| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૧૦. કમ્બોજસુત્તવણ્ણના
10. Kambojasuttavaṇṇanā
૮૦. દસમે નેવ સભાયં નિસીદતીતિ વિનિચ્છયકરણત્થં વિનિચ્છયસભાયં નેવ નિસીદતિ . ન કમ્મન્તં પયોજેતીતિ કસિવણિજ્જાદિમહાકમ્મન્તં નપ્પયોજેતિ. ન કમ્બોજં ગચ્છતીતિ ભોગે સમ્ભરણત્થાય કમ્બોજરટ્ઠં ન ગચ્છતિ. દેસનામત્તમેવ ચેતં, યં કિઞ્ચિ તિરોરટ્ઠં ન ગચ્છતીતિ અત્થો. કોધનોતિઆદીસુ કોધનતાય કોધપરિયુટ્ઠિતો અત્થાનત્થં ન જાનાતિ, ઇસ્સુકિતાય પરસમ્પત્તિં ન સહતિ, મચ્છરિતાય ધનં દત્વા કિચ્ચં કાતું ન સક્કોતિ, નિપ્પઞ્ઞતાય કિચ્ચં સંવિધાતું ન સક્કોતિ. તસ્મા એતાનિ સભાનિસીદનાદીનિ ન કરોતીતિ.
80. Dasame neva sabhāyaṃ nisīdatīti vinicchayakaraṇatthaṃ vinicchayasabhāyaṃ neva nisīdati . Na kammantaṃ payojetīti kasivaṇijjādimahākammantaṃ nappayojeti. Na kambojaṃ gacchatīti bhoge sambharaṇatthāya kambojaraṭṭhaṃ na gacchati. Desanāmattameva cetaṃ, yaṃ kiñci tiroraṭṭhaṃ na gacchatīti attho. Kodhanotiādīsu kodhanatāya kodhapariyuṭṭhito atthānatthaṃ na jānāti, issukitāya parasampattiṃ na sahati, maccharitāya dhanaṃ datvā kiccaṃ kātuṃ na sakkoti, nippaññatāya kiccaṃ saṃvidhātuṃ na sakkoti. Tasmā etāni sabhānisīdanādīni na karotīti.
અપણ્ણકવગ્ગો તતિયો.
Apaṇṇakavaggo tatiyo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. કમ્બોજસુત્તં • 10. Kambojasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૯-૧૦. વણિજ્જસુત્તાદિવણ્ણના • 9-10. Vaṇijjasuttādivaṇṇanā
