| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. கம்மகதா²வண்ணனா
2. Kammakathāvaṇṇanā
633-635. இதா³னி கம்மகதா² நாம ஹோதி. தத்த² ‘‘நாஹங், பி⁴க்க²வே, ஸஞ்சேதனிகானங் கம்மான’’ந்தி (அ॰ நி॰ 10.217) ஸுத்தபத³ங் நிஸ்ஸாய ‘‘ஸப்³ப³ங் கம்மங் ஸவிபாக’’ந்தி யேஸங் லத்³தி⁴, ஸெய்யதா²பி மஹாஸங்கி⁴கானங்; தேஸங் ‘‘சேதனாஹங், பி⁴க்க²வே, கம்மங் வதா³மீ’’தி (அ॰ நி॰ 6.63) ஸத்தா²ரா அவிஸேஸேன சேதனா ‘‘கம்ம’’ந்தி வுத்தா; ஸா ச குஸலாகுஸலாவ ஸவிபாகா, அப்³யாகதா அவிபாகாதி இமங் விபா⁴க³ங் த³ஸ்ஸேதுங் ஸப்³ப³ங் கம்மந்தி புச்சா² ஸகவாதி³ஸ்ஸ, படிஞ்ஞா இதரஸ்ஸ. புன ஸப்³பா³ சேதனாதி பஞ்ஹேஸு அப்³யாகதங் ஸந்தா⁴ய படிக்கே²போ, குஸலாகுஸலே ஸந்தா⁴ய படிஞ்ஞா வேதி³தப்³பா³ . விபாகாப்³யாகதாதிஆதி³ ஸவிபாகாவிபாகசேதனங் ஸரூபேன த³ஸ்ஸேதுங் வுத்தங். ஸேஸமெத்த² உத்தானத்த²மேவ. ‘‘நாஹங், பி⁴க்க²வே’’தி ஸுத்தங் ஸதி பச்சயே தி³ட்ட²த⁴ம்மாதீ³ஸு விபாகபடிஸங்வேத³னங் ஸந்தா⁴ய வுத்தங், தஸ்மா அஸாத⁴கந்தி.
633-635. Idāni kammakathā nāma hoti. Tattha ‘‘nāhaṃ, bhikkhave, sañcetanikānaṃ kammāna’’nti (a. ni. 10.217) suttapadaṃ nissāya ‘‘sabbaṃ kammaṃ savipāka’’nti yesaṃ laddhi, seyyathāpi mahāsaṃghikānaṃ; tesaṃ ‘‘cetanāhaṃ, bhikkhave, kammaṃ vadāmī’’ti (a. ni. 6.63) satthārā avisesena cetanā ‘‘kamma’’nti vuttā; sā ca kusalākusalāva savipākā, abyākatā avipākāti imaṃ vibhāgaṃ dassetuṃ sabbaṃ kammanti pucchā sakavādissa, paṭiññā itarassa. Puna sabbā cetanāti pañhesu abyākataṃ sandhāya paṭikkhepo, kusalākusale sandhāya paṭiññā veditabbā . Vipākābyākatātiādi savipākāvipākacetanaṃ sarūpena dassetuṃ vuttaṃ. Sesamettha uttānatthameva. ‘‘Nāhaṃ, bhikkhave’’ti suttaṃ sati paccaye diṭṭhadhammādīsu vipākapaṭisaṃvedanaṃ sandhāya vuttaṃ, tasmā asādhakanti.
கம்மகதா²வண்ணனா.
Kammakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (117) 2. கம்மகதா² • (117) 2. Kammakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. கம்மகதா²வண்ணனா • 2. Kammakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. கம்மகதா²வண்ணனா • 2. Kammakathāvaṇṇanā
