| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. гажжаанаг̇од̇д̇асуд̇д̇ам̣
5. Kaccānagottasuttaṃ
15. саавад̇т̇ияам̣ вихарад̇и. ат̇а ко ааяасмаа гажжаанаг̇од̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа гажжаанаг̇од̇д̇о бхаг̇аванд̇ам̣ зд̇ад̣̇авожа – ‘‘‘саммаад̣̇идти саммаад̣̇идтий’д̇и, бханд̇з, вужжад̇и. гид̇д̇аавад̇аа ну ко, бханд̇з, саммаад̣̇идти ход̇ий’’д̇и?
15. Sāvatthiyaṃ viharati. Atha kho āyasmā kaccānagotto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā kaccānagotto bhagavantaṃ etadavoca – ‘‘‘sammādiṭṭhi sammādiṭṭhī’ti, bhante, vuccati. Kittāvatā nu kho, bhante, sammādiṭṭhi hotī’’ti?
‘‘д̣̇ваяаниссид̇о квааяам̣, гажжаана, лого язбхуяязна – ад̇т̇ид̇ан̃жзва над̇т̇ид̇ан̃жа. логасамуд̣̇аяам̣ ко, гажжаана, яат̇аабхууд̇ам̣ саммаббан̃н̃ааяа бассад̇о яаа логз над̇т̇ид̇аа саа на ход̇и. логанирод̇хам̣ ко, гажжаана, яат̇аабхууд̇ам̣ саммаббан̃н̃ааяа бассад̇о яаа логз ад̇т̇ид̇аа саа на ход̇и. убаяубаад̣̇аанаабхинивзсавиниб̣анд̇хо 1 квааяам̣, гажжаана, лого язбхуяязна. д̇ан̃жааяам̣ убаяубаад̣̇аанам̣ жзд̇асо ад̇хидтаанам̣ абхинивзсаанусаяам̣ на убзд̇и на убаад̣̇ияад̇и наад̇хидтаад̇и – ‘ад̇д̇аа мз’д̇и. ‘д̣̇угкамзва уббаж̇ж̇амаанам̣ уббаж̇ж̇ад̇и, д̣̇угкам̣ нируж̇жхамаанам̣ нируж̇жхад̇ий’д̇и на ган̇кад̇и на вижигижчад̇и абарабажжаяаа н̃аан̣амзвасса зд̇т̇а ход̇и. зд̇д̇аавад̇аа ко, гажжаана, саммаад̣̇идти ход̇и.
‘‘Dvayanissito khvāyaṃ, kaccāna, loko yebhuyyena – atthitañceva natthitañca. Lokasamudayaṃ kho, kaccāna, yathābhūtaṃ sammappaññāya passato yā loke natthitā sā na hoti. Lokanirodhaṃ kho, kaccāna, yathābhūtaṃ sammappaññāya passato yā loke atthitā sā na hoti. Upayupādānābhinivesavinibandho 2 khvāyaṃ, kaccāna, loko yebhuyyena. Tañcāyaṃ upayupādānaṃ cetaso adhiṭṭhānaṃ abhinivesānusayaṃ na upeti na upādiyati nādhiṭṭhāti – ‘attā me’ti. ‘Dukkhameva uppajjamānaṃ uppajjati, dukkhaṃ nirujjhamānaṃ nirujjhatī’ti na kaṅkhati na vicikicchati aparapaccayā ñāṇamevassa ettha hoti. Ettāvatā kho, kaccāna, sammādiṭṭhi hoti.
‘‘‘саб̣б̣ам̣ ад̇т̇ий’д̇и ко, гажжаана, аяамзго анд̇о. ‘саб̣б̣ам̣ над̇т̇ий’д̇и аяам̣ д̣̇уд̇ияо анд̇о. зд̇з д̇з, гажжаана, убхо анд̇з анубаг̇амма маж̇жхзна д̇ат̇ааг̇ад̇о д̇хаммам̣ д̣̇зсзд̇и – ‘авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’’д̇и. бан̃жамам̣.
‘‘‘Sabbaṃ atthī’ti kho, kaccāna, ayameko anto. ‘Sabbaṃ natthī’ti ayaṃ dutiyo anto. Ete te, kaccāna, ubho ante anupagamma majjhena tathāgato dhammaṃ deseti – ‘avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hotī’’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. гажжаанаг̇од̇д̇асуд̇д̇аван̣н̣анаа • 5. Kaccānagottasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. гажжаанаг̇од̇д̇асуд̇д̇аван̣н̣анаа • 5. Kaccānagottasuttavaṇṇanā
