| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
бан̃жаваг̇г̇о
Pañcavaggo
гаммаваг̇г̇аван̣н̣анаа
Kammavaggavaṇṇanā
482. гаммаваг̇г̇з ‘‘г̇ан̣анабарижчзд̣̇аважана’’нд̇и иминаа на бамаан̣аважананд̇и д̣̇ассзд̇и. иминаа гаммаанам̣ д̇ад̇о уунаад̇ирзгабхаавам̣ ниваарзд̇и. г̇ан̣ияад̇з г̇ан̣анам̣, барижчиж̇ж̇ад̇и анзнаад̇и барижчзд̣̇о, г̇ан̣анасса барижчзд̣̇о г̇ан̣анабарижчзд̣̇о. ат̇а ваа г̇ан̣ияад̇и анзнаад̇и г̇ан̣анам̣, д̇амзва барижчзд̣̇о г̇ан̣анабарижчзд̣̇о, соязва важанам̣ г̇ан̣анабарижчзд̣̇аважанам̣. абалоганагаммам̣ наамаад̇и гад̇д̇аб̣б̣ам̣ гамманд̇и самб̣анд̇хо. вуд̇д̇анаязнзваад̇и ‘‘сиймадтагасан̇гхам̣ сод̇хзд̇ваа чанд̣̇аарахаанам̣ чанд̣̇ам̣ аахарид̇ваа’’д̇и вуд̇д̇зна зва наязна.
482. Kammavagge ‘‘gaṇanaparicchedavacana’’nti iminā na pamāṇavacananti dasseti. Iminā kammānaṃ tato ūnātirekabhāvaṃ nivāreti. Gaṇiyate gaṇanaṃ, paricchijjati anenāti paricchedo, gaṇanassa paricchedo gaṇanaparicchedo. Atha vā gaṇiyati anenāti gaṇanaṃ, tameva paricchedo gaṇanaparicchedo, soyeva vacanaṃ gaṇanaparicchedavacanaṃ. Apalokanakammaṃ nāmāti kattabbaṃ kammanti sambandho. Vuttanayenevāti ‘‘sīmaṭṭhakasaṅghaṃ sodhetvā chandārahānaṃ chandaṃ āharitvā’’ti vuttena eva nayena.
д̇ад̇т̇аад̇и жад̇уусу гаммзсу, н̃ад̇д̇ид̣̇уд̇ияагаммам̣ бана ад̇т̇ийд̇и самб̣анд̇хо.
Tatthāti catūsu kammesu, ñattidutiyakammaṃ pana atthīti sambandho.
д̇ад̇т̇аад̇и д̣̇вийсу гаммзсу. авасзсаад̇и чахи гаммзхи авасзсаа. яад̣̇и баривад̇д̇зд̇ваа гад̇ам̣ д̣̇ал̣хийгаммам̣ на ход̇и, звам̣ сад̇и д̣̇ал̣хийгаммад̇т̇ааяа гинд̇и гаад̇аб̣б̣анд̇и ааха ‘‘сажз банаа’’д̇иаад̣̇и. д̇ад̇т̇а ‘‘агкарабарихийнам̣ ваа бад̣̇абарихийнам̣ ваа’’д̇и ид̣̇ам̣ агкарабад̣̇аанам̣ г̇ал̣ид̇ам̣ санд̇хааяа вуд̇д̇ам̣. ‘‘д̣̇уруд̇д̇абад̣̇ам̣ ваа’’д̇и ид̣̇ам̣ сит̇илад̇ханид̇аад̣̇иабарибун̣н̣ам̣ санд̇хааяа вуд̇д̇ам̣. зд̇т̇а ‘‘д̣̇уруд̇д̇агкарам̣ ваа’’д̇и аж̇жхаахарид̇аб̣б̣ам̣. ид̣̇анд̇и бунаббунам̣ важанам̣. гаммам̣ худ̇ваад̇и сугаммам̣ худ̇ваа.
Tatthāti dvīsu kammesu. Avasesāti chahi kammehi avasesā. Yadi parivattetvā kataṃ daḷhīkammaṃ na hoti, evaṃ sati daḷhīkammatthāya kinti kātabbanti āha ‘‘sace panā’’tiādi. Tattha ‘‘akkharaparihīnaṃ vā padaparihīnaṃ vā’’ti idaṃ akkharapadānaṃ gaḷitaṃ sandhāya vuttaṃ. ‘‘Duruttapadaṃ vā’’ti idaṃ sithiladhanitādiaparipuṇṇaṃ sandhāya vuttaṃ. Ettha ‘‘duruttakkharaṃ vā’’ti ajjhāharitabbaṃ. Idanti punappunaṃ vacanaṃ. Kammaṃ hutvāti sukammaṃ hutvā.
483. саммукаагаран̣ийяаасаммукаагаран̣ийязсу асаммукаагаран̣ийяаани аббагад̇д̇аа батамам̣ д̣̇ассзд̇ваа сзсаанам̣ саммукаагаран̣ийяабхаавам̣ д̣̇ассзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇зсу д̣̇вийсу, асаммукаагаран̣ийяам̣ наама адтавид̇хам̣ ход̇ийд̇и самб̣анд̇хо. д̇ад̇т̇а д̇ад̇т̇аад̇и д̇зсу д̇зсу канд̇хагзсу. ‘‘сугад̇ам̣ ход̇ий’’д̇и важанасаамад̇т̇ияад̇о саммукаагад̇амби сугад̇ам̣ ход̇ийд̇и ад̇т̇оби г̇ахзд̇аб̣б̣о.
483. Sammukhākaraṇīyaasammukhākaraṇīyesu asammukhākaraṇīyāni appakattā paṭhamaṃ dassetvā sesānaṃ sammukhākaraṇīyabhāvaṃ dassento āha ‘‘tatthā’’tiādi. Tattha tatthāti tesu dvīsu, asammukhākaraṇīyaṃ nāma aṭṭhavidhaṃ hotīti sambandho. Tattha tatthāti tesu tesu khandhakesu. ‘‘Sukataṃ hotī’’ti vacanasāmatthiyato sammukhākatampi sukataṃ hotīti atthopi gahetabbo.
сзсаанийд̇и адтагаммзхи сзсаани. зд̇аанийд̇и гаммаани. вад̇т̇увибаннаанийд̇и вад̇т̇унаа вибаннаани.
Sesānīti aṭṭhakammehi sesāni. Etānīti kammāni. Vatthuvipannānīti vatthunā vipannāni.
д̇зсамбийд̇и бадибужчаагаран̣ийяаанамби. зд̇т̇аад̇и ‘‘бадибужчаагаран̣ийяа’’нд̇и бад̣̇з. ‘‘бужчид̇ваа’’д̇и иминаа бадибужчаад̇и бад̣̇асса д̇ваабажжаяанд̇абхаавам̣ д̣̇ассзд̇и. ‘‘гаад̇аб̣б̣а’’нд̇и иминаа гаран̣ийяанд̇и зд̇т̇а анийяасад̣̇д̣̇асса гаммад̇т̇абхаавам̣ д̣̇ассзд̇и. яат̇аад̣̇иннааяаахи жуд̣̇ид̇агзна яат̇аад̣̇иннааяа. виббалабанд̇ассаад̇и вигаарзна яам̣ ваа д̇ам̣ ваа важанам̣ балабанд̇асса жуд̣̇ид̇агассаад̇и самб̣анд̇хо. саб̣б̣ад̇т̇аад̇и саб̣б̣зсу ‘‘д̇аж̇ж̇анийяагаммаарахассаа’’д̇иаад̣̇ийсу.
Tesampīti paṭipucchākaraṇīyānampi. Etthāti ‘‘paṭipucchākaraṇīya’’nti pade. ‘‘Pucchitvā’’ti iminā paṭipucchāti padassa tvāpaccayantabhāvaṃ dasseti. ‘‘Kātabba’’nti iminā karaṇīyanti ettha anīyasaddassa kammatthabhāvaṃ dasseti. Yathādinnāyāhi cuditakena yathādinnāya. Vippalapantassāti vikārena yaṃ vā taṃ vā vacanaṃ palapantassa cuditakassāti sambandho. Sabbatthāti sabbesu ‘‘tajjanīyakammārahassā’’tiādīsu.
анубосат̇ад̣̇ивасзд̇и убосат̇ад̣̇ивасад̇о ан̃н̃асмим̣ д̣̇ивасз. д̇амзвад̇т̇ам̣ д̣̇ассзнд̇о ааха ‘‘убосат̇ад̣̇ивасо наамаа’’д̇иаад̣̇и. гад̇д̇игамаасанд̇и бажчимагад̇д̇игамаасам̣. д̇асса бавааран̣амаасад̇д̇аа ‘‘табзд̇ваа’’д̇и вуд̇д̇ам̣. саамаг̇г̇ид̣̇ивасо жа яат̇аавуд̇д̇аа жаад̇уд̣̇д̣̇асабаннарасаа жа убосат̇ад̣̇ивасо наамаад̇и яож̇анаа. яад̇рахийд̇и яасмим̣ бана вихаарз, табзнд̇ийд̇и самб̣анд̇хо. анд̇араад̇и жаад̇уд̣̇д̣̇асийбаннарасийнам̣ маж̇жхз.
Anuposathadivaseti uposathadivasato aññasmiṃ divase. Tamevatthaṃ dassento āha ‘‘uposathadivaso nāmā’’tiādi. Kattikamāsanti pacchimakattikamāsaṃ. Tassa pavāraṇamāsattā ‘‘ṭhapetvā’’ti vuttaṃ. Sāmaggidivaso ca yathāvuttā cātuddasapannarasā ca uposathadivaso nāmāti yojanā. Yatrahīti yasmiṃ pana vihāre, ṭhapentīti sambandho. Antarāti cātuddasīpannarasīnaṃ majjhe.
бажжуггад̣дхид̇ваа табид̇ад̣̇ивасод̇и бажчаа убари гад̣дхид̇ваа табид̇ам̣ гад̇д̇игагаал̣абагкажаад̇уд̣̇д̣̇асим̣ ваа бан̃жад̣̇асим̣ ваа санд̇хааяа вуд̇д̇ам̣. ид̇хаабийд̇и абавааран̣ааяа бавааран̣адтаанзби. баал̣ияамааг̇ад̇анаяад̇о ан̃н̃амби наяам̣ д̣̇ассзнд̇о ааха ‘‘абижаа’’д̇иаад̣̇и. анд̇имавад̇т̇унд̇и баарааж̇игавад̇т̇ум̣. яассаад̇и буг̇г̇аласса. иминаа гаммаарахо буг̇г̇ало вад̇т̇у наамаад̇и д̣̇ассзд̇и.
Paccukkaḍḍhitvā ṭhapitadivasoti pacchā upari kaḍḍhitvā ṭhapitaṃ kattikakāḷapakkhacātuddasiṃ vā pañcadasiṃ vā sandhāya vuttaṃ. Idhāpīti apavāraṇāya pavāraṇaṭṭhānepi. Pāḷiyamāgatanayato aññampi nayaṃ dassento āha ‘‘apicā’’tiādi. Antimavatthunti pārājikavatthuṃ. Yassāti puggalassa. Iminā kammāraho puggalo vatthu nāmāti dasseti.
484. д̣̇аб̣б̣асса аг̇г̇ан̣ханам̣ вад̇т̇уабараамасанам̣ наама на ход̇и, ат̇а ко наамасса аг̇г̇ан̣ханамзваад̇и ааха ‘‘д̇асса наамам̣ на г̇ан̣хаад̇ий’’д̇и. абараамасанаагаарам̣ д̣̇ассзнд̇о ааха ‘‘сун̣аад̇у мз’’д̇иаад̣̇и.
484. Dabbassa aggaṇhanaṃ vatthuaparāmasanaṃ nāma na hoti, atha kho nāmassa aggaṇhanamevāti āha ‘‘tassa nāmaṃ na gaṇhātī’’ti. Aparāmasanākāraṃ dassento āha ‘‘suṇātu me’’tiādi.
буг̇г̇алам̣ на бараамасад̇ийд̇и зд̇т̇а буг̇г̇ало наама убаж̇жхааяод̇и ааха ‘‘яо убасамбад̣̇аабзгкасса убаж̇жхааяо’’д̇и. д̇анд̇и убаж̇жхааяам̣.
Puggalaṃ na parāmasatīti ettha puggalo nāma upajjhāyoti āha ‘‘yo upasampadāpekkhassa upajjhāyo’’ti. Tanti upajjhāyaṃ.
саб̣б̣зна саб̣б̣анд̇и саб̣б̣ат̇аа саб̣б̣ам̣, нибаад̇асамуд̣̇ааяояам̣, саб̣б̣зна ваа аагаарзна саб̣б̣ам̣ н̃ад̇д̇инд̇и яож̇анаа.
Sabbena sabbanti sabbathā sabbaṃ, nipātasamudāyoyaṃ, sabbena vā ākārena sabbaṃ ñattinti yojanā.
н̃ад̇д̇игаммз батамам̣ гаммам̣ гад̇ваа бажчаа н̃ад̇д̇идтабанамби бажчаа н̃ад̇д̇им̣ табзд̇иязва наама. ид̇и имзхийд̇иаад̣̇и ниг̇аманам̣.
Ñattikamme paṭhamaṃ kammaṃ katvā pacchā ñattiṭṭhapanampi pacchā ñattiṃ ṭhapetiyeva nāma. Iti imehītiādi nigamanaṃ.
485. ‘‘вуд̇д̇анаязнзваа’’д̇и ад̇ид̣̇исид̇вааби н̃ад̇д̇игаммаваажаанам̣ асад̣̇исад̇д̇аа абараамасанаагаарам̣ д̣̇ассзнд̇о ааха ‘‘звам̣ банаа’’д̇иаад̣̇и. д̇ад̇т̇а нзсанд̇и вад̇т̇усан̇гхабуг̇г̇алаанам̣, батамаануссааванз ваа д̣̇уд̇ияад̇ад̇ияаануссааванаасу ваа вад̇д̇аб̣б̣з вад̣̇анд̇од̇и самб̣анд̇хо.
485. ‘‘Vuttanayenevā’’ti atidisitvāpi ñattikammavācānaṃ asadisattā aparāmasanākāraṃ dassento āha ‘‘evaṃ panā’’tiādi. Tattha nesanti vatthusaṅghapuggalānaṃ, paṭhamānussāvane vā dutiyatatiyānussāvanāsu vā vattabbe vadantoti sambandho.
сааванам̣ хаабзд̇ийд̇и зд̇т̇а анусад̣̇д̣̇о лобод̇и ааха ‘‘ануссааванам̣ на гарод̇ий’’д̇и. ‘‘сааванам̣ хаабзд̇ий’’д̇и зд̇т̇а на гзвалам̣ саб̣б̣зна саб̣б̣ам̣ ануссааванам̣ агаронд̇оязва сааванам̣ хаабзд̇и наама, ат̇а ко ануссааванааяа д̣̇уруд̇д̇ачад̣д̣анамби хаабзд̇иязва наамаад̇и д̣̇ассзнд̇о ааха ‘‘яобий’’д̇иаад̣̇и. ‘‘сагимзва ваа д̣̇вигкад̇д̇ум̣ ваа’’д̇и иминаа д̇игкад̇д̇ум̣ абарибуурзнд̇оязва сааванам̣ хаабзд̇и наамаад̇и д̣̇ассзд̇и. имасса важанасса саамад̇т̇ияад̇о н̃ад̇д̇ид̣̇уд̇ияагаммз згагкад̇д̇уд̇о, н̃ад̇д̇ижад̇уд̇т̇агаммз д̇игкад̇д̇уд̇о ад̇ирзгам̣ гаммаваажам̣ гаронд̇о на хаабзд̇ийд̇и н̃ааяад̇и.
Sāvanaṃ hāpetīti ettha anusaddo lopoti āha ‘‘anussāvanaṃ na karotī’’ti. ‘‘Sāvanaṃ hāpetī’’ti ettha na kevalaṃ sabbena sabbaṃ anussāvanaṃ akarontoyeva sāvanaṃ hāpeti nāma, atha kho anussāvanāya duruttachaḍḍanampi hāpetiyeva nāmāti dassento āha ‘‘yopī’’tiādi. ‘‘Sakimeva vā dvikkhattuṃ vā’’ti iminā tikkhattuṃ aparipūrentoyeva sāvanaṃ hāpeti nāmāti dasseti. Imassa vacanassa sāmatthiyato ñattidutiyakamme ekakkhattuto, ñatticatutthakamme tikkhattuto atirekaṃ kammavācaṃ karonto na hāpetīti ñāyati.
‘‘чад̣д̣зд̇ий’’д̇и зд̇т̇а чад̣д̣анасса бад̣̇агкараанам̣ г̇ал̣ид̇абхаавзна баагадад̇д̇аа д̇ам̣ ад̣̇ассзд̇ваа ‘‘д̣̇уруд̇д̇ам̣ гарод̇ий’’д̇и зд̇т̇а д̣̇уруд̇д̇амзва д̣̇ассзнд̇о ааха ‘‘д̣̇уруд̇д̇ам̣ гарод̇ийд̇и зд̇т̇а банаа’’д̇иаад̣̇и. гаронд̇зна бхигкунаа убалагкзд̇аб̣б̣од̇и самб̣анд̇хо.
‘‘Chaḍḍetī’’ti ettha chaḍḍanassa padakkharānaṃ gaḷitabhāvena pākaṭattā taṃ adassetvā ‘‘duruttaṃ karotī’’ti ettha duruttameva dassento āha ‘‘duruttaṃ karotīti ettha panā’’tiādi. Karontena bhikkhunā upalakkhetabboti sambandho.
‘‘сит̇ила…бз… бабхзд̣̇о’’д̇и явааяам̣ б̣яан̃ж̇анаббабхзд̣̇о вуд̇д̇о, аяам̣ б̣яан̃ж̇анаббабхзд̣̇од̇и яож̇анаа . г̇аат̇ааяам̣ д̣̇асад̇хаад̇и д̣̇асаббагаарзна. б̣яан̃ж̇анаб̣уд̣̇д̇хияаад̇и вад̣̇д̇хзд̇ийд̇и б̣уд̣̇д̇хи, б̣яан̃ж̇анамзва агкарамзва сит̇илаад̣̇ивасзна д̣̇асад̇хаа б̣уд̣̇д̇хи б̣яан̃ж̇анаб̣уд̣̇д̇хи, д̇ааяа. зд̇т̇а ‘‘д̣̇асад̇хаа’’д̇и бад̣̇зна ‘‘б̣яан̃ж̇анаб̣уд̣̇д̇хий’’д̇и самаасабад̣̇асса анд̇арз д̣̇асад̇хаасад̣̇д̣̇асса лобам̣ д̣̇ассзд̇и ‘‘гаммаж̇ам̣ зваа’’д̇иаад̣̇ийсу (висуд̣̇д̇хи. 2.450; висуд̣̇д̇хи. махаади. 2.450) вияа. зд̇т̇а хи звасад̣̇д̣̇зна гаммзна зва ж̇аад̇ам̣ гаммаж̇анд̇и самаасам̣ гад̇ваа самаасамаж̇жхз звасад̣̇д̣̇алобам̣ д̣̇ассзд̇и. бабхзд̣̇од̇и висзсо. аяам̣ банзд̇т̇а яож̇анаа – сит̇илан̃жа д̇ханид̇ан̃жа д̣̇ийгхан̃жа рассан̃жа г̇аруган̃жа лахуган̃жа ниг̇г̇ахид̇ан̃жа самб̣анд̇хан̃жа вавад̇т̇ид̇ан̃жа вимуд̇д̇ан̃жаад̇и д̣̇асад̇хаа б̣яан̃ж̇анаб̣уд̣̇д̇хияаава бабхзд̣̇о висзсо н̃аад̇аб̣б̣од̇и. ‘‘сит̇ила’’нд̇и аад̣̇ийни д̣̇аса бад̣̇аани ‘‘агкарам̣ бад̣̇ам̣ б̣яан̃ж̇ана’’нд̇и набум̣сагалин̇г̇авасзна вуд̇д̇абаатам̣ниссааяа вуд̇д̇аанийд̇и д̣̇адтаб̣б̣ам̣.
‘‘Sithila…pe… pabhedo’’ti yvāyaṃ byañjanappabhedo vutto, ayaṃ byañjanappabhedoti yojanā . Gāthāyaṃ dasadhāti dasappakārena. Byañjanabuddhiyāti vaddhetīti buddhi, byañjanameva akkharameva sithilādivasena dasadhā buddhi byañjanabuddhi, tāya. Ettha ‘‘dasadhā’’ti padena ‘‘byañjanabuddhī’’ti samāsapadassa antare dasadhāsaddassa lopaṃ dasseti ‘‘kammajaṃ evā’’tiādīsu (visuddhi. 2.450; visuddhi. mahāṭi. 2.450) viya. Ettha hi evasaddena kammena eva jātaṃ kammajanti samāsaṃ katvā samāsamajjhe evasaddalopaṃ dasseti. Pabhedoti viseso. Ayaṃ panettha yojanā – sithilañca dhanitañca dīghañca rassañca garukañca lahukañca niggahitañca sambandhañca vavatthitañca vimuttañcāti dasadhā byañjanabuddhiyāva pabhedo viseso ñātabboti. ‘‘Sithila’’nti ādīni dasa padāni ‘‘akkharaṃ padaṃ byañjana’’nti napuṃsakaliṅgavasena vuttapāṭhaṃnissāya vuttānīti daṭṭhabbaṃ.
г̇аат̇ааяа вид̇т̇аарам̣ д̣̇ассзнд̇о ааха ‘‘зд̇т̇а хий’’д̇иаад̣̇и. аг̇аал̣хзна важийбаяог̇зна вад̇д̇аб̣б̣ам̣ агкарам̣ сит̇илам̣. г̇аал̣хзна важийбаяог̇зна вад̇д̇аб̣б̣ам̣ агкарам̣ д̇ханид̇ам̣. д̇зсвзваад̇и бан̃жасу зва ваг̇г̇зсу. на гзвалам̣ д̣̇ийгхамзва г̇аругам̣ наама, ат̇а ко сам̣яог̇абарамбийд̇и ааха ‘‘яам̣ ваа’’д̇иаад̣̇и. яам̣ агкарам̣ сам̣яог̇абарам̣ гад̇ваа вужжад̇и, д̇амби г̇аругам̣ наамаад̇и яож̇анаа. сам̣яог̇о баро яасса агкарассаад̇и сам̣яог̇абарам̣. ‘‘сам̣яог̇абад̣̇а’’нд̇иби баато. яам̣ асам̣яог̇абарам̣ гад̇ваа вужжад̇и, д̇амби лахугам̣ наамаад̇и яож̇анаа. яам̣ саанунаасигам̣ гад̇ваа вад̇д̇аб̣б̣ам̣, д̇ам̣ ниг̇г̇ахид̇ам̣ наамаад̇и яож̇анаа. ниг̇г̇ахзд̇ваад̇и ниг̇г̇ахид̇ам̣ наама ад̇т̇ад̇о таанагаран̣аанам̣ ависсаж̇ж̇анам̣ амун̃жананд̇и ааха ‘‘ависсаж̇ж̇зд̇ваа’’д̇и. яам̣ самб̣анд̇хид̇ваа вужжад̇и, д̇ам̣ самб̣анд̇хам̣ наамаад̇и яож̇анаа. яам̣ асамб̣анд̇хам̣ гад̇ваа вужжад̇и, д̇ам̣ вавад̇т̇ид̇ам̣ наамаад̇и яож̇анаа. яам̣ аниг̇г̇ахзд̇ваа вужжад̇и, д̇ам̣ вимуд̇д̇ам̣ наамаад̇и яож̇анаа. аниг̇г̇ахзд̇ваад̇и аниг̇г̇ахам̣ наама ад̇т̇ад̇о виссаж̇ж̇ананд̇и ааха ‘‘виссаж̇ж̇зд̇ваа’’д̇и.
Gāthāya vitthāraṃ dassento āha ‘‘ettha hī’’tiādi. Agāḷhena vacīpayogena vattabbaṃ akkharaṃ sithilaṃ. Gāḷhena vacīpayogena vattabbaṃ akkharaṃ dhanitaṃ. Tesvevāti pañcasu eva vaggesu. Na kevalaṃ dīghameva garukaṃ nāma, atha kho saṃyogaparampīti āha ‘‘yaṃ vā’’tiādi. Yaṃ akkharaṃ saṃyogaparaṃ katvā vuccati, tampi garukaṃ nāmāti yojanā. Saṃyogo paro yassa akkharassāti saṃyogaparaṃ. ‘‘Saṃyogapada’’ntipi pāṭho. Yaṃ asaṃyogaparaṃ katvā vuccati, tampi lahukaṃ nāmāti yojanā. Yaṃ sānunāsikaṃ katvā vattabbaṃ, taṃ niggahitaṃ nāmāti yojanā. Niggahetvāti niggahitaṃ nāma atthato ṭhānakaraṇānaṃ avissajjanaṃ amuñcananti āha ‘‘avissajjetvā’’ti. Yaṃ sambandhitvā vuccati, taṃ sambandhaṃ nāmāti yojanā. Yaṃ asambandhaṃ katvā vuccati, taṃ vavatthitaṃ nāmāti yojanā. Yaṃ aniggahetvā vuccati, taṃ vimuttaṃ nāmāti yojanā. Aniggahetvāti aniggahaṃ nāma atthato vissajjananti āha ‘‘vissajjetvā’’ti.
звам̣ б̣яан̃ж̇анаб̣уд̣̇д̇хивисзсам̣ д̣̇ассзд̇ваа ид̣̇аани гаммаваажааяа ужжааран̣ависзсам̣ вид̇т̇аарзна д̣̇ассзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇аасу д̣̇асасу б̣яан̃ж̇анаб̣уд̣̇д̇хийсу. д̇ат̇аасад̣̇д̣̇зна д̇агаарасса т̇агаарагаран̣ан̃жа сит̇иласса д̇ханид̇агаран̣ан̃жа ад̇ид̣̇исад̇и, д̇ат̇аа ‘‘бад̇д̇агаллам̣ зсаа н̃ад̇д̇ий’’д̇иаад̣̇иважанан̃жа сит̇иласса д̇ханид̇агаран̣ам̣ наамаад̇и яож̇анаа.
Evaṃ byañjanabuddhivisesaṃ dassetvā idāni kammavācāya uccāraṇavisesaṃ vitthārena dassento āha ‘‘tatthā’’tiādi. Tattha tatthāti tāsu dasasu byañjanabuddhīsu. Tathāsaddena takārassa thakārakaraṇañca sithilassa dhanitakaraṇañca atidisati, tathā ‘‘pattakallaṃ esā ñattī’’tiādivacanañca sithilassa dhanitakaraṇaṃ nāmāti yojanā.
ид̇ийд̇и звам̣. сит̇илз гад̇д̇аб̣б̣з д̇ханид̇ам̣ гарод̇ийд̇и самб̣анд̇хо. жад̇д̇аари б̣яан̃ж̇анаанийд̇и жад̇д̇аари агкараани. б̣яан̃ж̇анасад̣̇д̣̇о хи ид̇ха агкараваажаго. жад̇ассаннам̣ б̣яан̃ж̇анаб̣уд̣̇д̇хийнам̣ гаммад̣̇уусанам̣ д̣̇ассзд̇ваа ид̇араасам̣ ад̣̇уусанам̣ д̣̇ассзнд̇о ааха ‘‘ид̇арзсу банаа’’д̇иаад̣̇и. ануггамааг̇ад̇анд̇и ариязхи од̇арид̇ваа ануггамзна ааг̇ад̇ам̣. бавзн̣инд̇и санд̇ад̇им̣. винаасзд̇ваа вуд̇д̇з гим̣ гаммаваажаагобо ход̇ийд̇и ааха ‘‘сажз банаа’’д̇иаад̣̇и. на губбад̇ийд̇и на нассад̇и. гасмаа бана гаммаваажаа на губбад̇и, нану гаммам̣ гобзнд̇ий гаммаваажаа губбад̇ийд̇и ааха ‘‘имаани хий’’д̇иаад̣̇и. хи яасмаа на гобзнд̇и, д̇асмаа гаммаваажаа на губбад̇ийд̇и яож̇анаа.
Itīti evaṃ. Sithile kattabbe dhanitaṃ karotīti sambandho. Cattāri byañjanānīti cattāri akkharāni. Byañjanasaddo hi idha akkharavācako. Catassannaṃ byañjanabuddhīnaṃ kammadūsanaṃ dassetvā itarāsaṃ adūsanaṃ dassento āha ‘‘itaresu panā’’tiādi. Anukkamāgatanti ariyehi otaritvā anukkamena āgataṃ. Paveṇinti santatiṃ. Vināsetvā vutte kiṃ kammavācākopo hotīti āha ‘‘sace panā’’tiādi. Na kuppatīti na nassati. Kasmā pana kammavācā na kuppati, nanu kammaṃ kopentī kammavācā kuppatīti āha ‘‘imāni hī’’tiādi. Hi yasmā na kopenti, tasmā kammavācā na kuppatīti yojanā.
яам̣ бана важанам̣ суд̇д̇анд̇игад̇т̇зраа вад̣̇анд̇ийд̇и самб̣анд̇хо. гажжааяанаад̣̇исуд̇д̇анд̇ам̣ гаронд̇ийд̇и суд̇д̇анд̇игаа, гажжааяанаад̣̇аяо, суд̇д̇анд̇игаа жа д̇з т̇зраа жзд̇и суд̇д̇анд̇игад̇т̇зраа. на ваддад̇ийд̇и агкаравигааро на ваддад̇и. винаяад̇харзна гаммаваажаа гаад̇аб̣б̣аад̇и самб̣анд̇хо. яат̇аабаал̣ияаад̇и бхаг̇авад̇аа яат̇аавуд̇д̇ааяа баал̣ияаа. б̣яан̃ж̇ананируд̇д̇ияаад̇и б̣яан̃ж̇ананируд̇д̇ияам̣. ид̇арат̇аад̇и вуд̇д̇ад̣̇осабарихаран̣ад̇о ан̃н̃зна багаарзна.
Yaṃ pana vacanaṃ suttantikattherā vadantīti sambandho. Kaccāyanādisuttantaṃ karontīti suttantikā, kaccāyanādayo, suttantikā ca te therā ceti suttantikattherā. Na vaṭṭatīti akkharavikāro na vaṭṭati. Vinayadharena kammavācā kātabbāti sambandho. Yathāpāḷiyāti bhagavatā yathāvuttāya pāḷiyā. Byañjananiruttiyāti byañjananiruttiyaṃ. Itarathāti vuttadosapariharaṇato aññena pakārena.
агаалз ваа саавзд̇ийд̇и зд̇т̇а агаало наама аногаасод̇и ааха ‘‘аногаасз’’д̇и. аногаасо наама н̃ад̇д̇иануссааванаанам̣ буб̣б̣аабаравид̇ат̇анд̇и ааха ‘‘н̃ад̇д̇им̣ адтабзд̇ваа’’д̇иаад̣̇и. батамам̣язва н̃ад̇д̇им̣ адтабзд̇ваа батамам̣язва ануссааванагаммам̣ гад̇ваад̇и яож̇анаа. ‘‘батамам̣язваа’’д̇и хи бад̣̇ам̣ буб̣б̣аабараабзгкам̣. ид̇ийд̇иаад̣̇и ниг̇аманам̣.
Akālevā sāvetīti ettha akālo nāma anokāsoti āha ‘‘anokāse’’ti. Anokāso nāma ñattianussāvanānaṃ pubbāparavitathanti āha ‘‘ñattiṃ aṭṭhapetvā’’tiādi. Paṭhamaṃyeva ñattiṃ aṭṭhapetvā paṭhamaṃyeva anussāvanakammaṃ katvāti yojanā. ‘‘Paṭhamaṃyevā’’ti hi padaṃ pubbāparāpekkhaṃ. Itītiādi nigamanaṃ.
486. яаа згавийсад̇и бхигкуу на г̇ан̣хаад̇и, аяам̣ ад̇икуд̣̇д̣̇агасиймаа наамаад̇и яож̇анаа. згавийсад̇и бхигкууд̇и аб̣бхаанагаммз гаммаарахзна сад̣̇д̇хим̣ згавийсад̇и бхигкуу. яад̇т̇а сиймааяам̣ нисийд̣̇ид̇ум̣ на саггонд̇и, аяам̣ ад̇икуд̣̇д̣̇агасиймаа наамаад̇и яож̇анаа. нисийд̣̇ид̇унд̇и ан̃н̃аман̃н̃асса хад̇т̇абаасам̣ авиж̇ахид̇ваа бариман̣д̣алаагаарзна нисийд̣̇ид̇ум̣. д̇ад̇т̇аад̇и ад̇икуд̣̇д̣̇агз. зд̇т̇аад̇и сзсасиймаасу. яаа саммад̇аа ход̇и, аяам̣ ад̇имахад̇ий наамаад̇и яож̇анаа. гзсаг̇г̇амад̇д̇знаабийд̇и бисад̣̇д̣̇о д̇ад̇о ад̇ирзгзна бана баг̇зваад̇и д̣̇ассзд̇и. агхадид̇ам̣ асамб̣анд̇хам̣ нимид̇д̇ам̣ имиссаад̇и агхадид̇анимид̇д̇аа. кан̣д̣анимид̇д̇абхаавам̣ акан̣д̣анимид̇д̇ад̣̇ассанзна баагадам̣ гаронд̇о ааха ‘‘бурад̇т̇имааяаа’’д̇иаад̣̇и. буб̣б̣агид̇д̇ид̇анд̇и батамагид̇д̇ид̇ам̣. д̇ад̇т̇зваад̇и уд̇д̇арааяа зва д̣̇исааяа. абараабийд̇и бисад̣̇д̣̇о д̣̇уд̇ияад̇т̇асамбин̣д̣анад̇т̇о. яаа саммад̇аа ход̇и, кан̣д̣анимид̇д̇аа наамаад̇и яож̇анаа. анимид̇д̇убаг̇анд̇и яат̇аабхууд̇агат̇анависзсанамзва, на б̣яаважчзд̣̇ависзсанам̣ д̇ажасаараад̣̇иг̇г̇ахан̣зна анимид̇д̇убаг̇абхаавасса баагадад̇д̇аа. анд̇араад̇и маж̇жхз. яаа саммад̇аа ход̇и, саа чааяаанимид̇д̇аа наама, анимид̇д̇аа наамаад̇и яож̇анаа.
486. Yā ekavīsati bhikkhū na gaṇhāti, ayaṃ atikhuddakasīmā nāmāti yojanā. Ekavīsati bhikkhūti abbhānakamme kammārahena saddhiṃ ekavīsati bhikkhū. Yattha sīmāyaṃ nisīdituṃ na sakkonti, ayaṃ atikhuddakasīmā nāmāti yojanā. Nisīditunti aññamaññassa hatthapāsaṃ avijahitvā parimaṇḍalākārena nisīdituṃ. Tatthāti atikhuddake. Etthāti sesasīmāsu. Yā sammatā hoti, ayaṃ atimahatī nāmāti yojanā. Kesaggamattenāpīti pisaddo tato atirekena pana pagevāti dasseti. Aghaṭitaṃ asambandhaṃ nimittaṃ imissāti aghaṭitanimittā. Khaṇḍanimittabhāvaṃ akhaṇḍanimittadassanena pākaṭaṃ karonto āha ‘‘puratthimāyā’’tiādi. Pubbakittitanti paṭhamakittitaṃ. Tatthevāti uttarāya eva disāya. Aparāpīti pisaddo dutiyatthasampiṇḍanattho. Yā sammatā hoti, khaṇḍanimittā nāmāti yojanā. Animittupaganti yathābhūtakathanavisesanameva, na byavacchedavisesanaṃ tacasārādiggahaṇena animittupagabhāvassa pākaṭattā. Antarāti majjhe. Yā sammatā hoti, sā chāyānimittā nāma, animittā nāmāti yojanā.
б̣ахи тид̇о худ̇ваа самманнад̇ийд̇и яож̇анаа. нимид̇д̇аани бана б̣ахи тад̇вааби гид̇д̇зд̇ум̣ ваддад̇и . звам̣ саммад̇аабийд̇и бисад̣̇д̣̇о асаммад̇аа бана баг̇зваад̇и д̣̇ассзд̇и. сиймааяа сийманд̇и бад̣̇аанам̣ самб̣анд̇хаабзгкад̇д̇аа, д̇асса жа асамаанабхаавад̇о д̇зсам̣ висум̣ висум̣ самб̣анд̇хам̣ д̣̇ассзнд̇о ааха ‘‘ад̇д̇ано сиймааяа барзсам̣ сийма’’нд̇и. самбхинд̣̇ад̇ийд̇и самб̣анд̇хам̣ гарод̇и. зд̇т̇а хи бхид̣̇ид̇хаад̇у д̣̇вид̇хаагаран̣ад̇т̇аваажаго, д̇хаад̇вад̇т̇аб̣аад̇хагзна сам̣д̇яуубасаг̇г̇зна самб̣анд̇хаваажаго ход̇ийд̇и д̣̇адтаб̣б̣ам̣. д̇ад̇т̇аад̇и д̇аасу д̣̇вийсу сиймаасу. ид̇ийд̇и звам̣. д̇аасууд̇и сиймаасу.
Bahi ṭhito hutvā sammannatīti yojanā. Nimittāni pana bahi ṭhatvāpi kittetuṃ vaṭṭati . Evaṃ sammatāpīti pisaddo asammatā pana pagevāti dasseti. Sīmāya sīmanti padānaṃ sambandhāpekkhattā, tassa ca asamānabhāvato tesaṃ visuṃ visuṃ sambandhaṃ dassento āha ‘‘attano sīmāya paresaṃ sīma’’nti. Sambhindatīti sambandhaṃ karoti. Ettha hi bhididhātu dvidhākaraṇatthavācako, dhātvatthabādhakena saṃtyūpasaggena sambandhavācako hotīti daṭṭhabbaṃ. Tatthāti tāsu dvīsu sīmāsu. Itīti evaṃ. Tāsūti sīmāsu.
487-8. яамби гаммаббад̇д̇ачанд̣̇аарахалагкан̣анд̇и яож̇анаа. д̇ад̇т̇аад̇и д̇ассам̣ барисад̇о гаммавибад̇д̇ияам̣. д̇амбийд̇и гаммаббад̇д̇ачанд̣̇аарахалагкан̣амби, вуд̇д̇амзваад̇и самб̣анд̇хо. д̇ад̇т̇аад̇и ‘‘жад̇д̇ааро бхигкуу багад̇ад̇д̇аа гаммаббад̇д̇аа’’д̇и баатз. анугкид̇д̇аад̇и сан̇гхзна угкзбанийяагаммасса агад̇ад̇д̇аа анугкид̇д̇аа. барисуд̣̇д̇хасийлаад̇и баарааж̇игам̣ анаж̇жхаабаннад̇д̇аа барисуд̣̇д̇хасийлаа. имзхи бад̣̇зхи багад̇и ад̇д̇аа сабхааво зд̇зсанд̇и багад̇ад̇д̇аад̇и ад̇т̇ам̣ д̣̇ассзд̇и. ‘‘гаммасса арахаа’’д̇и иминаа ‘‘гаммаббад̇д̇аа’’д̇и бад̣̇асса чадтийсамаасан̃жа бад̇д̇асад̣̇д̣̇асса арахаанужчавигад̇т̇абхааван̃жа д̣̇ассзд̇и. д̇зхийд̇и жад̇уухи багад̇ад̇д̇зхи. зд̇ийд̇и ааг̇ажчад̇и. авасзсаад̇и жад̇уухи багад̇ад̇д̇зхи авасзсаа. яасса банаад̇и буг̇г̇аласса бана. гаммаараход̇и гаммасса арахо.
487-8. Yampi kammappattachandārahalakkhaṇanti yojanā. Tatthāti tassaṃ parisato kammavipattiyaṃ. Tampīti kammappattachandārahalakkhaṇampi, vuttamevāti sambandho. Tatthāti ‘‘cattāro bhikkhū pakatattā kammappattā’’ti pāṭhe. Anukkhittāti saṅghena ukkhepanīyakammassa akatattā anukkhittā. Parisuddhasīlāti pārājikaṃ anajjhāpannattā parisuddhasīlā. Imehi padehi pakati attā sabhāvo etesanti pakatattāti atthaṃ dasseti. ‘‘Kammassa arahā’’ti iminā ‘‘kammappattā’’ti padassa chaṭṭhīsamāsañca pattasaddassa arahaanucchavikatthabhāvañca dasseti. Tehīti catūhi pakatattehi. Etīti āgacchati. Avasesāti catūhi pakatattehi avasesā. Yassa panāti puggalassa pana. Kammārahoti kammassa araho.
489. зд̇т̇аад̇и бан̣д̣агаад̣̇ийнам̣ авад̇т̇убхаавад̣̇ассанадтаанз.
489.Etthāti paṇḍakādīnaṃ avatthubhāvadassanaṭṭhāne.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаваг̇г̇аван̣н̣анаа • Kammavaggavaṇṇanā
