| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
4. адтагаваг̇г̇о
4. Aṭṭhakavaggo
1. гаамасуд̇д̇аван̣н̣анаа
1. Kāmasuttavaṇṇanā
773. гаамам̣ гаамаяамаанассаад̇и гаамасуд̇д̇ам̣. гаа уббад̇д̇и? бхаг̇авад̇и гира саавад̇т̇ияам̣ вихаранд̇з ан̃н̃ад̇аро б̣раахман̣о саавад̇т̇ияаа ж̇зд̇аванасса жа анд̇арз ажиравад̇ийнад̣̇ийд̇ийрз ‘‘яавам̣ вабиссаамий’’д̇и кзд̇д̇ам̣ гасад̇и. бхаг̇аваа бхигкусан̇гхабаривуд̇о бин̣д̣ааяа бависанд̇о д̇ам̣ д̣̇исваа ааваж̇ж̇знд̇о ад̣̇д̣̇аса – ‘‘асса б̣раахман̣асса яаваа винассиссанд̇ий’’д̇и, буна убаниссаяасамбад̇д̇им̣ ааваж̇ж̇знд̇о жасса сод̇аабад̇д̇ипаласса убаниссаяам̣ ад̣̇д̣̇аса. ‘‘гад̣̇аа баабун̣зяяаа’’д̇и ааваж̇ж̇знд̇о ‘‘сассз винадтз согаабхибхууд̇о д̇хаммад̣̇зсанам̣ суд̇ваа’’д̇и ад̣̇д̣̇аса. д̇ад̇о жинд̇зси – ‘‘сажаахам̣ д̇ад̣̇аа зва б̣раахман̣ам̣ убасан̇гамиссаами, на мз оваад̣̇ам̣ сод̇аб̣б̣ам̣ ман̃н̃иссад̇и. наанааружигаа хи б̣раахман̣аа, ханд̣̇а, нам̣ ид̇о бабхуд̇иязва сан̇г̇ан̣хаами, звам̣ маяи муд̣̇ужид̇д̇о худ̇ваа д̇ад̣̇аа оваад̣̇ам̣ соссад̇ий’’д̇и б̣раахман̣ам̣ убасан̇гамид̇ваа ааха – ‘‘гим̣, б̣раахман̣а, гаросий’’д̇и. б̣раахман̣о ‘‘звам̣ ужжаагулийно саман̣о г̇од̇амо маяаа сад̣̇д̇хим̣ бадисант̇аарам̣ гарод̇ий’’д̇и д̇аавад̇агзнзва бхаг̇авад̇и басаннажид̇д̇о худ̇ваа ‘‘кзд̇д̇ам̣, бхо г̇од̇ама, гасаами яавам̣ вабиссаамий’’д̇и ааха. ат̇а саарибуд̇д̇ад̇т̇зро жинд̇зси – ‘‘бхаг̇аваа б̣раахман̣зна сад̣̇д̇хим̣ бадисант̇аарам̣ агааси, на жа ахзд̇у аббажжаяаа д̇ат̇ааг̇ад̇аа звам̣ гаронд̇и, ханд̣̇аахамби д̇зна сад̣̇д̇хим̣ бадисант̇аарам̣ гаромий’’д̇и б̣раахман̣ам̣ убасан̇гамид̇ваа д̇ат̇зва бадисант̇аарамагааси. звам̣ махаамог̇г̇аллаанад̇т̇зро сзсаа жа асийд̇и махаасаавагаа. б̣раахман̣о ад̇ийва ад̇д̇амано ахоси.
773.Kāmaṃkāmayamānassāti kāmasuttaṃ. Kā uppatti? Bhagavati kira sāvatthiyaṃ viharante aññataro brāhmaṇo sāvatthiyā jetavanassa ca antare aciravatīnadītīre ‘‘yavaṃ vapissāmī’’ti khettaṃ kasati. Bhagavā bhikkhusaṅghaparivuto piṇḍāya pavisanto taṃ disvā āvajjento addasa – ‘‘assa brāhmaṇassa yavā vinassissantī’’ti, puna upanissayasampattiṃ āvajjento cassa sotāpattiphalassa upanissayaṃ addasa. ‘‘Kadā pāpuṇeyyā’’ti āvajjento ‘‘sasse vinaṭṭhe sokābhibhūto dhammadesanaṃ sutvā’’ti addasa. Tato cintesi – ‘‘sacāhaṃ tadā eva brāhmaṇaṃ upasaṅkamissāmi, na me ovādaṃ sotabbaṃ maññissati. Nānārucikā hi brāhmaṇā, handa, naṃ ito pabhutiyeva saṅgaṇhāmi, evaṃ mayi muducitto hutvā tadā ovādaṃ sossatī’’ti brāhmaṇaṃ upasaṅkamitvā āha – ‘‘kiṃ, brāhmaṇa, karosī’’ti. Brāhmaṇo ‘‘evaṃ uccākulīno samaṇo gotamo mayā saddhiṃ paṭisanthāraṃ karotī’’ti tāvatakeneva bhagavati pasannacitto hutvā ‘‘khettaṃ, bho gotama, kasāmi yavaṃ vapissāmī’’ti āha. Atha sāriputtatthero cintesi – ‘‘bhagavā brāhmaṇena saddhiṃ paṭisanthāraṃ akāsi, na ca ahetu appaccayā tathāgatā evaṃ karonti, handāhampi tena saddhiṃ paṭisanthāraṃ karomī’’ti brāhmaṇaṃ upasaṅkamitvā tatheva paṭisanthāramakāsi. Evaṃ mahāmoggallānatthero sesā ca asīti mahāsāvakā. Brāhmaṇo atīva attamano ahosi.
ат̇а бхаг̇аваа самбаж̇ж̇амаанзби сассз згад̣̇ивасам̣ гад̇абхад̇д̇агижжо саавад̇т̇ид̇о ж̇зд̇аванам̣ г̇ажчанд̇о маг̇г̇аа оггамма б̣раахман̣асса санд̇игам̣ г̇анд̇ваа ааха – ‘‘сунд̣̇арам̣ д̇з, б̣раахман̣а, яавагкзд̇д̇а’’нд̇и. ‘‘звам̣, бхо г̇од̇ама, сунд̣̇арам̣, сажз самбаж̇ж̇иссад̇и, д̇умхаагамби сам̣вибхааг̇ам̣ гариссаамий’’д̇и. ат̇асса жад̇умаасажжаязна яаваа нибпаж̇ж̇им̣су. д̇асса ‘‘аж̇ж̇а ваа свз ваа лааяиссаамий’’д̇и уссуггам̣ гурумаанассзва махаамзгхо удтахид̇ваа саб̣б̣арад̇д̇им̣ васси. ажиравад̇ий над̣̇ий буураа ааг̇анд̇ваа саб̣б̣ам̣ яавам̣ вахи. б̣раахман̣о саб̣б̣арад̇д̇им̣ анад̇д̇амано худ̇ваа бабхаад̇з над̣̇ийд̇ийрам̣ г̇ад̇о саб̣б̣ам̣ сассавибад̇д̇им̣ д̣̇исваа ‘‘винадтомхи, гат̇ам̣ д̣̇аани ж̇ийвиссаамий’’д̇и б̣алавасогам̣ уббаад̣̇зси . бхаг̇авааби д̇амзва рад̇д̇им̣ бажжуусасамаяз б̣уд̣̇д̇хажагкунаа логам̣ вологзнд̇о ‘‘аж̇ж̇а б̣раахман̣асса д̇хаммад̣̇зсанаагаало’’д̇и н̃ад̇ваа бхигкаажааравад̇д̇зна саавад̇т̇им̣ бависид̇ваа б̣раахман̣асса гхарад̣̇ваарз адтааси. б̣раахман̣о бхаг̇аванд̇ам̣ д̣̇исваа ‘‘согаабхибхууд̇ам̣ мам̣ ассаасзд̇угаамо саман̣о г̇од̇амо ааг̇ад̇о’’д̇и жинд̇зд̇ваа аасанам̣ бан̃н̃аабзд̇ваа бад̇д̇ам̣ г̇ахзд̇ваа бхаг̇аванд̇ам̣ нисийд̣̇аабзси. бхаг̇аваа ж̇аананд̇ова б̣раахман̣ам̣ бужчи – ‘‘гим̣ б̣раахман̣а бад̣̇удтажид̇д̇о вихаасий’’д̇и? аама, бхо г̇од̇ама, саб̣б̣ам̣ мз яавагкзд̇д̇ам̣ уд̣̇агзна вуул̣ханд̇и. ат̇а бхаг̇аваа ‘‘на, б̣раахман̣а, вибаннз д̣̇оманассам̣, самбаннз жа соманассам̣ гаад̇аб̣б̣ам̣. гаамаа хи наама самбаж̇ж̇анд̇иби вибаж̇ж̇анд̇ибий’’д̇и вад̇ваа д̇асса б̣раахман̣асса саббааяам̣ н̃ад̇ваа д̇хаммад̣̇зсанаавасзна имам̣ суд̇д̇амабхааси. д̇ад̇т̇а сан̇кзбад̇о бад̣̇ад̇т̇асамб̣анд̇хамад̇д̇амзва ван̣н̣аяиссаама, вид̇т̇ааро бана нид̣̇д̣̇зсз (махаани. 1) вуд̇д̇анаязнзва взд̣̇ид̇аб̣б̣о. яат̇аа жа имасмим̣ суд̇д̇з, звам̣ ид̇о барам̣ саб̣б̣асуд̇д̇зсу.
Atha bhagavā sampajjamānepi sasse ekadivasaṃ katabhattakicco sāvatthito jetavanaṃ gacchanto maggā okkamma brāhmaṇassa santikaṃ gantvā āha – ‘‘sundaraṃ te, brāhmaṇa, yavakkhetta’’nti. ‘‘Evaṃ, bho gotama, sundaraṃ, sace sampajjissati, tumhākampi saṃvibhāgaṃ karissāmī’’ti. Athassa catumāsaccayena yavā nipphajjiṃsu. Tassa ‘‘ajja vā sve vā lāyissāmī’’ti ussukkaṃ kurumānasseva mahāmegho uṭṭhahitvā sabbarattiṃ vassi. Aciravatī nadī pūrā āgantvā sabbaṃ yavaṃ vahi. Brāhmaṇo sabbarattiṃ anattamano hutvā pabhāte nadītīraṃ gato sabbaṃ sassavipattiṃ disvā ‘‘vinaṭṭhomhi, kathaṃ dāni jīvissāmī’’ti balavasokaṃ uppādesi . Bhagavāpi tameva rattiṃ paccūsasamaye buddhacakkhunā lokaṃ volokento ‘‘ajja brāhmaṇassa dhammadesanākālo’’ti ñatvā bhikkhācāravattena sāvatthiṃ pavisitvā brāhmaṇassa gharadvāre aṭṭhāsi. Brāhmaṇo bhagavantaṃ disvā ‘‘sokābhibhūtaṃ maṃ assāsetukāmo samaṇo gotamo āgato’’ti cintetvā āsanaṃ paññāpetvā pattaṃ gahetvā bhagavantaṃ nisīdāpesi. Bhagavā jānantova brāhmaṇaṃ pucchi – ‘‘kiṃ brāhmaṇa paduṭṭhacitto vihāsī’’ti? Āma, bho gotama, sabbaṃ me yavakkhettaṃ udakena vūḷhanti. Atha bhagavā ‘‘na, brāhmaṇa, vipanne domanassaṃ, sampanne ca somanassaṃ kātabbaṃ. Kāmā hi nāma sampajjantipi vipajjantipī’’ti vatvā tassa brāhmaṇassa sappāyaṃ ñatvā dhammadesanāvasena imaṃ suttamabhāsi. Tattha saṅkhepato padatthasambandhamattameva vaṇṇayissāma, vitthāro pana niddese (mahāni. 1) vuttanayeneva veditabbo. Yathā ca imasmiṃ sutte, evaṃ ito paraṃ sabbasuttesu.
д̇ад̇т̇а гааманд̇и манаабияаруубаад̣̇ид̇збхуумагад̇хаммасан̇каад̇ам̣ вад̇т̇угаамам̣, гаамаяамаанассаад̇и ижчамаанасса. д̇асса жз д̇ам̣ самиж̇жхад̇ийд̇и д̇асса гаамаяамаанасса сад̇д̇асса д̇ам̣ гаамасан̇каад̇ам̣ вад̇т̇у самиж̇жхад̇и жз, сажз со д̇ам̣ лабхад̇ийд̇и вуд̇д̇ам̣ ход̇и. ад̣̇д̇хаа бийд̇имано ход̇ийд̇и згам̣сам̣ д̇удтажид̇д̇о ход̇и. лад̣̇д̇хаад̇и лабхид̇ваа. мажжод̇и сад̇д̇о. яад̣̇ижчад̇ийд̇и яам̣ ижчад̇и.
Tattha kāmanti manāpiyarūpāditebhūmakadhammasaṅkhātaṃ vatthukāmaṃ, kāmayamānassāti icchamānassa. Tassa ce taṃ samijjhatīti tassa kāmayamānassa sattassa taṃ kāmasaṅkhātaṃ vatthu samijjhati ce, sace so taṃ labhatīti vuttaṃ hoti. Addhā pītimano hotīti ekaṃsaṃ tuṭṭhacitto hoti. Laddhāti labhitvā. Maccoti satto. Yadicchatīti yaṃ icchati.
774. д̇асса жз гаамаяаанассаад̇и д̇асса буг̇г̇аласса гаамз ижчамаанасса, гаамзна ваа яааяамаанасса. чанд̣̇аж̇аад̇ассаад̇и ж̇аад̇ад̇ан̣хасса. ж̇анд̇унод̇и сад̇д̇асса. д̇з гаамаа барихааяанд̇ийд̇и д̇з гаамаа барихааяанд̇и жз. саллавид̣̇д̇хова руббад̇ийд̇и ат̇а аяомаяаад̣̇инаа саллзна вид̣̇д̇хо вияа бийл̣ийяад̇и.
774.Tassa ce kāmayānassāti tassa puggalassa kāme icchamānassa, kāmena vā yāyamānassa. Chandajātassāti jātataṇhassa. Jantunoti sattassa. Te kāmā parihāyantīti te kāmā parihāyanti ce. Sallaviddhova ruppatīti atha ayomayādinā sallena viddho viya pīḷīyati.
775. д̇ад̇ияаг̇аат̇ааяа сан̇кзбад̇т̇о – яо бана имз гаамз д̇ад̇т̇а чанд̣̇арааг̇авигкамбханзна ваа самужчзд̣̇зна ваа ад̇д̇ано баад̣̇зна саббасса сирам̣ ива бариваж̇ж̇зд̇и. со бхигку саб̣б̣ам̣ логам̣ висарид̇ваа тид̇ад̇д̇аа логз висад̇д̇игаасан̇каад̇ам̣ д̇ан̣хам̣ сад̇о худ̇ваа самад̇ивад̇д̇ад̇ийд̇и.
775. Tatiyagāthāya saṅkhepattho – yo pana ime kāme tattha chandarāgavikkhambhanena vā samucchedena vā attano pādena sappassa siraṃ iva parivajjeti. So bhikkhu sabbaṃ lokaṃ visaritvā ṭhitattā loke visattikāsaṅkhātaṃ taṇhaṃ sato hutvā samativattatīti.
776-8. д̇ад̇о бараасам̣ д̇иссаннам̣ г̇аат̇аанам̣ аяам̣ сан̇кзбад̇т̇о – яо зд̇ам̣ саалигкзд̇д̇аад̣̇им̣ кзд̇д̇ам̣ ваа гхаравад̇т̇аад̣̇им̣ вад̇т̇ум̣ ваа гахаабан̣асан̇каад̇ам̣ хиран̃н̃ам̣ ваа г̇оассабхзд̣̇ам̣ г̇аваассам̣ ваа ид̇т̇исан̃н̃игаа т̇ияо ваа н̃аад̇иб̣анд̇хаваад̣̇ий б̣анд̇хуу ваа ан̃н̃з ваа манаабияаруубаад̣̇ий бут̇у гаамз ануг̇иж̇жхад̇и, д̇ам̣ буг̇г̇алам̣ аб̣аласан̇каад̇аа гилзсаа б̣алийяанд̇и саханд̇и мад̣̇д̣̇анд̇и, сад̣̇д̇хааб̣алаад̣̇ивирахзна ваа аб̣алам̣ д̇ам̣ буг̇г̇алам̣ аб̣алаа гилзсаа б̣алийяанд̇и, аб̣алад̇д̇аа б̣алийяанд̇ийд̇и ад̇т̇о. ат̇а д̇ам̣ гаамаг̇ид̣̇д̇хам̣ гаамз рагканд̇ам̣ бариязсанд̇ан̃жа сийхаад̣̇аяо жа баагадабариссаяаа гааяад̣̇ужжарид̇аад̣̇аяо жа абаагадабариссаяаа мад̣̇д̣̇анд̇и, д̇ад̇о абаагадабариссаязхи абхибхууд̇ам̣ д̇ам̣ буг̇г̇алам̣ ж̇аад̇иаад̣̇ид̣̇угкам̣ бхиннам̣ наавам̣ уд̣̇агам̣ вияа анвзд̇и. д̇асмаа гааяаг̇ад̇аасад̇иаад̣̇ибхааванааяа ж̇анд̇у сад̣̇аа сад̇о худ̇ваа вигкамбханасамужчзд̣̇авасзна руубаад̣̇ийсу вад̇т̇угаамзсу саб̣б̣аббагаарамби гилзсагаамам̣ бариваж̇ж̇знд̇о гаамаани бариваж̇ж̇аяз. звам̣ д̇з гаамз бахааяа д̇аббахаанагарамаг̇г̇знзва жад̇уб̣б̣ид̇хамби д̇арз огхам̣ д̇арзяяа д̇арид̇ум̣ саггун̣зяяа. д̇ад̇о яат̇аа бурисо уд̣̇агаг̇аругам̣ наавам̣ син̃жид̇ваа лахугааяа наавааяа аббагасирзнзва баараг̇уу бхавзяяа, баарам̣ г̇ажчзяяа, звамзва ад̇д̇абхааванаавам̣ гилзсууд̣̇агаг̇аругам̣ син̃жид̇ваа лахугзна ад̇д̇абхаавзна баараг̇уу бхавзяяа, саб̣б̣ад̇хаммабаарам̣ ниб̣б̣аанам̣ г̇ад̇о бхавзяяа, арахад̇д̇аббад̇д̇ияаа г̇ажчзяяа жа, анубаад̣̇исзсааяа ниб̣б̣аанад̇хаад̇уяаа бариниб̣б̣аад̇ийд̇и арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз б̣раахман̣о жа б̣раахман̣ий жа сод̇аабад̇д̇ипалз бад̇идтахим̣сууд̇и.
776-8. Tato parāsaṃ tissannaṃ gāthānaṃ ayaṃ saṅkhepattho – yo etaṃ sālikkhettādiṃ khettaṃ vā gharavatthādiṃ vatthuṃ vā kahāpaṇasaṅkhātaṃ hiraññaṃ vā goassabhedaṃ gavāssaṃ vā itthisaññikā thiyo vā ñātibandhavādī bandhū vā aññe vā manāpiyarūpādī puthu kāme anugijjhati, taṃ puggalaṃ abalasaṅkhātā kilesā balīyanti sahanti maddanti, saddhābalādivirahena vā abalaṃ taṃ puggalaṃ abalā kilesā balīyanti, abalattā balīyantīti attho. Atha taṃ kāmagiddhaṃ kāme rakkhantaṃ pariyesantañca sīhādayo ca pākaṭaparissayā kāyaduccaritādayo ca apākaṭaparissayā maddanti, tato apākaṭaparissayehi abhibhūtaṃ taṃ puggalaṃ jātiādidukkhaṃ bhinnaṃ nāvaṃ udakaṃ viya anveti. Tasmā kāyagatāsatiādibhāvanāya jantu sadā sato hutvā vikkhambhanasamucchedavasena rūpādīsu vatthukāmesu sabbappakārampi kilesakāmaṃ parivajjento kāmāni parivajjaye. Evaṃ te kāme pahāya tappahānakaramaggeneva catubbidhampi tare oghaṃ tareyya tarituṃ sakkuṇeyya. Tato yathā puriso udakagarukaṃ nāvaṃ siñcitvā lahukāya nāvāya appakasireneva pāragū bhaveyya, pāraṃ gaccheyya, evameva attabhāvanāvaṃ kilesūdakagarukaṃ siñcitvā lahukena attabhāvena pāragū bhaveyya, sabbadhammapāraṃ nibbānaṃ gato bhaveyya, arahattappattiyā gaccheyya ca, anupādisesāya nibbānadhātuyā parinibbātīti arahattanikūṭena desanaṃ niṭṭhāpesi. Desanāpariyosāne brāhmaṇo ca brāhmaṇī ca sotāpattiphale patiṭṭhahiṃsūti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа гаамасуд̇д̇аван̣н̣анаа нидтид̇аа.
Suttanipāta-aṭṭhakathāya kāmasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 1. гаамасуд̇д̇ам̣ • 1. Kāmasuttaṃ
