̣ам̣ аарабхад̇и со бан̃жахи таанзхи б̣ахум̣ абун̃н̃ам̣ басавад̇и. яамби со, г̇ахабад̇и, звамааха – ‘г̇ажчат̇а, амугам̣ наама баан̣ам̣ аанзт̇аа’д̇и, иминаа батамзна таанзна б̣ахум̣ абун̃н̃ам̣ басавад̇и. яамби со баан̣о г̇алаббавзтагзна 17 аанийяамаано д̣̇угкам̣ д̣̇оманассам̣ бадисам̣взд̣̇зд̇и, иминаа д̣̇уд̇иязна таанзна б̣ахум̣ абун̃н̃ам̣ басавад̇и. яамби со звамааха – ‘г̇ажчат̇а имам̣ баан̣ам̣ аарабхат̇аа’д̇и, иминаа д̇ад̇иязна таанзна б̣ахум̣ абун̃н̃ам̣ басавад̇и. яамби со баан̣о аарабхияамаано д̣̇угкам̣ д̣̇оманассам̣ бадисам̣взд̣̇зд̇и , иминаа жад̇уд̇т̇зна таанзна б̣ахум̣ абун̃н̃ам̣ басавад̇и. яамби со д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа агаббиязна аасаад̣̇зд̇и, иминаа бан̃жамзна таанзна б̣ахум̣ абун̃н̃ам̣ басавад̇и. яо ко, ж̇ийвага, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа уд̣̇д̣̇исса баан̣ам̣ аарабхад̇и со имзхи бан̃жахи таанзхи б̣ахум̣ абун̃н̃ам̣ басавад̇ий’’д̇и.
55. ‘‘Yo kho, jīvaka, tathāgataṃ vā tathāgatasāvakaṃ vā uddissa pāṇaṃ ārabhati so pañcahi ṭhānehi bahuṃ apuññaṃ pasavati. Yampi so, gahapati, evamāha – ‘gacchatha, amukaṃ nāma pāṇaṃ ānethā’ti, iminā paṭhamena ṭhānena bahuṃ apuññaṃ pasavati. Yampi so pāṇo galappaveṭhakena 18 ānīyamāno dukkhaṃ domanassaṃ paṭisaṃvedeti, iminā dutiyena ṭhānena bahuṃ apuññaṃ pasavati. Yampi so evamāha – ‘gacchatha imaṃ pāṇaṃ ārabhathā’ti, iminā tatiyena ṭhānena bahuṃ apuññaṃ pasavati. Yampi so pāṇo ārabhiyamāno dukkhaṃ domanassaṃ paṭisaṃvedeti , iminā catutthena ṭhānena bahuṃ apuññaṃ pasavati. Yampi so tathāgataṃ vā tathāgatasāvakaṃ vā akappiyena āsādeti, iminā pañcamena ṭhānena bahuṃ apuññaṃ pasavati. Yo kho, jīvaka, tathāgataṃ vā tathāgatasāvakaṃ vā uddissa pāṇaṃ ārabhati so imehi pañcahi ṭhānehi bahuṃ apuññaṃ pasavatī’’ti.
звам̣ вуд̇д̇з, ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! габбияам̣ вад̇а, бханд̇з, бхигкуу аахаарам̣ аахаарзнд̇и ; анаваж̇ж̇ам̣ вад̇а, бханд̇з, бхигкуу аахаарам̣ аахаарзнд̇и. абхигганд̇ам̣, бханд̇з, абхигганд̇ам̣, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, jīvako komārabhacco bhagavantaṃ etadavoca – ‘‘acchariyaṃ, bhante, abbhutaṃ, bhante! Kappiyaṃ vata, bhante, bhikkhū āhāraṃ āhārenti ; anavajjaṃ vata, bhante, bhikkhū āhāraṃ āhārenti. Abhikkantaṃ, bhante, abhikkantaṃ, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti.
ж̇ийвагасуд̇д̇ам̣ нидтид̇ам̣ бан̃жамам̣.
Jīvakasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. ж̇ийвагасуд̇д̇аван̣н̣анаа • 5. Jīvakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. ж̇ийвагасуд̇д̇аван̣н̣анаа • 5. Jīvakasuttavaṇṇanā
