| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. жийварагканд̇хагам̣
8. Cīvarakkhandhakaṃ
202. ж̇ийвагавад̇т̇угат̇аа
202. Jīvakavatthukathā
326. жийварагканд̇хагз бад̣̇агкин̣асад̣̇д̣̇асса абасаб̣яад̇т̇ам̣ бадигкибанд̇о ааха ‘‘чзгаа гусалаа’’д̇и. абхисадаад̇и зд̇т̇а сарад̇хаад̇уяаа г̇ад̇ижинд̇аасу ид̇ха г̇ад̇яад̇т̇зд̇и д̣̇ассзнд̇о ааха ‘‘абхиг̇ад̇аа’’д̇и. абхиг̇ад̇аад̇и абхимукам̣ г̇анд̇аб̣б̣аа. нану баал̣ияам̣ ‘‘ад̇т̇игаанам̣ ад̇т̇игаанам̣ мануссаана’’нд̇и вуд̇д̇ам̣, гасмаа бана ‘‘ад̇т̇игзхи ад̇т̇игзхи мануссзхий’’д̇и вуд̇д̇анд̇и ааха ‘‘гаран̣ад̇т̇з банаа’’д̇иаад̣̇и. иминаа чадтийгад̇д̇аа наама д̇ад̇ияаагад̇д̇унаа самааноязваад̇и д̣̇ассзд̇и. ниг̇амз васад̇ийд̇и нзг̇амод̇и вуд̇д̇з гудумб̣ияаг̇ан̣о нзг̇амо наамаад̇и ааха ‘‘гудумб̣ияаг̇ан̣о’’д̇и.
326. Cīvarakkhandhake padakkhiṇasaddassa apasabyatthaṃ paṭikkhipanto āha ‘‘chekā kusalā’’ti. Abhisaṭāti ettha saradhātuyā gaticintāsu idha gatyattheti dassento āha ‘‘abhigatā’’ti. Abhigatāti abhimukhaṃ gantabbā. Nanu pāḷiyaṃ ‘‘atthikānaṃ atthikānaṃ manussāna’’nti vuttaṃ, kasmā pana ‘‘atthikehi atthikehi manussehī’’ti vuttanti āha ‘‘karaṇatthe panā’’tiādi. Iminā chaṭṭhīkattā nāma tatiyākattunā samānoyevāti dasseti. Nigame vasatīti negamoti vutte kuṭumbiyagaṇo negamo nāmāti āha ‘‘kuṭumbiyagaṇo’’ti.
327. наг̇арз нивасанд̇ийд̇и нааг̇араа. д̣̇ад̇ваа, вудтаабзсунд̇и самб̣анд̇хо. аараамуяяаанавааханаад̣̇ийд̇и зд̇т̇а аад̣̇исад̣̇д̣̇зна ан̃н̃аани убабхог̇абарибхог̇аани сан̇г̇ан̣хаад̇и. г̇ан̣игадтаанзд̇и г̇ан̣игааяа таанз. г̇ан̣игаад̇и жа наг̇арасобхиний. саа хи ад̇т̇игзна ж̇анаг̇ан̣зна абхиг̇анд̇аб̣б̣аад̇и г̇ан̣игаад̇и вужжад̇и. бадисад̇зна жаад̇и зд̇т̇а жасад̣̇д̣̇о авад̇хааран̣ад̇т̇о. рад̇д̇им̣ г̇аманасса бадинид̇хисан̇каад̇зна сад̇зна зваад̇и хи ад̇т̇о. г̇илаананд̇и зд̇т̇а бхаавабажжаязна винааби бхаавад̇т̇о н̃аад̇аб̣б̣од̇и ааха ‘‘г̇илаанабхаава’’нд̇и. ‘‘ж̇аанаабзяяа’’нд̇и иминаа бадивзд̣̇зяяанд̇и зд̇т̇а вид̣̇ад̇хаад̇уяаа н̃аан̣ад̇т̇ам̣ д̣̇ассзд̇и. гад̇д̇арасуббзд̇и зд̇т̇а гад̇д̇арасад̣̇д̣̇о ж̇ин̣н̣абарияааяод̇и ааха ‘‘ж̇ин̣н̣асуббз’’д̇и. субанд̇и сунакаад̣̇аяо зд̇т̇аад̇и суббам̣, гад̇д̇арам̣ суббам̣ гад̇д̇арасуббам̣.
327. Nagare nivasantīti nāgarā. Datvā, vuṭṭhāpesunti sambandho. Ārāmuyyānavāhanādīti ettha ādisaddena aññāni upabhogaparibhogāni saṅgaṇhāti. Gaṇikaṭṭhāneti gaṇikāya ṭhāne. Gaṇikāti ca nagarasobhinī. Sā hi atthikena janagaṇena abhigantabbāti gaṇikāti vuccati. Paṭisatena cāti ettha casaddo avadhāraṇattho. Rattiṃ gamanassa paṭinidhisaṅkhātena satena evāti hi attho. Gilānanti ettha bhāvapaccayena vināpi bhāvattho ñātabboti āha ‘‘gilānabhāva’’nti. ‘‘Jānāpeyya’’nti iminā paṭivedeyyanti ettha vidadhātuyā ñāṇatthaṃ dasseti. Kattarasuppeti ettha kattarasaddo jiṇṇapariyāyoti āha ‘‘jiṇṇasuppe’’ti. Supanti sunakhādayo etthāti suppaṃ, kattaraṃ suppaṃ kattarasuppaṃ.
328. д̇анд̇и ж̇ийвагам̣. ан̃н̃з рааж̇ад̣̇аарагаа вад̣̇анд̇и гираад̇и самб̣анд̇хо. над̇т̇и маад̇аа зд̇ассаад̇и ниммаад̇иго. яат̇аа жаад̇иаад̣̇ийсу яат̇аа бзсанд̇и, д̇ат̇аад̇и яож̇анаа. жасад̣̇д̣̇о самбин̣д̣анад̇т̇о. на гзвалам̣ вад̣̇анд̇иязва, ат̇а ко на гожи гин̃жи бзсзд̇ийд̇и хи ад̇т̇о. ан̃н̃зсанд̇и ж̇ийвагад̇о ан̃н̃зсам̣. д̇ассаад̇и ж̇ийвагасса. ид̇ийд̇и звам̣. сод̇и ж̇ийваго. д̇ам̣ саб̣б̣анд̇и ‘‘ниммаад̇иго ниббид̇иго’’д̇и вад̣̇анан̃жа бан̣н̣аагаарасса абзсанан̃жаад̇и д̇ам̣ саб̣б̣ам̣.
328.Tanti jīvakaṃ. Aññe rājadārakā vadanti kirāti sambandho. Natthi mātā etassāti nimmātiko. Yathā cātiādīsu yathā pesanti, tathāti yojanā. Casaddo sampiṇḍanattho. Na kevalaṃ vadantiyeva, atha kho na koci kiñci pesetīti hi attho. Aññesanti jīvakato aññesaṃ. Tassāti jīvakassa. Itīti evaṃ. Soti jīvako. Taṃ sabbanti ‘‘nimmātiko nippitiko’’ti vadanañca paṇṇākārassa apesanañcāti taṃ sabbaṃ.
яам̣нуунаад̇и саад̇ху вад̇а. ахам̣ важ̇ж̇асиббам̣ сигкзяяам̣ саад̇ху вад̇аад̇и яож̇анаа. д̇ассаад̇и ж̇ийвагасса. зд̇ад̣̇ахосийд̇и зд̇ам̣ ахоси, баривид̇агго ахууд̇и ад̇т̇о. баруубагхаад̇абадисам̣яуд̇д̇аанийд̇и барам̣ убаг̇анд̇ваа, уба бхусзна ваа хананзна бадисам̣яуд̇д̇аани. мзд̇д̇аабуб̣б̣абхааг̇анд̇и сиббасса буб̣б̣абхааг̇з бавад̇д̇аа мзд̇д̇аа зд̇ассаад̇и мзд̇д̇аабуб̣б̣абхааг̇ам̣. ид̇и ахосийд̇и яож̇анаа. буримажинд̇ааяа анзганд̇абхаавад̇о зганд̇абхаавам̣ д̣̇ассзнд̇о ааха ‘‘аби жаа’’д̇иаад̣̇и. аби жаад̇и зганд̇зна. аяанд̇и ж̇ийваго. ид̇од̇и бхад̣̇д̣̇агаббад̇о. аяанд̇и убаасаго . жад̇убарисанд̇арзд̇и жад̇убарисамаж̇жхз. бад̇т̇ад̇аг̇ун̣анд̇и бад̇т̇арид̇аг̇ун̣ам̣. таананд̇аранд̇и таанабхзд̣̇ам̣, ахамбийд̇и на аяам̣ убаасагоязва, ахамбийд̇и ад̇т̇о. бхаг̇аваад̇и аалабанабад̣̇амзд̇ам̣. бад̇т̇ананд̇и ижчид̇аварам̣. жод̣̇ияамаанобийд̇и уяяож̇ияамааноби. бисад̣̇д̣̇зна буримажинд̇анамабзгкад̇и. зсаад̇и зсо ж̇ийваго.
Yaṃnūnāti sādhu vata. Ahaṃ vajjasippaṃ sikkheyyaṃ sādhu vatāti yojanā. Tassāti jīvakassa. Etadahosīti etaṃ ahosi, parivitakko ahūti attho. Parūpaghātapaṭisaṃyuttānīti paraṃ upagantvā, upa bhusena vā hananena paṭisaṃyuttāni. Mettāpubbabhāganti sippassa pubbabhāge pavattā mettā etassāti mettāpubbabhāgaṃ. Iti ahosīti yojanā. Purimacintāya anekantabhāvato ekantabhāvaṃ dassento āha ‘‘api cā’’tiādi. Api cāti ekantena. Ayanti jīvako. Itoti bhaddakappato. Ayanti upāsako . Catuparisantareti catuparisamajjhe. Patthataguṇanti pattharitaguṇaṃ. Ṭhānantaranti ṭhānabhedaṃ, ahampīti na ayaṃ upāsakoyeva, ahampīti attho. Bhagavāti ālapanapadametaṃ. Patthananti icchitavaraṃ. Codiyamānopīti uyyojiyamānopi. Pisaddena purimacintanamapekkhati. Esāti eso jīvako.
329. д̣̇исаабаамогкод̇и бад̣̇асса д̣̇исаасу баамогко д̣̇исаабаамогкод̇и важанад̇т̇ам̣ д̣̇ассзнд̇о ааха ‘‘саб̣б̣ад̣̇исаасуу’’д̇иаад̣̇и. д̇асмин̃жа самаязд̇и ж̇ийвагасса д̇асмим̣ жинд̇анасамаяз жа, ааг̇амам̣сууд̇и самб̣анд̇хо. д̇зд̇и ваан̣иж̇з, бужчийд̇и самб̣анд̇хо. гуд̇од̇и наг̇арад̇о. д̇аггасийлад̇од̇и д̇аггасийланаг̇арад̇о. д̇ад̇т̇аад̇и д̇аггасийлз. аамаад̇и самбадижчанад̇т̇з нибаад̇о, аама ад̇т̇ийд̇и хи ад̇т̇о. д̇зд̇и ваан̣иж̇аа. д̇ат̇аад̇и яат̇аа ж̇ийваго ааха, д̇ат̇аа агам̣сууд̇и ад̇т̇о. сод̇и ж̇ийваго. бид̇аранд̇и абхаяарааж̇агумаарам̣. д̇зхийд̇и ваан̣иж̇зхи.
329.Disāpāmokkhoti padassa disāsu pāmokkho disāpāmokkhoti vacanatthaṃ dassento āha ‘‘sabbadisāsū’’tiādi. Tasmiñca samayeti jīvakassa tasmiṃ cintanasamaye ca, āgamaṃsūti sambandho. Teti vāṇije, pucchīti sambandho. Kutoti nagarato. Takkasīlatoti takkasīlanagarato. Tatthāti takkasīle. Āmāti sampaṭicchanatthe nipāto, āma atthīti hi attho. Teti vāṇijā. Tathāti yathā jīvako āha, tathā akaṃsūti attho. Soti jīvako. Pitaranti abhayarājakumāraṃ. Tehīti vāṇijehi.
д̇анд̇и ж̇ийвагам̣, бужчийд̇и самб̣анд̇хо. сод̇и ж̇ийваго. гасмаа д̇аад̇а д̇вам̣ ид̇хааг̇ад̇о аси банаад̇и бужчийд̇и яож̇анаа. д̇ад̇од̇и бужчад̇о. сод̇и ж̇ийваго. сигкид̇ум̣ ааг̇ад̇о амхийд̇и яож̇анаа. б̣ахун̃жа г̇ан̣хаад̇ийд̇иаад̣̇ийсу со гин̃жи гаммам̣ агад̇ваа сиббассзва сигкид̇ад̇д̇аа б̣ахун̃жа г̇ан̣хаад̇ийд̇и ааха ‘‘яат̇аа’’д̇иаад̣̇и. д̇ад̇т̇а яат̇аа сигканд̇иязва, звам̣ д̇ат̇аа со на сигкад̇ийд̇и яож̇анаа. со банаад̇и ж̇ийваго бана, гарод̇и сигкад̇ийд̇и самб̣анд̇хо. згам̣ гааланд̇и згасмим̣ гаалз. звам̣ санд̇з гасмаа со б̣ахун̃жа г̇ан̣хаад̇ийд̇и ааха ‘‘звам̣ санд̇збий’’д̇иаад̣̇и. мзд̇хаавид̇ааяаад̇и киббам̣ г̇ахан̣ад̇хааран̣абан̃н̃ад̇ааяа, б̣ахун̃жа сиббанд̇и самб̣анд̇хо. асса ж̇ийвагасса г̇ахид̇ан̃жа сиббам̣ на саммуссад̇ийд̇и яож̇анаа.
Tanti jīvakaṃ, pucchīti sambandho. Soti jīvako. Kasmā tāta tvaṃ idhāgato asi panāti pucchīti yojanā. Tatoti pucchato. Soti jīvako. Sikkhituṃ āgato amhīti yojanā. Bahuñca gaṇhātītiādīsu so kiñci kammaṃ akatvā sippasseva sikkhitattā bahuñca gaṇhātīti āha ‘‘yathā’’tiādi. Tattha yathā sikkhantiyeva, evaṃ tathā so na sikkhatīti yojanā. So panāti jīvako pana, karoti sikkhatīti sambandho. Ekaṃ kālanti ekasmiṃ kāle. Evaṃ sante kasmā so bahuñca gaṇhātīti āha ‘‘evaṃ santepī’’tiādi. Medhāvitāyāti khippaṃ gahaṇadhāraṇapaññatāya, bahuñca sippanti sambandho. Assa jīvakassa gahitañca sippaṃ na sammussatīti yojanā.
яад̇д̇агам̣ сиббам̣ аажарияо ж̇аанаад̇и, д̇ад̇д̇агам̣ аяам̣ ж̇ийваго ж̇аанаад̇ийд̇и яож̇анаа. яанд̇и сиббам̣. аяанд̇и ж̇ийваго, бхависсад̇ийд̇и самб̣анд̇хо. нанд̇и ж̇ийвагам̣. яат̇аад̇и язнаагаарзна. гаммавибааганд̇и гаммавибаагаж̇ам̣ рог̇ам̣. ‘‘на’’нд̇и бад̣̇ам̣ ‘‘сигкаабзсий’’д̇и бад̣̇з гаарид̇агаммам̣, ‘‘бхзсаж̇ж̇аяож̇ана’’нд̇и бад̣̇ам̣ д̇хаад̇угаммам̣. бхзсаж̇ж̇аяож̇ананд̇и бхзсаж̇ж̇зна рог̇асса яож̇анам̣. со банаад̇и ж̇ийваго бана. иминаад̇и ж̇ийвагзна на уг̇г̇ахид̇ам̣, уг̇г̇ахид̇анд̇и самб̣анд̇хо. згзна д̣̇ваарзнаад̇и жад̇уусу д̣̇ваарзсу згзна д̣̇ваарзна. аахин̣д̣анд̇од̇и вижаранд̇о. барид̇д̇ам̣ баат̇зяяанд̇и зд̇т̇а барид̇д̇асад̣̇д̣̇асса аарагканад̇т̇зби бавад̇д̇анад̇о ид̇ха аббад̇т̇з бавад̇д̇ад̇ийд̇и д̣̇ассзнд̇о ааха ‘‘аббамад̇д̇ага’’нд̇и. гасмаа аббамад̇д̇агам̣ баат̇зяяам̣ ад̣̇аасийд̇и яож̇анаа. д̇ассаад̇и д̣̇исаабаамогкасса. аяанд̇и ж̇ийваго, лабхиссад̇ийд̇и самб̣анд̇хо. д̇ад̇од̇и лабханад̇о. кийн̣з баат̇зяязд̇и баат̇зяяз кийн̣з сад̇ийд̇и яож̇анаа.
Yattakaṃ sippaṃ ācariyo jānāti, tattakaṃ ayaṃ jīvako jānātīti yojanā. Yanti sippaṃ. Ayanti jīvako, bhavissatīti sambandho. Nanti jīvakaṃ. Yathāti yenākārena. Kammavipākanti kammavipākajaṃ rogaṃ. ‘‘Na’’nti padaṃ ‘‘sikkhāpesī’’ti pade kāritakammaṃ, ‘‘bhesajjayojana’’nti padaṃ dhātukammaṃ. Bhesajjayojananti bhesajjena rogassa yojanaṃ. So panāti jīvako pana. Imināti jīvakena na uggahitaṃ, uggahitanti sambandho. Ekena dvārenāti catūsu dvāresu ekena dvārena. Āhiṇḍantoti vicaranto. Parittaṃ pātheyyanti ettha parittasaddassa ārakkhanatthepi pavattanato idha appatthe pavattatīti dassento āha ‘‘appamattaka’’nti. Kasmā appamattakaṃ pātheyyaṃ adāsīti yojanā. Tassāti disāpāmokkhassa. Ayanti jīvako, labhissatīti sambandho. Tatoti labhanato. Khīṇe pātheyyeti pātheyye khīṇe satīti yojanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 202. ж̇ийвагавад̇т̇у • 202. Jīvakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ж̇ийвагавад̇т̇угат̇аа • Jīvakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
