| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
4. காணமாதாஸிக்கா²பத³வண்ணனா
4. Kāṇamātāsikkhāpadavaṇṇanā
பஹேணகத்தா²யாதி பண்ணாகாரத்தா²ய. பாதெ²ய்யத்தா²யாதி மக்³க³ங் க³ச்ச²ந்தானங் அந்தராமக்³க³த்தா²ய. ஸத்தூதி ப³த்³த⁴ஸத்து, அப³த்³த⁴ஸத்து ச. த்³வத்திபத்தபூரே படிக்³க³ஹெத்வாதி முக²வட்டியா ஹெட்டி²மலேகா²ய ஸமங் பூரே த்³வத்திபத்தபூரே க³ஹெத்வாதி அத்தோ². இமஸ்ஸ சத்த²ஸ்ஸ ஹெட்டா² வுத்தனயேனேவ பாகடத்தா தத்த² கத்தப்³ப³ப்பகாரமேவ த³ஸ்ஸேதுங் ‘‘எத்தா²’’திஆதி³மாஹ. ஸேஸந்தி ததோ ஏகபத்ததோ அஞ்ஞங் பத்தங். ஸசே தயோ பத்தபூரா க³ஹிதா த்³வே, ஸசே த்³வே க³ஹிதா, ஏகந்தி வுத்தங் ஹோதி.
Paheṇakatthāyāti paṇṇākāratthāya. Pātheyyatthāyāti maggaṃ gacchantānaṃ antarāmaggatthāya. Sattūti baddhasattu, abaddhasattu ca. Dvattipattapūre paṭiggahetvāti mukhavaṭṭiyā heṭṭhimalekhāya samaṃ pūre dvattipattapūre gahetvāti attho. Imassa catthassa heṭṭhā vuttanayeneva pākaṭattā tattha kattabbappakārameva dassetuṃ ‘‘etthā’’tiādimāha. Sesanti tato ekapattato aññaṃ pattaṃ. Sace tayo pattapūrā gahitā dve, sace dve gahitā, ekanti vuttaṃ hoti.
க³மனே வா படிப்பஸ்ஸத்³தே⁴தி அந்தராமக்³கே³ உபத்³த³வங் தி³ஸ்வா, அனத்தி²கதாய வா ‘‘மயங் இதா³னி ந பேஸிஸ்ஸாம ந க³மிஸ்ஸாமா’’தி ஏவங் க³மனே உபச்சி²ன்னே தெ³ந்தானந்தி அத்தோ².
Gamanevā paṭippassaddheti antarāmagge upaddavaṃ disvā, anatthikatāya vā ‘‘mayaṃ idāni na pesissāma na gamissāmā’’ti evaṃ gamane upacchinne dentānanti attho.
காணமாதாஸிக்கா²பத³வண்ணனா நிட்டி²தா.
Kāṇamātāsikkhāpadavaṇṇanā niṭṭhitā.
