| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ
4. Kakkārupupphapūjakattheraapadānavaṇṇanā
ਦੇવਪੁਤ੍ਤੋ ਅਹਂ ਸਨ੍ਤੋਤਿਆਦਿਕਂ ਆਯਸ੍ਮਤੋ ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਕਤਪੁਞ੍ਞਸਞ੍ਚਯੋ ਸਿਖਿਸ੍ਸ ਭਗવਤੋ ਕਾਲੇ ਭੁਮ੍ਮਟ੍ਠਕਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ ਸਿਖਿਂ ਸਮ੍ਮਾਸਮ੍ਬੁਦ੍ਧਂ ਦਿਸ੍વਾ ਦਿਬ੍ਬਕਕ੍ਕਾਰੁਪੁਪ੍ਫਂ ਗਹੇਤ੍વਾ ਪੂਜੇਸਿ।
Devaputto ahaṃ santotiādikaṃ āyasmato kakkārupupphapūjakattherassa apadānaṃ. Ayampi purimabuddhesu katādhikāro tattha tattha bhave katapuññasañcayo sikhissa bhagavato kāle bhummaṭṭhakadevaputto hutvā nibbatto sikhiṃ sammāsambuddhaṃ disvā dibbakakkārupupphaṃ gahetvā pūjesi.
੨੧. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਏਕਤਿਂਸਕਪ੍ਪਬ੍ਭਨ੍ਤਰੇ ਉਭਯਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਪਚ੍ਚਕ੍ਖਤੋ ਞਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਦੇવਪੁਤ੍ਤੋ ਅਹਂ ਸਨ੍ਤੋਤਿਆਦਿਮਾਹ। ਤਤ੍ਥ ਦਿਬ੍ਬਨ੍ਤਿ ਕੀਲ਼ਨ੍ਤਿ ਪਞ੍ਚਹਿ ਦਿਬ੍ਬੇਹਿ ਕਾਮਗੁਣੇਹੀਤਿ ਦੇવਾ, ਦੇવਾਨਂ ਪੁਤ੍ਤੋ, ਦੇવੋ ਏવ વਾ ਪੁਤ੍ਤੋ ਦੇવਪੁਤ੍ਤੋ, ਅਹਂ ਦੇવਪੁਤ੍ਤੋ ਸਨ੍ਤੋ વਿਜ੍ਜਮਾਨੋ ਦਿਬ੍ਬਂ ਕਕ੍ਕਾਰੁਪੁਪ੍ਫਂ ਪਗ੍ਗਯ੍ਹ ਪਕਾਰੇਨ, ਗਹੇਤ੍વਾ ਸਿਖਿਸ੍ਸ ਭਗવਤੋ ਅਭਿਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
21. So tena puññena devamanussesu saṃsaranto ekatiṃsakappabbhantare ubhayasukhaṃ anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthari pasanno pabbajitvā nacirasseva arahā hutvā attano pubbakammaṃ paccakkhato ñatvā somanassajāto pubbacaritāpadānaṃ pakāsento devaputto ahaṃ santotiādimāha. Tattha dibbanti kīḷanti pañcahi dibbehi kāmaguṇehīti devā, devānaṃ putto, devo eva vā putto devaputto, ahaṃ devaputto santo vijjamāno dibbaṃ kakkārupupphaṃ paggayha pakārena, gahetvā sikhissa bhagavato abhiropayiṃ pūjesinti attho. Sesaṃ uttānatthamevāti.
ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Kakkārupupphapūjakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਅਪਦਾਨਂ • 4. Kakkārupupphapūjakattheraapadānaṃ
