| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੫੬. ਜੁਣ੍ਹਜਾਤਕਂ (੨)
456. Juṇhajātakaṃ (2)
੧੩.
13.
ਸੁਣੋਹਿ ਮਯ੍ਹਂ વਚਨਂ ਜਨਿਨ੍ਦ, ਅਤ੍ਥੇਨ ਜੁਣ੍ਹਮ੍ਹਿ ਇਧਾਨੁਪਤ੍ਤੋ।
Suṇohi mayhaṃ vacanaṃ janinda, atthena juṇhamhi idhānupatto;
੧੪.
14.
ਸੁਣੋਮਿ ਤਿਟ੍ਠਾਮਿ વਦੇਹਿ ਬ੍ਰਹ੍ਮੇ, ਯੇਨਾਸਿ 5 ਅਤ੍ਥੇਨ ਇਧਾਨੁਪਤ੍ਤੋ।
Suṇomi tiṭṭhāmi vadehi brahme, yenāsi 6 atthena idhānupatto;
ਕਂ વਾ ਤ੍વਮਤ੍ਥਂ ਮਯਿ ਪਤ੍ਥਯਾਨੋ, ਇਧਾਗਮਾ ਬ੍ਰਹ੍ਮੇ ਤਦਿਙ੍ਘ ਬ੍ਰੂਹਿ॥
Kaṃ vā tvamatthaṃ mayi patthayāno, idhāgamā brahme tadiṅgha brūhi.
੧੫.
15.
ਦਦਾਹਿ ਮੇ ਗਾਮવਰਾਨਿ ਪਞ੍ਚ, ਦਾਸੀਸਤਂ ਸਤ੍ਤ ਗવਂਸਤਾਨਿ।
Dadāhi me gāmavarāni pañca, dāsīsataṃ satta gavaṃsatāni;
ਪਰੋਸਹਸ੍ਸਞ੍ਚ ਸੁવਣ੍ਣਨਿਕ੍ਖੇ, ਭਰਿਯਾ ਚ ਮੇ ਸਾਦਿਸੀ ਦ੍વੇ ਦਦਾਹਿ॥
Parosahassañca suvaṇṇanikkhe, bhariyā ca me sādisī dve dadāhi.
੧੬.
16.
ਤਪੋ ਨੁ ਤੇ ਬ੍ਰਾਹ੍ਮਣ ਭਿਂਸਰੂਪੋ, ਮਨ੍ਤਾ ਨੁ ਤੇ ਬ੍ਰਾਹ੍ਮਣ ਚਿਤ੍ਤਰੂਪਾ।
Tapo nu te brāhmaṇa bhiṃsarūpo, mantā nu te brāhmaṇa cittarūpā;
ਯਕ੍ਖਾ ਨੁ 7 ਤੇ ਅਸ੍ਸવਾ ਸਨ੍ਤਿ ਕੇਚਿ, ਅਤ੍ਥਂ વਾ ਮੇ ਅਭਿਜਾਨਾਸਿ ਕਤ੍ਤਂ॥
Yakkhā nu 8 te assavā santi keci, atthaṃ vā me abhijānāsi kattaṃ.
੧੭.
17.
ਨ ਮੇ ਤਪੋ ਅਤ੍ਥਿ ਨ ਚਾਪਿ ਮਨ੍ਤਾ, ਯਕ੍ਖਾਪਿ ਮੇ ਅਸ੍ਸવਾ ਨਤ੍ਥਿ ਕੇਚਿ।
Na me tapo atthi na cāpi mantā, yakkhāpi me assavā natthi keci;
ਅਤ੍ਥਮ੍ਪਿ ਤੇ ਨਾਭਿਜਾਨਾਮਿ ਕਤ੍ਤਂ, ਪੁਬ੍ਬੇ ਚ ਖੋ 9 ਸਙ੍ਗਤਿਮਤ੍ਤਮਾਸਿ॥
Atthampi te nābhijānāmi kattaṃ, pubbe ca kho 10 saṅgatimattamāsi.
੧੮.
18.
ਪਠਮਂ ਇਦਂ ਦਸ੍ਸਨਂ ਜਾਨਤੋ ਮੇ, ਨ ਤਾਭਿਜਾਨਾਮਿ ਇਤੋ ਪੁਰਤ੍ਥਾ।
Paṭhamaṃ idaṃ dassanaṃ jānato me, na tābhijānāmi ito puratthā;
ਅਕ੍ਖਾਹਿ ਮੇ ਪੁਚ੍ਛਿਤੋ ਏਤਮਤ੍ਥਂ, ਕਦਾ ਕੁਹਿਂ વਾ ਅਹੁ ਸਙ੍ਗਮੋ ਨੋ॥
Akkhāhi me pucchito etamatthaṃ, kadā kuhiṃ vā ahu saṅgamo no.
੧੯.
19.
ਗਨ੍ਧਾਰਰਾਜਸ੍ਸ ਪੁਰਮ੍ਹਿ ਰਮ੍ਮੇ, ਅવਸਿਮ੍ਹਸੇ ਤਕ੍ਕਸੀਲਾਯਂ ਦੇવ।
Gandhārarājassa puramhi ramme, avasimhase takkasīlāyaṃ deva;
ਤਤ੍ਥਨ੍ਧਕਾਰਮ੍ਹਿ ਤਿਮੀਸਿਕਾਯਂ 11, ਅਂਸੇਨ ਅਂਸਂ ਸਮਘਟ੍ਟਯਿਮ੍ਹ॥
Tatthandhakāramhi timīsikāyaṃ 12, aṃsena aṃsaṃ samaghaṭṭayimha.
੨੦.
20.
ਸਾਯੇવ ਨੋ ਸਙ੍ਗਤਿਮਤ੍ਤਮਾਸਿ, ਤਤੋ ਨ ਪਚ੍ਛਾ ਨ ਪੁਰੇ ਅਹੋਸਿ॥
Sāyeva no saṅgatimattamāsi, tato na pacchā na pure ahosi.
੨੧.
21.
ਯਦਾ ਕਦਾਚਿ ਮਨੁਜੇਸੁ ਬ੍ਰਹ੍ਮੇ, ਸਮਾਗਮੋ ਸਪ੍ਪੁਰਿਸੇਨ ਹੋਤਿ।
Yadā kadāci manujesu brahme, samāgamo sappurisena hoti;
ਨ ਪਣ੍ਡਿਤਾ ਸਙ੍ਗਤਿਸਨ੍ਥવਾਨਿ, ਪੁਬ੍ਬੇ ਕਤਂ વਾਪਿ વਿਨਾਸਯਨ੍ਤਿ॥
Na paṇḍitā saṅgatisanthavāni, pubbe kataṃ vāpi vināsayanti.
੨੨.
22.
ਬਾਲਾવ 17 ਖੋ ਸਙ੍ਗਤਿਸਨ੍ਥવਾਨਿ, ਪੁਬ੍ਬੇ ਕਤਂ વਾਪਿ વਿਨਾਸਯਨ੍ਤਿ।
Bālāva 18 kho saṅgatisanthavāni, pubbe kataṃ vāpi vināsayanti;
ਬਹੁਮ੍ਪਿ ਬਾਲੇਸੁ ਕਤਂ વਿਨਸ੍ਸਤਿ, ਤਥਾ ਹਿ ਬਾਲਾ ਅਕਤਞ੍ਞੁਰੂਪਾ॥
Bahumpi bālesu kataṃ vinassati, tathā hi bālā akataññurūpā.
੨੩.
23.
ਧੀਰਾ ਚ ਖੋ ਸਙ੍ਗਤਿਸਨ੍ਥવਾਨਿ, ਪੁਬ੍ਬੇ ਕਤਂ વਾਪਿ ਨ ਨਾਸਯਨ੍ਤਿ।
Dhīrā ca kho saṅgatisanthavāni, pubbe kataṃ vāpi na nāsayanti;
ਅਪ੍ਪਮ੍ਪਿ ਧੀਰੇਸੁ ਕਤਂ ਨ ਨਸ੍ਸਤਿ, ਤਥਾ ਹਿ ਧੀਰਾ ਸੁਕਤਞ੍ਞੁਰੂਪਾ॥
Appampi dhīresu kataṃ na nassati, tathā hi dhīrā sukataññurūpā.
੨੪.
24.
ਦਦਾਮਿ ਤੇ ਗਾਮવਰਾਨਿ ਪਞ੍ਚ, ਦਾਸੀਸਤਂ ਸਤ੍ਤ ਗવਂਸਤਾਨਿ।
Dadāmi te gāmavarāni pañca, dāsīsataṃ satta gavaṃsatāni;
ਪਰੋਸਹਸ੍ਸਞ੍ਚ ਸੁવਣ੍ਣਨਿਕ੍ਖੇ, ਭਰਿਯਾ ਚ ਤੇ ਸਾਦਿਸੀ ਦ੍વੇ ਦਦਾਮਿ॥
Parosahassañca suvaṇṇanikkhe, bhariyā ca te sādisī dve dadāmi.
੨੫.
25.
ਏવਂ ਸਤਂ ਹੋਤਿ ਸਮੇਚ੍ਚ ਰਾਜ, ਨਕ੍ਖਤ੍ਤਰਾਜਾਰਿવ ਤਾਰਕਾਨਂ।
Evaṃ sataṃ hoti samecca rāja, nakkhattarājāriva tārakānaṃ;
ਆਪੂਰਤੀ ਕਾਸਿਪਤੀ ਤਥਾਹਂ, ਤਯਾਪਿ ਮੇ ਸਙ੍ਗਮੋ ਅਜ੍ਜ ਲਦ੍ਧੋਤਿ॥
Āpūratī kāsipatī tathāhaṃ, tayāpi me saṅgamo ajja laddhoti.
ਜੁਣ੍ਹਜਾਤਕਂ ਦੁਤਿਯਂ।
Juṇhajātakaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੫੬] ੨. ਜੁਣ੍ਹਜਾਤਕવਣ੍ਣਨਾ • [456] 2. Juṇhajātakavaṇṇanā
