| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[467] 4. гаамаж̇аад̇агаван̣н̣анаа
[467] 4. Kāmajātakavaṇṇanā
гаамам̣ гаамаяамаанассаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣ам̣ аараб̣бха гат̇зси. зго гира саавад̇т̇иваасий б̣раахман̣о ажиравад̇ийд̇ийрз кзд̇д̇агаран̣ад̇т̇ааяа аран̃н̃ам̣ годзси. сад̇т̇аа д̇асса убаниссаяам̣ д̣̇исваа саавад̇т̇им̣ бин̣д̣ааяа бависанд̇о маг̇г̇аа оггамма д̇зна сад̣̇д̇хим̣ бадисант̇аарам̣ гад̇ваа ‘‘гим̣ гароси б̣раахман̣аа’’д̇и вад̇ваа ‘‘кзд̇д̇адтаанам̣ годаабзми бхо, г̇од̇амаа’’д̇и вуд̇д̇з ‘‘саад̇ху, б̣раахман̣а, гаммам̣ гарохий’’д̇и вад̇ваа аг̇амааси. зд̇знзва убааязна чиннаругкз хаарзд̇ваа кзд̇д̇асса сод̇ханагаалз гасанагаалз гзд̣̇аараб̣анд̇ханагаалз вабанагаалзд̇и бунаббунам̣ г̇анд̇ваа д̇зна сад̣̇д̇хим̣ бадисант̇аарамагааси. вабанад̣̇ивасз бана со б̣раахман̣о ‘‘аж̇ж̇а, бхо г̇од̇ама, маяхам̣ ваббаман̇г̇алам̣, ахам̣ имасмим̣ сассз нибпаннз б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ассаамий’’д̇и ааха. сад̇т̇аа д̇ун̣хийбхаавзна ад̇хиваасзд̇ваа баггаами. бунзгад̣̇ивасам̣ б̣раахман̣о сассам̣ ологзнд̇о адтааси. сад̇т̇ааби д̇ад̇т̇а г̇анд̇ваа ‘‘гим̣ гароси б̣раахман̣аа’’д̇и бужчид̇ваа ‘‘сассам̣ ологзми бхо г̇од̇амаа’’д̇и вуд̇д̇з ‘‘саад̇ху б̣раахман̣аа’’д̇и вад̇ваа баггаами. д̇ад̣̇аа б̣раахман̣о жинд̇зси ‘‘саман̣о г̇од̇амо абхин̣хам̣ ааг̇ажчад̇и, ниссам̣саяам̣ бхад̇д̇зна ад̇т̇иго, д̣̇ассаамахам̣ д̇асса бхад̇д̇а’’нд̇и. д̇ассзвам̣ жинд̇зд̇ваа г̇зхам̣ г̇ад̇ад̣̇ивасз сад̇т̇ааби д̇ад̇т̇а аг̇амааси. ат̇а б̣раахман̣асса ад̇ивияа виссаасо ахоси. абарабхааг̇з барин̣ад̇з сассз ‘‘свз кзд̇д̇ам̣ лааяиссаамий’’д̇и саннидтаанам̣ гад̇ваа нибаннз б̣раахман̣з ажиравад̇ияаа убари саб̣б̣арад̇д̇им̣ гарагавассам̣ васси. махогхо ааг̇анд̇ваа зганаал̣имад̇д̇амби анавасзсам̣ гад̇ваа саб̣б̣ам̣ сассам̣ самуд̣̇д̣̇ам̣ бавзсзси. б̣раахман̣о огхамхи бад̇ид̇з сассавинаасам̣ ологзд̇ваа сагабхаавзна сан̣таад̇ум̣ наахоси, б̣алавасогаабхибхууд̇о хад̇т̇зна урам̣ бахарид̇ваа барид̣̇звамаано род̣̇анд̇о нибаж̇ж̇и.
Kāmaṃkāmayamānassāti idaṃ satthā jetavane viharanto aññataraṃ brāhmaṇaṃ ārabbha kathesi. Eko kira sāvatthivāsī brāhmaṇo aciravatītīre khettakaraṇatthāya araññaṃ koṭesi. Satthā tassa upanissayaṃ disvā sāvatthiṃ piṇḍāya pavisanto maggā okkamma tena saddhiṃ paṭisanthāraṃ katvā ‘‘kiṃ karosi brāhmaṇā’’ti vatvā ‘‘khettaṭṭhānaṃ koṭāpemi bho, gotamā’’ti vutte ‘‘sādhu, brāhmaṇa, kammaṃ karohī’’ti vatvā agamāsi. Eteneva upāyena chinnarukkhe hāretvā khettassa sodhanakāle kasanakāle kedārabandhanakāle vapanakāleti punappunaṃ gantvā tena saddhiṃ paṭisanthāramakāsi. Vapanadivase pana so brāhmaṇo ‘‘ajja, bho gotama, mayhaṃ vappamaṅgalaṃ, ahaṃ imasmiṃ sasse nipphanne buddhappamukhassa bhikkhusaṅghassa mahādānaṃ dassāmī’’ti āha. Satthā tuṇhībhāvena adhivāsetvā pakkāmi. Punekadivasaṃ brāhmaṇo sassaṃ olokento aṭṭhāsi. Satthāpi tattha gantvā ‘‘kiṃ karosi brāhmaṇā’’ti pucchitvā ‘‘sassaṃ olokemi bho gotamā’’ti vutte ‘‘sādhu brāhmaṇā’’ti vatvā pakkāmi. Tadā brāhmaṇo cintesi ‘‘samaṇo gotamo abhiṇhaṃ āgacchati, nissaṃsayaṃ bhattena atthiko, dassāmahaṃ tassa bhatta’’nti. Tassevaṃ cintetvā gehaṃ gatadivase satthāpi tattha agamāsi. Atha brāhmaṇassa ativiya vissāso ahosi. Aparabhāge pariṇate sasse ‘‘sve khettaṃ lāyissāmī’’ti sanniṭṭhānaṃ katvā nipanne brāhmaṇe aciravatiyā upari sabbarattiṃ karakavassaṃ vassi. Mahogho āgantvā ekanāḷimattampi anavasesaṃ katvā sabbaṃ sassaṃ samuddaṃ pavesesi. Brāhmaṇo oghamhi patite sassavināsaṃ oloketvā sakabhāvena saṇṭhātuṃ nāhosi, balavasokābhibhūto hatthena uraṃ paharitvā paridevamāno rodanto nipajji.
сад̇т̇аа бажжуусасамаяз согаабхибхууд̇ам̣ б̣раахман̣ам̣ д̣̇исваа ‘‘б̣раахман̣ассаавассаяо бхависсаамий’’д̇и бунад̣̇ивасз саавад̇т̇ияам̣ бин̣д̣ааяа жарид̇ваа бин̣д̣абаад̇абадигганд̇о бхигкуу вихаарам̣ бзсзд̇ваа бажчаасаман̣зна сад̣̇д̇хим̣ д̇асса г̇зхад̣̇ваарам̣ аг̇амааси. б̣раахман̣о сад̇т̇у ааг̇ад̇абхаавам̣ суд̇ваа ‘‘бадисант̇аарад̇т̇ааяа мз сахааяо ааг̇ад̇о бхависсад̇ий’’д̇и бадилад̣̇д̇хассаасо аасанам̣ бан̃н̃абзси. сад̇т̇аа бависид̇ваа бан̃н̃ад̇д̇аасанз нисийд̣̇ид̇ваа ‘‘б̣раахман̣а, гасмаа д̇вам̣ д̣̇умманоси, гим̣ д̇з апаасуга’’нд̇и бужчи. бхо г̇од̇ама, ажиравад̇ийд̇ийрз маяаа ругкажчзд̣̇анад̇о бадтааяа гад̇ам̣ гаммам̣ д̇умхз ж̇аанаат̇а, ахам̣ ‘‘имасмим̣ сассз нибпаннз д̇умхаагам̣ д̣̇аанам̣ д̣̇ассаамий’’д̇и вижараами, ид̣̇аани мз саб̣б̣ам̣ д̇ам̣ сассам̣ махогхо самуд̣̇д̣̇амзва бавзсзси, гин̃жи авасидтам̣ над̇т̇и, сагадасад̇амад̇д̇ам̣ д̇хан̃н̃ам̣ винадтам̣, д̇зна мз махаасого уббаннод̇и. ‘‘гим̣ бана, б̣раахман̣а, сожанд̇асса надтам̣ бунааг̇ажчад̇ий’’д̇и. ‘‘но хзд̇ам̣ бхо г̇од̇амаа’’д̇и. ‘‘звам̣ санд̇з гасмаа сожаси, имзсам̣ сад̇д̇аанам̣ д̇ханад̇хан̃н̃ам̣ наама уббаж̇ж̇анагаалз уббаж̇ж̇ад̇и, нассанагаалз нассад̇и, гин̃жи сан̇каараг̇ад̇ам̣ анассанад̇хаммам̣ наама над̇т̇и, маа жинд̇аяий’’д̇и. ид̇и нам̣ сад̇т̇аа самассаасзд̇ваа д̇асса саббааяад̇хаммам̣ д̣̇зсзнд̇о гаамасуд̇д̇ам̣ (су. ни. 772 аад̣̇аяо) гат̇зси. суд̇д̇абарияосаанз сожанд̇о б̣раахман̣о сод̇аабад̇д̇ипалз бад̇идтахи. сад̇т̇аа д̇ам̣ ниссогам̣ гад̇ваа удтааяаасанаа вихаарам̣ аг̇амааси. ‘‘сад̇т̇аа асугам̣ наама б̣раахман̣ам̣ согасалласамаббид̇ам̣ ниссогам̣ гад̇ваа сод̇аабад̇д̇ипалз бад̇идтаабзсий’’д̇и сагаланаг̇арам̣ ан̃н̃ааси. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇асаб̣ало б̣раахман̣зна сад̣̇д̇хим̣ мид̇д̇ам̣ гад̇ваа виссаасиго худ̇ваа убааязнзва д̇асса согасалласамаббид̇асса д̇хаммам̣ д̣̇зсзд̇ваа д̇ам̣ ниссогам̣ гад̇ваа сод̇аабад̇д̇ипалз бад̇идтаабзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збаахам̣ зд̇ам̣ ниссогамагааси’’нд̇и вад̇ваа ад̇ийд̇ам̣ аахари.
Satthā paccūsasamaye sokābhibhūtaṃ brāhmaṇaṃ disvā ‘‘brāhmaṇassāvassayo bhavissāmī’’ti punadivase sāvatthiyaṃ piṇḍāya caritvā piṇḍapātapaṭikkanto bhikkhū vihāraṃ pesetvā pacchāsamaṇena saddhiṃ tassa gehadvāraṃ agamāsi. Brāhmaṇo satthu āgatabhāvaṃ sutvā ‘‘paṭisanthāratthāya me sahāyo āgato bhavissatī’’ti paṭiladdhassāso āsanaṃ paññapesi. Satthā pavisitvā paññattāsane nisīditvā ‘‘brāhmaṇa, kasmā tvaṃ dummanosi, kiṃ te aphāsuka’’nti pucchi. Bho gotama, aciravatītīre mayā rukkhacchedanato paṭṭhāya kataṃ kammaṃ tumhe jānātha, ahaṃ ‘‘imasmiṃ sasse nipphanne tumhākaṃ dānaṃ dassāmī’’ti vicarāmi, idāni me sabbaṃ taṃ sassaṃ mahogho samuddameva pavesesi, kiñci avasiṭṭhaṃ natthi, sakaṭasatamattaṃ dhaññaṃ vinaṭṭhaṃ, tena me mahāsoko uppannoti. ‘‘Kiṃ pana, brāhmaṇa, socantassa naṭṭhaṃ punāgacchatī’’ti. ‘‘No hetaṃ bho gotamā’’ti. ‘‘Evaṃ sante kasmā socasi, imesaṃ sattānaṃ dhanadhaññaṃ nāma uppajjanakāle uppajjati, nassanakāle nassati, kiñci saṅkhāragataṃ anassanadhammaṃ nāma natthi, mā cintayī’’ti. Iti naṃ satthā samassāsetvā tassa sappāyadhammaṃ desento kāmasuttaṃ (su. ni. 772 ādayo) kathesi. Suttapariyosāne socanto brāhmaṇo sotāpattiphale patiṭṭhahi. Satthā taṃ nissokaṃ katvā uṭṭhāyāsanā vihāraṃ agamāsi. ‘‘Satthā asukaṃ nāma brāhmaṇaṃ sokasallasamappitaṃ nissokaṃ katvā sotāpattiphale patiṭṭhāpesī’’ti sakalanagaraṃ aññāsi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, dasabalo brāhmaṇena saddhiṃ mittaṃ katvā vissāsiko hutvā upāyeneva tassa sokasallasamappitassa dhammaṃ desetvā taṃ nissokaṃ katvā sotāpattiphale patiṭṭhāpesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepāhaṃ etaṃ nissokamakāsi’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇асса ран̃н̃о д̣̇вз буд̇д̇аа ахзсум̣. со ж̇здтагасса убараж̇ж̇ам̣ ад̣̇ааси, ганидтасса сзнаабад̇идтаанам̣. абарабхааг̇з б̣рахмад̣̇ад̇д̇з гаалагад̇з амажжаа ж̇здтагасса абхисзгам̣ бадтабзсум̣. со ‘‘на маяхам̣ раж̇ж̇знад̇т̇о, ганидтасса мз д̣̇зт̇аа’’д̇и вад̇ваа бунаббунам̣ яаажияамааноби бадигкибид̇ваа ганидтасса абхисзгз гад̇з ‘‘на мз иссариязнад̇т̇о’’д̇и убараж̇ж̇аад̣̇ийниби на ижчи. ‘‘д̇зна хи саад̣̇ууни бхож̇анаани бхун̃ж̇анд̇о ид̇хзва васаахий’’д̇и вуд̇д̇зби ‘‘на мз имасмим̣ наг̇арз гижжам̣ ад̇т̇ий’’д̇и б̣аараан̣асид̇о нигкамид̇ваа бажжанд̇ам̣ г̇анд̇ваа згам̣ сздтигулам̣ ниссааяа сахад̇т̇зна гаммам̣ гаронд̇о васи. д̇з абарабхааг̇з д̇асса рааж̇агумаарабхаавам̣ н̃ад̇ваа гаммам̣ гаад̇ум̣ наад̣̇ам̣су, гумаарабарихаарзнзва д̇ам̣ барихарим̣су. абарабхааг̇з рааж̇агаммигаа кзд̇д̇аббамаан̣аг̇г̇ахан̣ад̇т̇ааяа д̇ам̣ г̇аамам̣ аг̇амам̣су. сздти рааж̇агумаарам̣ убасан̇гамид̇ваа ‘‘саами, маяам̣ д̇умхз босзма, ганидтабхаад̇игасса бан̣н̣ам̣ бзсзд̇ваа амхаагам̣ б̣алим̣ хаарзт̇аа’’д̇и ааха. со ‘‘саад̇хуу’’д̇и самбадижчид̇ваа ‘‘ахам̣ асугасздтигулам̣ наама убаниссааяа васаами, мам̣ ниссааяа зд̇зсам̣ б̣алим̣ виссаж̇ж̇зхий’’д̇и бан̣н̣ам̣ бзсзси. рааж̇аа ‘‘саад̇хуу’’д̇и вад̇ваа д̇ат̇аа гаарзси.
Atīte bārāṇasiyaṃ brahmadattassa rañño dve puttā ahesuṃ. So jeṭṭhakassa uparajjaṃ adāsi, kaniṭṭhassa senāpatiṭṭhānaṃ. Aparabhāge brahmadatte kālakate amaccā jeṭṭhakassa abhisekaṃ paṭṭhapesuṃ. So ‘‘na mayhaṃ rajjenattho, kaniṭṭhassa me dethā’’ti vatvā punappunaṃ yāciyamānopi paṭikkhipitvā kaniṭṭhassa abhiseke kate ‘‘na me issariyenattho’’ti uparajjādīnipi na icchi. ‘‘Tena hi sādūni bhojanāni bhuñjanto idheva vasāhī’’ti vuttepi ‘‘na me imasmiṃ nagare kiccaṃ atthī’’ti bārāṇasito nikkhamitvā paccantaṃ gantvā ekaṃ seṭṭhikulaṃ nissāya sahatthena kammaṃ karonto vasi. Te aparabhāge tassa rājakumārabhāvaṃ ñatvā kammaṃ kātuṃ nādaṃsu, kumāraparihāreneva taṃ parihariṃsu. Aparabhāge rājakammikā khettappamāṇaggahaṇatthāya taṃ gāmaṃ agamaṃsu. Seṭṭhi rājakumāraṃ upasaṅkamitvā ‘‘sāmi, mayaṃ tumhe posema, kaniṭṭhabhātikassa paṇṇaṃ pesetvā amhākaṃ baliṃ hārethā’’ti āha. So ‘‘sādhū’’ti sampaṭicchitvā ‘‘ahaṃ asukaseṭṭhikulaṃ nāma upanissāya vasāmi, maṃ nissāya etesaṃ baliṃ vissajjehī’’ti paṇṇaṃ pesesi. Rājā ‘‘sādhū’’ti vatvā tathā kāresi.
ат̇а нам̣ сагалаг̇аамаваасиноби ж̇анабад̣̇аваасиноби убасан̇гамид̇ваа ‘‘маяам̣ д̇умхааган̃н̃зва б̣алим̣ д̣̇ассаама, амхаагамби сун̇гам̣ виссаж̇ж̇аабзхий’’д̇и аахам̣су. со д̇зсамби ад̇т̇ааяа бан̣н̣ам̣ бзсзд̇ваа виссаж̇ж̇аабзси. д̇ад̇о бадтааяа д̇з д̇ассзва б̣алим̣ ад̣̇ам̣су. ат̇асса махаалаабхасаггааро ахоси, д̇зна сад̣̇д̇хин̃н̃звасса д̇ан̣хааби махад̇ий ж̇аад̇аа. со абарабхааг̇зби саб̣б̣ам̣ ж̇анабад̣̇ам̣ яаажи, убад̣дхараж̇ж̇ам̣ яаажи, ганидтоби д̇асса ад̣̇аасиязва. со д̇ан̣хааяа вад̣дхамаанааяа убад̣дхараж̇ж̇знаби асанд̇удто ‘‘раж̇ж̇ам̣ г̇ан̣хиссаамий’’д̇и ж̇анабад̣̇абаривуд̇о д̇ам̣ наг̇арам̣ г̇анд̇ваа б̣ахинаг̇арз тад̇ваа ‘‘раж̇ж̇ам̣ ваа мз д̣̇зд̇у яуд̣̇д̇хам̣ ваа’’д̇и ганидтасса бан̣н̣ам̣ бахин̣и. ганидто жинд̇зси ‘‘аяам̣ б̣аало буб̣б̣з раж̇ж̇амби убараж̇ж̇аад̣̇ийниби бадигкибид̇ваа ид̣̇аани ‘яуд̣̇д̇хзна г̇ан̣хаамий’д̇и вад̣̇ад̇и, сажз ко банаахам̣ имам̣ яуд̣̇д̇хзна маарзссаами, г̇арахаа мз бхависсад̇и, гим̣ мз раж̇ж̇знаа’’д̇и. ат̇асса ‘‘алам̣ яуд̣̇д̇хзна, раж̇ж̇ам̣ г̇ан̣хад̇уу’’д̇и бзсзси. со раж̇ж̇ам̣ г̇ан̣хид̇ваа ганидтасса убараж̇ж̇ам̣ д̣̇ад̇ваа д̇ад̇о бадтааяа раж̇ж̇ам̣ гаарзнд̇о д̇ан̣хаавасиго худ̇ваа згзна раж̇ж̇зна асанд̇удто д̣̇вз д̇ийн̣и раж̇ж̇аани бад̇т̇зд̇ваа д̇ан̣хааяа годим̣ наад̣̇д̣̇аса.
Atha naṃ sakalagāmavāsinopi janapadavāsinopi upasaṅkamitvā ‘‘mayaṃ tumhākaññeva baliṃ dassāma, amhākampi suṅkaṃ vissajjāpehī’’ti āhaṃsu. So tesampi atthāya paṇṇaṃ pesetvā vissajjāpesi. Tato paṭṭhāya te tasseva baliṃ adaṃsu. Athassa mahālābhasakkāro ahosi, tena saddhiññevassa taṇhāpi mahatī jātā. So aparabhāgepi sabbaṃ janapadaṃ yāci, upaḍḍharajjaṃ yāci, kaniṭṭhopi tassa adāsiyeva. So taṇhāya vaḍḍhamānāya upaḍḍharajjenapi asantuṭṭho ‘‘rajjaṃ gaṇhissāmī’’ti janapadaparivuto taṃ nagaraṃ gantvā bahinagare ṭhatvā ‘‘rajjaṃ vā me detu yuddhaṃ vā’’ti kaniṭṭhassa paṇṇaṃ pahiṇi. Kaniṭṭho cintesi ‘‘ayaṃ bālo pubbe rajjampi uparajjādīnipi paṭikkhipitvā idāni ‘yuddhena gaṇhāmī’ti vadati, sace kho panāhaṃ imaṃ yuddhena māressāmi, garahā me bhavissati, kiṃ me rajjenā’’ti. Athassa ‘‘alaṃ yuddhena, rajjaṃ gaṇhatū’’ti pesesi. So rajjaṃ gaṇhitvā kaniṭṭhassa uparajjaṃ datvā tato paṭṭhāya rajjaṃ kārento taṇhāvasiko hutvā ekena rajjena asantuṭṭho dve tīṇi rajjāni patthetvā taṇhāya koṭiṃ nāddasa.
д̇ад̣̇аа сагго д̣̇зварааж̇аа ‘‘гз ну ко логз маад̇аабид̇аро убадтаханд̇и, гз д̣̇аанаад̣̇ийни бун̃н̃аани гаронд̇и, гз д̇ан̣хаавасигаа’’д̇и ологзнд̇о д̇асса д̇ан̣хаавасигабхаавам̣ н̃ад̇ваа ‘‘аяам̣ б̣аало б̣аараан̣асираж̇ж̇знаби на д̇уссад̇и, ахам̣ сигкаабзссаами на’’нд̇и маан̣авагавзсзна рааж̇ад̣̇ваарз тад̇ваа ‘‘зго убааяагусало маан̣аво д̣̇ваарз тид̇о’’д̇и аарожаабзд̇ваа ‘‘бависад̇уу’’д̇и вуд̇д̇з бависид̇ваа рааж̇аанам̣ ж̇аяаабзд̇ваа ‘‘гим̣гааран̣аа ааг̇ад̇осий’’д̇и вуд̇д̇з ‘‘махаарааж̇а д̇умхаагам̣ гин̃жи вад̇д̇аб̣б̣ам̣ ад̇т̇и, рахо бажжаасийсаамий’’д̇и ааха. саггаанубхаавзна д̇аавад̣̇зва мануссаа бадиггамим̣су. ат̇а нам̣ маан̣аво ‘‘ахам̣, махаарааж̇а, пийд̇аани аагин̣н̣амануссаани самбаннаб̣алавааханаани д̇ийн̣и наг̇араани бассаами, ахам̣ д̇з ад̇д̇ано аанубхаавзна д̇зсу раж̇ж̇ам̣ г̇ахзд̇ваа д̣̇ассаами, бабан̃жам̣ агад̇ваа сийгхам̣ г̇анд̇ум̣ ваддад̇ий’’д̇и ааха. со д̇ан̣хаавасиго рааж̇аа ‘‘саад̇хуу’’д̇и самбадижчид̇ваа саггаанубхаавзна ‘‘го ваа д̇вам̣, гуд̇о ваа ааг̇ад̇о, гим̣ ваа д̇з лад̣̇д̇хум̣ ваддад̇ий’’д̇и на бужчи. соби зд̇д̇агам̣ вад̇ваа д̇аавад̇им̣сабхаванамзва аг̇амааси.
Tadā sakko devarājā ‘‘ke nu kho loke mātāpitaro upaṭṭhahanti, ke dānādīni puññāni karonti, ke taṇhāvasikā’’ti olokento tassa taṇhāvasikabhāvaṃ ñatvā ‘‘ayaṃ bālo bārāṇasirajjenapi na tussati, ahaṃ sikkhāpessāmi na’’nti māṇavakavesena rājadvāre ṭhatvā ‘‘eko upāyakusalo māṇavo dvāre ṭhito’’ti ārocāpetvā ‘‘pavisatū’’ti vutte pavisitvā rājānaṃ jayāpetvā ‘‘kiṃkāraṇā āgatosī’’ti vutte ‘‘mahārāja tumhākaṃ kiñci vattabbaṃ atthi, raho paccāsīsāmī’’ti āha. Sakkānubhāvena tāvadeva manussā paṭikkamiṃsu. Atha naṃ māṇavo ‘‘ahaṃ, mahārāja, phītāni ākiṇṇamanussāni sampannabalavāhanāni tīṇi nagarāni passāmi, ahaṃ te attano ānubhāvena tesu rajjaṃ gahetvā dassāmi, papañcaṃ akatvā sīghaṃ gantuṃ vaṭṭatī’’ti āha. So taṇhāvasiko rājā ‘‘sādhū’’ti sampaṭicchitvā sakkānubhāvena ‘‘ko vā tvaṃ, kuto vā āgato, kiṃ vā te laddhuṃ vaṭṭatī’’ti na pucchi. Sopi ettakaṃ vatvā tāvatiṃsabhavanameva agamāsi.
рааж̇аа амажжз баггосаабзд̇ваа ‘‘зго маан̣аво ‘амхаагам̣ д̇ийн̣и раж̇ж̇аани г̇ахзд̇ваа д̣̇ассаамий’д̇и ааха, д̇ам̣ баггосат̇а, наг̇арз бхзрим̣ жараабзд̇ваа б̣алагааяам̣ саннибаад̇аабзт̇а, бабан̃жам̣ агад̇ваа д̇ийн̣и раж̇ж̇аани г̇ан̣хиссаамий’’д̇и вад̇ваа ‘‘гим̣ бана д̇з, махаарааж̇а, д̇асса маан̣авасса саггааро ваа гад̇о, ниваасадтаанам̣ ваа бужчид̇а’’нд̇и вуд̇д̇з ‘‘нзва саггаарам̣ агаасим̣, на ниваасадтаанам̣ бужчим̣, г̇ажчат̇а нам̣ убад̇хаарзт̇аа’’д̇и ааха. убад̇хаарзнд̇аа нам̣ ад̣̇исваа ‘‘махаарааж̇а, сагаланаг̇арз маан̣авам̣ на бассаамаа’’д̇и аарожзсум̣. д̇ам̣ суд̇ваа рааж̇аа д̣̇оманассаж̇аад̇о ‘‘д̇ийсу наг̇арзсу раж̇ж̇ам̣ надтам̣, маханд̇знамхи яасзна барихийно, ‘нзва мз бариб̣б̣аяам̣ ад̣̇ааси, на жа бужчи ниваасадтаана’нд̇и маяхам̣ гуж̇жхид̇ваа маан̣аво анааг̇ад̇о бхависсад̇ий’’д̇и бунаббунам̣ жинд̇зси. ат̇асса д̇ан̣хаавасигасса сарийрз д̣аахо уббаж̇ж̇и, сарийрз барид̣аяханд̇з уд̣̇арам̣ кобхзд̇ваа лохид̇абагканд̣̇игаа уд̣̇абаад̣̇и. згам̣ бхааж̇анам̣ бависад̇и, згам̣ нигкамад̇и, взж̇ж̇аа д̇игижчид̇ум̣ на саггонд̇и, рааж̇аа гиламад̇и. ат̇асса б̣яаад̇хид̇абхааво сагаланаг̇арз баагадо ахоси.
Rājā amacce pakkosāpetvā ‘‘eko māṇavo ‘amhākaṃ tīṇi rajjāni gahetvā dassāmī’ti āha, taṃ pakkosatha, nagare bheriṃ carāpetvā balakāyaṃ sannipātāpetha, papañcaṃ akatvā tīṇi rajjāni gaṇhissāmī’’ti vatvā ‘‘kiṃ pana te, mahārāja, tassa māṇavassa sakkāro vā kato, nivāsaṭṭhānaṃ vā pucchita’’nti vutte ‘‘neva sakkāraṃ akāsiṃ, na nivāsaṭṭhānaṃ pucchiṃ, gacchatha naṃ upadhārethā’’ti āha. Upadhārentā naṃ adisvā ‘‘mahārāja, sakalanagare māṇavaṃ na passāmā’’ti ārocesuṃ. Taṃ sutvā rājā domanassajāto ‘‘tīsu nagaresu rajjaṃ naṭṭhaṃ, mahantenamhi yasena parihīno, ‘neva me paribbayaṃ adāsi, na ca pucchi nivāsaṭṭhāna’nti mayhaṃ kujjhitvā māṇavo anāgato bhavissatī’’ti punappunaṃ cintesi. Athassa taṇhāvasikassa sarīre ḍāho uppajji, sarīre pariḍayhante udaraṃ khobhetvā lohitapakkhandikā udapādi. Ekaṃ bhājanaṃ pavisati, ekaṃ nikkhamati, vejjā tikicchituṃ na sakkonti, rājā kilamati. Athassa byādhitabhāvo sakalanagare pākaṭo ahosi.
д̇ад̣̇аа б̣од̇хисад̇д̇о д̇аггасилад̇о саб̣б̣асиббаани уг̇г̇ан̣хид̇ваа б̣аараан̣асинаг̇арз маад̇аабид̇уунам̣ санд̇игам̣ ааг̇ад̇о д̇ам̣ ран̃н̃о бавад̇д̇им̣ суд̇ваа ‘‘ахам̣ д̇игижчиссаамий’’д̇и рааж̇ад̣̇ваарам̣ г̇анд̇ваа ‘‘зго гира д̇арун̣амаан̣аво д̇умхз д̇игижчид̇ум̣ ааг̇ад̇о’’д̇и аарожаабзси. рааж̇аа ‘‘маханд̇амаханд̇аа д̣̇исаабаамогкавзж̇ж̇ааби мам̣ д̇игижчид̇ум̣ на саггонд̇и, гим̣ д̇арун̣амаан̣аво сагкиссад̇и, бариб̣б̣аяам̣ д̣̇ад̇ваа виссаж̇ж̇зт̇а на’’нд̇и ааха. д̇ам̣ суд̇ваа маан̣аво ‘‘маяхам̣ взж̇ж̇агаммзна взд̇анам̣ над̇т̇и, ахам̣ д̇игижчаами, гзвалам̣ бхзсаж̇ж̇амууламад̇д̇ам̣ д̣̇зд̇уу’’д̇и ааха. д̇ам̣ суд̇ваа рааж̇аа ‘‘саад̇хуу’’д̇и баггосаабзси. маан̣аво рааж̇аанам̣ ванд̣̇ид̇ваа ‘‘маа бхааяи, махаарааж̇а, ахам̣ д̇з д̇игижчаами, абижа ко бана мз рог̇асса самудтаанам̣ аажигкаахий’’д̇и ааха. рааж̇аа харааяамаано ‘‘гим̣ д̇з самудтаанзна, бхзсаж̇ж̇ам̣ зва гарохий’’д̇и ааха. махаарааж̇а, взж̇ж̇аа наама ‘‘аяам̣ б̣яаад̇хи имам̣ ниссааяа самудтид̇о’’д̇и н̃ад̇ваа анужчавигам̣ бхзсаж̇ж̇ам̣ гаронд̇ийд̇и. рааж̇аа ‘‘саад̇ху д̇аад̇аа’’д̇и самудтаанам̣ гат̇знд̇о ‘‘згзна маан̣авзна ааг̇анд̇ваа д̇ийсу наг̇арзсу раж̇ж̇ам̣ г̇ахзд̇ваа д̣̇ассаамий’’д̇иаад̣̇им̣ гад̇ваа саб̣б̣ам̣ гат̇зд̇ваа ‘‘ид̇и мз д̇аад̇а, д̇ан̣хам̣ ниссааяа б̣яаад̇хи уббанно, сажз д̇игижчид̇ум̣ саггоси, д̇игижчаахий’’д̇и ааха. гим̣ бана махаарааж̇а, сожанааяа д̇аани наг̇араани саггаа лад̣̇д̇хунд̇и? ‘‘на саггаа д̇аад̇аа’’д̇и. ‘‘звам̣ санд̇з гасмаа сожаси, махаарааж̇а, саб̣б̣амзва хи савин̃н̃аан̣агаавин̃н̃аан̣агавад̇т̇ум̣ ад̇д̇ано гааяам̣ аад̣̇им̣ гад̇ваа бахааяа г̇аманийяам̣ , жад̇уусу наг̇арзсу раж̇ж̇ам̣ г̇ахзд̇вааби д̇вам̣ згаббахаарзнзва на жад̇ассо бхад̇д̇абаад̇ияо бхун̃ж̇иссаси, на жад̇уусу саяанзсу саяиссаси, на жад̇д̇аари вад̇т̇аяуг̇аани ажчаад̣̇зссаси, д̇ан̣хаавасигзна наама бхавид̇ум̣ на ваддад̇и, аяан̃хи д̇ан̣хаа наама вад̣дхамаанаа жад̇уухи абааязхи мужжид̇ум̣ на д̣̇зд̇ийд̇и.
Tadā bodhisatto takkasilato sabbasippāni uggaṇhitvā bārāṇasinagare mātāpitūnaṃ santikaṃ āgato taṃ rañño pavattiṃ sutvā ‘‘ahaṃ tikicchissāmī’’ti rājadvāraṃ gantvā ‘‘eko kira taruṇamāṇavo tumhe tikicchituṃ āgato’’ti ārocāpesi. Rājā ‘‘mahantamahantā disāpāmokkhavejjāpi maṃ tikicchituṃ na sakkonti, kiṃ taruṇamāṇavo sakkhissati, paribbayaṃ datvā vissajjetha na’’nti āha. Taṃ sutvā māṇavo ‘‘mayhaṃ vejjakammena vetanaṃ natthi, ahaṃ tikicchāmi, kevalaṃ bhesajjamūlamattaṃ detū’’ti āha. Taṃ sutvā rājā ‘‘sādhū’’ti pakkosāpesi. Māṇavo rājānaṃ vanditvā ‘‘mā bhāyi, mahārāja, ahaṃ te tikicchāmi, apica kho pana me rogassa samuṭṭhānaṃ ācikkhāhī’’ti āha. Rājā harāyamāno ‘‘kiṃ te samuṭṭhānena, bhesajjaṃ eva karohī’’ti āha. Mahārāja, vejjā nāma ‘‘ayaṃ byādhi imaṃ nissāya samuṭṭhito’’ti ñatvā anucchavikaṃ bhesajjaṃ karontīti. Rājā ‘‘sādhu tātā’’ti samuṭṭhānaṃ kathento ‘‘ekena māṇavena āgantvā tīsu nagaresu rajjaṃ gahetvā dassāmī’’tiādiṃ katvā sabbaṃ kathetvā ‘‘iti me tāta, taṇhaṃ nissāya byādhi uppanno, sace tikicchituṃ sakkosi, tikicchāhī’’ti āha. Kiṃ pana mahārāja, socanāya tāni nagarāni sakkā laddhunti? ‘‘Na sakkā tātā’’ti. ‘‘Evaṃ sante kasmā socasi, mahārāja, sabbameva hi saviññāṇakāviññāṇakavatthuṃ attano kāyaṃ ādiṃ katvā pahāya gamanīyaṃ , catūsu nagaresu rajjaṃ gahetvāpi tvaṃ ekappahāreneva na catasso bhattapātiyo bhuñjissasi, na catūsu sayanesu sayissasi, na cattāri vatthayugāni acchādessasi, taṇhāvasikena nāma bhavituṃ na vaṭṭati, ayañhi taṇhā nāma vaḍḍhamānā catūhi apāyehi muccituṃ na detīti.
ид̇и нам̣ махаасад̇д̇о овад̣̇ид̇ваа ат̇асса д̇хаммам̣ д̣̇зсзнд̇о имаа г̇аат̇аа абхааси –
Iti naṃ mahāsatto ovaditvā athassa dhammaṃ desento imā gāthā abhāsi –
37.
37.
‘‘гаамам̣ гаамаяамаанасса, д̇асса жз д̇ам̣ самиж̇жхад̇и;
‘‘Kāmaṃ kāmayamānassa, tassa ce taṃ samijjhati;
ад̣̇д̇хаа бийд̇имано ход̇и, лад̣̇д̇хаа мажжо яад̣̇ижчад̇и.
Addhā pītimano hoti, laddhā macco yadicchati.
38.
38.
‘‘гаамам̣ гаамаяамаанасса, д̇асса жз д̇ам̣ самиж̇жхад̇и;
‘‘Kāmaṃ kāmayamānassa, tassa ce taṃ samijjhati;
д̇ад̇о нам̣ абарам̣ гаамз, гхаммз д̇ан̣хам̣ва винд̣̇ад̇и.
Tato naṃ aparaṃ kāme, ghamme taṇhaṃva vindati.
39.
39.
‘‘г̇авам̣ва син̇г̇ино син̇г̇ам̣, вад̣дхамаанасса вад̣дхад̇и;
‘‘Gavaṃva siṅgino siṅgaṃ, vaḍḍhamānassa vaḍḍhati;
звам̣ манд̣̇асса босасса, б̣ааласса авиж̇аанад̇о;
Evaṃ mandassa posassa, bālassa avijānato;
бхияяо д̇ан̣хаа бибаасаа жа, вад̣дхамаанасса вад̣дхад̇и.
Bhiyyo taṇhā pipāsā ca, vaḍḍhamānassa vaḍḍhati.
40.
40.
‘‘бат̇аб̣яаа саалияавагам̣, г̇аваассам̣ д̣̇аасаборисам̣;
‘‘Pathabyā sāliyavakaṃ, gavāssaṃ dāsaporisaṃ;
д̣̇ад̇ваа жа нааламзгасса, ид̇и вид̣̇ваа самам̣ жарз.
Datvā ca nālamekassa, iti vidvā samaṃ care.
41.
41.
‘‘рааж̇аа басаяха бат̇авим̣ виж̇ид̇ваа, сасааг̇аранд̇ам̣ махимаавасанд̇о;
‘‘Rājā pasayha pathaviṃ vijitvā, sasāgarantaṃ mahimāvasanto;
орам̣ самуд̣̇д̣̇асса ад̇ид̇д̇аруубо, баарам̣ самуд̣̇д̣̇ассаби бад̇т̇аязт̇а.
Oraṃ samuddassa atittarūpo, pāraṃ samuddassapi patthayetha.
42.
42.
‘‘яаава ануссарам̣ гаамз, манасаа д̇ид̇д̇и нааж̇жхаг̇аа;
‘‘Yāva anussaraṃ kāme, manasā titti nājjhagā;
д̇ад̇о нивад̇д̇аа бадиггамма д̣̇исваа, д̇з вз суд̇ид̇д̇аа яз бан̃н̃ааяа д̇ид̇д̇аа.
Tato nivattā paṭikkamma disvā, te ve sutittā ye paññāya tittā.
43.
43.
‘‘бан̃н̃ааяа д̇ид̇д̇инам̣ сздтам̣, на со гаамзхи д̇аббад̇и;
‘‘Paññāya tittinaṃ seṭṭhaṃ, na so kāmehi tappati;
бан̃н̃ааяа д̇ид̇д̇ам̣ бурисам̣, д̇ан̣хаа на гуруд̇з васам̣.
Paññāya tittaṃ purisaṃ, taṇhā na kurute vasaṃ.
44.
44.
‘‘абажинзт̇зва гаамаанам̣, аббижчасса алолубо;
‘‘Apacinetheva kāmānaṃ, appicchassa alolupo;
самуд̣̇д̣̇амад̇д̇о бурисо, на со гаамзхи д̇аббад̇и.
Samuddamatto puriso, na so kāmehi tappati.
45.
45.
‘‘рат̇агаарова жаммасса, бариганд̇ам̣ убааханам̣;
‘‘Rathakārova cammassa, parikantaṃ upāhanaṃ;
яам̣ яам̣ жаж̇ад̇и гаамаанам̣, д̇ам̣ д̇ам̣ самбаж̇ж̇ад̇з сукам̣;
Yaṃ yaṃ cajati kāmānaṃ, taṃ taṃ sampajjate sukhaṃ;
саб̣б̣ан̃жз сукамижчзяяа, саб̣б̣з гаамз барижжаж̇з’’д̇и.
Sabbañce sukhamiccheyya, sabbe kāme pariccaje’’ti.
д̇ад̇т̇а гааманд̇и вад̇т̇угаамамби гилзсагаамамби. гаамаяамаанассаад̇и бад̇т̇аяамаанасса. д̇асса жз д̇ам̣ самиж̇жхад̇ийд̇и д̇асса буг̇г̇аласса д̇ам̣ гаамид̇авад̇т̇у самиж̇жхад̇и жз, нибпаж̇ж̇ад̇и жзд̇и ад̇т̇о. д̇ад̇о нам̣ абарам̣ гаамзд̇и зд̇т̇а нанд̇и нибаад̇амад̇д̇ам̣. абаранд̇и барабхааг̇ад̣̇ийбанам̣. гаамзд̇и убаяог̇аб̣ахуважанам̣. ид̣̇ам̣ вуд̇д̇ам̣ ход̇и – сажз гаамам̣ гаамаяамаанасса д̇ам̣ гаамид̇авад̇т̇у самиж̇жхад̇и, д̇асмим̣ самид̣̇д̇хз д̇ад̇о барам̣ со буг̇г̇ало гаамаяамаано яат̇аа наама гхаммз г̇имхагаалз ваад̇аад̇абзна гиланд̇о д̇ан̣хам̣ винд̣̇ад̇и, баанийяабибаасам̣ бадилабхад̇и, звам̣ бхияяо гаамад̇ан̣хаасан̇каад̇з гаамз винд̣̇ад̇и бадилабхад̇и, руубад̇ан̣хаад̣̇игаа д̇ан̣хаа жасса вад̣дхад̇иязваад̇и. г̇авам̣ваад̇и г̇оруубасса вияа. син̇г̇инод̇и мад̇т̇агам̣ бад̣̇аалзд̇ваа удтид̇асин̇г̇асса. манд̣̇ассаад̇и манд̣̇абан̃н̃асса. б̣аалассаад̇и б̣аалад̇хаммз яуд̇д̇асса. ид̣̇ам̣ вуд̇д̇ам̣ ход̇и – яат̇аа важчагасса вад̣дханд̇асса сарийрзнзва сад̣̇д̇хим̣ син̇г̇ам̣ вад̣дхад̇и, звам̣ анд̇хаб̣аалассаби аббад̇д̇агаамад̇ан̣хаа жа бад̇д̇агаамабибаасаа жа абараабарам̣ вад̣дхад̇ийд̇и.
Tattha kāmanti vatthukāmampi kilesakāmampi. Kāmayamānassāti patthayamānassa. Tassa ce taṃ samijjhatīti tassa puggalassa taṃ kāmitavatthu samijjhati ce, nipphajjati ceti attho. Tato naṃ aparaṃ kāmeti ettha nanti nipātamattaṃ. Aparanti parabhāgadīpanaṃ. Kāmeti upayogabahuvacanaṃ. Idaṃ vuttaṃ hoti – sace kāmaṃ kāmayamānassa taṃ kāmitavatthu samijjhati, tasmiṃ samiddhe tato paraṃ so puggalo kāmayamāno yathā nāma ghamme gimhakāle vātātapena kilanto taṇhaṃ vindati, pānīyapipāsaṃ paṭilabhati, evaṃ bhiyyo kāmataṇhāsaṅkhāte kāme vindati paṭilabhati, rūpataṇhādikā taṇhā cassa vaḍḍhatiyevāti. Gavaṃvāti gorūpassa viya. Siṅginoti matthakaṃ padāletvā uṭṭhitasiṅgassa. Mandassāti mandapaññassa. Bālassāti bāladhamme yuttassa. Idaṃ vuttaṃ hoti – yathā vacchakassa vaḍḍhantassa sarīreneva saddhiṃ siṅgaṃ vaḍḍhati, evaṃ andhabālassapi appattakāmataṇhā ca pattakāmapipāsā ca aparāparaṃ vaḍḍhatīti.
саалияаваганд̇и сааликзд̇д̇аяавакзд̇д̇ам̣. зд̇зна саалияаваад̣̇игам̣ саб̣б̣ам̣ д̇хан̃н̃ам̣ д̣̇ассзд̇и, д̣̇уд̇ияабад̣̇зна саб̣б̣ам̣ д̣̇вибад̣̇ажад̇уббад̣̇ам̣ д̣̇ассзд̇и. батамабад̣̇зна ваа саб̣б̣ам̣ авин̃н̃аан̣агам̣, ид̇арзна савин̃н̃аан̣агам̣. д̣̇ад̇ваа жаад̇и д̣̇ад̇вааби. ид̣̇ам̣ вуд̇д̇ам̣ ход̇и – д̇идтанд̇у д̇ийн̣и раж̇ж̇аани, сажз со маан̣аво ан̃н̃ам̣ ваа сагаламби бат̇авим̣ савин̃н̃аан̣агаавин̃н̃аан̣агарад̇анабуурам̣ гассажи д̣̇ад̇ваа г̇ажчзяяа, ид̣̇амби зд̇д̇агам̣ вад̇т̇у згассзва абарияанд̇ам̣, звам̣ д̣̇уббуураа зсаа д̇ан̣хаа наама. ид̇и вид̣̇ваа самам̣ жарзд̇и звам̣ ж̇аананд̇о бурисо д̇ан̣хаавасиго ахуд̇ваа гааяасамаажаараад̣̇ийни буурзнд̇о жарзяяа.
Sāliyavakanti sālikhettayavakhettaṃ. Etena sāliyavādikaṃ sabbaṃ dhaññaṃ dasseti, dutiyapadena sabbaṃ dvipadacatuppadaṃ dasseti. Paṭhamapadena vā sabbaṃ aviññāṇakaṃ, itarena saviññāṇakaṃ. Datvā cāti datvāpi. Idaṃ vuttaṃ hoti – tiṭṭhantu tīṇi rajjāni, sace so māṇavo aññaṃ vā sakalampi pathaviṃ saviññāṇakāviññāṇakaratanapūraṃ kassaci datvā gaccheyya, idampi ettakaṃ vatthu ekasseva apariyantaṃ, evaṃ duppūrā esā taṇhā nāma. Iti vidvā samaṃ careti evaṃ jānanto puriso taṇhāvasiko ahutvā kāyasamācārādīni pūrento careyya.
оранд̇и оримагодтаасам̣ бад̇ваа д̇зна ад̇ид̇д̇аруубо буна самуд̣̇д̣̇абаарамби бад̇т̇аязт̇а. звам̣ д̇ан̣хаавасигасад̇д̇аа наама д̣̇уббуураад̇и д̣̇ассзд̇и. яааваад̇и анияаамид̇абарижчзд̣̇о. ануссаранд̇и ануссаранд̇о. нааж̇жхаг̇аад̇и на винд̣̇ад̇и. ид̣̇ам̣ вуд̇д̇ам̣ ход̇и – махаарааж̇а, бурисо абарияанд̇зби гаамз манасаа ануссаранд̇о д̇ид̇д̇им̣ на винд̣̇ад̇и, бад̇д̇угаамова ход̇и, звам̣ гаамзсу сад̇д̇аанам̣ д̇ан̣хаа вад̣дхад̇зва. д̇ад̇о нивад̇д̇аад̇и д̇ад̇о бана вад̇т̇угаамагилзсагаамад̇о жид̇д̇зна нивад̇д̇ид̇ваа гааязна бадиггамма н̃аан̣зна аад̣̇ийнавам̣ д̣̇исваа яз бан̃н̃ааяа д̇ид̇д̇аа барибун̣н̣аа, д̇з д̇ид̇д̇аа наама.
Oranti orimakoṭṭhāsaṃ patvā tena atittarūpo puna samuddapārampi patthayetha. Evaṃ taṇhāvasikasattā nāma duppūrāti dasseti. Yāvāti aniyāmitaparicchedo. Anussaranti anussaranto. Nājjhagāti na vindati. Idaṃ vuttaṃ hoti – mahārāja, puriso apariyantepi kāme manasā anussaranto tittiṃ na vindati, pattukāmova hoti, evaṃ kāmesu sattānaṃ taṇhā vaḍḍhateva. Tato nivattāti tato pana vatthukāmakilesakāmato cittena nivattitvā kāyena paṭikkamma ñāṇena ādīnavaṃ disvā ye paññāya tittā paripuṇṇā, te tittā nāma.
бан̃н̃ааяа д̇ид̇д̇инам̣ сздтанд̇и бан̃н̃ааяа д̇ид̇д̇ийнам̣ аяам̣ барибун̣н̣асздто, аяамзва ваа баато. на со гаамзхи д̇аббад̇ийд̇и ‘‘на хий’’д̇иби баато. яасмаа бан̃н̃ааяа д̇ид̇д̇о бурисо гаамзхи на барид̣аяхад̇ийд̇и ад̇т̇о. на гуруд̇з васанд̇и д̇аад̣̇исан̃хи бурисам̣ д̇ан̣хаа васз вад̇д̇зд̇ум̣ на саггод̇и, свзва бана д̇ан̣хааяа аад̣̇ийнавам̣ д̣̇исваа сарабхан̇г̇амаан̣аво вияа жа ад̣дхамаасагарааж̇аа вияа жа д̇ан̣хаавасз на бавад̇д̇ад̇ийд̇и ад̇т̇о. абажинзт̇зваад̇и вид̣̇д̇хам̣сзт̇зва. самуд̣̇д̣̇амад̇д̇од̇и махад̇ияаа бан̃н̃ааяа саманнааг̇ад̇ад̇д̇аа самуд̣̇д̣̇аббамаан̣о. со маханд̇зна аг̇г̇инааби самуд̣̇д̣̇о вияа гилзсагаамзхи на д̇аббад̇и на д̣аяхад̇и.
Paññāya tittinaṃ seṭṭhanti paññāya tittīnaṃ ayaṃ paripuṇṇaseṭṭho, ayameva vā pāṭho. Na so kāmehi tappatīti ‘‘na hī’’tipi pāṭho. Yasmā paññāya titto puriso kāmehi na pariḍayhatīti attho. Na kurute vasanti tādisañhi purisaṃ taṇhā vase vattetuṃ na sakkoti, sveva pana taṇhāya ādīnavaṃ disvā sarabhaṅgamāṇavo viya ca aḍḍhamāsakarājā viya ca taṇhāvase na pavattatīti attho. Apacinethevāti viddhaṃsetheva. Samuddamattoti mahatiyā paññāya samannāgatattā samuddappamāṇo. So mahantena aggināpi samuddo viya kilesakāmehi na tappati na ḍayhati.
рат̇агаарод̇и жаммагааро. бариганд̇анд̇и бариганд̇анд̇о. ид̣̇ам̣ вуд̇д̇ам̣ ход̇и – яат̇аа жаммагааро убааханам̣ бариганд̇анд̇о яам̣ яам̣ жаммасса аг̇аяхуубаг̇адтаанам̣ ход̇и, д̇ам̣ д̇ам̣ жаж̇ид̇ваа убааханам̣ гад̇ваа убааханамуулам̣ лабхид̇ваа сукид̇о ход̇и, звамзва бан̣д̣ид̇о жаммагаарасад̇т̇асад̣̇исааяа бан̃н̃ааяа ганд̇анд̇о яам̣ яам̣ од̇хим̣ гаамаанам̣ жаж̇ад̇и, д̇зна д̇знасса гаамод̇хинаа рахид̇ам̣ д̇ам̣ д̇ам̣ гааяагаммам̣ важийгаммам̣ маногамман̃жа сукам̣ самбаж̇ж̇ад̇и виг̇ад̇ад̣̇арат̇ам̣, сажз бана саб̣б̣амби гааяагаммаад̣̇исукам̣ виг̇ад̇абарил̣аахамзва ижчзяяа, гасин̣ам̣ бхаавзд̇ваа жхаанам̣ ниб̣б̣ад̇д̇зд̇ваа саб̣б̣з гаамз барижжаж̇зд̇и.
Rathakāroti cammakāro. Parikantanti parikantanto. Idaṃ vuttaṃ hoti – yathā cammakāro upāhanaṃ parikantanto yaṃ yaṃ cammassa agayhūpagaṭṭhānaṃ hoti, taṃ taṃ cajitvā upāhanaṃ katvā upāhanamūlaṃ labhitvā sukhito hoti, evameva paṇḍito cammakārasatthasadisāya paññāya kantanto yaṃ yaṃ odhiṃ kāmānaṃ cajati, tena tenassa kāmodhinā rahitaṃ taṃ taṃ kāyakammaṃ vacīkammaṃ manokammañca sukhaṃ sampajjati vigatadarathaṃ, sace pana sabbampi kāyakammādisukhaṃ vigatapariḷāhameva iccheyya, kasiṇaṃ bhāvetvā jhānaṃ nibbattetvā sabbe kāme pariccajeti.
б̣од̇хисад̇д̇асса бана имам̣ г̇аат̇ам̣ гат̇знд̇асса ран̃н̃о сзд̇ажчад̇д̇ам̣ аарамман̣ам̣ гад̇ваа од̣̇аад̇агасин̣аж̇жхаанам̣ уд̣̇абаад̣̇и, рааж̇ааби арог̇о ахоси. со д̇удто саяанаа вудтахид̇ваа ‘‘зд̇д̇агаа взж̇ж̇аа мам̣ д̇игижчид̇ум̣ наасагким̣су, бан̣д̣ид̇амаан̣аво бана ад̇д̇ано н̃аан̣осад̇хзна мам̣ нирог̇ам̣ агаасий’’д̇и д̇зна сад̣̇д̇хим̣ саллабанд̇о д̣̇асамам̣ г̇аат̇амааха –
Bodhisattassa pana imaṃ gāthaṃ kathentassa rañño setacchattaṃ ārammaṇaṃ katvā odātakasiṇajjhānaṃ udapādi, rājāpi arogo ahosi. So tuṭṭho sayanā vuṭṭhahitvā ‘‘ettakā vejjā maṃ tikicchituṃ nāsakkhiṃsu, paṇḍitamāṇavo pana attano ñāṇosadhena maṃ nirogaṃ akāsī’’ti tena saddhiṃ sallapanto dasamaṃ gāthamāha –
46.
46.
‘‘адта д̇з бхаасид̇аа г̇аат̇аа, саб̣б̣аа хонд̇и сахассияаа;
‘‘Aṭṭha te bhāsitā gāthā, sabbā honti sahassiyā;
бадиг̇ан̣ха махааб̣рахмз, саад̇хзд̇ам̣ д̇ава бхаасид̇а’’нд̇и.
Paṭigaṇha mahābrahme, sādhetaṃ tava bhāsita’’nti.
д̇ад̇т̇а адтаад̇и д̣̇уд̇ияаг̇аат̇ам̣ аад̣̇им̣ гад̇ваа гаамаад̣̇ийнавасам̣яуд̇д̇аа адта. сахассияаад̇и сахассаарахаа. бадиг̇ан̣хаад̇и адта сахассаани г̇ан̣ха. саад̇хзд̇ам̣ д̇ава бхаасид̇анд̇и саад̇ху зд̇ам̣ д̇ава важанам̣.
Tattha aṭṭhāti dutiyagāthaṃ ādiṃ katvā kāmādīnavasaṃyuttā aṭṭha. Sahassiyāti sahassārahā. Paṭigaṇhāti aṭṭha sahassāni gaṇha. Sādhetaṃ tava bhāsitanti sādhu etaṃ tava vacanaṃ.
д̇ам̣ суд̇ваа махаасад̇д̇о згаад̣̇асамам̣ г̇аат̇амааха –
Taṃ sutvā mahāsatto ekādasamaṃ gāthamāha –
47.
47.
‘‘на мз ад̇т̇о сахассзхи, сад̇зхи нахуд̇зхи ваа;
‘‘Na me attho sahassehi, satehi nahutehi vā;
бажчимам̣ бхаасад̇о г̇аат̇ам̣, гаамз мз на рад̇о мано’’д̇и.
Pacchimaṃ bhāsato gāthaṃ, kāme me na rato mano’’ti.
д̇ад̇т̇а бажчиманд̇и ‘‘рат̇агаарова жаммассаа’’д̇и г̇аат̇ам̣. гаамз мз на рад̇о манод̇и имам̣ г̇аат̇ам̣ бхаасамаанассзва мама вад̇т̇угаамзби гилзсагаамзби мано наабхирамаами. ахан̃хи имам̣ г̇аат̇ам̣ бхаасамаано ад̇д̇анова д̇хаммад̣̇зсанааяа жхаанам̣ ниб̣б̣ад̇д̇зсим̣, махаарааж̇аад̇и.
Tattha pacchimanti ‘‘rathakārova cammassā’’ti gāthaṃ. Kāme me na rato manoti imaṃ gāthaṃ bhāsamānasseva mama vatthukāmepi kilesakāmepi mano nābhiramāmi. Ahañhi imaṃ gāthaṃ bhāsamāno attanova dhammadesanāya jhānaṃ nibbattesiṃ, mahārājāti.
рааж̇аа бхияяосомад̇д̇ааяа д̇уссид̇ваа махаасад̇д̇ам̣ ван̣н̣знд̇о осаанаг̇аат̇амааха –
Rājā bhiyyosomattāya tussitvā mahāsattaṃ vaṇṇento osānagāthamāha –
48.
48.
‘‘бхад̣̇раго вад̇ааяам̣ маан̣аваго, саб̣б̣алогавид̣̇уу муни;
‘‘Bhadrako vatāyaṃ māṇavako, sabbalokavidū muni;
яо имам̣ д̇ан̣хам̣ д̣̇угкаж̇ананим̣, бариж̇аанаад̇и бан̣д̣ид̇о’’д̇и.
Yo imaṃ taṇhaṃ dukkhajananiṃ, parijānāti paṇḍito’’ti.
д̇ад̇т̇а д̣̇угкаж̇ананинд̇и сагалаваддад̣̇угкаж̇ананим̣. бариж̇аанаад̇ийд̇и бариж̇аани барижчинд̣̇и, лун̃жид̇ваа нийхарийд̇и б̣од̇хисад̇д̇ам̣ ван̣н̣знд̇о звамааха.
Tattha dukkhajananinti sakalavaṭṭadukkhajananiṃ. Parijānātīti parijāni paricchindi, luñcitvā nīharīti bodhisattaṃ vaṇṇento evamāha.
б̣од̇хисад̇д̇оби ‘‘махаарааж̇а, аббамад̇д̇о худ̇ваа д̇хаммам̣ жараа’’д̇и рааж̇аанам̣ овад̣̇ид̇ваа аагаасзна химаванд̇ам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа яаавад̇ааяугам̣ тад̇ваа б̣рахмавихаарз бхаавзд̇ваа абарихийнаж̇жхаано худ̇ваа б̣рахмалогуубаг̇о ахоси.
Bodhisattopi ‘‘mahārāja, appamatto hutvā dhammaṃ carā’’ti rājānaṃ ovaditvā ākāsena himavantaṃ gantvā isipabbajjaṃ pabbajitvā yāvatāyukaṃ ṭhatvā brahmavihāre bhāvetvā aparihīnajjhāno hutvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣збаахам̣ зд̇ам̣ б̣раахман̣ам̣ ниссогамагааси’’нд̇и вад̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа зса б̣раахман̣о ахоси, бан̣д̣ид̇амаан̣аво бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, bhikkhave, pubbepāhaṃ etaṃ brāhmaṇaṃ nissokamakāsi’’nti vatvā jātakaṃ samodhānesi – ‘‘tadā rājā esa brāhmaṇo ahosi, paṇḍitamāṇavo pana ahameva ahosi’’nti.
гаамаж̇аад̇агаван̣н̣анаа жад̇уд̇т̇аа.
Kāmajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 467. гаамаж̇аад̇агам̣ • 467. Kāmajātakaṃ
