| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૩. કલન્દકઙ્ગપઞ્હો
3. Kalandakaṅgapañho
૩. ‘‘ભન્તે નાગસેન, ‘કલન્દકસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, કલન્દકો પટિસત્તુમ્હિ ઓપતન્તે નઙ્ગુટ્ઠં પપ્ફોટેત્વા મહન્તં કત્વા તેનેવ નઙ્ગુટ્ઠલગુળેન પટિસત્તું પટિબાહતિ, એવમેવ ખો, મહારાજ, યોગિના યોગાવચરેન કિલેસસત્તુમ્હિ ઓપતન્તે સતિપટ્ઠાનલગુળં પપ્ફોટેત્વા મહન્તં કત્વા તેનેવ સતિપટ્ઠાનલગુળેન સબ્બકિલેસા પટિબાહિતબ્બા. ઇદં, મહારાજ, કલન્દકસ્સ એકં અઙ્ગં ગહેતબ્બં. ભાસિતમ્પેતં, મહારાજ, થેરેન ચૂળપન્થકેન –
3. ‘‘Bhante nāgasena, ‘kalandakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kalandako paṭisattumhi opatante naṅguṭṭhaṃ papphoṭetvā mahantaṃ katvā teneva naṅguṭṭhalaguḷena paṭisattuṃ paṭibāhati, evameva kho, mahārāja, yoginā yogāvacarena kilesasattumhi opatante satipaṭṭhānalaguḷaṃ papphoṭetvā mahantaṃ katvā teneva satipaṭṭhānalaguḷena sabbakilesā paṭibāhitabbā. Idaṃ, mahārāja, kalandakassa ekaṃ aṅgaṃ gahetabbaṃ. Bhāsitampetaṃ, mahārāja, therena cūḷapanthakena –
‘યદા કિલેસા ઓપતન્તિ, સામઞ્ઞગુણધંસના;
‘Yadā kilesā opatanti, sāmaññaguṇadhaṃsanā;
સતિપટ્ઠાનલગુળેન, હન્તબ્બા તે પુનપ્પુન’’’ન્તિ.
Satipaṭṭhānalaguḷena, hantabbā te punappuna’’’nti.
કલન્દકઙ્ગપઞ્હો તતિયો.
Kalandakaṅgapañho tatiyo.
