| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၀) ၅. ဥပာလိဝဂ္ဂော
(10) 5. Upālivaggo
၁-၂. ကာမဘောဂီသုတ္တာဒိဝဏ္ဏနာ
1-2. Kāmabhogīsuttādivaṇṇanā
၉၁-၉၂. ပဉ္စမသ္သ ပဌမေ သာဟသေနာတိ သာဟသိယကမ္မေန။ ဒုတိယေ ဘယာနီတိ စိတ္တုတ္ရာသဘယာနိ။ ဝေရာနီတိ အကုသလဝေရပုဂ္ဂလဝေရာနိ။ အရိယော စသ္သ ဉာယောတိ သဟ ဝိပသ္သနာယ မဂ္ဂော။ ဣတိ ဣမသ္မိံ သတိ ဣဒံ ဟောတီတိ ဧဝံ ဣမသ္မိံ အဝိဇ္ဇာဒိကေ ကာရဏေ သတိ ဣဒံ သင္ခာရာဒိကံ ဖလံ ဟောတိ။ ဣမသ္သုပ္ပာဒာ ဣဒံ ဥပ္ပဇ္ဇတီတိ ယော ယသ္သ သဟဇာတပစ္စယော ဟောတိ, တသ္သ ဥပ္ပာဒာ ဣတရံ ဥပ္ပဇ္ဇတိ နာမ။ ဣမသ္မိံ အသတီတိ အဝိဇ္ဇာဒိကေ ကာရဏေ အသတိ သင္ခာရာဒိကံ ဖလံ န ဟောတိ။ ဣမသ္သ နိရောဓာတိ ကာရဏသ္သ အပ္ပဝတ္တိယာ ဖလသ္သ အပ္ပဝတ္တိ ဟောတိ။
91-92. Pañcamassa paṭhame sāhasenāti sāhasiyakammena. Dutiye bhayānīti cittutrāsabhayāni. Verānīti akusalaverapuggalaverāni. Ariyo cassa ñāyoti saha vipassanāya maggo. Iti imasmiṃ sati idaṃ hotīti evaṃ imasmiṃ avijjādike kāraṇe sati idaṃ saṅkhārādikaṃ phalaṃ hoti. Imassuppādā idaṃ uppajjatīti yo yassa sahajātapaccayo hoti, tassa uppādā itaraṃ uppajjati nāma. Imasmiṃ asatīti avijjādike kāraṇe asati saṅkhārādikaṃ phalaṃ na hoti. Imassanirodhāti kāraṇassa appavattiyā phalassa appavatti hoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. ကာမဘောဂီသုတ္တံ • 1. Kāmabhogīsuttaṃ
၂. ဘယသုတ္တံ • 2. Bhayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ကာမဘောဂီသုတ္တာဒိဝဏ္ဏနာ • 1-4. Kāmabhogīsuttādivaṇṇanā
