| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[228] 8. гааманийд̇аж̇аад̇агаван̣н̣анаа
[228] 8. Kāmanītajātakavaṇṇanā
д̇аяо г̇иринд̇и ид̣̇ам̣ сад̇т̇аа ж̇зд̇аванз вихаранд̇о гааманийд̇аб̣раахман̣ам̣ наама аараб̣бха гат̇зси. вад̇т̇у бажжуббаннан̃жа ад̇ийд̇ан̃жа д̣̇ваад̣̇асаганибаад̇з гаамаж̇аад̇агз (ж̇аа. 1.12.37 аад̣̇аяо) аавибхависсад̇и. д̇зсу бана д̣̇вийсу рааж̇абуд̇д̇зсу ж̇здтаго ааг̇анд̇ваа б̣аараан̣асияам̣ рааж̇аа ахоси, ганидто убарааж̇аа. д̇зсу рааж̇аа вад̇т̇угаамагилзсагаамзсу ад̇ид̇д̇о д̇ханалоло ахоси. д̇ад̣̇аа б̣од̇хисад̇д̇о сагго д̣̇зварааж̇аа худ̇ваа ж̇амб̣уд̣̇ийбам̣ ологзнд̇о д̇асса ран̃н̃о д̣̇вийсуби гаамзсу ад̇ид̇д̇абхаавам̣ н̃ад̇ваа ‘‘имам̣ рааж̇аанам̣ ниг̇г̇ан̣хид̇ваа лаж̇ж̇аабзссаамий’’д̇и б̣раахман̣амаан̣ававан̣н̣зна ааг̇анд̇ваа рааж̇аанам̣ басси, ран̃н̃аа жа ‘‘гзнад̇т̇зна ааг̇ад̇оси маан̣аваа’’д̇и вуд̇д̇з ‘‘ахам̣, махаарааж̇а, д̇ийн̣и наг̇араани бассаами кзмаани субхигкаани бахууд̇ахад̇т̇иассарат̇абад̇д̇ийни хиран̃н̃асуван̣н̣аалан̇гаарабхарид̇аани, саггаа жа бана д̇аани аббагзнзва б̣алзна г̇ан̣хид̇ум̣, ахам̣ д̇з д̇аани г̇ахзд̇ваа д̣̇аад̇ум̣ ааг̇ад̇о’’д̇и ааха. ‘‘гад̣̇аа г̇ажчаама, маан̣аваа’’д̇и вуд̇д̇з ‘‘свз махаарааж̇аа’’д̇и. ‘‘д̇зна хи г̇ажча, баад̇ова ааг̇ажчзяяаасий’’д̇и. ‘‘саад̇ху, махаарааж̇а, взг̇зна б̣алам̣ саж̇ж̇зхий’’д̇и вад̇ваа сагго сагадтаанамзва г̇ад̇о.
Tayogirinti idaṃ satthā jetavane viharanto kāmanītabrāhmaṇaṃ nāma ārabbha kathesi. Vatthu paccuppannañca atītañca dvādasakanipāte kāmajātake (jā. 1.12.37 ādayo) āvibhavissati. Tesu pana dvīsu rājaputtesu jeṭṭhako āgantvā bārāṇasiyaṃ rājā ahosi, kaniṭṭho uparājā. Tesu rājā vatthukāmakilesakāmesu atitto dhanalolo ahosi. Tadā bodhisatto sakko devarājā hutvā jambudīpaṃ olokento tassa rañño dvīsupi kāmesu atittabhāvaṃ ñatvā ‘‘imaṃ rājānaṃ niggaṇhitvā lajjāpessāmī’’ti brāhmaṇamāṇavavaṇṇena āgantvā rājānaṃ passi, raññā ca ‘‘kenatthena āgatosi māṇavā’’ti vutte ‘‘ahaṃ, mahārāja, tīṇi nagarāni passāmi khemāni subhikkhāni pahūtahatthiassarathapattīni hiraññasuvaṇṇālaṅkārabharitāni, sakkā ca pana tāni appakeneva balena gaṇhituṃ, ahaṃ te tāni gahetvā dātuṃ āgato’’ti āha. ‘‘Kadā gacchāma, māṇavā’’ti vutte ‘‘sve mahārājā’’ti. ‘‘Tena hi gaccha, pātova āgaccheyyāsī’’ti. ‘‘Sādhu, mahārāja, vegena balaṃ sajjehī’’ti vatvā sakko sakaṭṭhānameva gato.
рааж̇аа бунад̣̇ивасз бхзрим̣ жараабзд̇ваа б̣аласаж̇ж̇ам̣ гаарзд̇ваа амажжз баггосаабзд̇ваа хияяо зго б̣раахман̣амаан̣аво ‘‘уд̇д̇арабан̃жаалз инд̣̇абад̇д̇з гзгагзд̇и имзсу д̇ийсу наг̇арзсу раж̇ж̇ам̣ г̇ахзд̇ваа д̣̇ассаамий’’д̇и ааха, д̇ам̣ маан̣авам̣ аад̣̇ааяа д̇ийсу наг̇арзсу раж̇ж̇ам̣ г̇ан̣хиссаама, взг̇зна нам̣ баггосат̇аад̇и. ‘‘гад̇т̇асса, д̣̇зва, ниваасо д̣̇аабид̇о’’д̇и? ‘‘на мз д̇асса ниваасаг̇зхам̣ д̣̇аабид̇а’’нд̇и. ‘‘ниваасабариб̣б̣аяо бана д̣̇инно’’д̇и? ‘‘соби на д̣̇инно’’д̇и. ат̇а ‘‘гахам̣ нам̣ бассиссаамаа’’д̇и? ‘‘наг̇аравийт̇ийсу ологзт̇аа’’д̇и. д̇з ологзнд̇аа ад̣̇исваа ‘‘на бассаама, махаарааж̇аа’’д̇и аахам̣су. ран̃н̃о маан̣авам̣ абассанд̇асса ‘‘звам̣ маханд̇аа наама иссарияаа барихийномхий’’д̇и махаасого уд̣̇абаад̣̇и, хад̣̇аяавад̇т̇у ун̣хам̣ ахоси, вад̇т̇улохид̇ам̣ губби, лохид̇абагканд̣̇игаа уд̣̇абаад̣̇и, взж̇ж̇аа д̇игижчид̇ум̣ наасагким̣су.
Rājā punadivase bheriṃ carāpetvā balasajjaṃ kāretvā amacce pakkosāpetvā hiyyo eko brāhmaṇamāṇavo ‘‘uttarapañcāle indapatte kekaketi imesu tīsu nagaresu rajjaṃ gahetvā dassāmī’’ti āha, taṃ māṇavaṃ ādāya tīsu nagaresu rajjaṃ gaṇhissāma, vegena naṃ pakkosathāti. ‘‘Katthassa, deva, nivāso dāpito’’ti? ‘‘Na me tassa nivāsagehaṃ dāpita’’nti. ‘‘Nivāsaparibbayo pana dinno’’ti? ‘‘Sopi na dinno’’ti. Atha ‘‘kahaṃ naṃ passissāmā’’ti? ‘‘Nagaravīthīsu olokethā’’ti. Te olokentā adisvā ‘‘na passāma, mahārājā’’ti āhaṃsu. Rañño māṇavaṃ apassantassa ‘‘evaṃ mahantā nāma issariyā parihīnomhī’’ti mahāsoko udapādi, hadayavatthu uṇhaṃ ahosi, vatthulohitaṃ kuppi, lohitapakkhandikā udapādi, vejjā tikicchituṃ nāsakkhiṃsu.
д̇ад̇о д̇ийхажад̇уухажжаязна сагго ааваж̇ж̇амаано д̇асса д̇ам̣ ааб̣аад̇хам̣ н̃ад̇ваа ‘‘д̇игижчиссаами на’’нд̇и б̣раахман̣аван̣н̣зна ааг̇анд̇ваа д̣̇ваарз тад̇ваа ‘‘взж̇ж̇аб̣раахман̣о д̇умхаагам̣ д̇игижчанад̇т̇ааяа ааг̇ад̇о’’д̇и аарожаабзси. рааж̇аа д̇ам̣ суд̇ваа ‘‘маханд̇амаханд̇аа рааж̇авзж̇ж̇аа мам̣ д̇игижчид̇ум̣ наасагким̣су, бариб̣б̣аяамасса д̣̇аабзд̇ваа уяяож̇зт̇аа’’д̇и ааха. сагго д̇ам̣ суд̇ваа ‘‘маяхам̣ нзва ниваасабариб̣б̣аязна ад̇т̇о, взж̇ж̇алаабхамби на г̇ан̣хиссаами, д̇игижчиссаами нам̣, буна рааж̇аа мам̣ бассад̇уу’’д̇и ааха. рааж̇аа д̇ам̣ суд̇ваа ‘‘д̇зна хи ааг̇ажчад̇уу’’д̇и ааха. сагго бависид̇ваа ж̇аяаабзд̇ваа згаманд̇ам̣ адтааси, рааж̇аа ‘‘д̇вам̣ мам̣ д̇игижчасий’’д̇и ааха. ‘‘аама, д̣̇зваа’’д̇и. ‘‘д̇зна хи д̇игижчассуу’’д̇и. ‘‘саад̇ху, махаарааж̇а, б̣яаад̇хино мз лагкан̣ам̣ гат̇зт̇а, гзна гааран̣зна уббанно, гим̣ каад̣̇ид̇ам̣ ваа бийд̇ам̣ ваа ниссааяа, уд̣̇ааху д̣̇идтам̣ ваа суд̇ам̣ ваа’’д̇и? ‘‘д̇аад̇а, маяхам̣ б̣яаад̇хи суд̇ам̣ ниссааяа уббанно’’д̇и. ‘‘гим̣ д̇з суд̇а’’нд̇и. ‘‘д̇аад̇а зго маан̣аво ааг̇анд̇ваа маяхам̣ ‘д̇ийсу наг̇арзсу раж̇ж̇ам̣ г̇ан̣хид̇ваа д̣̇ассаамий’д̇и ааха, ахам̣ д̇асса ниваасадтаанам̣ ваа ниваасабариб̣б̣аяам̣ ваа на д̣̇аабзсим̣, со маяхам̣ гуж̇жхид̇ваа ан̃н̃асса ран̃н̃о санд̇игам̣ г̇ад̇о бхависсад̇и. ат̇а мз ‘звам̣ маханд̇аа наама иссарияаа барихийномхий’д̇и жинд̇знд̇асса аяам̣ б̣яаад̇хи уббанно. сажз саггоси д̇вам̣ мз гаамажид̇д̇ам̣ ниссааяа уббаннам̣ б̣яаад̇хим̣ д̇игижчид̇ум̣, д̇игижчаахий’’д̇и зд̇амад̇т̇ам̣ багаасзнд̇о батамам̣ г̇аат̇амааха –
Tato tīhacatūhaccayena sakko āvajjamāno tassa taṃ ābādhaṃ ñatvā ‘‘tikicchissāmi na’’nti brāhmaṇavaṇṇena āgantvā dvāre ṭhatvā ‘‘vejjabrāhmaṇo tumhākaṃ tikicchanatthāya āgato’’ti ārocāpesi. Rājā taṃ sutvā ‘‘mahantamahantā rājavejjā maṃ tikicchituṃ nāsakkhiṃsu, paribbayamassa dāpetvā uyyojethā’’ti āha. Sakko taṃ sutvā ‘‘mayhaṃ neva nivāsaparibbayena attho, vejjalābhampi na gaṇhissāmi, tikicchissāmi naṃ, puna rājā maṃ passatū’’ti āha. Rājā taṃ sutvā ‘‘tena hi āgacchatū’’ti āha. Sakko pavisitvā jayāpetvā ekamantaṃ aṭṭhāsi, rājā ‘‘tvaṃ maṃ tikicchasī’’ti āha. ‘‘Āma, devā’’ti. ‘‘Tena hi tikicchassū’’ti. ‘‘Sādhu, mahārāja, byādhino me lakkhaṇaṃ kathetha, kena kāraṇena uppanno, kiṃ khāditaṃ vā pītaṃ vā nissāya, udāhu diṭṭhaṃ vā sutaṃ vā’’ti? ‘‘Tāta, mayhaṃ byādhi sutaṃ nissāya uppanno’’ti. ‘‘Kiṃ te suta’’nti. ‘‘Tāta eko māṇavo āgantvā mayhaṃ ‘tīsu nagaresu rajjaṃ gaṇhitvā dassāmī’ti āha, ahaṃ tassa nivāsaṭṭhānaṃ vā nivāsaparibbayaṃ vā na dāpesiṃ, so mayhaṃ kujjhitvā aññassa rañño santikaṃ gato bhavissati. Atha me ‘evaṃ mahantā nāma issariyā parihīnomhī’ti cintentassa ayaṃ byādhi uppanno. Sace sakkosi tvaṃ me kāmacittaṃ nissāya uppannaṃ byādhiṃ tikicchituṃ, tikicchāhī’’ti etamatthaṃ pakāsento paṭhamaṃ gāthamāha –
155.
155.
‘‘д̇аяо г̇ирим̣ анд̇арам̣ гаамаяаами, бан̃жаалаа гуруяо гзгагз жа;
‘‘Tayo giriṃ antaraṃ kāmayāmi, pañcālā kuruyo kekake ca;
д̇ад̇уд̇д̇арим̣ б̣раахман̣а гаамаяаами, д̇игижча мам̣ б̣раахман̣а гааманийд̇а’’нд̇и.
Tatuttariṃ brāhmaṇa kāmayāmi, tikiccha maṃ brāhmaṇa kāmanīta’’nti.
д̇ад̇т̇а д̇аяо г̇иринд̇и д̇аяо г̇ирий, аяамзва ваа баато. яат̇аа ‘‘суд̣̇ассанасса г̇ирино, д̣̇вааран̃хзд̇ам̣ багаасад̇ий’’д̇и зд̇т̇а суд̣̇ассанам̣ д̣̇званаг̇арам̣ яуж̇жхид̇ваа д̣̇уг̇г̇ан̣хад̇ааяа д̣̇ужжаланад̇ааяа ‘‘суд̣̇ассанаг̇ирий’’д̇и вуд̇д̇ам̣, звамид̇хааби д̇ийн̣и наг̇араани ‘‘д̇аяо г̇ири’’нд̇и ад̇хиббзд̇аани. д̇асмаа аяамзд̇т̇а ад̇т̇о – д̇ийн̣и жа наг̇араани д̇зсан̃жа анд̇арам̣ д̇ивид̇хамби радтам̣ гаамаяаами. ‘‘бан̃жаалаа гуруяо гзгагз жаа’’д̇и имаани д̇зсам̣ радтаанам̣ наамаани. д̇зсу бан̃жаалаад̇и уд̇д̇арабан̃жаалаа, д̇ад̇т̇а габилам̣ наама наг̇арам̣. гуруяод̇и гурурадтам̣, д̇ад̇т̇а инд̣̇абад̇д̇ам̣ наама наг̇арам̣. гзгагз жаад̇и бажжад̇д̇з убаяог̇аважанам̣, д̇зна гзгагарадтам̣ д̣̇ассзд̇и. д̇ад̇т̇а гзгагарааж̇ад̇хаанийязва наг̇арам̣. д̇ад̇уд̇д̇аринд̇и д̇ам̣ ахам̣ ид̇о бадилад̣̇д̇хаа б̣аараан̣асираж̇ж̇аа д̇ад̇уд̇д̇арим̣ д̇ивид̇хам̣ раж̇ж̇ам̣ гаамаяаами. д̇игижча мам̣, б̣раахман̣а, гааманийд̇анд̇и имзхи вад̇т̇угаамзхи жа гилзсагаамзхи жа нийд̇ам̣ хад̇ам̣ бахад̇ам̣ сажз саггоси, д̇игижча мам̣ б̣раахман̣аад̇и.
Tattha tayo girinti tayo girī, ayameva vā pāṭho. Yathā ‘‘sudassanassa girino, dvārañhetaṃ pakāsatī’’ti ettha sudassanaṃ devanagaraṃ yujjhitvā duggaṇhatāya duccalanatāya ‘‘sudassanagirī’’ti vuttaṃ, evamidhāpi tīṇi nagarāni ‘‘tayo giri’’nti adhippetāni. Tasmā ayamettha attho – tīṇi ca nagarāni tesañca antaraṃ tividhampi raṭṭhaṃ kāmayāmi. ‘‘Pañcālā kuruyo kekake cā’’ti imāni tesaṃ raṭṭhānaṃ nāmāni. Tesu pañcālāti uttarapañcālā, tattha kapilaṃ nāma nagaraṃ. Kuruyoti kururaṭṭhaṃ, tattha indapattaṃ nāma nagaraṃ. Kekake cāti paccatte upayogavacanaṃ, tena kekakaraṭṭhaṃ dasseti. Tattha kekakarājadhānīyeva nagaraṃ. Tatuttarinti taṃ ahaṃ ito paṭiladdhā bārāṇasirajjā tatuttariṃ tividhaṃ rajjaṃ kāmayāmi. Tikiccha maṃ, brāhmaṇa, kāmanītanti imehi vatthukāmehi ca kilesakāmehi ca nītaṃ hataṃ pahataṃ sace sakkosi, tikiccha maṃ brāhmaṇāti.
ат̇а нам̣ сагго ‘‘махаарааж̇а, д̇вам̣ муулосад̇хаад̣̇ийхи ад̇згижчо. н̃аан̣осад̇хзнзва д̇игижчид̇аб̣б̣о’’д̇и вад̇ваа д̣̇уд̇ияам̣ г̇аат̇амааха –
Atha naṃ sakko ‘‘mahārāja, tvaṃ mūlosadhādīhi atekiccho. Ñāṇosadheneva tikicchitabbo’’ti vatvā dutiyaṃ gāthamāha –
156.
156.
‘‘ган̣хаахид̣̇адтасса гаронд̇и хзгз, амануссабавидтасса гаронд̇и бан̣д̣ид̇аа;
‘‘Kaṇhāhidaṭṭhassa karonti heke, amanussapaviṭṭhassa karonti paṇḍitā;
на гааманийд̇асса гарод̇и гожи, огганд̇асуггасса хи гаа д̇игижчаа’’д̇и.
Na kāmanītassa karoti koci, okkantasukkassa hi kā tikicchā’’ti.
д̇ад̇т̇а ган̣хаахид̣̇адтасса гаронд̇и хзгзд̇и згажжз хи д̇игижчагаа гхорависзна гаал̣асаббзна д̣̇адтасса манд̇зхи жзва осад̇хзхи жа д̇игижчам̣ гаронд̇и. амануссабавидтасса гаронд̇и бан̣д̣ид̇аад̇и абарз бан̣д̣ид̇аа бхууд̇авзж̇ж̇аа бхууд̇аяагкаад̣̇ийхи амануссзхи бавидтасса абхибхууд̇асса г̇ахид̇асса б̣алигаммабарид̇д̇агаран̣аосад̇хабарибхаавид̇аад̣̇ийхи д̇игижчам̣ гаронд̇и. на гааманийд̇асса гарод̇и гожийд̇и гаамзхи бана нийд̇асса гаамавасигасса буг̇г̇аласса ан̃н̃ад̇ра бан̣д̣ид̇зхи ан̃н̃о гожи д̇игижчам̣ на гарод̇и, гаронд̇оби гаад̇ум̣ самад̇т̇о наама над̇т̇и. гим̣гааран̣аа? огганд̇асуггасса хи гаа д̇игижчаад̇и, огганд̇асуггасса авагганд̇асса гусалад̇хаммамарияаад̣̇ам̣ ад̇игганд̇асса агусалад̇хаммз бад̇идтид̇асса буг̇г̇аласса манд̇осад̇хаад̣̇ийхи гаа наама д̇игижчаа, на саггаа осад̇хзхи д̇игижчид̇унд̇и.
Tattha kaṇhāhidaṭṭhassa karonti heketi ekacce hi tikicchakā ghoravisena kāḷasappena daṭṭhassa mantehi ceva osadhehi ca tikicchaṃ karonti. Amanussapaviṭṭhassa karonti paṇḍitāti apare paṇḍitā bhūtavejjā bhūtayakkhādīhi amanussehi paviṭṭhassa abhibhūtassa gahitassa balikammaparittakaraṇaosadhaparibhāvitādīhi tikicchaṃ karonti. Na kāmanītassa karoti kocīti kāmehi pana nītassa kāmavasikassa puggalassa aññatra paṇḍitehi añño koci tikicchaṃ na karoti, karontopi kātuṃ samattho nāma natthi. Kiṃkāraṇā? Okkantasukkassa hi kā tikicchāti, okkantasukkassa avakkantassa kusaladhammamariyādaṃ atikkantassa akusaladhamme patiṭṭhitassa puggalassa mantosadhādīhi kā nāma tikicchā, na sakkā osadhehi tikicchitunti.
ид̇исса махаасад̇д̇о имам̣ гааран̣ам̣ д̣̇ассзд̇ваа уд̇д̇ари звамааха – ‘‘махаарааж̇а, сажз д̇вам̣ д̇аани д̇ийн̣и раж̇ж̇аани лажчаси, аби ну ко имзсу жад̇уусу наг̇арзсу раж̇ж̇ам̣ гаронд̇о згаббахаарзнзва жад̇д̇аари саадагаяуг̇аани барид̣̇ахзяяааси, жад̇уусу ваа суван̣н̣абаад̇ийсу бхун̃ж̇зяяааси, жад̇уусу ваа саяанзсу саязяяааси, махаарааж̇а, д̇ан̣хаавасигзна наама бхавид̇ум̣ на ваддад̇и, д̇ан̣хаа хи наамзсаа вибад̇д̇имуулаа. саа вад̣дхамаанаа яо д̇ам̣ вад̣дхзд̇и, д̇ам̣ буг̇г̇алам̣ адтасу махаанираязсу сол̣асасу уссад̣̇анираязсу наанаббагаарабхзд̣̇зсу жа авасзсзсу абааязсу кибад̇ий’’д̇и. звам̣ рааж̇аанам̣ нираяаад̣̇ибхаязна д̇аж̇ж̇зд̇ваа махаасад̇д̇о д̇хаммам̣ д̣̇зсзси. рааж̇аабисса д̇хаммам̣ суд̇ваа виг̇ад̇асого худ̇ваа д̇аавад̣̇зва ниб̣яаад̇хид̇ам̣ баабун̣и . саггобисса оваад̣̇ам̣ д̣̇ад̇ваа сийлзсу бад̇идтаабзд̇ваа д̣̇звалогамзва г̇ад̇о. соби д̇ад̇о бадтааяа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Itissa mahāsatto imaṃ kāraṇaṃ dassetvā uttari evamāha – ‘‘mahārāja, sace tvaṃ tāni tīṇi rajjāni lacchasi, api nu kho imesu catūsu nagaresu rajjaṃ karonto ekappahāreneva cattāri sāṭakayugāni paridaheyyāsi, catūsu vā suvaṇṇapātīsu bhuñjeyyāsi, catūsu vā sayanesu sayeyyāsi, mahārāja, taṇhāvasikena nāma bhavituṃ na vaṭṭati, taṇhā hi nāmesā vipattimūlā. Sā vaḍḍhamānā yo taṃ vaḍḍheti, taṃ puggalaṃ aṭṭhasu mahānirayesu soḷasasu ussadanirayesu nānappakārabhedesu ca avasesesu apāyesu khipatī’’ti. Evaṃ rājānaṃ nirayādibhayena tajjetvā mahāsatto dhammaṃ desesi. Rājāpissa dhammaṃ sutvā vigatasoko hutvā tāvadeva nibyādhitaṃ pāpuṇi . Sakkopissa ovādaṃ datvā sīlesu patiṭṭhāpetvā devalokameva gato. Sopi tato paṭṭhāya dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа гааманийд̇аб̣раахман̣о ахоси, сагго бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā rājā kāmanītabrāhmaṇo ahosi, sakko pana ahameva ahosi’’nti.
гааманийд̇аж̇аад̇агаван̣н̣анаа адтамаа.
Kāmanītajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 228. гааманийд̇аж̇аад̇агам̣ • 228. Kāmanītajātakaṃ
