| Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૭. કામયોગસુત્તં
7. Kāmayogasuttaṃ
૯૬. વુત્તઞ્હેતં ભગવતા, વુત્તમરહતાતિ મે સુતં –
96. Vuttañhetaṃ bhagavatā, vuttamarahatāti me sutaṃ –
‘‘કામયોગયુત્તો, ભિક્ખવે, ભવયોગયુત્તો આગામી હોતિ આગન્તા 1 ઇત્થત્તં. કામયોગવિસંયુત્તો, ભિક્ખવે, ભવયોગયુત્તો અનાગામી હોતિ અનાગન્તા ઇત્થત્તં. કામયોગવિસંયુત્તો, ભિક્ખવે, ભવયોગવિસંયુત્તો અરહા હોતિ, ખીણાસવો’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Kāmayogayutto, bhikkhave, bhavayogayutto āgāmī hoti āgantā 2 itthattaṃ. Kāmayogavisaṃyutto, bhikkhave, bhavayogayutto anāgāmī hoti anāgantā itthattaṃ. Kāmayogavisaṃyutto, bhikkhave, bhavayogavisaṃyutto arahā hoti, khīṇāsavo’’ti. Etamatthaṃ bhagavā avoca. Tatthetaṃ iti vuccati –
‘‘કામયોગેન સંયુત્તા, ભવયોગેન ચૂભયં;
‘‘Kāmayogena saṃyuttā, bhavayogena cūbhayaṃ;
સત્તા ગચ્છન્તિ સંસારં, જાતિમરણગામિનો.
Sattā gacchanti saṃsāraṃ, jātimaraṇagāmino.
‘‘યે ચ કામે પહન્ત્વાન, અપ્પત્તા આસવક્ખયં;
‘‘Ye ca kāme pahantvāna, appattā āsavakkhayaṃ;
ભવયોગેન સંયુત્તા, અનાગામીતિ વુચ્ચરે.
Bhavayogena saṃyuttā, anāgāmīti vuccare.
‘‘યે ચ ખો છિન્નસંસયા, ખીણમાનપુનબ્ભવા;
‘‘Ye ca kho chinnasaṃsayā, khīṇamānapunabbhavā;
તે વે પારઙ્ગતા લોકે, યે પત્તા આસવક્ખય’’ન્તિ.
Te ve pāraṅgatā loke, ye pattā āsavakkhaya’’nti.
અયમ્પિ અત્થો વુત્તો ભગવતા, ઇતિ મે સુતન્તિ. સત્તમં.
Ayampi attho vutto bhagavatā, iti me sutanti. Sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૭. કામયોગસુત્તવણ્ણના • 7. Kāmayogasuttavaṇṇanā
