| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
3. гаамаг̇ун̣агат̇ааван̣н̣анаа
3. Kāmaguṇakathāvaṇṇanā
510. саб̣б̣збийд̇и гусалаагусалагканд̇хаад̣̇аяоби. д̇зсамби хи ааламб̣анад̇т̇игад̇аалагкан̣асса гад̇д̇угамяад̇аачанд̣̇асса васзна сияаа гаманадтад̇аад̇и ад̇хиббааяо. д̇хаад̇угат̇ааяам̣ ‘‘гаамабхаво бан̃жахи канд̇хзхи згаад̣̇асахи ааяад̇анзхи сад̇д̇арасахи д̇хаад̇уухи сан̇г̇ахид̇о. гад̇ихи асан̇г̇ахид̇о? на гзхижи канд̇хзхи згзнааяад̇анзна згааяа д̇хаад̇уяаа асан̇г̇ахид̇о’’д̇и ааг̇ад̇ад̇д̇аа ааха ‘‘убаад̣̇иннагканд̇хаанамзва гаамабхавабхааво д̇хаад̇угат̇ааяам̣ д̣̇ассид̇о’’д̇и. бан̃жаад̇и г̇ан̣анабарижчзд̣̇о, д̇ад̣̇ан̃н̃аг̇ан̣ананивад̇д̇анад̇т̇од̇и ‘‘бан̃жа гаамаг̇ун̣аа’’д̇и важанам̣ д̇ад̇о ан̃н̃зсам̣ д̇аб̣бхаавам̣ нивад̇д̇зд̇ийд̇и ааха ‘‘бан̃жзва гаамагодтаасаа гаамод̇и вуд̇д̇аа’’д̇и. д̇ад̇о зва гаамад̇хаад̇ууд̇и важанам̣ на ан̃н̃асса наамам̣, д̇зсам̣язва нааманд̇и ад̇т̇о. д̇аяид̣̇ам̣ бараваад̣̇ино мад̇имад̇д̇анд̇и вуд̇д̇ам̣ ‘‘иминаа ад̇хиббааязнаа’’д̇и. звам̣ важанамад̇д̇анд̇и звам̣ ‘‘бан̃жимз гаамаг̇ун̣аа’’д̇и важанамад̇д̇ам̣ ниссааяа, на банад̇т̇асса авибарийд̇ам̣ ад̇т̇анд̇и ад̇т̇о.
510. Sabbepīti kusalākusalakkhandhādayopi. Tesampi hi ālambanatthikatālakkhaṇassa kattukamyatāchandassa vasena siyā kamanaṭṭhatāti adhippāyo. Dhātukathāyaṃ ‘‘kāmabhavo pañcahi khandhehi ekādasahi āyatanehi sattarasahi dhātūhi saṅgahito. Katihi asaṅgahito? Na kehici khandhehi ekenāyatanena ekāya dhātuyā asaṅgahito’’ti āgatattā āha ‘‘upādinnakkhandhānameva kāmabhavabhāvo dhātukathāyaṃ dassito’’ti. Pañcāti gaṇanaparicchedo, tadaññagaṇananivattanatthoti ‘‘pañca kāmaguṇā’’ti vacanaṃ tato aññesaṃ tabbhāvaṃ nivattetīti āha ‘‘pañceva kāmakoṭṭhāsā kāmoti vuttā’’ti. Tato eva kāmadhātūti vacanaṃ na aññassa nāmaṃ, tesaṃyeva nāmanti attho. Tayidaṃ paravādino matimattanti vuttaṃ ‘‘iminā adhippāyenā’’ti. Evaṃ vacanamattanti evaṃ ‘‘pañcime kāmaguṇā’’ti vacanamattaṃ nissāya, na panatthassa aviparītaṃ atthanti attho.
гаамаг̇ун̣агат̇ааван̣н̣анаа нидтид̇аа.
Kāmaguṇakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (75) 3. гаамаг̇ун̣агат̇аа • (75) 3. Kāmaguṇakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. гаамаг̇ун̣агат̇ааван̣н̣анаа • 3. Kāmaguṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. гаамаг̇ун̣агат̇ааван̣н̣анаа • 3. Kāmaguṇakathāvaṇṇanā
