| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. ககுத⁴தே²ரஸுத்தவண்ணனா
10. Kakudhatherasuttavaṇṇanā
100. த³ஸமே அத்தபா⁴வபடிலாபோ⁴தி ஸரீரபடிலாபோ⁴. த்³வே வா தீணி வா மாக³த⁴கானி கா³மக்கெ²த்தானீதி எத்த² மாக³தி⁴கங் கா³மக்கெ²த்தங் அத்தி² கு²த்³த³கங், அத்தி² மஜ்ஜி²மங், அத்தி² மஹந்தங். கு²த்³த³கங் கா³மக்கெ²த்தங் இதோ சத்தாலீஸங் உஸபா⁴னி, இதோ சத்தாலீஸந்தி கா³வுதங் ஹோதி, மஜ்ஜி²மங் இதோ கா³வுதங், இதோ கா³வுதந்தி அட்³ட⁴யோஜனங் ஹோதி, மஹந்தங் இதோ தி³யட்³ட⁴கா³வுதங், இதோ தி³யட்³ட⁴கா³வுதந்தி திகா³வுதங் ஹோதி. தேஸு கு²த்³த³கேன கா³மக்கெ²த்தேன தீணி, கு²த்³த³கேன ச மஜ்ஜி²மேன ச த்³வே கா³மக்கெ²த்தானி தஸ்ஸ அத்தபா⁴வோ. திகா³வுதஞ்ஹிஸ்ஸ ஸரீரங். பரிஹரிஸ்ஸாமீதி படிஜக்³கி³ஸ்ஸாமி கோ³பயிஸ்ஸாமி. ரக்க²ஸ்ஸேதந்தி ரக்க²ஸ்ஸு ஏதங். மோக⁴புரிஸோதி துச்ச²புரிஸோ. நாஸ்ஸஸ்ஸாதி ந ஏதஸ்ஸ ப⁴வெய்ய. ஸமுதா³சரெய்யாமாதி கதெ²ய்யாம. ஸம்மன்னதீதி ஸம்மானங் கரோதி. யங் துமோ கரிஸ்ஸதி துமோவ தேன பஞ்ஞாயிஸ்ஸதீதி யங் ஏஸ கரிஸ்ஸதி, ஏஸோவ தேன கம்மேன பாகடோ ப⁴விஸ்ஸதி. ஸேஸங் ஸப்³ப³த்த² உத்தானத்த²மேவாதி.
100. Dasame attabhāvapaṭilābhoti sarīrapaṭilābho. Dve vā tīṇi vā māgadhakāni gāmakkhettānīti ettha māgadhikaṃ gāmakkhettaṃ atthi khuddakaṃ, atthi majjhimaṃ, atthi mahantaṃ. Khuddakaṃ gāmakkhettaṃ ito cattālīsaṃ usabhāni, ito cattālīsanti gāvutaṃ hoti, majjhimaṃ ito gāvutaṃ, ito gāvutanti aḍḍhayojanaṃ hoti, mahantaṃ ito diyaḍḍhagāvutaṃ, ito diyaḍḍhagāvutanti tigāvutaṃ hoti. Tesu khuddakena gāmakkhettena tīṇi, khuddakena ca majjhimena ca dve gāmakkhettāni tassa attabhāvo. Tigāvutañhissa sarīraṃ. Pariharissāmīti paṭijaggissāmi gopayissāmi. Rakkhassetanti rakkhassu etaṃ. Moghapurisoti tucchapuriso. Nāssassāti na etassa bhaveyya. Samudācareyyāmāti katheyyāma. Sammannatīti sammānaṃ karoti. Yaṃ tumo karissati tumova tena paññāyissatīti yaṃ esa karissati, esova tena kammena pākaṭo bhavissati. Sesaṃ sabbattha uttānatthamevāti.
ககுத⁴வக்³கோ³ பஞ்சமோ.
Kakudhavaggo pañcamo.
து³தியபண்ணாஸகங் நிட்டி²தங்.
Dutiyapaṇṇāsakaṃ niṭṭhitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ககுத⁴தே²ரஸுத்தங் • 10. Kakudhatherasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மஸம்பதா³ஸுத்தாதி³வண்ணனா • 1-10. Paṭhamasampadāsuttādivaṇṇanā
