| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
8. адтаганибаад̇о
8. Aṭṭhakanipāto
[417] 1. гажжааниж̇аад̇агаван̣н̣анаа
[417] 1. Kaccānijātakavaṇṇanā
од̣̇аад̇авад̇т̇аа сужи аллагзсаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ маад̇убосагам̣ убаасагам̣ аараб̣бха гат̇зси. со гира саавад̇т̇ияам̣ гулад̣̇аараго аажаарасамбанно бид̇ари гаалагад̇з маад̇уд̣̇звад̇о худ̇ваа мукад̇хованад̣̇анд̇агадтад̣̇аананхаабанабаад̣̇ад̇хованаад̣̇ивзяяааважжагаммзна жзва яааг̇убхад̇д̇аад̣̇ийхи жа маад̇арам̣ бадиж̇аг̇г̇и. ат̇а нам̣ маад̇аа ‘‘д̇аад̇а, д̇ава ан̃н̃ааниби гхарааваасагижжаани ад̇т̇и, згам̣ самаж̇аад̇игам̣ гулагумааригам̣ г̇ан̣хаахи, саа мам̣ босзссад̇и, д̇вамби ад̇д̇ано гаммам̣ гариссасий’’д̇и ааха. ‘‘амма, ахам̣ ад̇д̇ано хид̇асукам̣ абажжаасийсамаано д̇умхз убадтахаами, го ан̃н̃о звам̣ убадтахиссад̇ий’’д̇и? ‘‘гулавад̣дханагаммам̣ наама д̇аад̇а, гаад̇ум̣ ваддад̇ий’’д̇и. ‘‘на маяхам̣ гхарааваасзна ад̇т̇о, ахам̣ д̇умхз убадтахид̇ваа д̇умхаагам̣ д̇хуумагаалз баб̣б̣аж̇иссаамий’’д̇и. ат̇асса маад̇аа бунаббунам̣ яаажид̇вааби манам̣ алабхамаанаа д̇асса чанд̣̇ам̣ аг̇г̇ахзд̇ваа самаж̇аад̇игам̣ гулагумааригам̣ аанзси. со маад̇арам̣ аббадигкибид̇ваа д̇ааяа сад̣̇д̇хим̣ сам̣ваасам̣ габбзси. сааби ‘‘маяхам̣ саамиго маханд̇зна уссаахзна маад̇арам̣ убадтахад̇и, ахамби нам̣ убадтахиссаами, звамасса бияаа бхависсаамий’’д̇и жинд̇зд̇ваа д̇ам̣ саггажжам̣ убадтахи. со ‘‘аяам̣ мз маад̇арам̣ саггажжам̣ убадтахий’’д̇и д̇ад̇о бадтааяа лад̣̇д̇халад̣̇д̇хаани мад̇хуракаад̣̇анийяаад̣̇ийни д̇ассааязва д̣̇зд̇и. саа абарабхааг̇з жинд̇зси ‘‘аяам̣ лад̣̇д̇халад̣̇д̇хаани мад̇хуракаад̣̇анийяаад̣̇ийни маяхан̃н̃зва д̣̇зд̇и, ад̣̇д̇хаа маад̇арам̣ нийхарид̇угаамо бхависсад̇и, нийхаран̣уубааяамассаа гариссаамий’’д̇и звам̣ аяонисо уммуж̇ж̇ид̇ваа згам̣ д̣̇ивасам̣ ааха – ‘‘саами, д̇аяи б̣ахи нигкаманд̇з д̇ава маад̇аа мам̣ аггосад̇ий’’д̇и. со д̇ун̣хий ахоси.
Odātavatthāsuci allakesāti idaṃ satthā jetavane viharanto aññataraṃ mātuposakaṃ upāsakaṃ ārabbha kathesi. So kira sāvatthiyaṃ kuladārako ācārasampanno pitari kālakate mātudevato hutvā mukhadhovanadantakaṭṭhadānanhāpanapādadhovanādiveyyāvaccakammena ceva yāgubhattādīhi ca mātaraṃ paṭijaggi. Atha naṃ mātā ‘‘tāta, tava aññānipi gharāvāsakiccāni atthi, ekaṃ samajātikaṃ kulakumārikaṃ gaṇhāhi, sā maṃ posessati, tvampi attano kammaṃ karissasī’’ti āha. ‘‘Amma, ahaṃ attano hitasukhaṃ apaccāsīsamāno tumhe upaṭṭhahāmi, ko añño evaṃ upaṭṭhahissatī’’ti? ‘‘Kulavaḍḍhanakammaṃ nāma tāta, kātuṃ vaṭṭatī’’ti. ‘‘Na mayhaṃ gharāvāsena attho, ahaṃ tumhe upaṭṭhahitvā tumhākaṃ dhūmakāle pabbajissāmī’’ti. Athassa mātā punappunaṃ yācitvāpi manaṃ alabhamānā tassa chandaṃ aggahetvā samajātikaṃ kulakumārikaṃ ānesi. So mātaraṃ appaṭikkhipitvā tāya saddhiṃ saṃvāsaṃ kappesi. Sāpi ‘‘mayhaṃ sāmiko mahantena ussāhena mātaraṃ upaṭṭhahati, ahampi naṃ upaṭṭhahissāmi, evamassa piyā bhavissāmī’’ti cintetvā taṃ sakkaccaṃ upaṭṭhahi. So ‘‘ayaṃ me mātaraṃ sakkaccaṃ upaṭṭhahī’’ti tato paṭṭhāya laddhaladdhāni madhurakhādanīyādīni tassāyeva deti. Sā aparabhāge cintesi ‘‘ayaṃ laddhaladdhāni madhurakhādanīyādīni mayhaññeva deti, addhā mātaraṃ nīharitukāmo bhavissati, nīharaṇūpāyamassā karissāmī’’ti evaṃ ayoniso ummujjitvā ekaṃ divasaṃ āha – ‘‘sāmi, tayi bahi nikkhamante tava mātā maṃ akkosatī’’ti. So tuṇhī ahosi.
саа жинд̇зси – ‘‘имам̣ махаллигам̣ уж̇жхаабзд̇ваа буд̇д̇асса бадигуулам̣ гаарзссаамий’’д̇и. д̇ад̇о бадтааяа яааг̇ум̣ д̣̇ад̣̇амаанаа ажжун̣хам̣ ваа ад̇исийд̇алам̣ ваа ад̇илон̣ам̣ ваа алон̣ам̣ ваа д̣̇зд̇и. ‘‘амма, ажжун̣хаа’’д̇и ваа ‘‘ад̇илон̣аа’’д̇и ваа вуд̇д̇з буурзд̇ваа сийд̇од̣̇агам̣ багкибад̇и. буна ‘‘ад̇исийд̇алаа , алон̣ааязваа’’д̇и вуд̇д̇з ‘‘ид̣̇аанзва ‘ажжун̣хаа, ад̇илон̣аа’д̇и вад̇ваа буна ‘ад̇исийд̇алаа, алон̣аа’д̇и вад̣̇аси, гаа д̇ам̣ д̇осзд̇ум̣ сагкиссад̇ий’’д̇и махаасад̣̇д̣̇ам̣ гарод̇и. нхаанод̣̇агамби ажжун̣хам̣ гад̇ваа бидтияам̣ аасин̃жад̇и. ‘‘амма, бидти мз д̣̇ахад̇ий’’д̇и жа вуд̇д̇з буна буурзд̇ваа сийд̇од̣̇агам̣ багкибад̇и. ‘‘ад̇исийд̇ам̣, аммаа’’д̇и вуд̇д̇з ‘‘ид̣̇аанзва ‘ажжун̣ха’нд̇и вад̇ваа буна ‘ад̇исийд̇а’нд̇и вад̣̇ад̇и, гаа зд̇иссаа авамаанам̣ сахид̇ум̣ сагкиссад̇ий’’д̇и бадивиссагаанам̣ гат̇зси. ‘‘амма, ман̃жагз мз б̣ахуу ман̇г̇улаа’’д̇и жа вуд̇д̇аа ман̃жагам̣ нийхарид̇ваа д̇асса убари ад̇д̇ано ман̃жагам̣ бот̇зд̇ваа ‘‘бот̇ид̇о мз’’д̇и ад̇ихарид̇ваа бан̃н̃абзд̇и. махааубаасигаа д̣̇иг̇ун̣зхи ман̇г̇улзхи каж̇ж̇амаанаа саб̣б̣арад̇д̇им̣ нисиннаава вийд̇инаамзд̇ваа ‘‘амма, саб̣б̣арад̇д̇им̣ ман̇г̇улзхи каад̣̇ид̇аамхий’’д̇и вад̣̇ад̇и. ид̇араа ‘‘хияяо д̇з ман̃жаго бот̇ид̇о, гаа имиссаа гижжам̣ нид̇т̇арид̇ум̣ саггод̇ий’’д̇и бадивад̇ваа ‘‘ид̣̇аани нам̣ буд̇д̇зна уж̇жхаабзссаамий’’д̇и д̇ад̇т̇а д̇ад̇т̇а кзл̣асин̇гхаан̣игаад̣̇ийни виббагирид̇ваа ‘‘гаа имам̣ сагалаг̇зхам̣ асужим̣ гарод̇ий’’д̇и вуд̇д̇з ‘‘маад̇аа д̇з зваруубам̣ гарод̇и, ‘маа гарий’д̇и вужжамаанаа галахам̣ гарод̇и, ахам̣ зваруубааяа гаал̣аган̣н̣ияаа сад̣̇д̇хим̣ згаг̇зхз васид̇ум̣ на саггоми, зд̇ам̣ ваа гхарз васаабзхи, мам̣ ваа’’д̇и ааха.
Sā cintesi – ‘‘imaṃ mahallikaṃ ujjhāpetvā puttassa paṭikūlaṃ kāressāmī’’ti. Tato paṭṭhāya yāguṃ dadamānā accuṇhaṃ vā atisītalaṃ vā atiloṇaṃ vā aloṇaṃ vā deti. ‘‘Amma, accuṇhā’’ti vā ‘‘atiloṇā’’ti vā vutte pūretvā sītodakaṃ pakkhipati. Puna ‘‘atisītalā , aloṇāyevā’’ti vutte ‘‘idāneva ‘accuṇhā, atiloṇā’ti vatvā puna ‘atisītalā, aloṇā’ti vadasi, kā taṃ tosetuṃ sakkhissatī’’ti mahāsaddaṃ karoti. Nhānodakampi accuṇhaṃ katvā piṭṭhiyaṃ āsiñcati. ‘‘Amma, piṭṭhi me dahatī’’ti ca vutte puna pūretvā sītodakaṃ pakkhipati. ‘‘Atisītaṃ, ammā’’ti vutte ‘‘idāneva ‘accuṇha’nti vatvā puna ‘atisīta’nti vadati, kā etissā avamānaṃ sahituṃ sakkhissatī’’ti paṭivissakānaṃ kathesi. ‘‘Amma, mañcake me bahū maṅgulā’’ti ca vuttā mañcakaṃ nīharitvā tassa upari attano mañcakaṃ pothetvā ‘‘pothito me’’ti atiharitvā paññapeti. Mahāupāsikā diguṇehi maṅgulehi khajjamānā sabbarattiṃ nisinnāva vītināmetvā ‘‘amma, sabbarattiṃ maṅgulehi khāditāmhī’’ti vadati. Itarā ‘‘hiyyo te mañcako pothito, kā imissā kiccaṃ nittharituṃ sakkotī’’ti paṭivatvā ‘‘idāni naṃ puttena ujjhāpessāmī’’ti tattha tattha kheḷasiṅghāṇikādīni vippakiritvā ‘‘kā imaṃ sakalagehaṃ asuciṃ karotī’’ti vutte ‘‘mātā te evarūpaṃ karoti, ‘mā karī’ti vuccamānā kalahaṃ karoti, ahaṃ evarūpāya kāḷakaṇṇiyā saddhiṃ ekagehe vasituṃ na sakkomi, etaṃ vā ghare vasāpehi, maṃ vā’’ti āha.
со д̇ассаа важанам̣ суд̇ваа ‘‘бхад̣̇д̣̇з, д̇вам̣ д̇арун̣аа яад̇т̇а гад̇т̇ажи г̇анд̇ваа ж̇ийвид̇ум̣ саггаа, маад̇аа бана мз ж̇араад̣̇уб̣б̣алаа, ахамзвассаа бадисаран̣ам̣, д̇вам̣ нигкамид̇ваа ад̇д̇ано гулаг̇зхам̣ г̇ажчаахий’’д̇и ааха. саа д̇асса важанам̣ суд̇ваа бхийд̇аа жинд̇зси ‘‘на саггаа имам̣ маад̇у анд̇арз бхинд̣̇ид̇ум̣, згам̣сзнасса маад̇аа бияаа, сажз банаахам̣ гулагхарам̣ г̇амиссам̣, вид̇хававаасам̣ васанд̇ий д̣̇угкид̇аа бхависсаами, буриманаязнзва сассум̣ аараад̇хзд̇ваа бадиж̇аг̇г̇иссаамий’’д̇и . саа д̇ад̇о бадтааяа буримасад̣̇исамзва д̇ам̣ бадиж̇аг̇г̇и. ат̇згад̣̇ивасам̣ со убосаго д̇хаммассаванад̇т̇ааяа ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. ‘‘гим̣, убаасага, д̇вам̣ бун̃н̃агаммзсу на бамаж̇ж̇аси, маад̇уубадтаанагаммам̣ буурзсий’’д̇и жа вуд̇д̇о ‘‘аама, бханд̇з, саа бана мама маад̇аа маяхам̣ аружияааязва згам̣ гулад̣̇ааригам̣ аанзси, саа ид̣̇ан̃жид̣̇ан̃жа анаажаарагаммам̣ агаасий’’д̇и саб̣б̣ам̣ сад̇т̇у аажигкид̇ваа ‘‘ид̇и бхаг̇аваа саа ид̇т̇ий нзва мам̣ маад̇у анд̇арз бхинд̣̇ид̇ум̣ сагки, ид̣̇аани нам̣ саггажжам̣ убадтахад̇ий’’д̇и ааха. сад̇т̇аа д̇асса гат̇ам̣ суд̇ваа ‘‘ид̣̇аани д̇аава д̇вам̣ убаасага, д̇ассаа важанам̣ на агааси, буб̣б̣з банзд̇иссаа важанзна д̇ава маад̇арам̣ ниггад̣дхид̇ваа мам̣ ниссааяа буна г̇зхам̣ аанзд̇ваа бадиж̇аг̇г̇ий’’д̇и вад̇ваа д̇зна яаажид̇о ад̇ийд̇ам̣ аахари.
So tassā vacanaṃ sutvā ‘‘bhadde, tvaṃ taruṇā yattha katthaci gantvā jīvituṃ sakkā, mātā pana me jarādubbalā, ahamevassā paṭisaraṇaṃ, tvaṃ nikkhamitvā attano kulagehaṃ gacchāhī’’ti āha. Sā tassa vacanaṃ sutvā bhītā cintesi ‘‘na sakkā imaṃ mātu antare bhindituṃ, ekaṃsenassa mātā piyā, sace panāhaṃ kulagharaṃ gamissaṃ, vidhavavāsaṃ vasantī dukkhitā bhavissāmi, purimanayeneva sassuṃ ārādhetvā paṭijaggissāmī’’ti . Sā tato paṭṭhāya purimasadisameva taṃ paṭijaggi. Athekadivasaṃ so uposako dhammassavanatthāya jetavanaṃ gantvā satthāraṃ vanditvā ekamantaṃ nisīdi. ‘‘Kiṃ, upāsaka, tvaṃ puññakammesu na pamajjasi, mātuupaṭṭhānakammaṃ pūresī’’ti ca vutto ‘‘āma, bhante, sā pana mama mātā mayhaṃ aruciyāyeva ekaṃ kuladārikaṃ ānesi, sā idañcidañca anācārakammaṃ akāsī’’ti sabbaṃ satthu ācikkhitvā ‘‘iti bhagavā sā itthī neva maṃ mātu antare bhindituṃ sakkhi, idāni naṃ sakkaccaṃ upaṭṭhahatī’’ti āha. Satthā tassa kathaṃ sutvā ‘‘idāni tāva tvaṃ upāsaka, tassā vacanaṃ na akāsi, pubbe panetissā vacanena tava mātaraṃ nikkaḍḍhitvā maṃ nissāya puna gehaṃ ānetvā paṭijaggī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з ан̃н̃ад̇арасса гуласса буд̇д̇о бид̇ари гаалагад̇з маад̇уд̣̇звад̇о худ̇ваа вуд̇д̇анияаамзнзва маад̇арам̣ бадиж̇аг̇г̇ийд̇и саб̣б̣ам̣ хздтаа гат̇ид̇анаязнзва вид̇т̇аарзд̇аб̣б̣ам̣ . ‘‘ахам̣ зваруубааяа гаал̣аган̣н̣ияаа сад̣̇д̇хим̣ васид̇ум̣ на саггоми, зд̇ам̣ ваа гхарз васаабзхи, мам̣ ваа’’д̇и вуд̇д̇з д̇ассаа гат̇ам̣ г̇ахзд̇ваа ‘‘маад̇уязва мз д̣̇осо’’д̇и маад̇арам̣ ааха ‘‘амма, д̇вам̣ нижжам̣ имасмим̣ гхарз галахам̣ гароси, ид̇о нигкамид̇ваа ан̃н̃асмим̣ яат̇ааружид̇з таанз васаахий’’д̇и. саа ‘‘саад̇хуу’’д̇и род̣̇амаанаа нигкамид̇ваа згам̣ самид̣̇д̇хагулам̣ ниссааяа бхад̇им̣ гад̇ваа д̣̇угкзна ж̇ийвигам̣ габбзси. сассуяаа гхараа нигканд̇агаалз сун̣исааяа г̇аб̣бхо бад̇идтахи. саа ‘‘д̇ааяа гаал̣аган̣н̣ияаа г̇зхз васамаанааяа г̇аб̣бхамби на бадилабхим̣, ид̣̇аани мз г̇аб̣бхо лад̣̇д̇хо’’д̇и бад̇ино жа бадивиссагаанан̃жа гат̇знд̇ий вижарад̇и.
Atīte bārāṇasiyaṃ brahmadatte rajjaṃ kārente aññatarassa kulassa putto pitari kālakate mātudevato hutvā vuttaniyāmeneva mātaraṃ paṭijaggīti sabbaṃ heṭṭhā kathitanayeneva vitthāretabbaṃ . ‘‘Ahaṃ evarūpāya kāḷakaṇṇiyā saddhiṃ vasituṃ na sakkomi, etaṃ vā ghare vasāpehi, maṃ vā’’ti vutte tassā kathaṃ gahetvā ‘‘mātuyeva me doso’’ti mātaraṃ āha ‘‘amma, tvaṃ niccaṃ imasmiṃ ghare kalahaṃ karosi, ito nikkhamitvā aññasmiṃ yathārucite ṭhāne vasāhī’’ti. Sā ‘‘sādhū’’ti rodamānā nikkhamitvā ekaṃ samiddhakulaṃ nissāya bhatiṃ katvā dukkhena jīvikaṃ kappesi. Sassuyā gharā nikkhantakāle suṇisāya gabbho patiṭṭhahi. Sā ‘‘tāya kāḷakaṇṇiyā gehe vasamānāya gabbhampi na paṭilabhiṃ, idāni me gabbho laddho’’ti patino ca paṭivissakānañca kathentī vicarati.
абарабхааг̇з буд̇д̇ам̣ виж̇ааяид̇ваа саамигам̣ ааха ‘‘д̇ава маад̇ари г̇зхз васамаанааяа буд̇д̇ам̣ на лабхим̣, ид̣̇аани мз лад̣̇д̇хо, иминааби гааран̣зна д̇ассаа гаал̣аган̣н̣ибхаавам̣ ж̇аанаахий’’д̇и. ид̇араа ‘‘мама гира ниггад̣дхид̇агаалз буд̇д̇ам̣ лабхий’’д̇и суд̇ваа жинд̇зси ‘‘ад̣̇д̇хаа имасмим̣ логз д̇хаммо мад̇о бхависсад̇и, сажз хи д̇хаммо мад̇о на бхавзяяа, маад̇арам̣ бот̇зд̇ваа ниггад̣дханд̇аа буд̇д̇ам̣ на лабхзяяум̣, сукам̣ на ж̇ийвзяяум̣, д̇хаммасса мад̇агабхад̇д̇ам̣ д̣̇ассаамий’’д̇и. саа згад̣̇ивасам̣ д̇илабидтан̃жа д̇ан̣д̣улан̃жа бажанат̇аалин̃жа д̣̇аб̣б̣ин̃жа аад̣̇ааяа аамагасусаанам̣ г̇анд̇ваа д̇ийхи мануссасийсзхи уд̣̇д̇ханам̣ гад̇ваа аг̇г̇им̣ ж̇аалзд̇ваа уд̣̇агам̣ оруяха сасийсам̣ нхад̇ваа саадагам̣ ниваасзд̇ваа мукам̣ вигкаалзд̇ваа уд̣̇д̇ханадтаанам̣ г̇анд̇ваа гзсз можзд̇ваа д̇ан̣д̣улз д̇ховид̇ум̣ аарабхи. д̇ад̣̇аа б̣од̇хисад̇д̇о сагго д̣̇зварааж̇аа ахоси. б̣од̇хисад̇д̇аа жа наама аббамад̇д̇аа хонд̇и, со д̇асмим̣ кан̣з логам̣ ологзнд̇о д̇ам̣ д̣̇угкаббад̇д̇ам̣ ‘‘д̇хаммо мад̇о’’д̇и сан̃н̃ааяа д̇хаммасса мад̇агабхад̇д̇ам̣ д̣̇аад̇угаамам̣ д̣̇исваа ‘‘аж̇ж̇а маяхам̣ б̣алам̣ д̣̇ассзссаамий’’д̇и б̣раахман̣авзсзна махаамаг̇г̇ам̣ бадибанно вияа худ̇ваа д̇ам̣ д̣̇исваа маг̇г̇аа оггамма д̇ассаа санд̇игз тад̇ваа ‘‘амма, сусаанз аахаарам̣ бажанд̇аа наама над̇т̇и, д̇вам̣ иминаа ид̇ха баггзна д̇илод̣̇анзна гим̣ гариссасий’’д̇и гат̇ам̣ самудтаабзнд̇о батамам̣ г̇аат̇амааха –
Aparabhāge puttaṃ vijāyitvā sāmikaṃ āha ‘‘tava mātari gehe vasamānāya puttaṃ na labhiṃ, idāni me laddho, imināpi kāraṇena tassā kāḷakaṇṇibhāvaṃ jānāhī’’ti. Itarā ‘‘mama kira nikkaḍḍhitakāle puttaṃ labhī’’ti sutvā cintesi ‘‘addhā imasmiṃ loke dhammo mato bhavissati, sace hi dhammo mato na bhaveyya, mātaraṃ pothetvā nikkaḍḍhantā puttaṃ na labheyyuṃ, sukhaṃ na jīveyyuṃ, dhammassa matakabhattaṃ dassāmī’’ti. Sā ekadivasaṃ tilapiṭṭhañca taṇḍulañca pacanathāliñca dabbiñca ādāya āmakasusānaṃ gantvā tīhi manussasīsehi uddhanaṃ katvā aggiṃ jāletvā udakaṃ oruyha sasīsaṃ nhatvā sāṭakaṃ nivāsetvā mukhaṃ vikkhāletvā uddhanaṭṭhānaṃ gantvā kese mocetvā taṇḍule dhovituṃ ārabhi. Tadā bodhisatto sakko devarājā ahosi. Bodhisattā ca nāma appamattā honti, so tasmiṃ khaṇe lokaṃ olokento taṃ dukkhappattaṃ ‘‘dhammo mato’’ti saññāya dhammassa matakabhattaṃ dātukāmaṃ disvā ‘‘ajja mayhaṃ balaṃ dassessāmī’’ti brāhmaṇavesena mahāmaggaṃ paṭipanno viya hutvā taṃ disvā maggā okkamma tassā santike ṭhatvā ‘‘amma, susāne āhāraṃ pacantā nāma natthi, tvaṃ iminā idha pakkena tilodanena kiṃ karissasī’’ti kathaṃ samuṭṭhāpento paṭhamaṃ gāthamāha –
1.
1.
‘‘од̣̇аад̇авад̇т̇аа сужи аллагзсаа, гажжаани гим̣ гумбхимад̇хиссаяид̇ваа;
‘‘Odātavatthā suci allakesā, kaccāni kiṃ kumbhimadhissayitvā;
бидтаа д̇илаа д̇ховаси д̇ан̣д̣улаани, д̇илод̣̇ано хзхид̇и гиссахзд̇уу’’д̇и.
Piṭṭhā tilā dhovasi taṇḍulāni, tilodano hehiti kissahetū’’ti.
д̇ад̇т̇а гажжаанийд̇и д̇ам̣ г̇од̇д̇зна аалабад̇и. гумбхимад̇хиссаяид̇ваад̇и бажанат̇аалигам̣ мануссасийсуд̣̇д̇ханам̣ ааробзд̇ваа. хзхид̇ийд̇и аяам̣ д̇илод̣̇ано гисса хзд̇у бхависсад̇и, гим̣ ад̇д̇анаа бхун̃ж̇иссаси, уд̣̇ааху ан̃н̃ам̣ гааран̣амад̇т̇ийд̇и.
Tattha kaccānīti taṃ gottena ālapati. Kumbhimadhissayitvāti pacanathālikaṃ manussasīsuddhanaṃ āropetvā. Hehitīti ayaṃ tilodano kissa hetu bhavissati, kiṃ attanā bhuñjissasi, udāhu aññaṃ kāraṇamatthīti.
ат̇асса саа аажигканд̇ий д̣̇уд̇ияам̣ г̇аат̇амааха –
Athassa sā ācikkhantī dutiyaṃ gāthamāha –
2.
2.
‘‘на ко аяам̣ б̣раахман̣а бхож̇анад̇т̇аа, д̇илод̣̇ано хзхид̇и саад̇хубагго;
‘‘Na kho ayaṃ brāhmaṇa bhojanatthā, tilodano hehiti sādhupakko;
д̇хаммо мад̇о д̇асса бахуд̇д̇амаж̇ж̇а, ахам̣ гариссаами сусаанамаж̇жхз’’д̇и.
Dhammo mato tassa pahuttamajja, ahaṃ karissāmi susānamajjhe’’ti.
д̇ад̇т̇а д̇хаммод̇и ж̇здтаабажааяанад̇хаммо жзва д̇ивид̇хасужарид̇ад̇хаммо жа. д̇асса бахуд̇д̇амаж̇ж̇аад̇и д̇ассаахам̣ д̇хаммасса ид̣̇ам̣ мад̇агабхад̇д̇ам̣ гариссаамийд̇и ад̇т̇о.
Tattha dhammoti jeṭṭhāpacāyanadhammo ceva tividhasucaritadhammo ca. Tassa pahuttamajjāti tassāhaṃ dhammassa idaṃ matakabhattaṃ karissāmīti attho.
д̇ад̇о сагго д̇ад̇ияам̣ г̇аат̇амааха –
Tato sakko tatiyaṃ gāthamāha –
3.
3.
‘‘анувижжа гажжаани гарохи гижжам̣, д̇хаммо мад̇о го ну д̇авзва сам̣си;
‘‘Anuvicca kaccāni karohi kiccaṃ, dhammo mato ko nu taveva saṃsi;
сахассанзд̇д̇о ад̇улаанубхааво, на мияяад̇ий д̇хаммаваро гад̣̇аажий’’д̇и.
Sahassanetto atulānubhāvo, na miyyatī dhammavaro kadācī’’ti.
д̇ад̇т̇а анувижжаад̇и убабаригкид̇ваа ж̇аанид̇ваа. го ну д̇авзва сам̣сийд̇и го ну д̇ава звам̣ аажигки. сахассанзд̇д̇од̇и ад̇д̇аанам̣ д̇хаммаварам̣ уд̇д̇амад̇хаммам̣ гад̇ваа д̣̇ассзнд̇о звамааха.
Tattha anuviccāti upaparikkhitvā jānitvā. Ko nu taveva saṃsīti ko nu tava evaṃ ācikkhi. Sahassanettoti attānaṃ dhammavaraṃ uttamadhammaṃ katvā dassento evamāha.
д̇ам̣ важанам̣ суд̇ваа ид̇араа д̣̇вз г̇аат̇аа абхааси –
Taṃ vacanaṃ sutvā itarā dve gāthā abhāsi –
4.
4.
‘‘д̣̇ал̣хаббамаан̣ам̣ мама зд̇т̇а б̣рахмз, д̇хаммо мад̇о над̇т̇и мамзд̇т̇а ган̇каа;
‘‘Daḷhappamāṇaṃ mama ettha brahme, dhammo mato natthi mamettha kaṅkhā;
яз язва д̣̇аани баабаа бхаванд̇и, д̇з д̇зва д̣̇аани сукид̇аа бхаванд̇и.
Ye yeva dāni pāpā bhavanti, te teva dāni sukhitā bhavanti.
5.
5.
‘‘сун̣исаа хи маяхам̣ ван̃жхаа ахоси, саа мам̣ вад̇хид̇ваана виж̇ааяи буд̇д̇ам̣;
‘‘Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
саа д̣̇аани саб̣б̣асса гуласса иссараа, ахам̣ банамхи абавид̣̇д̇хаа згигаа’’д̇и.
Sā dāni sabbassa kulassa issarā, ahaṃ panamhi apaviddhā ekikā’’ti.
д̇ад̇т̇а д̣̇ал̣хаббамаан̣анд̇и д̣̇ал̣хам̣ т̇ирам̣ ниссам̣саяам̣ б̣раахман̣а зд̇т̇а мама бамаан̣анд̇и вад̣̇ад̇и. яз язд̇и д̇асса мад̇абхаавз гааран̣ам̣ д̣̇ассзнд̇ий звамааха. вад̇хид̇ваанаад̇и бот̇зд̇ваа ниггад̣дхид̇ваа. абавид̣̇д̇хаад̇и чад̣д̣ид̇аа анаат̇аа худ̇ваа згигаа васаами.
Tattha daḷhappamāṇanti daḷhaṃ thiraṃ nissaṃsayaṃ brāhmaṇa ettha mama pamāṇanti vadati. Ye yeti tassa matabhāve kāraṇaṃ dassentī evamāha. Vadhitvānāti pothetvā nikkaḍḍhitvā. Apaviddhāti chaḍḍitā anāthā hutvā ekikā vasāmi.
д̇ад̇о сагго чадтам̣ г̇аат̇амааха –
Tato sakko chaṭṭhaṃ gāthamāha –
6.
6.
‘‘ж̇ийваами вохам̣ на мад̇охамасми, д̇авзва ад̇т̇ааяа ид̇хааг̇ад̇осми;
‘‘Jīvāmi vohaṃ na matohamasmi, taveva atthāya idhāgatosmi;
яаа д̇ам̣ вад̇хид̇ваана виж̇ааяи буд̇д̇ам̣, сахаава буд̇д̇зна гароми бхасма’’нд̇и.
Yā taṃ vadhitvāna vijāyi puttaṃ, sahāva puttena karomi bhasma’’nti.
д̇ад̇т̇а вод̇и нибаад̇амад̇д̇ам̣.
Tattha voti nipātamattaṃ.
ид̇араа д̇ам̣ суд̇ваа ‘‘д̇хий ахам̣ гим̣ гат̇зсим̣, мама над̇д̇у амаран̣агааран̣ам̣ гариссаамий’’д̇и сад̇д̇амам̣ г̇аат̇амааха –
Itarā taṃ sutvā ‘‘dhī ahaṃ kiṃ kathesiṃ, mama nattu amaraṇakāraṇaṃ karissāmī’’ti sattamaṃ gāthamāha –
7.
7.
‘‘зван̃жа д̇з ружжад̇и д̣̇зварааж̇а, мамзва ад̇т̇ааяа ид̇хааг̇ад̇оси;
‘‘Evañca te ruccati devarāja, mameva atthāya idhāgatosi;
ахан̃жа буд̇д̇о сун̣исаа жа над̇д̇аа, саммод̣̇амаанаа гхарамаавасзмаа’’д̇и.
Ahañca putto suṇisā ca nattā, sammodamānā gharamāvasemā’’ti.
ат̇ассаа сагго адтамам̣ г̇аат̇амааха –
Athassā sakko aṭṭhamaṃ gāthamāha –
8.
8.
‘‘зван̃жа д̇з ружжад̇и гаад̇ияаани, хад̇ааби санд̇аа на ж̇ахааси д̇хаммам̣;
‘‘Evañca te ruccati kātiyāni, hatāpi santā na jahāsi dhammaṃ;
д̇уван̃жа буд̇д̇о сун̣исаа жа над̇д̇аа, саммод̣̇амаанаа гхарамаавасзт̇аа’’д̇и.
Tuvañca putto suṇisā ca nattā, sammodamānā gharamāvasethā’’ti.
д̇ад̇т̇а хад̇ааби санд̇аад̇и яад̣̇и д̇вам̣ бот̇ид̇ааби ниггад̣дхид̇ааби самаанаа д̇ава д̣̇аарагзсу мзд̇д̇ад̇хаммам̣ на ж̇ахааси, звам̣ санд̇з яат̇аа д̇вам̣ ижчаси, д̇ат̇аа ход̇у, ахам̣ д̇з имасмим̣ г̇ун̣з басаннод̇и.
Tattha hatāpi santāti yadi tvaṃ pothitāpi nikkaḍḍhitāpi samānā tava dārakesu mettadhammaṃ na jahāsi, evaṃ sante yathā tvaṃ icchasi, tathā hotu, ahaṃ te imasmiṃ guṇe pasannoti.
зван̃жа бана вад̇ваа алан̇гад̇абадияад̇д̇о сагго ад̇д̇ано аанубхаавзна аагаасз тад̇ваа ‘‘гажжаани д̇вам̣ маа бхааяи, буд̇д̇о жа д̇з сун̣исаа жа мамаанубхаавзна ааг̇анд̇ваа анд̇араамаг̇г̇з д̇ам̣ камаабзд̇ваа аад̣̇ааяа г̇амиссанд̇и, аббамад̇д̇аа хохий’’д̇и вад̇ваа ад̇д̇ано таанамзва г̇ад̇о. д̇зби саггаанубхаавзна д̇ассаа г̇ун̣ам̣ ануссарид̇ваа ‘‘гахам̣ но маад̇аа’’д̇и анд̇ог̇аамз мануссз бужчид̇ваа ‘‘сусаанаабхимукам̣ г̇ад̇аа’’д̇и суд̇ваа ‘‘амма, аммаа’’д̇и сусаанамаг̇г̇ам̣ бадибаж̇ж̇ид̇ваа д̇ам̣ д̣̇исваава баад̣̇зсу бад̇ид̇ваа ‘‘амма, амхаагам̣ д̣̇осам̣ камаахий’’д̇и д̇ам̣ камаабзсум̣. сааби над̇д̇аарам̣ г̇ан̣хи. ид̇и д̇з саммод̣̇амаанаа г̇зхам̣ г̇анд̇ваа д̇ад̇о бадтааяа самаг̇г̇аваасам̣ васим̣су.
Evañca pana vatvā alaṅkatapaṭiyatto sakko attano ānubhāvena ākāse ṭhatvā ‘‘kaccāni tvaṃ mā bhāyi, putto ca te suṇisā ca mamānubhāvena āgantvā antarāmagge taṃ khamāpetvā ādāya gamissanti, appamattā hohī’’ti vatvā attano ṭhānameva gato. Tepi sakkānubhāvena tassā guṇaṃ anussaritvā ‘‘kahaṃ no mātā’’ti antogāme manusse pucchitvā ‘‘susānābhimukhaṃ gatā’’ti sutvā ‘‘amma, ammā’’ti susānamaggaṃ paṭipajjitvā taṃ disvāva pādesu patitvā ‘‘amma, amhākaṃ dosaṃ khamāhī’’ti taṃ khamāpesuṃ. Sāpi nattāraṃ gaṇhi. Iti te sammodamānā gehaṃ gantvā tato paṭṭhāya samaggavāsaṃ vasiṃsu.
9.
9.
‘‘саа гаад̇ияааний сун̣исааяа сад̣̇д̇хим̣, саммод̣̇амаанаа гхарамаавасид̇т̇а;
‘‘Sā kātiyānī suṇisāya saddhiṃ, sammodamānā gharamāvasittha;
буд̇д̇о жа над̇д̇аа жа убадтахим̣су, д̣̇зваанаминд̣̇зна ад̇хиг̇г̇ахийд̇аа’’д̇и. –
Putto ca nattā ca upaṭṭhahiṃsu, devānamindena adhiggahītā’’ti. –
аяам̣ абхисамб̣уд̣̇д̇хаг̇аат̇аа.
Ayaṃ abhisambuddhagāthā.
д̇ад̇т̇а саа гаад̇ияаанийд̇и бхигкавз, саа гажжаанаг̇од̇д̇аа. д̣̇зваанаминд̣̇зна ад̇хиг̇г̇ахийд̇аад̇и д̣̇звинд̣̇зна саггзна ануг̇г̇ахид̇аа худ̇ваа д̇ассаанубхаавзна самаг̇г̇аваасам̣ васим̣сууд̇и.
Tattha sā kātiyānīti bhikkhave, sā kaccānagottā. Devānamindena adhiggahītāti devindena sakkena anuggahitā hutvā tassānubhāvena samaggavāsaṃ vasiṃsūti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со убаасаго сод̇аабад̇д̇ипалз бад̇идтахи. д̇ад̣̇аа маад̇убосаго зд̇арахи маад̇убосаго ахоси , бхарияаабисса д̇ад̣̇аа бхарияааязва, сагго бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so upāsako sotāpattiphale patiṭṭhahi. Tadā mātuposako etarahi mātuposako ahosi , bhariyāpissa tadā bhariyāyeva, sakko pana ahameva ahosinti.
гажжааниж̇аад̇агаван̣н̣анаа батамаа.
Kaccānijātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 417. гажжааниж̇аад̇агам̣ • 417. Kaccānijātakaṃ
