| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
35. гаммаарабхан̣д̣увад̇т̇уаад̣̇игат̇аа
35. Kammārabhaṇḍuvatthuādikathā
98. д̇улаад̇хаарамун̣д̣агод̇и маанабхан̣д̣ад̇хааро мун̣д̣аго. иминаа гаммаарабхан̣д̣ууд̇и зд̇т̇а гаммаарасад̣̇д̣̇о д̇улаад̇хаарабарияааяо, бхан̣д̣усад̣̇д̣̇о мун̣д̣агабарияааяод̇и д̣̇ассзд̇и. д̇улаад̇хааро хи алан̇гааравигад̇игаран̣ад̇т̇ааяа гаммам̣ арад̇и ж̇аанаад̇ийд̇и гаммаарод̇и вужжад̇и. мун̣д̣аго бхан̣д̣ийяад̇и ‘‘мун̣д̣о’’д̇и барибхаасийяад̇ийд̇и бхан̣д̣ууд̇и вужжад̇и. ‘‘суван̣н̣агаарабуд̇д̇о’’д̇и иминаа д̇асса саруубам̣ д̣̇ассзд̇и. абалогзд̇унд̇и зд̇т̇а абабуб̣б̣о логасад̣̇д̣̇о аабужчанад̇т̇од̇и ааха ‘‘аабужчид̇у’’нд̇и. ‘‘бхан̣д̣угаммад̇т̇ааяаа’’д̇и иминаа бхан̣д̣угаммааяаад̇и зд̇т̇а д̇ад̣̇ад̇т̇з жад̇уд̇т̇ийд̇и д̣̇ассзд̇и. д̇ад̇раад̇и ‘‘сан̇гхам̣ абалогзд̇у’’нд̇иаад̣̇иважанз. сиймаабарияаабаннзд̇и вихаарасиймааяа ваа убажаарасиймааяа ваа барияаабаннз. д̇ад̇т̇аад̇и бхигкуунам̣ саннибаад̇адтаанам̣. зд̇т̇а жаад̇и аабужчанз жа. вад̇д̇ум̣ ваддад̇иязваад̇и бан̃жасу ваагязсу яам̣гин̃жи ваагяам̣ гат̇зд̇ум̣ ваддад̇иязва. бисад̣̇д̣̇зна ‘‘имасса мун̣д̣агаммам̣ аабужчаамий’’д̇и ваагяамби сан̇г̇ан̣хаад̇и.
98.Tulādhāramuṇḍakoti mānabhaṇḍadhāro muṇḍako. Iminā kammārabhaṇḍūti ettha kammārasaddo tulādhārapariyāyo, bhaṇḍusaddo muṇḍakapariyāyoti dasseti. Tulādhāro hi alaṅkāravikatikaraṇatthāya kammaṃ arati jānātīti kammāroti vuccati. Muṇḍako bhaṇḍīyati ‘‘muṇḍo’’ti paribhāsīyatīti bhaṇḍūti vuccati. ‘‘Suvaṇṇakāraputto’’ti iminā tassa sarūpaṃ dasseti. Apaloketunti ettha apapubbo lokasaddo āpucchanatthoti āha ‘‘āpucchitu’’nti. ‘‘Bhaṇḍukammatthāyā’’ti iminā bhaṇḍukammāyāti ettha tadatthe catutthīti dasseti. Tatrāti ‘‘saṅghaṃ apaloketu’’ntiādivacane. Sīmāpariyāpanneti vihārasīmāya vā upacārasīmāya vā pariyāpanne. Tatthāti bhikkhūnaṃ sannipātaṭṭhānaṃ. Ettha cāti āpucchane ca. Vattuṃ vaṭṭatiyevāti pañcasu vākyesu yaṃkiñci vākyaṃ kathetuṃ vaṭṭatiyeva. Pisaddena ‘‘imassa muṇḍakammaṃ āpucchāmī’’ti vākyampi saṅgaṇhāti.
д̇зсанд̇и вийсад̇иаад̣̇ийнам̣ бхигкуунам̣. ‘‘д̣̇ахарабхигкуу ваа сааман̣зрз ваа’’д̇и ид̣̇ам̣ аасаннавасзна вуд̇д̇ам̣. г̇ихимби бзсзд̇ваа аабужчаабзд̇ум̣ ваддад̇и. гасмаа? ‘‘баб̣б̣аж̇ж̇аабзгкам̣ винаа ваа’’д̇и вуд̇д̇ад̇д̇аа.
Tesanti vīsatiādīnaṃ bhikkhūnaṃ. ‘‘Daharabhikkhū vā sāmaṇere vā’’ti idaṃ āsannavasena vuttaṃ. Gihimpi pesetvā āpucchāpetuṃ vaṭṭati. Kasmā? ‘‘Pabbajjāpekkhaṃ vinā vā’’ti vuttattā.
баб̣б̣ааж̇знд̇асса анаабад̇д̇иязва, субаб̣б̣аж̇ид̇од̇и ааха ‘‘баб̣б̣ааж̇знд̇ассааби анаабад̇д̇ий’’д̇и.
Pabbājentassa anāpattiyeva, supabbajitoti āha ‘‘pabbājentassāpi anāpattī’’ti.
аабужчид̇ам̣ баг̇зваад̇и яож̇анаа. кан̣д̣асиймааяанд̇и вихаарасиймааяа ваа убажаарасиймааяа ваа аб̣бханд̇арз тид̇ааяам̣ кан̣д̣асиймааяам̣. яо банаад̇и баб̣б̣аж̇ж̇аабзгко бана. виб̣бханд̇аго ваад̇и нававиб̣бханд̇аго ваа. баб̣б̣аж̇ид̇аанам̣ д̣̇ван̇г̇улагзсо ваддад̇ийд̇и ааха ‘‘д̣̇ван̇г̇улагзсо ваа’’д̇и. д̣̇вийхи ан̇г̇улийхи ад̇ирид̇д̇о гзсо имассаад̇и д̣̇ван̇г̇улаад̇ирид̇д̇агзсо. згасикаамад̇д̇ад̇хароби ход̇ийд̇и яож̇анаа.
Āpucchitaṃ pagevāti yojanā. Khaṇḍasīmāyanti vihārasīmāya vā upacārasīmāya vā abbhantare ṭhitāyaṃ khaṇḍasīmāyaṃ. Yo panāti pabbajjāpekkho pana. Vibbhantako vāti navavibbhantako vā. Pabbajitānaṃ dvaṅgulakeso vaṭṭatīti āha ‘‘dvaṅgulakeso vā’’ti. Dvīhi aṅgulīhi atiritto keso imassāti dvaṅgulātirittakeso. Ekasikhāmattadharopi hotīti yojanā.
100. маараб̣яаад̇хинаад̇и мааран̣ааб̣аад̇хо. со хи сад̇д̇аанам̣ мааран̣адтзна, вивид̇хасса жа д̣̇угкасса аад̣̇ахадтзна маараб̣яаад̇хийд̇и вужжад̇и. иминаа ахиваад̇агарог̇знаад̇и зд̇т̇а ахивисасад̣̇исзна ваад̇зна бавад̇д̇о рог̇о ахиваад̇агарог̇од̇и вужжад̇ийд̇и д̣̇ассзд̇и. д̇амад̇т̇ам̣ вид̇т̇аарзнд̇о ааха ‘‘яад̇ра хий’’д̇иаад̣̇и. д̇ад̇т̇а яад̇раад̇и яасмим̣ гулз. со рог̇о д̇асмим̣ гулз д̣̇вибад̣̇з жад̇уббад̣̇з батамам̣ г̇ан̣хаад̇и, бажчаа г̇зхасаамигз г̇ан̣хаад̇ийд̇и д̇хаммабад̣̇аадтагат̇ааяам̣ (д̇ха. ба. адта. 1.саамаавад̇ийвад̇т̇у) вуд̇д̇ам̣. д̇ат̇аад̇и яат̇аа ан̃н̃о бхид̇д̇им̣ ваа чад̣̇анам̣ ваа бхинд̣̇ид̇ваа балааяид̇ваа д̇ирог̇аамаад̣̇иг̇ад̇о ваа худ̇ваа мужжад̇и, д̇ат̇аа. зд̇т̇а жа гулз бид̇аабуд̇д̇аа мужжим̣сууд̇и ад̇т̇о.
100.Mārabyādhināti māraṇābādho. So hi sattānaṃ māraṇaṭṭhena, vividhassa ca dukkhassa ādahaṭṭhena mārabyādhīti vuccati. Iminā ahivātakarogenāti ettha ahivisasadisena vātena pavatto rogo ahivātakarogoti vuccatīti dasseti. Tamatthaṃ vitthārento āha ‘‘yatra hī’’tiādi. Tattha yatrāti yasmiṃ kule. So rogo tasmiṃ kule dvipade catuppade paṭhamaṃ gaṇhāti, pacchā gehasāmike gaṇhātīti dhammapadaaṭṭhakathāyaṃ (dha. pa. aṭṭha. 1.sāmāvatīvatthu) vuttaṃ. Tathāti yathā añño bhittiṃ vā chadanaṃ vā bhinditvā palāyitvā tirogāmādigato vā hutvā muccati, tathā. Ettha ca kule pitāputtā mucciṃsūti attho.
гаагуд̣д̣збаганд̇и зд̇т̇а гаагз уд̣д̣аабзд̇ийд̇и гаагуд̣д̣збаго, гаагз ваа уд̣д̣аабзд̇ваа бхад̇д̇ам̣ бхун̃ж̇ид̇ум̣ саггод̇ийд̇и гаагуд̣д̣збагод̇и важанад̇т̇ам̣ д̣̇ассзнд̇о ааха ‘‘яо ваамахад̇т̇знаа’’д̇иаад̣̇и. д̇ад̇т̇а уд̣д̣аабзд̇ваад̇и уд̣̇д̇хам̣ аагаасам̣ г̇аманаабзд̇ваа. д̇анд̇и гаагуд̣д̣збагам̣.
Kākuḍḍepakanti ettha kāke uḍḍāpetīti kākuḍḍepako, kāke vā uḍḍāpetvā bhattaṃ bhuñjituṃ sakkotīti kākuḍḍepakoti vacanatthaṃ dassento āha ‘‘yo vāmahatthenā’’tiādi. Tattha uḍḍāpetvāti uddhaṃ ākāsaṃ gamanāpetvā. Tanti kākuḍḍepakaṃ.
102. ид̇д̇арасад̣̇д̣̇о аббамад̇д̇агаваажаго анибпаннабаадибад̣̇игод̇и ааха ‘‘аббамад̇д̇аго’’д̇и. ‘‘гад̇ибаахамзваа’’д̇и иминаа д̇асса ад̇т̇ам̣ д̣̇ассзд̇и.
102.Ittarasaddo appamattakavācako anipphannapāṭipadikoti āha ‘‘appamattako’’ti. ‘‘Katipāhamevā’’ti iminā tassa atthaṃ dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
35. гаммаарабхан̣д̣увад̇т̇у • 35. Kammārabhaṇḍuvatthu
37. ахиваад̇агарог̇авад̇т̇у • 37. Ahivātakarogavatthu
39. аахунд̣̇аригавад̇т̇у • 39. Āhundarikavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гаммаарабхан̣д̣увад̇т̇аад̣̇игат̇аа • Kammārabhaṇḍuvatthādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
