| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[479] 6. гаалин̇г̇аб̣од̇хиж̇аад̇агаван̣н̣анаа
[479] 6. Kāliṅgabodhijātakavaṇṇanā
рааж̇аа гаалин̇г̇о жаггавад̇д̇ийд̇и ид̣̇ам̣ сад̇т̇аа ж̇зд̇аванз вихаранд̇о аананд̣̇ад̇т̇зрзна гад̇ам̣ махааб̣од̇хибууж̇ам̣ аараб̣бха гат̇зси. взнзяяасан̇г̇ахад̇т̇ааяа хи д̇ат̇ааг̇ад̇з ж̇анабад̣̇ажааригам̣ багганд̇з саавад̇т̇иваасино г̇анд̇хамаалаад̣̇ихад̇т̇аа ж̇зд̇аванам̣ г̇анд̇ваа ан̃н̃ам̣ бууж̇анийяадтаанам̣ алабхид̇ваа г̇анд̇хагудид̣̇ваарз баад̇зд̇ваа г̇ажчанд̇и, д̇з ул̣аарабаамож̇ж̇аа на хонд̇и. д̇ам̣ гааран̣ам̣ н̃ад̇ваа анаат̇абин̣д̣иго д̇ат̇ааг̇ад̇асса ж̇зд̇аванам̣ ааг̇ад̇агаалз аананд̣̇ад̇т̇зрасса санд̇игам̣ г̇анд̇ваа ‘‘бханд̇з, аяам̣ вихааро д̇ат̇ааг̇ад̇з жааригам̣ багганд̇з нибажжаяо ход̇и, мануссаанам̣ г̇анд̇хамаалаад̣̇ийхи бууж̇анийяадтаанам̣ на ход̇и, саад̇ху, бханд̇з, д̇ат̇ааг̇ад̇асса имамад̇т̇ам̣ аарожзд̇ваа згасса бууж̇анийяадтаанасса саггун̣зяяабхаавам̣ ж̇аанаат̇аа’’д̇и ааха. со ‘‘саад̇хуу’’д̇и самбадижчид̇ваа д̇ат̇ааг̇ад̇ам̣ бужчи ‘‘гад̇и ну ко, бханд̇з, жзд̇ияааний’’д̇и? ‘‘д̇ийн̣и аананд̣̇аа’’д̇и. ‘‘гад̇амаани, бханд̇з, д̇ийн̣ий’’д̇и? ‘‘саарийригам̣ баарибхог̇игам̣ уд̣̇д̣̇иссага’’нд̇и. ‘‘саггаа бана, бханд̇з, д̇умхзсу д̇харанд̇зсуязва жзд̇ияам̣ гаад̇у’’нд̇и. ‘‘аананд̣̇а, саарийригам̣ на саггаа гаад̇ум̣. д̇ан̃хи б̣уд̣̇д̇хаанам̣ бариниб̣б̣аанагаалз ход̇и, уд̣̇д̣̇иссагам̣ авад̇т̇угам̣ мамааяанамад̇д̇амзва ход̇и, б̣уд̣̇д̇хзхи барибхуд̇д̇о махааб̣од̇хиругко б̣уд̣̇д̇хзсу д̇харанд̇зсуби жзд̇ияамзваа’’д̇и. ‘‘бханд̇з, д̇умхзсу багганд̇зсу ж̇зд̇аванавихааро аббадисаран̣о ход̇и, махааж̇ано бууж̇анийяадтаанам̣ на лабхад̇и, махааб̣од̇хид̇о б̣ийж̇ам̣ аахарид̇ваа ж̇зд̇аванад̣̇ваарз робзссаами, бханд̇з’’д̇и. ‘‘саад̇ху, аананд̣̇а, робзхи, звам̣ санд̇з ж̇зд̇аванз мама ниб̣ад̣̇д̇хаваасо вияа бхависсад̇ий’’д̇и.
Rājā kāliṅgo cakkavattīti idaṃ satthā jetavane viharanto ānandattherena kataṃ mahābodhipūjaṃ ārabbha kathesi. Veneyyasaṅgahatthāya hi tathāgate janapadacārikaṃ pakkante sāvatthivāsino gandhamālādihatthā jetavanaṃ gantvā aññaṃ pūjanīyaṭṭhānaṃ alabhitvā gandhakuṭidvāre pātetvā gacchanti, te uḷārapāmojjā na honti. Taṃ kāraṇaṃ ñatvā anāthapiṇḍiko tathāgatassa jetavanaṃ āgatakāle ānandattherassa santikaṃ gantvā ‘‘bhante, ayaṃ vihāro tathāgate cārikaṃ pakkante nipaccayo hoti, manussānaṃ gandhamālādīhi pūjanīyaṭṭhānaṃ na hoti, sādhu, bhante, tathāgatassa imamatthaṃ ārocetvā ekassa pūjanīyaṭṭhānassa sakkuṇeyyabhāvaṃ jānāthā’’ti āha. So ‘‘sādhū’’ti sampaṭicchitvā tathāgataṃ pucchi ‘‘kati nu kho, bhante, cetiyānī’’ti? ‘‘Tīṇi ānandā’’ti. ‘‘Katamāni, bhante, tīṇī’’ti? ‘‘Sārīrikaṃ pāribhogikaṃ uddissaka’’nti. ‘‘Sakkā pana, bhante, tumhesu dharantesuyeva cetiyaṃ kātu’’nti. ‘‘Ānanda, sārīrikaṃ na sakkā kātuṃ. Tañhi buddhānaṃ parinibbānakāle hoti, uddissakaṃ avatthukaṃ mamāyanamattameva hoti, buddhehi paribhutto mahābodhirukkho buddhesu dharantesupi cetiyamevā’’ti. ‘‘Bhante, tumhesu pakkantesu jetavanavihāro appaṭisaraṇo hoti, mahājano pūjanīyaṭṭhānaṃ na labhati, mahābodhito bījaṃ āharitvā jetavanadvāre ropessāmi, bhante’’ti. ‘‘Sādhu, ānanda, ropehi, evaṃ sante jetavane mama nibaddhavāso viya bhavissatī’’ti.
т̇зро госаланаринд̣̇асса анаат̇абин̣д̣игасса висаакаад̣̇ийнан̃жа аарожзд̇ваа ж̇зд̇аванад̣̇ваарз б̣од̇хиробанадтаанз ааваадам̣ кан̣аабзд̇ваа махаамог̇г̇аллаанад̇т̇зрам̣ ааха – ‘‘бханд̇з, ахам̣ ж̇зд̇аванад̣̇ваарз б̣од̇хим̣ робзссаами, махааб̣од̇хид̇о мз б̣од̇хибаггам̣ аахарат̇аа’’д̇и. т̇зро ‘‘саад̇хуу’’д̇и самбадижчид̇ваа аагаасзна б̣од̇химан̣д̣ам̣ г̇анд̇ваа ван̣даа бариг̇аланд̇ам̣ баггам̣ бхуумим̣ асамбад̇д̇амзва жийварзна самбадижчид̇ваа г̇ахзд̇ваа аананд̣̇ад̇т̇зрасса ад̣̇ааси. аананд̣̇ад̇т̇зро ‘‘аж̇ж̇а б̣од̇хим̣ робзссаамий’’д̇и госаларааж̇аад̣̇ийнам̣ аарожзси. рааж̇аа сааяанхасамаяз маханд̇зна бариваарзна саб̣б̣уубагаран̣аани г̇аахаабзд̇ваа ааг̇ами, д̇ат̇аа анаат̇абин̣д̣иго висаакаа жа ан̃н̃о жа сад̣̇д̇хо ж̇ано. т̇зро махааб̣од̇хиробанадтаанз маханд̇ам̣ суван̣н̣агадаахам̣ табзд̇ваа хздтаа чид̣̇д̣̇ам̣ гаарзд̇ваа г̇анд̇хагалаласса буурзд̇ваа ‘‘ид̣̇ам̣ б̣од̇хибаггам̣ робзхи, махаарааж̇аа’’д̇и ран̃н̃о ад̣̇ааси. со жинд̇зси ‘‘раж̇ж̇ам̣ наама на саб̣б̣агаалам̣ амхаагам̣ хад̇т̇з д̇идтад̇и, ид̣̇ам̣ маяаа анаат̇абин̣д̣игзна робаабзд̇ум̣ ваддад̇ий’’д̇и . со д̇ам̣ б̣од̇хибаггам̣ махаасздтисса хад̇т̇з табзси. анаат̇абин̣д̣иго г̇анд̇хагалалам̣ вияуухид̇ваа д̇ад̇т̇а баад̇зси. д̇асмим̣ д̇асса хад̇т̇ад̇о муд̇д̇амад̇д̇зязва саб̣б̣зсам̣ бассанд̇аанан̃н̃зва нан̇г̇аласийсаббамаан̣о б̣од̇хиканд̇хо бан̣н̣аасахад̇т̇уб̣б̣зд̇хо удтахи, жад̇уусу д̣̇исаасу уд̣̇д̇хан̃жаад̇и бан̃жа махаасаакаа бан̣н̣аасахад̇т̇аава нигкамим̣су. ид̇и со д̇ан̇кан̣ан̃н̃зва ванаббад̇иж̇здтаго худ̇ваа адтааси. рааж̇аа адтаарасамад̇д̇з суван̣н̣араж̇ад̇агхадз г̇анд̇ход̣̇агзна буурзд̇ваа нийлуббалахад̇т̇агаад̣̇ибадиман̣д̣ид̇з махааб̣од̇хим̣ баригкибид̇ваа бун̣н̣агхадз бадибаадияаа табзси, сад̇д̇арад̇анамаяам̣ взд̣̇игам̣ гаарзси, суван̣н̣амиссагам̣ ваалугам̣ огири, баагаарабаригкзбам̣ гаарзси, сад̇д̇арад̇анамаяам̣ д̣̇ваарагодтагам̣ гаарзси, саггааро махаа ахоси.
Thero kosalanarindassa anāthapiṇḍikassa visākhādīnañca ārocetvā jetavanadvāre bodhiropanaṭṭhāne āvāṭaṃ khaṇāpetvā mahāmoggallānattheraṃ āha – ‘‘bhante, ahaṃ jetavanadvāre bodhiṃ ropessāmi, mahābodhito me bodhipakkaṃ āharathā’’ti. Thero ‘‘sādhū’’ti sampaṭicchitvā ākāsena bodhimaṇḍaṃ gantvā vaṇṭā parigalantaṃ pakkaṃ bhūmiṃ asampattameva cīvarena sampaṭicchitvā gahetvā ānandattherassa adāsi. Ānandatthero ‘‘ajja bodhiṃ ropessāmī’’ti kosalarājādīnaṃ ārocesi. Rājā sāyanhasamaye mahantena parivārena sabbūpakaraṇāni gāhāpetvā āgami, tathā anāthapiṇḍiko visākhā ca añño ca saddho jano. Thero mahābodhiropanaṭṭhāne mahantaṃ suvaṇṇakaṭāhaṃ ṭhapetvā heṭṭhā chiddaṃ kāretvā gandhakalalassa pūretvā ‘‘idaṃ bodhipakkaṃ ropehi, mahārājā’’ti rañño adāsi. So cintesi ‘‘rajjaṃ nāma na sabbakālaṃ amhākaṃ hatthe tiṭṭhati, idaṃ mayā anāthapiṇḍikena ropāpetuṃ vaṭṭatī’’ti . So taṃ bodhipakkaṃ mahāseṭṭhissa hatthe ṭhapesi. Anāthapiṇḍiko gandhakalalaṃ viyūhitvā tattha pātesi. Tasmiṃ tassa hatthato muttamatteyeva sabbesaṃ passantānaññeva naṅgalasīsappamāṇo bodhikhandho paṇṇāsahatthubbedho uṭṭhahi, catūsu disāsu uddhañcāti pañca mahāsākhā paṇṇāsahatthāva nikkhamiṃsu. Iti so taṅkhaṇaññeva vanappatijeṭṭhako hutvā aṭṭhāsi. Rājā aṭṭhārasamatte suvaṇṇarajataghaṭe gandhodakena pūretvā nīluppalahatthakādipaṭimaṇḍite mahābodhiṃ parikkhipitvā puṇṇaghaṭe paṭipāṭiyā ṭhapesi, sattaratanamayaṃ vedikaṃ kāresi, suvaṇṇamissakaṃ vālukaṃ okiri, pākāraparikkhepaṃ kāresi, sattaratanamayaṃ dvārakoṭṭhakaṃ kāresi, sakkāro mahā ahosi.
т̇зро д̇ат̇ааг̇ад̇ам̣ убасан̇гамид̇ваа ‘‘бханд̇з, д̇умхзхи махааб̣од̇химуулз самаабаннасамаабад̇д̇им̣ маяаа робид̇аб̣од̇химуулз нисийд̣̇ид̇ваа махааж̇анасса хид̇ад̇т̇ааяа самаабаж̇ж̇ат̇аа’’д̇и ааха. ‘‘аананд̣̇а, гим̣ гат̇зси, маяи махааб̣од̇химуулз самаабаннасамаабад̇д̇им̣ самаабаж̇ж̇ид̇ваа нисиннз ан̃н̃о бад̣̇зсо д̇хаарзд̇ум̣ на саггод̇ий’’д̇и. ‘‘бханд̇з, махааж̇анасса хид̇ад̇т̇ааяа имасса бхуумиббад̣̇зсасса д̇хуванияаамзна самаабад̇д̇исукзна д̇ам̣ б̣од̇химуулам̣ барибхун̃ж̇ат̇аа’’д̇и. сад̇т̇аа згарад̇д̇им̣ самаабад̇д̇исукзна барибхун̃ж̇и. т̇зро госаларааж̇аад̣̇ийнам̣ гат̇зд̇ваа б̣од̇химахам̣ наама гаарзси. соби ко б̣од̇хиругко аананд̣̇ад̇т̇зрзна робид̇ад̇д̇аа аананд̣̇аб̣од̇хиязваад̇и бан̃н̃ааяид̇т̇а. д̇ад̣̇аа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо ааяасмаа аананд̣̇о д̇харанд̇зязва д̇ат̇ааг̇ад̇з б̣од̇хим̣ робзд̇ваа махаабууж̇ам̣ гаарзси , ахо махааг̇ун̣о т̇зро’’д̇и . сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби аананд̣̇о сабариваарзсу жад̇уусу махаад̣̇ийбзсу мануссз г̇ахзд̇ваа б̣ахуг̇анд̇хамаалаад̣̇ийни аахарид̇ваа махааб̣од̇химан̣д̣з б̣од̇химахам̣ гаарзсиязваа’’д̇и вад̇ваа ад̇ийд̇ам̣ аахари.
Thero tathāgataṃ upasaṅkamitvā ‘‘bhante, tumhehi mahābodhimūle samāpannasamāpattiṃ mayā ropitabodhimūle nisīditvā mahājanassa hitatthāya samāpajjathā’’ti āha. ‘‘Ānanda, kiṃ kathesi, mayi mahābodhimūle samāpannasamāpattiṃ samāpajjitvā nisinne añño padeso dhāretuṃ na sakkotī’’ti. ‘‘Bhante, mahājanassa hitatthāya imassa bhūmippadesassa dhuvaniyāmena samāpattisukhena taṃ bodhimūlaṃ paribhuñjathā’’ti. Satthā ekarattiṃ samāpattisukhena paribhuñji. Thero kosalarājādīnaṃ kathetvā bodhimahaṃ nāma kāresi. Sopi kho bodhirukkho ānandattherena ropitattā ānandabodhiyevāti paññāyittha. Tadā bhikkhū dhammasabhāyaṃ kathaṃ samuṭṭhāpesuṃ ‘‘āvuso āyasmā ānando dharanteyeva tathāgate bodhiṃ ropetvā mahāpūjaṃ kāresi , aho mahāguṇo thero’’ti . Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi ānando saparivāresu catūsu mahādīpesu manusse gahetvā bahugandhamālādīni āharitvā mahābodhimaṇḍe bodhimahaṃ kāresiyevā’’ti vatvā atītaṃ āhari.
ад̇ийд̇з галин̇г̇арадтз д̣̇анд̇абуранаг̇арз гаалин̇г̇о наама рааж̇аа раж̇ж̇ам̣ гаарзси. д̇асса махаагаалин̇г̇о, жуул̣агаалин̇г̇од̇и д̣̇вз буд̇д̇аа ахзсум̣. нзмид̇д̇агаа ‘‘ж̇здтабуд̇д̇о бид̇у ажжаязна раж̇ж̇ам̣ гаарзссад̇и, ганидто бана исибаб̣б̣аж̇ж̇ам̣ баб̣б̣аж̇ид̇ваа бхигкааяа жариссад̇и, буд̇д̇о банасса жаггавад̇д̇ий бхависсад̇ий’’д̇и б̣яаагарим̣су. абарабхааг̇з ж̇здтабуд̇д̇о бид̇у ажжаязна рааж̇аа ахоси, ганидто бана убарааж̇аа. со ‘‘буд̇д̇о гира мз жаггавад̇д̇ий бхависсад̇ий’’д̇и буд̇д̇ам̣ ниссааяа маанам̣ агааси. рааж̇аа асаханд̇о ‘‘жуул̣агаалин̇г̇ам̣ г̇ан̣хаа’’д̇и згам̣ ад̇т̇ажарагам̣ аан̣аабзси. со г̇анд̇ваа ‘‘гумаара, рааж̇аа д̇ам̣ г̇ан̣хаабзд̇угаамо, д̇ава ж̇ийвид̇ам̣ рагкаахий’’д̇и ааха. со ад̇д̇ано лан̃ж̇анамуд̣̇д̣̇иган̃жа сукумагамб̣алан̃жа каг̇г̇ан̃жаад̇и имаани д̇ийн̣и ад̇т̇ажарагаамажжасса д̣̇ассзд̇ваа ‘‘имааяа сан̃н̃ааяа мама буд̇д̇асса раж̇ж̇ам̣ д̣̇ад̣̇зяяаат̇аа’’д̇и вад̇ваа аран̃н̃ам̣ бависид̇ваа раман̣ийяз бхуумибхааг̇з ассамам̣ гад̇ваа исибаб̣б̣аж̇ж̇ам̣ баб̣б̣аж̇ид̇ваа над̣̇ийд̇ийрз ваасам̣ габбзси.
Atīte kaliṅgaraṭṭhe dantapuranagare kāliṅgo nāma rājā rajjaṃ kāresi. Tassa mahākāliṅgo, cūḷakāliṅgoti dve puttā ahesuṃ. Nemittakā ‘‘jeṭṭhaputto pitu accayena rajjaṃ kāressati, kaniṭṭho pana isipabbajjaṃ pabbajitvā bhikkhāya carissati, putto panassa cakkavattī bhavissatī’’ti byākariṃsu. Aparabhāge jeṭṭhaputto pitu accayena rājā ahosi, kaniṭṭho pana uparājā. So ‘‘putto kira me cakkavattī bhavissatī’’ti puttaṃ nissāya mānaṃ akāsi. Rājā asahanto ‘‘cūḷakāliṅgaṃ gaṇhā’’ti ekaṃ atthacarakaṃ āṇāpesi. So gantvā ‘‘kumāra, rājā taṃ gaṇhāpetukāmo, tava jīvitaṃ rakkhāhī’’ti āha. So attano lañjanamuddikañca sukhumakambalañca khaggañcāti imāni tīṇi atthacarakāmaccassa dassetvā ‘‘imāya saññāya mama puttassa rajjaṃ dadeyyāthā’’ti vatvā araññaṃ pavisitvā ramaṇīye bhūmibhāge assamaṃ katvā isipabbajjaṃ pabbajitvā nadītīre vāsaṃ kappesi.
мад̣̇д̣̇арадтзби сааг̇аланаг̇арз мад̣̇д̣̇аран̃н̃о аг̇г̇амахзсий д̇хийд̇арам̣ виж̇ааяи. д̇ам̣ нзмид̇д̇агаа ‘‘аяам̣ бхигкам̣ жарид̇ваа ж̇ийвигам̣ габбзссад̇и, буд̇д̇о банассаа жаггавад̇д̇ий бхависсад̇ий’’д̇и б̣яаагарим̣су. сагалаж̇амб̣уд̣̇ийбз рааж̇аано д̇ам̣ бавад̇д̇им̣ суд̇ваа згаббахаарзнзва ааг̇анд̇ваа сааг̇аланаг̇арам̣ рунд̇хим̣су. мад̣̇д̣̇арааж̇аа жинд̇зси ‘‘сажаахам̣ имам̣ згасса д̣̇ассаами, сзсарааж̇аано гуж̇жхиссанд̇и, мама д̇хийд̇арам̣ рагкиссаамий’’д̇и д̇хийд̇аран̃жа бхарияан̃жа г̇ахзд̇ваа ан̃н̃аад̇агавзсзна балааяид̇ваа аран̃н̃ам̣ бависид̇ваа жуул̣агаалин̇г̇агумаарасса ассамабад̣̇ад̇о убарибхааг̇з ассамам̣ гад̇ваа баб̣б̣аж̇ид̇ваа ун̃чаажарияааяа ж̇ийвигам̣ габбзнд̇о д̇ад̇т̇а бадивасад̇и. маад̇аабид̇аро ‘‘д̇хийд̇арам̣ рагкиссаамаа’’д̇и д̇ам̣ ассамабад̣̇з гад̇ваа палаапалад̇т̇ааяа г̇ажчанд̇и. саа д̇зсам̣ г̇ад̇агаалз наанаабубпаани г̇ахзд̇ваа бубпажумб̣адагам̣ гад̇ваа г̇ан̇г̇аад̇ийрз табид̇асобаанабанд̇и вияа ж̇аад̇о зго субубпид̇о амб̣аругко ад̇т̇и, д̇ам̣ абхирухид̇ваа гийл̣ид̇ваа бубпажумб̣адагам̣ уд̣̇агз киби. д̇ам̣ згад̣̇ивасам̣ г̇ан̇г̇ааяам̣ нхааяанд̇асса жуул̣агаалин̇г̇агумаарасса сийсз лаг̇г̇и. со д̇ам̣ ологзд̇ваа ‘‘ид̣̇ам̣ згааяа ид̇т̇ияаа гад̇ам̣, но жа ко махаллигааяа, д̇арун̣агумааригааяа гад̇агаммам̣, виймам̣сиссаами д̇аава на’’нд̇и гилзсавасзна убариг̇ан̇г̇ам̣ г̇анд̇ваа д̇ассаа амб̣аругкз нисийд̣̇ид̇ваа мад̇хурзна сарзна г̇ааяанд̇ияаа сад̣̇д̣̇ам̣ суд̇ваа ругкамуулам̣ г̇анд̇ваа д̇ам̣ д̣̇исваа ‘‘бхад̣̇д̣̇з, гаа наама д̇ва’’нд̇и ааха. ‘‘мануссид̇т̇ийхамасми саамий’’д̇и . ‘‘д̇зна хи од̇араахий’’д̇и. ‘‘на саггаа саами, ахам̣ кад̇д̇ияаа’’д̇и. ‘‘бхад̣̇д̣̇з, ахамби кад̇д̇ияоязва, од̇араахий’’д̇и. саами, на важанамад̇д̇знзва кад̇д̇ияо ход̇и, яад̣̇иси кад̇д̇ияо, кад̇д̇ияамааяам̣ гат̇зхий’’д̇и. д̇з убхоби ан̃н̃аман̃н̃ам̣ кад̇д̇ияамааяам̣ гат̇аяим̣су. рааж̇ад̇хийд̇аа од̇ари.
Maddaraṭṭhepi sāgalanagare maddarañño aggamahesī dhītaraṃ vijāyi. Taṃ nemittakā ‘‘ayaṃ bhikkhaṃ caritvā jīvikaṃ kappessati, putto panassā cakkavattī bhavissatī’’ti byākariṃsu. Sakalajambudīpe rājāno taṃ pavattiṃ sutvā ekappahāreneva āgantvā sāgalanagaraṃ rundhiṃsu. Maddarājā cintesi ‘‘sacāhaṃ imaṃ ekassa dassāmi, sesarājāno kujjhissanti, mama dhītaraṃ rakkhissāmī’’ti dhītarañca bhariyañca gahetvā aññātakavesena palāyitvā araññaṃ pavisitvā cūḷakāliṅgakumārassa assamapadato uparibhāge assamaṃ katvā pabbajitvā uñchācariyāya jīvikaṃ kappento tattha paṭivasati. Mātāpitaro ‘‘dhītaraṃ rakkhissāmā’’ti taṃ assamapade katvā phalāphalatthāya gacchanti. Sā tesaṃ gatakāle nānāpupphāni gahetvā pupphacumbaṭakaṃ katvā gaṅgātīre ṭhapitasopānapanti viya jāto eko supupphito ambarukkho atthi, taṃ abhiruhitvā kīḷitvā pupphacumbaṭakaṃ udake khipi. Taṃ ekadivasaṃ gaṅgāyaṃ nhāyantassa cūḷakāliṅgakumārassa sīse laggi. So taṃ oloketvā ‘‘idaṃ ekāya itthiyā kataṃ, no ca kho mahallikāya, taruṇakumārikāya katakammaṃ, vīmaṃsissāmi tāva na’’nti kilesavasena uparigaṅgaṃ gantvā tassā ambarukkhe nisīditvā madhurena sarena gāyantiyā saddaṃ sutvā rukkhamūlaṃ gantvā taṃ disvā ‘‘bhadde, kā nāma tva’’nti āha. ‘‘Manussitthīhamasmi sāmī’’ti . ‘‘Tena hi otarāhī’’ti. ‘‘Na sakkā sāmi, ahaṃ khattiyā’’ti. ‘‘Bhadde, ahampi khattiyoyeva, otarāhī’’ti. Sāmi, na vacanamatteneva khattiyo hoti, yadisi khattiyo, khattiyamāyaṃ kathehī’’ti. Te ubhopi aññamaññaṃ khattiyamāyaṃ kathayiṃsu. Rājadhītā otari.
д̇з ан̃н̃аман̃н̃ам̣ аж̇жхаажаарам̣ жарим̣су. саа маад̇аабид̇уусу ааг̇ад̇зсу д̇асса гаалин̇г̇арааж̇абуд̇д̇абхааван̃жзва аран̃н̃ам̣ бавидтагааран̣ан̃жа вид̇т̇аарзна д̇зсам̣ гат̇зси. д̇з ‘‘саад̇хуу’’д̇и самбадижчид̇ваа д̇ам̣ д̇асса ад̣̇ам̣су. д̇зсам̣ бияасам̣ваасзна васанд̇аанам̣ рааж̇ад̇хийд̇аа г̇аб̣бхам̣ лабхид̇ваа д̣̇асамаасажжаязна д̇хан̃н̃абун̃н̃алагкан̣асамбаннам̣ буд̇д̇ам̣ виж̇ааяи, ‘‘гаалин̇г̇о’’д̇исса наамам̣ агам̣су. со ваяаббад̇д̇о бид̇у жзва аяяагасса жа санд̇игз саб̣б̣асиббаанам̣ нибпад̇д̇им̣ баабун̣и. ат̇асса бид̇аа нагкад̇д̇аяог̇авасзна бхаад̇у мад̇абхаавам̣ н̃ад̇ваа ‘‘д̇аад̇а, маа д̇вам̣ аран̃н̃з васа, бзд̇д̇зяяо д̇з махаагаалин̇г̇о гаалагад̇о, д̇вам̣ д̣̇анд̇абуранаг̇арам̣ г̇анд̇ваа гуласанд̇агам̣ сагалараж̇ж̇ам̣ г̇ан̣хаахий’’д̇и вад̇ваа ад̇д̇анаа аанийд̇ам̣ муд̣̇д̣̇иган̃жа гамб̣алан̃жа каг̇г̇ан̃жа д̣̇ад̇ваа ‘‘д̇аад̇а, д̣̇анд̇абуранаг̇арз асугавийт̇ияам̣ амхаагам̣ ад̇т̇ажараго амажжо ад̇т̇и, д̇асса г̇зхз саяанамаж̇жхз од̇арид̇ваа имаани д̇ийн̣и рад̇анаани д̇асса д̣̇ассзд̇ваа мама буд̇д̇абхаавам̣ аажигка, со д̇ам̣ раж̇ж̇з бад̇идтаабзссад̇ий’’д̇и уяяож̇зси. со маад̇аабид̇аро жа аяяагааяяигз жа ванд̣̇ид̇ваа бун̃н̃амахид̣̇д̇хияаа аагаасзна г̇анд̇ваа амажжасса саяанабидтзязва од̇арид̇ваа ‘‘госи д̇ва’’нд̇и будто ‘‘жуул̣агаалин̇г̇асса буд̇д̇омхий’’д̇и аажигкид̇ваа д̇аани рад̇анаани д̣̇ассзси. амажжо рааж̇абарисааяа аарожзси. амажжаа наг̇арам̣ алан̇гаараабзд̇ваа д̇асса сзд̇ажчад̇д̇ам̣ уссаабаяим̣су.
Te aññamaññaṃ ajjhācāraṃ cariṃsu. Sā mātāpitūsu āgatesu tassa kāliṅgarājaputtabhāvañceva araññaṃ paviṭṭhakāraṇañca vitthārena tesaṃ kathesi. Te ‘‘sādhū’’ti sampaṭicchitvā taṃ tassa adaṃsu. Tesaṃ piyasaṃvāsena vasantānaṃ rājadhītā gabbhaṃ labhitvā dasamāsaccayena dhaññapuññalakkhaṇasampannaṃ puttaṃ vijāyi, ‘‘kāliṅgo’’tissa nāmaṃ akaṃsu. So vayappatto pitu ceva ayyakassa ca santike sabbasippānaṃ nipphattiṃ pāpuṇi. Athassa pitā nakkhattayogavasena bhātu matabhāvaṃ ñatvā ‘‘tāta, mā tvaṃ araññe vasa, petteyyo te mahākāliṅgo kālakato, tvaṃ dantapuranagaraṃ gantvā kulasantakaṃ sakalarajjaṃ gaṇhāhī’’ti vatvā attanā ānītaṃ muddikañca kambalañca khaggañca datvā ‘‘tāta, dantapuranagare asukavīthiyaṃ amhākaṃ atthacarako amacco atthi, tassa gehe sayanamajjhe otaritvā imāni tīṇi ratanāni tassa dassetvā mama puttabhāvaṃ ācikkha, so taṃ rajje patiṭṭhāpessatī’’ti uyyojesi. So mātāpitaro ca ayyakāyyike ca vanditvā puññamahiddhiyā ākāsena gantvā amaccassa sayanapiṭṭheyeva otaritvā ‘‘kosi tva’’nti puṭṭho ‘‘cūḷakāliṅgassa puttomhī’’ti ācikkhitvā tāni ratanāni dassesi. Amacco rājaparisāya ārocesi. Amaccā nagaraṃ alaṅkārāpetvā tassa setacchattaṃ ussāpayiṃsu.
ат̇асса гаалин̇г̇абхаарад̣̇вааж̇о наама бурохид̇о д̇асса д̣̇аса жаггавад̇д̇ивад̇д̇аани аажигки. со д̇ам̣ вад̇д̇ам̣ буурзси. ат̇асса баннарасаубосат̇ад̣̇ивасз жаггад̣̇ахад̇о жаггарад̇анам̣, убосат̇агулад̇о хад̇т̇ирад̇анам̣, валаахагагулад̇о ассарад̇анам̣, взбуллабаб̣б̣ад̇ад̇о ман̣ирад̇анам̣ ааг̇ами, ид̇т̇ирад̇анаг̇ахабад̇ирад̇анабарин̣ааяагарад̇анаани баад̇убхаванд̇и. со сагалажаггаваал̣аг̇аб̣бхз раж̇ж̇ам̣ г̇ан̣хид̇ваа згад̣̇ивасан̃жа чад̇д̇им̣саяож̇анааяа барисааяа баривуд̇о саб̣б̣асзд̇ам̣ гзлаасагуудабадибхааг̇ам̣ хад̇т̇им̣ ааруяха маханд̇зна сиривилаасзна маад̇аабид̇уунам̣ санд̇игам̣ бааяааси. ат̇асса саб̣б̣аб̣уд̣̇д̇хаанам̣ ж̇аяабаллан̇гасса бат̇авийнаабхибхууд̇асса махааб̣од̇химан̣д̣асса убарибхааг̇з нааг̇о г̇анд̇ум̣ наасагки. рааж̇аа бунаббунам̣ жод̣̇зси, со наасагкиязва. д̇амад̇т̇ам̣ багаасзнд̇о сад̇т̇аа батамам̣ г̇аат̇амааха –
Athassa kāliṅgabhāradvājo nāma purohito tassa dasa cakkavattivattāni ācikkhi. So taṃ vattaṃ pūresi. Athassa pannarasauposathadivase cakkadahato cakkaratanaṃ, uposathakulato hatthiratanaṃ, valāhakakulato assaratanaṃ, vepullapabbatato maṇiratanaṃ āgami, itthiratanagahapatiratanapariṇāyakaratanāni pātubhavanti. So sakalacakkavāḷagabbhe rajjaṃ gaṇhitvā ekadivasañca chattiṃsayojanāya parisāya parivuto sabbasetaṃ kelāsakūṭapaṭibhāgaṃ hatthiṃ āruyha mahantena sirivilāsena mātāpitūnaṃ santikaṃ pāyāsi. Athassa sabbabuddhānaṃ jayapallaṅkassa pathavīnābhibhūtassa mahābodhimaṇḍassa uparibhāge nāgo gantuṃ nāsakkhi. Rājā punappunaṃ codesi, so nāsakkhiyeva. Tamatthaṃ pakāsento satthā paṭhamaṃ gāthamāha –
67.
67.
‘‘рааж̇аа гаалин̇г̇о жаггавад̇д̇и, д̇хаммзна бат̇авиманусаасам̣;
‘‘Rājā kāliṅgo cakkavatti, dhammena pathavimanusāsaṃ;
аг̇амаа б̣од̇хисамийбам̣, нааг̇зна махаанубхаавзнаа’’д̇и.
Agamā bodhisamīpaṃ, nāgena mahānubhāvenā’’ti.
ат̇а ран̃н̃о бурохид̇о ран̃н̃аа сад̣̇д̇хим̣ г̇ажчанд̇о ‘‘аагаасз ааваран̣ам̣ наама над̇т̇и, гим̣ ну ко рааж̇аа хад̇т̇им̣ бзсзд̇ум̣ на саггод̇и , виймам̣сиссаамий’’д̇и аагаасад̇о оруяха саб̣б̣аб̣уд̣̇д̇хаанам̣язва ж̇аяабаллан̇гам̣ бат̇авийнаабхиман̣д̣алабхууд̇ам̣ бхуумибхааг̇ам̣ басси. д̇ад̣̇аа гира д̇ад̇т̇а адтарааж̇агарийсамад̇д̇з таанз гзсамассумад̇д̇амби д̇ин̣ам̣ наама над̇т̇и, раж̇ад̇абаддаван̣н̣аваалугаа виббагин̣н̣аа хонд̇и, саманд̇аа д̇ин̣алад̇ааванаббад̇ияо б̣од̇химан̣д̣ам̣ бад̣̇агкин̣ам̣ гад̇ваа ааваддзд̇ваа б̣од̇химан̣д̣аабхимукаава адтам̣су. б̣раахман̣о д̇ам̣ бхуумибхааг̇ам̣ ологзд̇ваа ‘‘ид̣̇ан̃хи саб̣б̣аб̣уд̣̇д̇хаанам̣ саб̣б̣агилзсавид̣̇д̇хам̣санадтаанам̣, имасса убарибхааг̇з саггаад̣̇ийхиби на саггаа г̇анд̇у’’нд̇и жинд̇зд̇ваа гаалин̇г̇аран̃н̃о санд̇игам̣ г̇анд̇ваа б̣од̇химан̣д̣асса ван̣н̣ам̣ гат̇зд̇ваа рааж̇аанам̣ ‘‘од̇араа’’д̇и ааха. д̇амад̇т̇ам̣ багаасзнд̇о сад̇т̇аа имаа г̇аат̇аа ааха –
Atha rañño purohito raññā saddhiṃ gacchanto ‘‘ākāse āvaraṇaṃ nāma natthi, kiṃ nu kho rājā hatthiṃ pesetuṃ na sakkoti , vīmaṃsissāmī’’ti ākāsato oruyha sabbabuddhānaṃyeva jayapallaṅkaṃ pathavīnābhimaṇḍalabhūtaṃ bhūmibhāgaṃ passi. Tadā kira tattha aṭṭharājakarīsamatte ṭhāne kesamassumattampi tiṇaṃ nāma natthi, rajatapaṭṭavaṇṇavālukā vippakiṇṇā honti, samantā tiṇalatāvanappatiyo bodhimaṇḍaṃ padakkhiṇaṃ katvā āvaṭṭetvā bodhimaṇḍābhimukhāva aṭṭhaṃsu. Brāhmaṇo taṃ bhūmibhāgaṃ oloketvā ‘‘idañhi sabbabuddhānaṃ sabbakilesaviddhaṃsanaṭṭhānaṃ, imassa uparibhāge sakkādīhipi na sakkā gantu’’nti cintetvā kāliṅgarañño santikaṃ gantvā bodhimaṇḍassa vaṇṇaṃ kathetvā rājānaṃ ‘‘otarā’’ti āha. Tamatthaṃ pakāsento satthā imā gāthā āha –
68.
68.
‘‘гаалин̇г̇о бхаарад̣̇вааж̇о жа, рааж̇аанам̣ гаалин̇г̇ам̣ саман̣аголан̃н̃ам̣;
‘‘Kāliṅgo bhāradvājo ca, rājānaṃ kāliṅgaṃ samaṇakolaññaṃ;
жаггам̣ вад̇д̇аяад̇о бариг̇г̇ахзд̇ваа, бан̃ж̇алий ид̣̇амавожа.
Cakkaṃ vattayato pariggahetvā, pañjalī idamavoca.
69.
69.
‘‘бажжороха махаарааж̇а, бхуумибхааг̇о яат̇аа саман̣уг̇г̇ад̇о;
‘‘Paccoroha mahārāja, bhūmibhāgo yathā samaṇuggato;
ид̇ха анад̇хивараа б̣уд̣̇д̇хаа, абхисамб̣уд̣̇д̇хаа вирожанд̇и.
Idha anadhivarā buddhā, abhisambuddhā virocanti.
70.
70.
‘‘бад̣̇агкин̣ад̇о ааваддаа, д̇ин̣алад̇аа асмим̣ бхуумибхааг̇асмим̣;
‘‘Padakkhiṇato āvaṭṭā, tiṇalatā asmiṃ bhūmibhāgasmiṃ;
бат̇авияаа наабхияам̣ ман̣д̣о, ид̇и но суд̇ам̣ манд̇з махаарааж̇а.
Pathaviyā nābhiyaṃ maṇḍo, iti no sutaṃ mante mahārāja.
71.
71.
‘‘сааг̇арабарияанд̇ааяа, мзд̣̇инияаа саб̣б̣абхууд̇ад̇харан̣ияаа;
‘‘Sāgarapariyantāya, mediniyā sabbabhūtadharaṇiyā;
бат̇авияаа аяам̣ ман̣д̣о, орохид̇ваа намо гарохи.
Pathaviyā ayaṃ maṇḍo, orohitvā namo karohi.
72.
72.
‘‘яз д̇з бхаванд̇и нааг̇аа жа, абхиж̇аад̇аа жа гун̃ж̇араа;
‘‘Ye te bhavanti nāgā ca, abhijātā ca kuñjarā;
зд̇д̇аавад̇аа бад̣̇зсам̣ д̇з, нааг̇аа нзва мубаяанд̇и.
Ettāvatā padesaṃ te, nāgā neva mupayanti.
73.
73.
‘‘абхиж̇аад̇о нааг̇о гаамам̣, бзсзхи гун̃ж̇арам̣ д̣̇анд̇им̣;
‘‘Abhijāto nāgo kāmaṃ, pesehi kuñjaraṃ dantiṃ;
зд̇д̇аавад̇аа бад̣̇зсо, саггаа нааг̇зна мубаг̇анд̇ум̣.
Ettāvatā padeso, sakkā nāgena mupagantuṃ.
74.
74.
‘‘д̇ам̣ суд̇ваа рааж̇аа гаалин̇г̇о, взяяан̃ж̇анигаважо нисаамзд̇ваа;
‘‘Taṃ sutvā rājā kāliṅgo, veyyañjanikavaco nisāmetvā;
самбзсзси нааг̇ам̣ н̃ассаама, маяам̣ яат̇имассид̣̇ам̣ важанам̣.
Sampesesi nāgaṃ ñassāma, mayaṃ yathimassidaṃ vacanaṃ.
75.
75.
‘‘самбзсид̇о жа ран̃н̃аа, нааг̇о гон̃жова абхинад̣̇ид̇ваана;
‘‘Sampesito ca raññā, nāgo koñcova abhinaditvāna;
бадисаггид̇ваа нисийд̣̇и, г̇арум̣ва бхаарам̣ асахамаано’’д̇и.
Paṭisakkitvā nisīdi, garuṃva bhāraṃ asahamāno’’ti.
д̇ад̇т̇а саман̣аголан̃н̃анд̇и д̇аабасаанам̣ буд̇д̇ам̣. жаггам̣ вад̇д̇аяад̇од̇и жаггам̣ вад̇д̇аяамаанам̣, жаггавад̇д̇инд̇и ад̇т̇о. бариг̇г̇ахзд̇ваад̇и бхуумибхааг̇ам̣ виймам̣сид̇ваа. саман̣уг̇г̇ад̇од̇и саб̣б̣аб̣уд̣̇д̇хзхи ван̣н̣ид̇о. анад̇хивараад̇и ад̇уляаа аббамзяяаа. вирожанд̇ийд̇и вихад̇асаб̣б̣агилзсанд̇хагаараа д̇арун̣асуурияаа вияа ид̇ха нисиннаа вирожанд̇и. д̇ин̣алад̇аад̇и д̇ин̣аани жа лад̇ааяо жа. ман̣д̣од̇и жад̇унахуд̇аад̇хигад̣̇вияож̇анасад̇асахассаб̣ахалааяа бат̇авияаа ман̣д̣о сааро наабхибхууд̇о ажаладтаанам̣, габбз сан̣таханд̇з батамам̣ сан̣тахад̇и, винассанд̇з бажчаа винассад̇и. ид̇и но суд̇анд̇и звам̣ амхзхи лагкан̣аманд̇авасзна суд̇ам̣. орохид̇ваад̇и аагаасад̇о од̇арид̇ваа имасса саб̣б̣аб̣уд̣̇д̇хаанам̣ гилзсавид̣̇д̇хам̣санадтаанасса намо гарохи, бууж̇аасаггаарам̣ гарохи.
Tattha samaṇakolaññanti tāpasānaṃ puttaṃ. Cakkaṃ vattayatoti cakkaṃ vattayamānaṃ, cakkavattinti attho. Pariggahetvāti bhūmibhāgaṃ vīmaṃsitvā. Samaṇuggatoti sabbabuddhehi vaṇṇito. Anadhivarāti atulyā appameyyā. Virocantīti vihatasabbakilesandhakārā taruṇasūriyā viya idha nisinnā virocanti. Tiṇalatāti tiṇāni ca latāyo ca. Maṇḍoti catunahutādhikadviyojanasatasahassabahalāya pathaviyā maṇḍo sāro nābhibhūto acalaṭṭhānaṃ, kappe saṇṭhahante paṭhamaṃ saṇṭhahati, vinassante pacchā vinassati. Iti no sutanti evaṃ amhehi lakkhaṇamantavasena sutaṃ. Orohitvāti ākāsato otaritvā imassa sabbabuddhānaṃ kilesaviddhaṃsanaṭṭhānassa namo karohi, pūjāsakkāraṃ karohi.
яз д̇зд̇и яз жаггавад̇д̇иран̃н̃о хад̇т̇ирад̇анасан̇каад̇аа убосат̇агулз ниб̣б̣ад̇д̇анааг̇аа. зд̇д̇аавад̇аад̇и саб̣б̣зби д̇з зд̇д̇агам̣ бад̣̇зсам̣ нзва убаяанд̇и, годдияамаанааби на убаг̇ажчанд̇иязва. абхиж̇аад̇од̇и г̇ожарияаад̣̇ийни адта хад̇т̇игулаани абхибхавид̇ваа ад̇иггамид̇ваа убосат̇агулз ж̇аад̇о. гун̃ж̇аранд̇и уд̇д̇амам̣. зд̇д̇аавад̇аад̇и зд̇д̇аго бад̣̇зсо саггаа зд̇зна нааг̇зна убаг̇анд̇ум̣, ид̇о уд̇д̇ари на саггаа, абхиган̇канд̇о важ̇иран̇гусзна сан̃н̃ам̣ д̣̇ад̇ваа бзсзхийд̇и. взяяан̃ж̇анигаважо нисаамзд̇ваад̇и бхигкавз, со рааж̇аа д̇асса лагкан̣абаатагасса взяяан̃ж̇анигасса гаалин̇г̇абхаарад̣̇вааж̇асса важо нисаамзд̇ваа убад̇хаарзд̇ваа ‘‘н̃ассаама маяам̣ яат̇аа имасса важанам̣ яад̣̇и ваа сажжам̣ яад̣̇и ваа алига’’нд̇и виймам̣санд̇о нааг̇ам̣ бзсзсийд̇и ад̇т̇о. гон̃жова абхинад̣̇ид̇ваанаад̇и бхигкавз, со нааг̇о д̇зна ран̃н̃аа важ̇иран̇гусзна жод̣̇зд̇ваа бзсид̇о гон̃жасагун̣о вияа над̣̇ид̇ваа бадисаггид̇ваа сон̣д̣ам̣ угкибид̇ваа г̇ийвам̣ уннаамзд̇ваа г̇арум̣ бхаарам̣ вахид̇ум̣ асаггонд̇о вияа аагаасзязва нисийд̣̇и.
Ye teti ye cakkavattirañño hatthiratanasaṅkhātā uposathakule nibbattanāgā. Ettāvatāti sabbepi te ettakaṃ padesaṃ neva upayanti, koṭṭiyamānāpi na upagacchantiyeva. Abhijātoti gocariyādīni aṭṭha hatthikulāni abhibhavitvā atikkamitvā uposathakule jāto. Kuñjaranti uttamaṃ. Ettāvatāti ettako padeso sakkā etena nāgena upagantuṃ, ito uttari na sakkā, abhikaṅkhanto vajiraṅkusena saññaṃ datvā pesehīti. Veyyañjanikavaco nisāmetvāti bhikkhave, so rājā tassa lakkhaṇapāṭhakassa veyyañjanikassa kāliṅgabhāradvājassa vaco nisāmetvā upadhāretvā ‘‘ñassāma mayaṃ yathā imassa vacanaṃ yadi vā saccaṃ yadi vā alika’’nti vīmaṃsanto nāgaṃ pesesīti attho. Koñcova abhinaditvānāti bhikkhave, so nāgo tena raññā vajiraṅkusena codetvā pesito koñcasakuṇo viya naditvā paṭisakkitvā soṇḍaṃ ukkhipitvā gīvaṃ unnāmetvā garuṃ bhāraṃ vahituṃ asakkonto viya ākāseyeva nisīdi.
со д̇зна бунаббунам̣ виж̇жхияамаано взд̣̇анам̣ сахид̇ум̣ асаггонд̇о гааламагааси. рааж̇аа банасса мад̇абхаавам̣ аж̇аананд̇о бидтз нисиннова ахоси. гаалин̇г̇абхаарад̣̇вааж̇о ‘‘махаарааж̇а, д̇ава нааг̇о нируд̣̇д̇хо, ан̃н̃ам̣ хад̇т̇им̣ сан̇гамаа’’д̇и ааха. д̇амад̇т̇ам̣ багаасзнд̇о сад̇т̇аа д̣̇асамам̣ г̇аат̇амааха –
So tena punappunaṃ vijjhiyamāno vedanaṃ sahituṃ asakkonto kālamakāsi. Rājā panassa matabhāvaṃ ajānanto piṭṭhe nisinnova ahosi. Kāliṅgabhāradvājo ‘‘mahārāja, tava nāgo niruddho, aññaṃ hatthiṃ saṅkamā’’ti āha. Tamatthaṃ pakāsento satthā dasamaṃ gāthamāha –
76.
76.
‘‘гаалин̇г̇абхаарад̣̇вааж̇о , нааг̇ам̣ кийн̣ааяугам̣ вид̣̇ид̇ваана;
‘‘Kāliṅgabhāradvājo , nāgaṃ khīṇāyukaṃ viditvāna;
рааж̇аанам̣ гаалин̇г̇ам̣, д̇арамаано аж̇жхабхаасид̇т̇а;
Rājānaṃ kāliṅgaṃ, taramāno ajjhabhāsittha;
ан̃н̃ам̣ сан̇гама нааг̇ам̣, нааг̇о кийн̣ааяуго махаарааж̇аа’’д̇и.
Aññaṃ saṅkama nāgaṃ, nāgo khīṇāyuko mahārājā’’ti.
д̇ад̇т̇а нааг̇о кийн̣ааяугод̇и нааг̇о д̇з ж̇ийвид̇агкаяам̣ бад̇д̇о, яам̣ гин̃жи гаронд̇зна на саггаа бидтз нисиннзна б̣од̇химан̣д̣амад̇т̇агзна г̇анд̇ум̣. ан̃н̃ам̣ нааг̇ам̣ сан̇гамаад̇и ран̃н̃о бун̃н̃ид̣̇д̇хиб̣алзна ан̃н̃о нааг̇о убосат̇агулад̇о ааг̇анд̇ваа бидтим̣ убанаамзси.
Tattha nāgo khīṇāyukoti nāgo te jīvitakkhayaṃ patto, yaṃ kiñci karontena na sakkā piṭṭhe nisinnena bodhimaṇḍamatthakena gantuṃ. Aññaṃ nāgaṃ saṅkamāti rañño puññiddhibalena añño nāgo uposathakulato āgantvā piṭṭhiṃ upanāmesi.
рааж̇аа д̇асса бидтияам̣ нисийд̣̇и. д̇асмим̣ кан̣з мад̇ахад̇т̇ий бхуумияам̣ бад̇и. д̇амад̇т̇ам̣ багаасзнд̇о сад̇т̇аа ид̇арам̣ г̇аат̇амааха –
Rājā tassa piṭṭhiyaṃ nisīdi. Tasmiṃ khaṇe matahatthī bhūmiyaṃ pati. Tamatthaṃ pakāsento satthā itaraṃ gāthamāha –
77.
77.
‘‘д̇ам̣ суд̇ваа гаалин̇г̇о, д̇арамаано сан̇гамий нааг̇ам̣;
‘‘Taṃ sutvā kāliṅgo, taramāno saṅkamī nāgaṃ;
сан̇ганд̇зва ран̃н̃з нааг̇о, д̇ад̇т̇зва бад̇и бхумяаа;
Saṅkanteva raññe nāgo, tattheva pati bhumyā;
взяяан̃ж̇анигаважо, яат̇аа д̇ат̇аа аху нааг̇о’’д̇и.
Veyyañjanikavaco, yathā tathā ahu nāgo’’ti.
ат̇а рааж̇аа аагаасад̇о оруяха б̣од̇химан̣д̣ам̣ ологзд̇ваа баадихаарияам̣ д̣̇исваа бхаарад̣̇вааж̇асса т̇уд̇им̣ гаронд̇о ааха –
Atha rājā ākāsato oruyha bodhimaṇḍaṃ oloketvā pāṭihāriyaṃ disvā bhāradvājassa thutiṃ karonto āha –
78.
78.
‘‘гаалин̇г̇о рааж̇аа гаалин̇г̇ам̣, б̣раахман̣ам̣ зд̇ад̣̇авожа;
‘‘Kāliṅgo rājā kāliṅgaṃ, brāhmaṇaṃ etadavoca;
д̇вамзва аси самб̣уд̣̇д̇хо, саб̣б̣ан̃н̃уу саб̣б̣ад̣̇ассаавий’’д̇и.
Tvameva asi sambuddho, sabbaññū sabbadassāvī’’ti.
б̣раахман̣о д̇ам̣ анад̇хиваасзнд̇о ад̇д̇аанам̣ нийжадтаанз табзд̇ваа б̣уд̣̇д̇хзязва угкибид̇ваа ван̣н̣зси. д̇амад̇т̇ам̣ багаасзнд̇о сад̇т̇аа имаа г̇аат̇аа абхааси –
Brāhmaṇo taṃ anadhivāsento attānaṃ nīcaṭṭhāne ṭhapetvā buddheyeva ukkhipitvā vaṇṇesi. Tamatthaṃ pakāsento satthā imā gāthā abhāsi –
79.
79.
‘‘д̇ам̣ анад̇хиваасзнд̇о гаалин̇г̇а, б̣раахман̣о ид̣̇амавожа;
‘‘Taṃ anadhivāsento kāliṅga, brāhmaṇo idamavoca;
взяяан̃ж̇анигаа хи маяам̣, б̣уд̣̇д̇хаа саб̣б̣ан̃н̃уно махаарааж̇а.
Veyyañjanikā hi mayaṃ, buddhā sabbaññuno mahārāja.
80.
80.
‘‘саб̣б̣ан̃н̃уу саб̣б̣авид̣̇уу жа, б̣уд̣̇д̇хаа на лагкан̣зна ж̇аананд̇и;
‘‘Sabbaññū sabbavidū ca, buddhā na lakkhaṇena jānanti;
ааг̇амаб̣аласаа хи маяам̣, б̣уд̣̇д̇хаа саб̣б̣ам̣ баж̇аананд̇ий’’д̇и.
Āgamabalasā hi mayaṃ, buddhā sabbaṃ pajānantī’’ti.
д̇ад̇т̇а взяяан̃ж̇анигаад̇и махаарааж̇а, маяам̣ б̣яан̃ж̇анам̣ д̣̇исваа б̣яаагаран̣асамад̇т̇аа суд̇аб̣уд̣̇д̇хаа наама, б̣уд̣̇д̇хаа бана саб̣б̣ан̃н̃уу саб̣б̣авид̣̇уу. б̣уд̣̇д̇хаа хи ад̇ийд̇аад̣̇ибхзд̣̇ам̣ саб̣б̣ам̣ ж̇аананд̇и жзва бассанд̇и жа, саб̣б̣ан̃н̃уд̇ан̃н̃аан̣зна д̇з саб̣б̣ам̣ ж̇аананд̇и, на лагкан̣зна. маяам̣ бана ааг̇амаб̣аласаа ад̇д̇ано сиббаб̣алзнзва ж̇аанаама, д̇ан̃жа згад̣̇зсамзва, б̣уд̣̇д̇хаа бана саб̣б̣ам̣ баж̇аананд̇ийд̇и.
Tattha veyyañjanikāti mahārāja, mayaṃ byañjanaṃ disvā byākaraṇasamatthā sutabuddhā nāma, buddhā pana sabbaññū sabbavidū. Buddhā hi atītādibhedaṃ sabbaṃ jānanti ceva passanti ca, sabbaññutaññāṇena te sabbaṃ jānanti, na lakkhaṇena. Mayaṃ pana āgamabalasā attano sippabaleneva jānāma, tañca ekadesameva, buddhā pana sabbaṃ pajānantīti.
рааж̇аа б̣уд̣̇д̇хаг̇ун̣з суд̇ваа соманассаббад̇д̇о худ̇ваа сагалажаггаваал̣аваасигзхи б̣ахуг̇анд̇хамаалам̣ аахараабзд̇ваа махааб̣од̇химан̣д̣з сад̇д̇аахам̣ васид̇ваа махааб̣од̇хибууж̇ам̣ гаарзси. д̇амад̇т̇ам̣ багаасзнд̇о сад̇т̇аа имам̣ г̇аат̇аад̣̇ваяамааха –
Rājā buddhaguṇe sutvā somanassappatto hutvā sakalacakkavāḷavāsikehi bahugandhamālaṃ āharāpetvā mahābodhimaṇḍe sattāhaṃ vasitvā mahābodhipūjaṃ kāresi. Tamatthaṃ pakāsento satthā imaṃ gāthādvayamāha –
81.
81.
‘‘махаяид̇ваа самб̣од̇хим̣, наанаад̇уриязхи важ̇ж̇амаанзхи;
‘‘Mahayitvā sambodhiṃ, nānāturiyehi vajjamānehi;
маалаавилзбанам̣ абхихарид̇ваа, ат̇а рааж̇аа манубааяааси.
Mālāvilepanaṃ abhiharitvā, atha rājā manupāyāsi.
82.
82.
‘‘садти ваахасахассаани, бубпаанам̣ саннибаад̇аяи;
‘‘Saṭṭhi vāhasahassāni, pupphānaṃ sannipātayi;
бууж̇зси рааж̇аа гаалин̇г̇о, б̣од̇химан̣д̣амануд̇д̇ара’’нд̇и.
Pūjesi rājā kāliṅgo, bodhimaṇḍamanuttara’’nti.
д̇ад̇т̇а манубааяаасийд̇и маад̇аабид̇уунам̣ санд̇игам̣ аг̇амааси. со махааб̣од̇химан̣д̣з адтаарасахад̇т̇ам̣ суван̣н̣ад̇т̇амбхам̣ уссаабзси. д̇асса сад̇д̇арад̇анамаяаа взд̣̇игаа гаарзси, рад̇анамиссагам̣ ваалугам̣ огираабзд̇ваа баагаарабаригкид̇д̇ам̣ гаарзси, сад̇д̇арад̇анамаяам̣ д̣̇ваарагодтагам̣ гаарзси, д̣̇звасигам̣ бубпаанам̣ садтиваахасахассаани саннибаад̇аяи, звам̣ б̣од̇химан̣д̣ам̣ бууж̇зси. баал̣ияам̣ бана ‘‘садти ваахасахассаани бубпаана’’нд̇и зд̇д̇агамзва ааг̇ад̇ам̣.
Tattha manupāyāsīti mātāpitūnaṃ santikaṃ agamāsi. So mahābodhimaṇḍe aṭṭhārasahatthaṃ suvaṇṇatthambhaṃ ussāpesi. Tassa sattaratanamayā vedikā kāresi, ratanamissakaṃ vālukaṃ okirāpetvā pākāraparikkhittaṃ kāresi, sattaratanamayaṃ dvārakoṭṭhakaṃ kāresi, devasikaṃ pupphānaṃ saṭṭhivāhasahassāni sannipātayi, evaṃ bodhimaṇḍaṃ pūjesi. Pāḷiyaṃ pana ‘‘saṭṭhi vāhasahassāni pupphāna’’nti ettakameva āgataṃ.
звам̣ махааб̣од̇хибууж̇ам̣ гад̇ваа маад̇аабид̇аро аяяагааяяигз жа аад̣̇ааяа д̣̇анд̇абурамзва аанзд̇ваа д̣̇аанаад̣̇ийни бун̃н̃аани гад̇ваа д̇аавад̇им̣сабхаванз ниб̣б̣ад̇д̇и.
Evaṃ mahābodhipūjaṃ katvā mātāpitaro ayyakāyyike ca ādāya dantapurameva ānetvā dānādīni puññāni katvā tāvatiṃsabhavane nibbatti.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби аананд̣̇о б̣од̇хибууж̇ам̣ гаарзсиязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа маан̣авагагаалин̇г̇о аананд̣̇о ахоси, гаалин̇г̇абхаарад̣̇вааж̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi ānando bodhipūjaṃ kāresiyevā’’ti vatvā jātakaṃ samodhānesi – ‘‘tadā māṇavakakāliṅgo ānando ahosi, kāliṅgabhāradvājo pana ahameva ahosi’’nti.
гаалин̇г̇аб̣од̇хиж̇аад̇агаван̣н̣анаа чадтаа.
Kāliṅgabodhijātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 479. гаалин̇г̇аб̣од̇хиж̇аад̇агам̣ • 479. Kāliṅgabodhijātakaṃ
