| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8-10. гагуд̇хасуд̇д̇аад̣̇иван̣н̣анаа
8-10. Kakudhasuttādivaṇṇanā
99. адтамз гагуд̇хо д̣̇звабуд̇д̇од̇и аяам̣ гира голанаг̇арз махаамог̇г̇аллаанад̇т̇зрасса убадтаагабуд̇д̇о д̣̇ахарагаалзязва т̇зрасса санд̇игз васанд̇о жхаанам̣ ниб̣б̣ад̇д̇зд̇ваа гаалан̇гад̇о, б̣рахмалогз уббаж̇ж̇и. д̇ад̇рааби нам̣ гагуд̇хо б̣рахмаад̇взва сан̃ж̇аананд̇и. нанд̣̇асийд̇и д̇уссаси. гим̣ лад̣̇д̇хаад̇и д̇удти наама гин̃жи манаабам̣ лабхид̇ваа ход̇и, д̇асмаа звамааха. гим̣ ж̇ийяид̇т̇аад̇и яасса хи гин̃жи манаабам̣ жийвараад̣̇ивад̇т̇у ж̇ин̣н̣ам̣ ход̇и, со сожад̇и, д̇асмаа звамааха. арад̇ий наабхигийрад̇ийд̇и угган̣тид̇аа наабхибхавад̇и. агхаж̇аад̇ассаад̇и д̣̇угкаж̇аад̇асса, ваддад̣̇угкз тид̇ассаад̇и ад̇т̇о. нанд̣̇ийж̇аад̇ассаад̇и ж̇аад̇ад̇ан̣хасса. агханд̇и зваруубасса хи ваддад̣̇угкам̣ ааг̇ад̇амзва ход̇и . ‘‘д̣̇угкий сукам̣ бад̇т̇аяад̇ий’’д̇и хи вуд̇д̇ам̣. ид̇и агхаж̇аад̇асса нанд̣̇ий ход̇и, сукавибарин̣аамзна д̣̇угкам̣ ааг̇ад̇амзваад̇и нанд̣̇ийж̇аад̇асса агхам̣ ход̇и. адтамам̣.
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
100. навамам̣ вуд̇д̇ад̇т̇амзва. навамам̣.
100. Navamaṃ vuttatthameva. Navamaṃ.
101. д̣̇асамз аананд̣̇ад̇т̇зрасса анумаанаб̣уд̣̇д̇хияаа аанубхааваббагаасанад̇т̇ам̣ ан̃н̃ад̇арод̇и ааха. д̣̇асамам̣.
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
д̣̇уд̇ияо ваг̇г̇о.
Dutiyo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
8. гагуд̇хасуд̇д̇ам̣ • 8. Kakudhasuttaṃ
9. уд̇д̇арасуд̇д̇ам̣ • 9. Uttarasuttaṃ
10. анаат̇абин̣д̣игасуд̇д̇ам̣ • 10. Anāthapiṇḍikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā)
8. гагуд̇хасуд̇д̇аван̣н̣анаа • 8. Kakudhasuttavaṇṇanā
9. уд̇д̇арасуд̇д̇аван̣н̣анаа • 9. Uttarasuttavaṇṇanā
10. анаат̇абин̣д̣игасуд̇д̇аван̣н̣анаа • 10. Anāthapiṇḍikasuttavaṇṇanā
