| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[273] 3. гажчабаж̇аад̇агаван̣н̣анаа
[273] 3. Kacchapajātakavaṇṇanā
го ну уд̣̇д̇хид̇абхад̇д̇оваад̇и ид̣̇ам̣ сад̇т̇аа ж̇зд̇аванз вихаранд̇о госаларааж̇асса д̣̇виннам̣ махаамад̇д̇аанам̣ галахавуубасаманам̣ аараб̣бха гат̇зси. бажжуббаннавад̇т̇у д̣̇уганибаад̇з гат̇ид̇амзва.
Konu uddhitabhattovāti idaṃ satthā jetavane viharanto kosalarājassa dvinnaṃ mahāmattānaṃ kalahavūpasamanaṃ ārabbha kathesi. Paccuppannavatthu dukanipāte kathitameva.
ад̇ийд̇з бана б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇абад̣̇зсз г̇ан̇г̇аад̇ийрз ассамабад̣̇ам̣ маабзд̇ваа д̇ад̇т̇а абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о ваасам̣ габбзси. имасмим̣ гира ж̇аад̇агз б̣од̇хисад̇д̇о барамамаж̇жхад̇д̇о ахоси, убзгкаабаарамим̣ буурзси. д̇асса бан̣н̣асаалад̣̇ваарз нисиннасса зго баг̇аб̣бхо д̣̇уссийло маггадо ааг̇анд̇ваа ган̣н̣асод̇зсу ан̇г̇аж̇аад̇зна салаагабавзсанагаммам̣ гарод̇и, б̣од̇хисад̇д̇о аваарзд̇ваа маж̇жхад̇д̇о худ̇ваа нисийд̣̇ад̇иязва. ат̇згад̣̇ивасам̣ зго гажчабо уд̣̇агаа уд̇д̇арид̇ваа г̇ан̇г̇аад̇ийрз мукам̣ виварид̇ваа аад̇абам̣ д̇аббанд̇о нид̣̇д̣̇ааяад̇и. д̇ам̣ д̣̇исваа со лолаваанаро д̇асса мукз салаагабавзсанагаммам̣ агааси. ат̇асса гажчабо баб̣уж̇жхид̇ваа ан̇г̇аж̇аад̇ам̣ самуг̇г̇з багкибанд̇о вияа д̣ам̣си, б̣алававзд̣̇анаа уббаж̇ж̇и. взд̣̇анам̣ ад̇хиваасзд̇ум̣ асаггонд̇о ‘‘го ну ко мам̣ имамхаа д̣̇угкаа можзяяа, гасса санд̇игам̣ г̇ажчаамий’’д̇и жинд̇зд̇ваа ‘‘ан̃н̃о мам̣ имамхаа д̣̇угкаа можзд̇ум̣ самад̇т̇о над̇т̇и ан̃н̃ад̇ра д̇аабасзна, д̇ассзва санд̇игам̣ маяаа г̇анд̇ум̣ ваддад̇ий’’д̇и гажчабам̣ д̣̇вийхи хад̇т̇зхи угкибид̇ваа б̣од̇хисад̇д̇асса санд̇игам̣ аг̇амааси. б̣од̇хисад̇д̇о д̇зна д̣̇уссийламаггадзна сад̣̇д̇хим̣ д̣̇авам̣ гаронд̇о батамам̣ г̇аат̇амааха –
Atīte pana bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto takkasilāyaṃ sabbasippāni uggaṇhitvā kāme pahāya isipabbajjaṃ pabbajitvā himavantapadese gaṅgātīre assamapadaṃ māpetvā tattha abhiññā ca samāpattiyo ca nibbattetvā jhānakīḷaṃ kīḷanto vāsaṃ kappesi. Imasmiṃ kira jātake bodhisatto paramamajjhatto ahosi, upekkhāpāramiṃ pūresi. Tassa paṇṇasāladvāre nisinnassa eko pagabbho dussīlo makkaṭo āgantvā kaṇṇasotesu aṅgajātena salākapavesanakammaṃ karoti, bodhisatto avāretvā majjhatto hutvā nisīdatiyeva. Athekadivasaṃ eko kacchapo udakā uttaritvā gaṅgātīre mukhaṃ vivaritvā ātapaṃ tappanto niddāyati. Taṃ disvā so lolavānaro tassa mukhe salākapavesanakammaṃ akāsi. Athassa kacchapo pabujjhitvā aṅgajātaṃ samugge pakkhipanto viya ḍaṃsi, balavavedanā uppajji. Vedanaṃ adhivāsetuṃ asakkonto ‘‘ko nu kho maṃ imamhā dukkhā moceyya, kassa santikaṃ gacchāmī’’ti cintetvā ‘‘añño maṃ imamhā dukkhā mocetuṃ samattho natthi aññatra tāpasena, tasseva santikaṃ mayā gantuṃ vaṭṭatī’’ti kacchapaṃ dvīhi hatthehi ukkhipitvā bodhisattassa santikaṃ agamāsi. Bodhisatto tena dussīlamakkaṭena saddhiṃ davaṃ karonto paṭhamaṃ gāthamāha –
67.
67.
‘‘го ну уд̣̇д̇хид̇абхад̇д̇ова, буурахад̇т̇ова б̣раахман̣о;
‘‘Ko nu uddhitabhattova, pūrahatthova brāhmaṇo;
гахам̣ ну бхигкам̣ ажари, гам̣ сад̣̇д̇хам̣ убасан̇гамий’’д̇и.
Kahaṃ nu bhikkhaṃ acari, kaṃ saddhaṃ upasaṅkamī’’ti.
д̇ад̇т̇а го ну уд̣̇д̇хид̇абхад̇д̇оваад̇и го ну зса вад̣дхид̇абхад̇д̇о вияа, згам̣ вад̣дхид̇абхад̇д̇ам̣ бхад̇д̇абуурабаад̇им̣ хад̇т̇зхи г̇ахзд̇ваа вияа го ну зсо ааг̇ажчад̇ийд̇и ад̇т̇о. буурахад̇т̇ова б̣раахман̣од̇и гад̇д̇игамаасз ваажанагам̣ лабхид̇ваа буурахад̇т̇о б̣раахман̣о вияа жа го ну ко зсод̇и ваанарам̣ санд̇хааяа вад̣̇ад̇и. гахам̣ ну бхигкам̣ ажарийд̇и, бхо ваанара, гасмим̣ бад̣̇зсз аж̇ж̇а д̇вам̣ бхигкам̣ ажари. гам̣ сад̣̇д̇хам̣ убасан̇гамийд̇и гад̇арам̣ наама буб̣б̣абзд̇з уд̣̇д̣̇исса гад̇ам̣ сад̣̇д̇хабхад̇д̇ам̣, гад̇арам̣ ваа сад̣̇д̇хам̣ буг̇г̇алам̣ д̇вам̣ убасан̇гами, гуд̇о д̇з аяам̣ д̣̇зяяад̇хаммо лад̣̇д̇ход̇и д̣̇ийбзд̇и.
Tattha ko nu uddhitabhattovāti ko nu esa vaḍḍhitabhatto viya, ekaṃ vaḍḍhitabhattaṃ bhattapūrapātiṃ hatthehi gahetvā viya ko nu eso āgacchatīti attho. Pūrahatthova brāhmaṇoti kattikamāse vācanakaṃ labhitvā pūrahattho brāhmaṇo viya ca ko nu kho esoti vānaraṃ sandhāya vadati. Kahaṃ nu bhikkhaṃ acarīti, bho vānara, kasmiṃ padese ajja tvaṃ bhikkhaṃ acari. Kaṃ saddhaṃ upasaṅkamīti kataraṃ nāma pubbapete uddissa kataṃ saddhabhattaṃ, kataraṃ vā saddhaṃ puggalaṃ tvaṃ upasaṅkami, kuto te ayaṃ deyyadhammo laddhoti dīpeti.
д̇ам̣ суд̇ваа д̣̇уссийлаваанаро д̣̇уд̇ияам̣ г̇аат̇амааха –
Taṃ sutvā dussīlavānaro dutiyaṃ gāthamāha –
68.
68.
‘‘ахам̣ габисми д̣̇уммзд̇хо, анаамаасаани аамасим̣;
‘‘Ahaṃ kapismi dummedho, anāmāsāni āmasiṃ;
д̇вам̣ мам̣ можаяа бхад̣̇д̣̇ам̣ д̇з, муд̇д̇о г̇ажчзяяа баб̣б̣ад̇а’’нд̇и.
Tvaṃ maṃ mocaya bhaddaṃ te, mutto gaccheyya pabbata’’nti.
д̇ад̇т̇а ахам̣ габисми д̣̇уммзд̇ход̇и бхад̣̇д̣̇ам̣ д̇з ахам̣ асми д̣̇уммзд̇хо жабалажид̇д̇о маггадо. анаамаасаани аамасинд̇и анаамасид̇аб̣б̣адтаанаани аамасим̣. д̇вам̣ мам̣ можаяа бхад̣̇д̣̇ам̣ д̇зд̇и д̇вам̣ д̣̇аяаалу анугамбаго мам̣ имамхаа д̣̇угкаа можзхи, бхад̣̇д̣̇ам̣ д̇з ход̇у. муд̇д̇о г̇ажчзяяа баб̣б̣ад̇анд̇и сохам̣ д̇аваанубхаавзна имамхаа б̣яасанаа муд̇д̇о баб̣б̣ад̇амзва г̇ажчзяяам̣, на д̇з буна жагкубат̇з ад̇д̇аанам̣ д̣̇ассзяяанд̇и.
Tattha ahaṃ kapismi dummedhoti bhaddaṃ te ahaṃ asmi dummedho capalacitto makkaṭo. Anāmāsāni āmasinti anāmasitabbaṭṭhānāni āmasiṃ. Tvaṃ maṃ mocaya bhaddaṃ teti tvaṃ dayālu anukampako maṃ imamhā dukkhā mocehi, bhaddaṃ te hotu. Mutto gaccheyya pabbatanti sohaṃ tavānubhāvena imamhā byasanā mutto pabbatameva gaccheyyaṃ, na te puna cakkhupathe attānaṃ dasseyyanti.
б̣од̇хисад̇д̇о д̇асмим̣ гаарун̃н̃зна гажчабзна сад̣̇д̇хим̣ саллабанд̇о д̇ад̇ияам̣ г̇аат̇амааха –
Bodhisatto tasmiṃ kāruññena kacchapena saddhiṃ sallapanto tatiyaṃ gāthamāha –
69.
69.
‘‘гажчабаа гассабаа хонд̇и, гон̣д̣ан̃н̃аа хонд̇и маггадаа;
‘‘Kacchapā kassapā honti, koṇḍaññā honti makkaṭā;
мун̃жа гассаба гон̣д̣ан̃н̃ам̣, гад̇ам̣ мзт̇унагам̣ д̇аяаа’’д̇и.
Muñca kassapa koṇḍaññaṃ, kataṃ methunakaṃ tayā’’ti.
д̇ассад̇т̇о – гажчабаа наама гассабаг̇од̇д̇аа хонд̇и, маггадаа гон̣д̣ан̃н̃аг̇од̇д̇аа, гассабагон̣д̣ан̃н̃аанан̃жа ан̃н̃аман̃н̃ам̣ ааваахавиваахасамб̣анд̇хо ад̇т̇и. ад̣̇д̇хаа д̇аяид̣̇ам̣ лолзна д̣̇уссийламаггадзна д̇аяаа сад̣̇д̇хим̣, д̇аяаа жа д̣̇уссийлзна иминаа маггадзна сад̣̇д̇хим̣ г̇од̇д̇асад̣̇исад̇аасан̇каад̇асса мзт̇унад̇хаммасса анужчавигам̣ д̣̇уссийляагаммасан̇каад̇амби мзт̇унагам̣ гад̇ам̣, д̇асмаа мун̃жа, гассаба, гон̣д̣ан̃н̃анд̇и.
Tassattho – kacchapā nāma kassapagottā honti, makkaṭā koṇḍaññagottā, kassapakoṇḍaññānañca aññamaññaṃ āvāhavivāhasambandho atthi. Addhā tayidaṃ lolena dussīlamakkaṭena tayā saddhiṃ, tayā ca dussīlena iminā makkaṭena saddhiṃ gottasadisatāsaṅkhātassa methunadhammassa anucchavikaṃ dussīlyakammasaṅkhātampi methunakaṃ kataṃ, tasmā muñca, kassapa, koṇḍaññanti.
гажчабо б̣од̇хисад̇д̇асса важанам̣ суд̇ваа гааран̣зна басанно ваанарасса ан̇г̇аж̇аад̇ам̣ мун̃жи. маггадо муд̇д̇амад̇д̇ова б̣од̇хисад̇д̇ам̣ ванд̣̇ид̇ваа балаад̇о, буна д̇ам̣ таанам̣ нивад̇д̇ид̇вааби на ологзси. гажчабоби б̣од̇хисад̇д̇ам̣ ванд̣̇ид̇ваа сагадтаанамзва г̇ад̇о. б̣од̇хисад̇д̇оби абарихийнаж̇жхаано б̣рахмалогабарааяан̣о ахоси.
Kacchapo bodhisattassa vacanaṃ sutvā kāraṇena pasanno vānarassa aṅgajātaṃ muñci. Makkaṭo muttamattova bodhisattaṃ vanditvā palāto, puna taṃ ṭhānaṃ nivattitvāpi na olokesi. Kacchapopi bodhisattaṃ vanditvā sakaṭṭhānameva gato. Bodhisattopi aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа гажчабаваанараа д̣̇вз махаамад̇д̇аа ахзсум̣, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā kacchapavānarā dve mahāmattā ahesuṃ, tāpaso pana ahameva ahosi’’nti.
гажчабаж̇аад̇агаван̣н̣анаа д̇ад̇ияаа.
Kacchapajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 273. гажчабаж̇аад̇агам̣ • 273. Kacchapajātakaṃ
