| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
1. галяаан̣амид̇д̇асуд̇д̇ам̣
1. Kalyāṇamittasuttaṃ
56. ‘‘суурияасса , бхигкавз, уд̣̇аяад̇о зд̇ам̣ буб̣б̣ан̇г̇амам̣ зд̇ам̣ буб̣б̣анимид̇д̇ам̣, яад̣̇ид̣̇ам̣ – арун̣уг̇г̇ам̣; звамзва ко, бхигкавз, бхигкуно арияасса адтан̇г̇игасса маг̇г̇асса уббаад̣̇ааяа зд̇ам̣ буб̣б̣ан̇г̇амам̣ зд̇ам̣ буб̣б̣анимид̇д̇ам̣ , яад̣̇ид̣̇ам̣ – галяаан̣амид̇д̇ад̇аа. галяаан̣амид̇д̇ассзд̇ам̣, бхигкавз, бхигкуно баадиган̇кам̣ – арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇и. гат̇ан̃жа, бхигкавз, бхигку галяаан̣амид̇д̇о арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и? ид̇ха, бхигкавз, бхигку саммаад̣̇идтим̣ бхаавзд̇и рааг̇авинаяабарияосаанам̣ д̣̇осавинаяабарияосаанам̣ мохавинаяабарияосаанам̣…бз… саммаасамаад̇хим̣ бхаавзд̇и рааг̇авинаяабарияосаанам̣ д̣̇осавинаяабарияосаанам̣ мохавинаяабарияосаанам̣. звам̣ ко, бхигкавз, бхигку галяаан̣амид̇д̇о арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇ий’’д̇и. батамам̣.
56. ‘‘Sūriyassa , bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ – aruṇuggaṃ; evameva kho, bhikkhave, bhikkhuno ariyassa aṭṭhaṅgikassa maggassa uppādāya etaṃ pubbaṅgamaṃ etaṃ pubbanimittaṃ , yadidaṃ – kalyāṇamittatā. Kalyāṇamittassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idha, bhikkhave, bhikkhu sammādiṭṭhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… sammāsamādhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Evaṃ kho, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. суурияабзяяаалаваг̇г̇аван̣н̣анаа • 6. Sūriyapeyyālavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. суурияабзяяаалаваг̇г̇аван̣н̣анаа • 6. Sūriyapeyyālavaggavaṇṇanā
