| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੮. ਅਟ੍ਠਕਨਿਪਾਤੋ
8. Aṭṭhakanipāto
੪੧੭. ਕਚ੍ਚਾਨਿਜਾਤਕਂ (੧)
417. Kaccānijātakaṃ (1)
੧.
1.
ਓਦਾਤવਤ੍ਥਾ ਸੁਚਿ ਅਲ੍ਲਕੇਸਾ, ਕਚ੍ਚਾਨਿ ਕਿਂ ਕੁਮ੍ਭਿਮਧਿਸ੍ਸਯਿਤ੍વਾ 1।
Odātavatthā suci allakesā, kaccāni kiṃ kumbhimadhissayitvā 2;
ਪਿਟ੍ਠਾ ਤਿਲਾ ਧੋવਸਿ ਤਣ੍ਡੁਲਾਨਿ, ਤਿਲੋਦਨੋ ਹੇਹਿਤਿ ਕਿਸ੍ਸ ਹੇਤੁ॥
Piṭṭhā tilā dhovasi taṇḍulāni, tilodano hehiti kissa hetu.
੨.
2.
ਨ ਖੋ ਅਯਂ ਬ੍ਰਾਹ੍ਮਣ ਭੋਜਨਤ੍ਥਾ 3, ਤਿਲੋਦਨੋ ਹੇਹਿਤਿ ਸਾਧੁਪਕ੍ਕੋ।
Na kho ayaṃ brāhmaṇa bhojanatthā 4, tilodano hehiti sādhupakko;
ਧਮ੍ਮੋ ਮਤੋ ਤਸ੍ਸ ਪਹੁਤ੍ਤਮਜ੍ਜ 5, ਅਹਂ ਕਰਿਸ੍ਸਾਮਿ ਸੁਸਾਨਮਜ੍ਝੇ॥
Dhammo mato tassa pahuttamajja 6, ahaṃ karissāmi susānamajjhe.
੩.
3.
ਅਨੁવਿਚ੍ਚ ਕਚ੍ਚਾਨਿ ਕਰੋਹਿ ਕਿਚ੍ਚਂ, ਧਮ੍ਮੋ ਮਤੋ ਕੋ ਨੁ ਤવੇવ 7 ਸਂਸਿ।
Anuvicca kaccāni karohi kiccaṃ, dhammo mato ko nu taveva 8 saṃsi;
ਸਹਸ੍ਸਨੇਤ੍ਤੋ ਅਤੁਲਾਨੁਭਾવੋ, ਨ ਮਿਯ੍ਯਤੀ ਧਮ੍ਮવਰੋ ਕਦਾਚਿ॥
Sahassanetto atulānubhāvo, na miyyatī dhammavaro kadāci.
੪.
4.
ਦਲ਼੍ਹਪ੍ਪਮਾਣਂ ਮਮ ਏਤ੍ਥ ਬ੍ਰਹ੍ਮੇ, ਧਮ੍ਮੋ ਮਤੋ ਨਤ੍ਥਿ ਮਮੇਤ੍ਥ ਕਙ੍ਖਾ।
Daḷhappamāṇaṃ mama ettha brahme, dhammo mato natthi mamettha kaṅkhā;
ਯੇ ਯੇવ ਦਾਨਿ ਪਾਪਾ ਭવਨ੍ਤਿ, ਤੇ ਤੇવ ਦਾਨਿ ਸੁਖਿਤਾ ਭવਨ੍ਤਿ॥
Ye yeva dāni pāpā bhavanti, te teva dāni sukhitā bhavanti.
੫.
5.
ਸੁਣਿਸਾ ਹਿ ਮਯ੍ਹਂ વਞ੍ਝਾ ਅਹੋਸਿ, ਸਾ ਮਂ વਧਿਤ੍વਾਨ વਿਜਾਯਿ ਪੁਤ੍ਤਂ।
Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
ਸਾ ਦਾਨਿ ਸਬ੍ਬਸ੍ਸ ਕੁਲਸ੍ਸ ਇਸ੍ਸਰਾ, ਅਹਂ ਪਨਮ੍ਹਿ 9 ਅਪવਿਦ੍ਧਾ ਏਕਿਕਾ॥
Sā dāni sabbassa kulassa issarā, ahaṃ panamhi 10 apaviddhā ekikā.
੬.
6.
ਜੀવਾਮਿ વੋਹਂ ਨ ਮਤੋਹਮਸ੍ਮਿ 11, ਤવੇવ ਅਤ੍ਥਾਯ ਇਧਾਗਤੋਸ੍ਮਿ।
Jīvāmi vohaṃ na matohamasmi 12, taveva atthāya idhāgatosmi;
ਯਾ ਤਂ વਧਿਤ੍વਾਨ વਿਜਾਯਿ ਪੁਤ੍ਤਂ, ਸਹਾવ ਪੁਤ੍ਤੇਨ ਕਰੋਮਿ ਭਸ੍ਮਂ॥
Yā taṃ vadhitvāna vijāyi puttaṃ, sahāva puttena karomi bhasmaṃ.
੭.
7.
ਏવਞ੍ਚ 13 ਤੇ ਰੁਚ੍ਚਤਿ ਦੇવਰਾਜ, ਮਮੇવ ਅਤ੍ਥਾਯ ਇਧਾਗਤੋਸਿ।
Evañca 14 te ruccati devarāja, mameva atthāya idhāgatosi;
ਅਹਞ੍ਚ ਪੁਤ੍ਤੋ ਸੁਣਿਸਾ ਚ ਨਤ੍ਤਾ, ਸਮ੍ਮੋਦਮਾਨਾ ਘਰਮਾવਸੇਮ॥
Ahañca putto suṇisā ca nattā, sammodamānā gharamāvasema.
੮.
8.
ਏવਞ੍ਚ ਤੇ ਰੁਚ੍ਚਤਿ ਕਾਤਿਯਾਨਿ, ਹਤਾਪਿ ਸਨ੍ਤਾ ਨ ਜਹਾਸਿ ਧਮ੍ਮਂ।
Evañca te ruccati kātiyāni, hatāpi santā na jahāsi dhammaṃ;
ਤੁવਞ੍ਚ 15 ਪੁਤ੍ਤੋ ਸੁਣਿਸਾ ਚ ਨਤ੍ਤਾ, ਸਮ੍ਮੋਦਮਾਨਾ ਘਰਮਾવਸੇਥ॥
Tuvañca 16 putto suṇisā ca nattā, sammodamānā gharamāvasetha.
੯.
9.
ਸਾ ਕਾਤਿਯਾਨੀ ਸੁਣਿਸਾਯ ਸਦ੍ਧਿਂ, ਸਮ੍ਮੋਦਮਾਨਾ ਘਰਮਾવਸਿਤ੍ਥ।
Sā kātiyānī suṇisāya saddhiṃ, sammodamānā gharamāvasittha;
ਪੁਤ੍ਤੋ ਚ ਨਤ੍ਤਾ ਚ ਉਪਟ੍ਠਹਿਂਸੁ, ਦੇવਾਨਮਿਨ੍ਦੇਨ ਅਧਿਗ੍ਗਹੀਤਾਤਿ॥
Putto ca nattā ca upaṭṭhahiṃsu, devānamindena adhiggahītāti.
ਕਚ੍ਚਾਨਿਜਾਤਕਂ ਪਠਮਂ।
Kaccānijātakaṃ paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੧੭] ੧. ਕਚ੍ਚਾਨਿਜਾਤਕવਣ੍ਣਨਾ • [417] 1. Kaccānijātakavaṇṇanā
