| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. ကာလဒာနသုတ္တဝဏ္ဏနာ
6. Kāladānasuttavaṇṇanā
၃၆. ဆဋ္ဌေ ကာလဒာနာနီတိ ယုတ္တဒာနာနိ, ပတ္တဒာနာနိ အနုစ္ဆဝိကဒာနာနီတိ အတ္ထော။ နဝသသ္သာနီတိ အဂ္ဂသသ္သာနိ။ နဝဖလာနီတိ အာရာမတော ပဌမုပ္ပန္နာနိ အဂ္ဂဖလာနိ။ ပဌမံ သီလဝန္တေသု ပတိဋ္ဌာပေတီတိ ပဌမံ သီလဝန္တာနံ ဒတ္ဝာ ပစ္ဆာ အတ္တနာ ပရိဘုဉ္ဇတိ။ ဝဒညူတိ ဘာသိတညူ။ ကာလေန ဒိန္နန္တိ ယုတ္တပ္ပတ္တကာလေန ဒိန္နံ။ အနုမောဒန္တီတိ ဧကမန္တေ ဌိတာ အနုမောဒန္တိ။ ဝေယ္ယာဝစ္စန္တိ ကာယေန ဝေယ္ယာဝဋိကကမ္မံ ကရောန္တိ။ အပ္ပဋိဝာနစိတ္တောတိ အနုက္ကဏ္ဌိတစိတ္တော။ ယတ္ထ ဒိန္နံ မဟပ္ဖလန္တိ ယသ္မိံ ဌာနေ ဒိန္နံ မဟပ္ဖလံ ဟောတိ, တတ္ထ ဒဒေယ္ယ။
36. Chaṭṭhe kāladānānīti yuttadānāni, pattadānāni anucchavikadānānīti attho. Navasassānīti aggasassāni. Navaphalānīti ārāmato paṭhamuppannāni aggaphalāni. Paṭhamaṃ sīlavantesu patiṭṭhāpetīti paṭhamaṃ sīlavantānaṃ datvā pacchā attanā paribhuñjati. Vadaññūti bhāsitaññū. Kālena dinnanti yuttappattakālena dinnaṃ. Anumodantīti ekamante ṭhitā anumodanti. Veyyāvaccanti kāyena veyyāvaṭikakammaṃ karonti. Appaṭivānacittoti anukkaṇṭhitacitto. Yattha dinnaṃ mahapphalanti yasmiṃ ṭhāne dinnaṃ mahapphalaṃ hoti, tattha dadeyya.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ကာလဒာနသုတ္တံ • 6. Kāladānasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၇. ကာလဒာနသုတ္တာဒိဝဏ္ဏနာ • 6-7. Kāladānasuttādivaṇṇanā
