A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    28. гамманид̣̇д̣̇зсаван̣н̣анаа

    28. Kammaniddesavaṇṇanā

    199. ад̇хаммагамманд̇и зд̇т̇а гат̇ам̣ ад̇хаммагаммам̣ ход̇ийд̇и жз? вуд̇д̇ан̃хзд̇ам̣ бхаг̇авад̇аа ‘‘гад̇аман̃жа, бхигкавз, ад̇хаммагаммам̣? н̃ад̇д̇ид̣̇уд̇ияз жз, бхигкавз, гаммз згааяа н̃ад̇д̇ияаа гаммам̣ гарод̇и, на жа гаммаваажам̣ ануссаавзд̇и, ад̇хаммагаммам̣. д̣̇вийхи н̃ад̇д̇ийхи гаммам̣ гарод̇и, на жа гаммаваажам̣ ануссаавзд̇и, ад̇хаммагаммам̣. згааяа гаммаваажааяа гаммам̣ гарод̇и, на жа н̃ад̇д̇им̣ табзд̇и, ад̇хаммагаммам̣. д̣̇вийхи гаммаваажаахи гаммам̣ гарод̇и, на жа н̃ад̇д̇им̣ табзд̇и, ад̇хаммагамма’’нд̇и (махаава. 387). иминаа наязна сзсагаммзсуби вуд̇д̇аббагаарзна агад̇ваа ан̃н̃ат̇аа гаран̣ам̣ ад̇хаммагамманд̇и взд̣̇ид̇аб̣б̣ам̣.

    199.Adhammakammanti ettha kathaṃ adhammakammaṃ hotīti ce? Vuttañhetaṃ bhagavatā ‘‘katamañca, bhikkhave, adhammakammaṃ? Ñattidutiye ce, bhikkhave, kamme ekāya ñattiyā kammaṃ karoti, na ca kammavācaṃ anussāveti, adhammakammaṃ. Dvīhi ñattīhi kammaṃ karoti, na ca kammavācaṃ anussāveti, adhammakammaṃ. Ekāya kammavācāya kammaṃ karoti, na ca ñattiṃ ṭhapeti, adhammakammaṃ. Dvīhi kammavācāhi kammaṃ karoti, na ca ñattiṃ ṭhapeti, adhammakamma’’nti (mahāva. 387). Iminā nayena sesakammesupi vuttappakārena akatvā aññathā karaṇaṃ adhammakammanti veditabbaṃ.

    ваг̇г̇знаад̇и ваг̇г̇зна сан̇гхзна. гат̇ан̃жа ваг̇г̇ам̣ ход̇ийд̇и жз? яаавад̇игаа жа бхигкуу гаммаббад̇д̇аа, д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, ваг̇г̇агамманд̇и имзсу язна гзнажи згзнаби ан̇г̇зна ваг̇г̇ам̣ ход̇и.

    Vaggenāti vaggena saṅghena. Kathañca vaggaṃ hotīti ce? Yāvatikā ca bhikkhū kammappattā, te anāgatā honti, chandārahānaṃ chando anāhaṭo hoti, sammukhībhūtā paṭikkosanti, vaggakammanti imesu yena kenaci ekenapi aṅgena vaggaṃ hoti.

    самаг̇г̇знаад̇и самаг̇г̇зна сан̇гхзна. гат̇ам̣ самаг̇г̇ам̣ ход̇ийд̇и жз? яаавад̇игаа жа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа наббадиггосанд̇и, самаг̇г̇агамманд̇и звам̣.

    Samaggenāti samaggena saṅghena. Kathaṃ samaggaṃ hotīti ce? Yāvatikā ca bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā nappaṭikkosanti, samaggakammanti evaṃ.

    жад̇уд̇т̇анд̇и самаг̇г̇зна д̇хаммигам̣. зд̇д̇аавад̇аа ‘‘жад̇д̇ааримаани, бхигкавз, гаммаани, ад̇хаммзна ваг̇г̇агаммам̣, ад̇хаммзна самаг̇г̇агаммам̣, д̇хаммзна ваг̇г̇агаммам̣, д̇хаммзна самаг̇г̇агамма’’нд̇и (махаава. 384) звам̣ вуд̇д̇аани жад̇д̇аари гаммаани бариг̇г̇ахид̇аани хонд̇ийд̇и взд̣̇ид̇аб̣б̣аани.

    Catutthanti samaggena dhammikaṃ. Ettāvatā ‘‘cattārimāni, bhikkhave, kammāni, adhammena vaggakammaṃ, adhammena samaggakammaṃ, dhammena vaggakammaṃ, dhammena samaggakamma’’nti (mahāva. 384) evaṃ vuttāni cattāri kammāni pariggahitāni hontīti veditabbāni.

    200-202. д̣̇асаваг̇г̇иго (махаава. 388; ган̇каа. адта. нид̣̇аанаван̣н̣анаа) вийсад̇иваг̇г̇иго жа д̣̇асавийсад̇иваг̇г̇иго. аб̣бхаанобасамбад̣̇ааббавааран̣аа табзд̇ваа саб̣б̣агаммзсу гаммаббад̇д̇од̇и самб̣анд̇хо. звам̣ сзсзсуби. ид̇арод̇и вийсад̇иваг̇г̇о жа ад̇ирзгавийсад̇иваг̇г̇о жа.

    200-202. Dasavaggiko (mahāva. 388; kaṅkhā. aṭṭha. nidānavaṇṇanā) vīsativaggiko ca dasavīsativaggiko. Abbhānopasampadāppavāraṇā ṭhapetvā sabbakammesu kammappattoti sambandho. Evaṃ sesesupi. Itaroti vīsativaggo ca atirekavīsativaggo ca.

    203. ид̣̇аани гаммаббад̇д̇з жа чанд̣̇аарахз жа д̣̇ассзд̇ум̣ ‘‘жад̇уваг̇г̇знаа’’д̇иаад̣̇и вуд̇д̇ам̣. д̇ад̇т̇а (бари. 488, 497; бари. 487-488) багад̇ад̇д̇аа наама яз баарааж̇игаугкид̇д̇алад̣̇д̇хинаанаасам̣ваасагаа на хонд̇и. барзд̇и згасиймадтаа багад̇ад̇д̇аа бхигкуу. яад̣̇и багад̇ад̇д̇аа бхигкууби ан̃н̃ад̇арам̣ г̇аамасиймам̣ ваа над̣̇ийсамуд̣̇д̣̇аж̇аад̇ассаракан̣д̣асиймаасу ваа ан̃н̃ад̇арам̣ бависид̇ваа тид̇аа хонд̇и, нзва гаммаббад̇д̇аа, на чанд̣̇аарахаа. на хи д̇зсам̣ чанд̣̇о ваа баарисуд̣̇д̇хи ваа ааг̇ажчад̇и ан̃н̃асиймааяам̣ тид̇ад̇д̇аа. сзсзбийд̇и бан̃жаваг̇г̇аад̣̇игаран̣ийязбийд̇и ад̇т̇о.

    203. Idāni kammappatte ca chandārahe ca dassetuṃ ‘‘catuvaggenā’’tiādi vuttaṃ. Tattha (pari. 488, 497; pari. 487-488) pakatattā nāma ye pārājikaukkhittaladdhinānāsaṃvāsakā na honti. Pareti ekasīmaṭṭhā pakatattā bhikkhū. Yadi pakatattā bhikkhūpi aññataraṃ gāmasīmaṃ vā nadīsamuddajātassarakhaṇḍasīmāsu vā aññataraṃ pavisitvā ṭhitā honti, neva kammappattā, na chandārahā. Na hi tesaṃ chando vā pārisuddhi vā āgacchati aññasīmāyaṃ ṭhitattā. Sesepīti pañcavaggādikaraṇīyepīti attho.

    204. асам̣ваасаг̇ан̣абуурам̣ ваа гад̇ваа гад̇ам̣ гаммам̣ губбан̃жа ход̇и, гаарагаанан̃жа д̣̇уггаданд̇и ад̇т̇о. ‘‘яасса сан̇гхо гаммам̣ гарод̇и, д̇ам̣жад̇уд̇т̇о гаммам̣ гарзяяа, агаммам̣ на жа гаран̣ийяа’’нд̇и (махаава. 389) вуд̇д̇ад̇д̇аа ‘‘гаммаарахаг̇ан̣абуурам̣ ваа’’д̇и вуд̇д̇ам̣. ид̣̇аани бариваасаад̣̇игаммаанам̣язва барисад̇о вибад̇д̇им̣ д̣̇ассзд̇ум̣ ‘‘г̇аругадтаг̇ан̣абуурам̣ ваа’’д̇и вуд̇д̇ам̣. д̇амби анигкид̇д̇авад̇д̇ам̣ санд̇хааяа вуд̇д̇ам̣. нигкид̇д̇авад̇д̇о бана саб̣б̣ад̇т̇а г̇ан̣абуураго ход̇и зва.

    204. Asaṃvāsagaṇapūraṃ vā katvā kataṃ kammaṃ kuppañca hoti, kārakānañca dukkaṭanti attho. ‘‘Yassa saṅgho kammaṃ karoti, taṃcatuttho kammaṃ kareyya, akammaṃ na ca karaṇīya’’nti (mahāva. 389) vuttattā ‘‘kammārahagaṇapūraṃ vā’’ti vuttaṃ. Idāni parivāsādikammānaṃyeva parisato vipattiṃ dassetuṃ ‘‘garukaṭṭhagaṇapūraṃ vā’’ti vuttaṃ. Tampi anikkhittavattaṃ sandhāya vuttaṃ. Nikkhittavatto pana sabbattha gaṇapūrako hoti eva.

    205. ваарзяяаад̇и бадигкибзяяа. ‘‘ануж̇аанаами, бхигкавз, ад̇хаммагаммз гаяирамаанз бадиггосид̇у’’нд̇и (махаава. 154) хи вуд̇д̇ам̣. анд̇арааяз сад̇ийд̇и ад̇т̇о. ‘‘ад̇хаммагаммам̣ ид̣̇ам̣, на мзд̇ам̣ камад̇ий’’д̇и звам̣ д̣̇вз д̇аяо ан̃н̃аман̃н̃ам̣ д̣̇идтим̣ аави гарзяяунд̇и ад̇т̇о. яад̣̇и зго ход̇и, ‘‘на мзд̇ам̣ камад̇ий’’д̇и звам̣ ад̇хидтаанам̣ гарзяяаад̇и ад̇т̇о. зд̇д̇аавад̇аа зд̇з нираабад̇д̇игаа хонд̇и, анд̇арааяаа жа мужжанд̇и, гаммам̣ бана ад̇хаммад̇д̇аа губбамзва. ваарзнд̇зва д̇ад̇од̇хигаад̇и зд̇т̇а ‘‘ануж̇аанаами, бхигкавз, жад̇уухи бан̃жахи бадиггосид̇ум̣, д̣̇вийхи д̇ийхи д̣̇идтим̣ аави гаад̇ум̣, згзна ад̇хидтаад̇ум̣, ‘‘на мзд̇ам̣ камад̇ий’’д̇и (махаава. 154) вуд̇д̇ад̇д̇аа жад̇д̇ааро ваа бан̃жа ваа ваарзнд̇и зваад̇и ад̇т̇о.

    205.Vāreyyāti paṭikkhipeyya. ‘‘Anujānāmi, bhikkhave, adhammakamme kayiramāne paṭikkositu’’nti (mahāva. 154) hi vuttaṃ. Antarāye satīti attho. ‘‘Adhammakammaṃ idaṃ, na metaṃ khamatī’’ti evaṃ dve tayo aññamaññaṃ diṭṭhiṃ āvi kareyyunti attho. Yadi eko hoti, ‘‘na metaṃ khamatī’’ti evaṃ adhiṭṭhānaṃ kareyyāti attho. Ettāvatā ete nirāpattikā honti, antarāyā ca muccanti, kammaṃ pana adhammattā kuppameva. Vārenteva tatodhikāti ettha ‘‘anujānāmi, bhikkhave, catūhi pañcahi paṭikkosituṃ, dvīhi tīhi diṭṭhiṃ āvi kātuṃ, ekena adhiṭṭhātuṃ, ‘‘na metaṃ khamatī’’ti (mahāva. 154) vuttattā cattāro vā pañca vā vārenti evāti attho.

    206. ид̣̇аани язхи бадигкид̇д̇ам̣ ход̇и, д̇з д̣̇ассзд̇ум̣ ‘‘гаммаарахаа’’д̇иаад̣̇и вуд̇д̇ам̣. д̇ад̇т̇а кид̇д̇ажид̇д̇а-г̇г̇ахан̣зна уммад̇д̇агоби г̇ахид̇ова. зд̇зсанд̇и яз вуд̇д̇аббагаараа, д̇зсам̣ бадигкзбо на рухад̇ийд̇и ад̇т̇о.

    206. Idāni yehi paṭikkhittaṃ hoti, te dassetuṃ ‘‘kammārahā’’tiādi vuttaṃ. Tattha khittacitta-ggahaṇena ummattakopi gahitova. Etesanti ye vuttappakārā, tesaṃ paṭikkhepo na ruhatīti attho.

    207. ид̣̇аани яасса бадигкзбо рухад̇и, д̇ам̣ д̣̇ассзд̇ум̣ ‘‘багад̇ад̇д̇згасиймадта-самасам̣ваасабхигкуно’’д̇и вуд̇д̇ам̣. д̇ассад̇т̇о (махаава. 394) – зваруубасса бхигкуно бадиггосанаа анд̇амасо аананд̇арассааби аарожзнд̇асса рухад̇ийд̇и. ‘‘бхигкусса, бхигкавз , багад̇ад̇д̇асса самаанасам̣ваасигасса самаанасиймааяам̣ тид̇асса анд̇амасо аананд̇аригассаби бхигкуно вин̃н̃аабзнд̇асса сан̇гхамаж̇жхз бадиггосанаа рухад̇ий’’д̇и (махаава. 394) вуд̇д̇ам̣.

    207. Idāni yassa paṭikkhepo ruhati, taṃ dassetuṃ ‘‘pakatattekasīmaṭṭha-samasaṃvāsabhikkhuno’’ti vuttaṃ. Tassattho (mahāva. 394) – evarūpassa bhikkhuno paṭikkosanā antamaso ānantarassāpi ārocentassa ruhatīti. ‘‘Bhikkhussa, bhikkhave , pakatattassa samānasaṃvāsikassa samānasīmāyaṃ ṭhitassa antamaso ānantarikassapi bhikkhuno viññāpentassa saṅghamajjhe paṭikkosanā ruhatī’’ti (mahāva. 394) vuttaṃ.

    208. саммукаа яад̣̇и бадиггосзяяаад̇и ад̇т̇о. д̇ирогкаад̇и бараммукаа. гааяасаамаг̇г̇им̣ ваа чанд̣̇ам̣ ваа но д̣̇ад̣̇зяяа, д̣̇уггаданд̇и ад̇т̇о. гаммавинижчаяо.

    208. Sammukhā yadi paṭikkoseyyāti attho. Tirokkhāti parammukhā. Kāyasāmaggiṃ vā chandaṃ vā no dadeyya, dukkaṭanti attho. Kammavinicchayo.

    гамманид̣̇д̣̇зсаван̣н̣анаа нидтид̇аа.

    Kammaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact