| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૨. કાળાયસઙ્ગપઞ્હો
2. Kāḷāyasaṅgapañho
૨. ‘‘ભન્તે નાગસેન, ‘કાળાયસસ્સ 1 દ્વે અઙ્ગાનિ ગહેતબ્બાની’તિ યં વદેસિ, કતમાનિ તાનિ દ્વે અઙ્ગાનિ ગહેતબ્બાની’’તિ ? ‘‘યથા, મહારાજ, કાળાયસો સુપીતો 2 વમતિ 3, એવમેવ ખો, મહારાજ, યોગિનો યોગાવચરસ્સ માનસં યોનિસો મનસિકારેન 4 અપીતં વમતિ. ઇદં, મહારાજ, કાળાયસસ્સ પઠમં અઙ્ગં ગહેતબ્બં.
2. ‘‘Bhante nāgasena, ‘kāḷāyasassa 5 dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti ? ‘‘Yathā, mahārāja, kāḷāyaso supīto 6 vamati 7, evameva kho, mahārāja, yogino yogāvacarassa mānasaṃ yoniso manasikārena 8 apītaṃ vamati. Idaṃ, mahārāja, kāḷāyasassa paṭhamaṃ aṅgaṃ gahetabbaṃ.
‘‘પુન ચપરં, મહારાજ, કાળાયસો સકિં પીતં ઉદકં ન વમતિ, એવમેવ ખો, મહારાજ , યોગિના યોગાવચરેન યો સકિં ઉપ્પન્નો પસાદો, ન પુન સો વમિતબ્બો ‘ઉળારો સો ભગવા સમ્માસમ્બુદ્ધો, સ્વાક્ખાતો ધમ્મો, સુપ્પટિપન્નો સઙ્ઘો’તિ. ‘રૂપં અનિચ્ચં, વેદના અનિચ્ચા, સઞ્ઞા અનિચ્ચા, સઙ્ખારા અનિચ્ચા, વિઞ્ઞાણં અનિચ્ચન્તિ યં સકિં ઉપ્પન્નં ઞાણં, ન પુન તં વમિતબ્બં. ઇદં , મહારાજ, કાળાયસસ્સ દુતિયં અઙ્ગં ગહેતબ્બં. ભાસિતમ્પેતં, મહારાજ, ભગવતા દેવાતિદેવેન –
‘‘Puna caparaṃ, mahārāja, kāḷāyaso sakiṃ pītaṃ udakaṃ na vamati, evameva kho, mahārāja , yoginā yogāvacarena yo sakiṃ uppanno pasādo, na puna so vamitabbo ‘uḷāro so bhagavā sammāsambuddho, svākkhāto dhammo, suppaṭipanno saṅgho’ti. ‘Rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccanti yaṃ sakiṃ uppannaṃ ñāṇaṃ, na puna taṃ vamitabbaṃ. Idaṃ , mahārāja, kāḷāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘દસ્સનમ્હિ પરિસોધિતો 9 નરો, અરિયધમ્મે નિયતો વિસેસગૂ;
‘‘‘Dassanamhi parisodhito 10 naro, ariyadhamme niyato visesagū;
નપ્પવેધતિ અનેકભાગસો, સબ્બસો ચ મુખભાવમેવ સો’’’તિ.
Nappavedhati anekabhāgaso, sabbaso ca mukhabhāvameva so’’’ti.
કાળાયસઙ્ગપઞ્હો દુતિયો.
Kāḷāyasaṅgapañho dutiyo.
Footnotes:
