| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೮. ಕಾಮಸುತ್ತವಣ್ಣನಾ
8. Kāmasuttavaṇṇanā
೭೮. ‘‘ಅತ್ತಕಾಮೋ’’ತಿ ಪಾಳಿಯಂ ವುತ್ತತ್ತಾ ಆಹ ‘‘ಠಪೇತ್ವಾ ಸಬ್ಬಬೋಧಿಸತ್ತೇ’’ತಿ। ತೇ ಹಿ ಸಬ್ಬಸೋ ಪರತ್ಥಾಯ ಏವ ಪಟಿಪಜ್ಜಮಾನಾ ಮಹಾಕಾರುಣಿಕಾ ಪರತ್ಥಕಾಮಾ, ಅತ್ಥಕಾಮಾ ನಾಮ ನ ಹೋನ್ತಿ, ಯಾ ಚ ತೇಸಂ ಅತ್ತತ್ಥಾವಹಾ ಪಟಿಪತ್ತಿ, ಸಾಪಿ ಯಾವದೇವ ಪರತ್ಥಾ ಏವಾತಿ। ವುತ್ತಂ ಪೋರಾಣಟ್ಠಕಥಾಯಂ। ಯಸ್ಮಾ ಬೋಧಿಸತ್ತಾ ಪರಹಿತಪಟಿಪತ್ತಿಯಾ ಪಾರಮಿಯೋ ಪೂರೇನ್ತಾ ತಥಾರೂಪಂ ಕಾರಣಂ ಪತ್ವಾ ಅತ್ತಾನಂ ಪರೇಸಂ ಪರಿಚ್ಚಜನ್ತಿ ಪಞ್ಞಾಪಾರಮಿಯಾ ಪರಿಪೂರಣತೋ, ತಸ್ಮಾ ಇಧಾಪಿ ‘‘ಸಬ್ಬಬೋಧಿಸತ್ತೇ ಠಪೇತ್ವಾಯೇವಾತಿ ವುತ್ತ’’ನ್ತಿ ಆಹ। ಕಲ್ಯಾಣನ್ತಿ ಭದ್ದಕಂ। ವಾಚಾಯ ಅಧಿಪ್ಪೇತತ್ತಾ ಆಹ ‘‘ಸಣ್ಹಂ ಮುದುಕ’’ನ್ತಿ। ಪಾಪಿಕನ್ತಿ ಲಾಮಕಂ ನಿಹೀನಂ। ತಂ ಪನ ಫರುಸಂ ವಾಚನ್ತಿ ಸರೂಪತೋ ದಸ್ಸೇತಿ।
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
ಕಾಮಸುತ್ತವಣ್ಣನಾ ನಿಟ್ಠಿತಾ।
Kāmasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಕಾಮಸುತ್ತಂ • 8. Kāmasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ಕಾಮಸುತ್ತವಣ್ಣನಾ • 8. Kāmasuttavaṇṇanā
