| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. काळुदायित्थेरअपदानं
4. Kāḷudāyittheraapadānaṃ
४८.
48.
‘‘पदुमुत्तरबुद्धस्स , लोकजेट्ठस्स तादिनो।
‘‘Padumuttarabuddhassa , lokajeṭṭhassa tādino;
अद्धानं पटिपन्नस्स, चरतो चारिकं तदा॥
Addhānaṃ paṭipannassa, carato cārikaṃ tadā.
४९.
49.
‘‘सुफुल्लं पदुमं गय्ह, उप्पलं मल्लिकञ्चहं।
‘‘Suphullaṃ padumaṃ gayha, uppalaṃ mallikañcahaṃ;
परमन्नं गहेत्वान, अदासिं सत्थुनो अहं॥
Paramannaṃ gahetvāna, adāsiṃ satthuno ahaṃ.
५०.
50.
‘‘परिभुञ्जि महावीरो, परमन्नं सुभोजनं।
‘‘Paribhuñji mahāvīro, paramannaṃ subhojanaṃ;
तञ्च पुप्फं गहेत्वान, जनस्स सम्पदस्सयि॥
Tañca pupphaṃ gahetvāna, janassa sampadassayi.
५१.
51.
‘‘इट्ठं कन्तं 1, पियं लोके, जलजं पुप्फमुत्तमं।
‘‘Iṭṭhaṃ kantaṃ 2, piyaṃ loke, jalajaṃ pupphamuttamaṃ;
सुदुक्करं कतं तेन, यो मे पुप्फं अदासिदं॥
Sudukkaraṃ kataṃ tena, yo me pupphaṃ adāsidaṃ.
५२.
52.
‘‘यो पुप्फमभिरोपेसि, परमन्नञ्चदासि मे।
‘‘Yo pupphamabhiropesi, paramannañcadāsi me;
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
५३.
53.
उप्पलं पदुमञ्चापि, मल्लिकञ्च तदुत्तरि॥
Uppalaṃ padumañcāpi, mallikañca taduttari.
५४.
54.
‘‘‘अस्स पुञ्ञविपाकेन, दिब्बगन्धसमायुतं।
‘‘‘Assa puññavipākena, dibbagandhasamāyutaṃ;
आकासे छदनं कत्वा, धारयिस्सति तावदे॥
Ākāse chadanaṃ katvā, dhārayissati tāvade.
५५.
55.
‘‘‘पञ्चवीसतिक्खत्तुञ्च, चक्कवत्ती भविस्सति।
‘‘‘Pañcavīsatikkhattuñca, cakkavattī bhavissati;
पथब्या रज्जं पञ्चसतं, वसुधं आवसिस्सति॥
Pathabyā rajjaṃ pañcasataṃ, vasudhaṃ āvasissati.
५६.
56.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
५७.
57.
‘‘‘सककम्माभिरद्धो सो, सुक्कमूलेन चोदितो।
‘‘‘Sakakammābhiraddho so, sukkamūlena codito;
सक्यानं नन्दिजननो, ञातिबन्धु भविस्सति॥
Sakyānaṃ nandijanano, ñātibandhu bhavissati.
५८.
58.
‘‘‘सो पच्छा पब्बजित्वान, सुक्कमूलेन चोदितो।
‘‘‘So pacchā pabbajitvāna, sukkamūlena codito;
सब्बासवे परिञ्ञाय, निब्बायिस्सतिनासवो॥
Sabbāsave pariññāya, nibbāyissatināsavo.
५९.
59.
‘‘‘पटिसम्भिदमनुप्पत्तं, कतकिच्चमनासवं।
‘‘‘Paṭisambhidamanuppattaṃ, katakiccamanāsavaṃ;
६०.
60.
‘‘‘पधानपहितत्तो सो, उपसन्तो निरूपधि।
‘‘‘Padhānapahitatto so, upasanto nirūpadhi;
उदायी नाम नामेन, हेस्सति सत्थु सावको’॥
Udāyī nāma nāmena, hessati satthu sāvako’.
६१.
61.
‘‘रागो दोसो च मोहो च, मानो मक्खो च धंसितो।
‘‘Rāgo doso ca moho ca, māno makkho ca dhaṃsito;
सब्बासवे परिञ्ञाय, विहरामि अनासवो॥
Sabbāsave pariññāya, viharāmi anāsavo.
६२.
62.
‘‘तोसयिञ्चापि सम्बुद्धं, आतापी निपको अहं।
‘‘Tosayiñcāpi sambuddhaṃ, ātāpī nipako ahaṃ;
६३.
63.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा काळुदायी थेरो इमा गाथायो अभासित्थाति।
Itthaṃ sudaṃ āyasmā kāḷudāyī thero imā gāthāyo abhāsitthāti;
काळुदायीथेरस्सापदानं चतुत्थं।
Kāḷudāyītherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. काळुदायित्थेरअपदानवण्णना • 4. Kāḷudāyittheraapadānavaṇṇanā
