| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૬. જોતિસિક્ખાપદવણ્ણના
6. Jotisikkhāpadavaṇṇanā
અગિલાનોતિ યસ્સ વિના અગ્ગિના ફાસુ હોતિ, સો ઇધ અગિલાનો નામ. જોતિન્તિ અગ્ગિં.
Agilānoti yassa vinā agginā phāsu hoti, so idha agilāno nāma. Jotinti aggiṃ.
ભગ્ગેસૂતિ એવંનામકે જનપદે. ભગ્ગાનામ જાનપદિનો રાજકુમારા, તેસં નિવાસો એકોપિ જનપદો રુળ્હિસદ્દેન ‘‘ભગ્ગા’’તિ વુચ્ચતિ. તેન વુત્તં ‘‘ભગ્ગેસૂતિ એવંનામકે જનપદે’’તિ. તથા પતિલાતં ઉક્ખિપન્તસ્સાતિ ડય્હમાનં અલાતં પતિતં ઉક્ખિપન્તસ્સ તથા દુક્કટન્તિ અત્થો. તઞ્ચાતિ દુક્કટં પરામસતિ. અવિજ્ઝાતન્તિ અનિબ્બુતાલાતં. પદીપજોતિકજન્તાઘરેતિ પદીપુજ્જલનપત્તપચનસેદકમ્માદીસુ જોતિકરણે અગ્ગિસાલાયઞ્ચ સમાદહન્તસ્સ અનાપત્તીતિ અત્થો. તથારૂપપ્પચ્ચયેતિ ઠપેત્વા પદીપાદીનિ અઞ્ઞસ્મિમ્પિ તથારૂપપચ્ચયે. આપદાસૂતિ દુટ્ઠવાળમિગઅમનુસ્સેહિ ઉપદ્દવેસુ.
Bhaggesūti evaṃnāmake janapade. Bhaggānāma jānapadino rājakumārā, tesaṃ nivāso ekopi janapado ruḷhisaddena ‘‘bhaggā’’ti vuccati. Tena vuttaṃ ‘‘bhaggesūti evaṃnāmake janapade’’ti. Tathā patilātaṃ ukkhipantassāti ḍayhamānaṃ alātaṃ patitaṃ ukkhipantassa tathā dukkaṭanti attho. Tañcāti dukkaṭaṃ parāmasati. Avijjhātanti anibbutālātaṃ. Padīpajotikajantāghareti padīpujjalanapattapacanasedakammādīsu jotikaraṇe aggisālāyañca samādahantassa anāpattīti attho. Tathārūpappaccayeti ṭhapetvā padīpādīni aññasmimpi tathārūpapaccaye. Āpadāsūti duṭṭhavāḷamigaamanussehi upaddavesu.
જોતિસિક્ખાપદવણ્ણના નિટ્ઠિતા.
Jotisikkhāpadavaṇṇanā niṭṭhitā.
