| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬-૭. કાલદાનસુત્તાદિવણ્ણના
6-7. Kāladānasuttādivaṇṇanā
૩૬-૩૭. છટ્ઠે આરામતોતિ ફલારામતો. પઠમુપ્પન્નાનીતિ સબ્બપઠમં સુજાતાનિ. ભાસિતઞ્ઞૂતિ ભિક્ખૂ ઘરદ્વારે ઠિતા કિઞ્ચાપિ તુણ્હી હોન્તિ, અત્થતો પન ‘‘ભિક્ખં દેથા’’તિ વદન્તિ નામ અરિયાય યાચનાય. વુત્તઞ્હેતં ‘‘ઉદ્ધિસ્સ અરિયા તિટ્ઠન્તિ, એસા અરિયાનં યાચના’’તિ. તત્ર યે ‘‘મયં પચામ, ઇમે ન પચન્તિ, પચમાને પત્વા અલભન્તા કુહિં લભિસ્સન્તી’’તિ દેય્યધમ્મં સંવિભજન્તિ, તે ભાસિતઞ્ઞૂ નામ ઞત્વા કત્તબ્બસ્સ કરણતો. યુત્તપ્પત્તકાલેતિ દાતું યુત્તપ્પત્તકાલે. અપ્પટિવાનચિત્તોતિ અનિવત્તનચિત્તો. સત્તમં ઉત્તાનમેવ.
36-37. Chaṭṭhe ārāmatoti phalārāmato. Paṭhamuppannānīti sabbapaṭhamaṃ sujātāni. Bhāsitaññūti bhikkhū gharadvāre ṭhitā kiñcāpi tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddhissa ariyā tiṭṭhanti, esā ariyānaṃ yācanā’’ti. Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissantī’’ti deyyadhammaṃ saṃvibhajanti, te bhāsitaññū nāma ñatvā kattabbassa karaṇato. Yuttappattakāleti dātuṃ yuttappattakāle. Appaṭivānacittoti anivattanacitto. Sattamaṃ uttānameva.
કાલદાનસુત્તાદિવણ્ણના નિટ્ઠિતા.
Kāladānasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૬. કાલદાનસુત્તં • 6. Kāladānasuttaṃ
૯. ભોજનસુત્તં • 9. Bhojanasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૬. કાલદાનસુત્તવણ્ણના • 6. Kāladānasuttavaṇṇanā
૭. ભોજનસુત્તવણ્ણના • 7. Bhojanasuttavaṇṇanā
