| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[318] 8. ган̣авзраж̇аад̇агаван̣н̣анаа
[318] 8. Kaṇaverajātakavaṇṇanā
яам̣ д̇ам̣ васанд̇а самаязд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. вад̇т̇у инд̣̇рияаж̇аад̇агз (ж̇аа. 1.8.60 аад̣̇аяо) аави бхависсад̇и. сад̇т̇аа бана д̇ам̣ бхигкум̣ ‘‘буб̣б̣з д̇вам̣ бхигку зд̇ам̣ ниссааяа асинаа сийсажчзд̣̇ам̣ бадилабхий’’д̇и вад̇ваа д̇зна яаажид̇о ад̇ийд̇ам̣ аахари.
Yaṃ taṃ vasanta samayeti idaṃ satthā jetavane viharanto purāṇadutiyikāpalobhanaṃ ārabbha kathesi. Vatthu indriyajātake (jā. 1.8.60 ādayo) āvi bhavissati. Satthā pana taṃ bhikkhuṃ ‘‘pubbe tvaṃ bhikkhu etaṃ nissāya asinā sīsacchedaṃ paṭilabhī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасиг̇аамагз згасса г̇ахабад̇игасса гхарз жоранагкад̇д̇зна ж̇аад̇о ваяаббад̇д̇о жорагаммам̣ гад̇ваа ж̇ийвигам̣ габбзнд̇о логз баагадо ахоси сууро нааг̇аб̣ало, гожи нам̣ г̇ан̣хид̇ум̣ наасагки. со згад̣̇ивасам̣ згасмим̣ сздтигхарз санд̇хим̣ чинд̣̇ид̇ваа б̣ахум̣ д̇ханам̣ авахари. нааг̇араа рааж̇аанам̣ убасан̇гамид̇ваа ‘‘д̣̇зва, зго махаажоро наг̇арам̣ вилумбад̇и, д̇ам̣ г̇ан̣хаабзт̇аа’’д̇и вад̣̇им̣су. рааж̇аа д̇асса г̇ахан̣ад̇т̇ааяа наг̇араг̇уд̇д̇игам̣ аан̣аабзси. со рад̇д̇ибхааг̇з д̇ад̇т̇а д̇ад̇т̇а ваг̇г̇аб̣анд̇ханзна мануссз табзд̇ваа д̇ам̣ саход̣дхам̣ г̇аахаабзд̇ваа ран̃н̃о аарожзси. рааж̇аа ‘‘сийсамасса чинд̣̇аа’’д̇и наг̇араг̇уд̇д̇иган̃н̃зва аан̣аабзси. наг̇араг̇уд̇д̇иго д̇ам̣ бажчааб̣аахам̣ г̇аал̣хаб̣анд̇ханам̣ б̣анд̇хаабзд̇ваа г̇ийвааяасса рад̇д̇аган̣авийрамаалам̣ лаг̇г̇зд̇ваа сийсз идтагажун̣н̣ам̣ огирид̇ваа жад̇уггз жад̇уггз гасаахи д̇аал̣аабзнд̇о карассарзна бан̣авзна аагхаад̇анам̣ нзд̇и. ‘‘имасмим̣ гира наг̇арз вилобагаараго жоро г̇ахид̇о’’д̇и сагаланаг̇арам̣ сан̇кубхи.
Atīte bārāṇasiyaṃ brahmadatte rajjaṃ kārente bodhisatto kāsigāmake ekassa gahapatikassa ghare coranakkhattena jāto vayappatto corakammaṃ katvā jīvikaṃ kappento loke pākaṭo ahosi sūro nāgabalo, koci naṃ gaṇhituṃ nāsakkhi. So ekadivasaṃ ekasmiṃ seṭṭhighare sandhiṃ chinditvā bahuṃ dhanaṃ avahari. Nāgarā rājānaṃ upasaṅkamitvā ‘‘deva, eko mahācoro nagaraṃ vilumpati, taṃ gaṇhāpethā’’ti vadiṃsu. Rājā tassa gahaṇatthāya nagaraguttikaṃ āṇāpesi. So rattibhāge tattha tattha vaggabandhanena manusse ṭhapetvā taṃ sahoḍḍhaṃ gāhāpetvā rañño ārocesi. Rājā ‘‘sīsamassa chindā’’ti nagaraguttikaññeva āṇāpesi. Nagaraguttiko taṃ pacchābāhaṃ gāḷhabandhanaṃ bandhāpetvā gīvāyassa rattakaṇavīramālaṃ laggetvā sīse iṭṭhakacuṇṇaṃ okiritvā catukke catukke kasāhi tāḷāpento kharassarena paṇavena āghātanaṃ neti. ‘‘Imasmiṃ kira nagare vilopakārako coro gahito’’ti sakalanagaraṃ saṅkhubhi.
д̇ад̣̇аа жа б̣аараан̣асияам̣ сахассам̣ г̇ан̣ханд̇ий саамаа наама г̇ан̣игаа ход̇и рааж̇аваллабхаа бан̃жасад̇аван̣н̣ад̣̇аасийбариваараа. саа баасаад̣̇ад̇алз ваад̇абаанам̣ виварид̇ваа тид̇аа д̇ам̣ нийяамаанам̣ басси. со бана абхируубо баасаад̣̇иго ад̇ивияа собхаг̇г̇аббад̇д̇о д̣̇зваван̣н̣о саб̣б̣зсам̣ мад̇т̇агамад̇т̇агзна бан̃н̃ааяад̇и. саамаа д̇ам̣ д̣̇исваа бадиб̣ад̣̇д̇хажид̇д̇аа худ̇ваа ‘‘гзна ну ко убааязнаахам̣ имам̣ бурисам̣ ад̇д̇ано саамигам̣ гарзяяа’’нд̇и жинд̇аяанд̇ий ‘‘ад̇т̇зго убааяо’’д̇и ад̇д̇ано ад̇т̇ажаригааяа згиссаа хад̇т̇з наг̇араг̇уд̇д̇игасса сахассам̣ бзсзси ‘‘аяам̣ жоро саамааяа бхаад̇аа, ан̃н̃ад̇ра саамааяа ан̃н̃о зд̇асса авассаяо над̇т̇и, д̇умхз гира ид̣̇ам̣ сахассам̣ г̇ахзд̇ваа зд̇ам̣ виссаж̇ж̇зт̇аа’’д̇и . саа г̇анд̇ваа д̇ат̇аа агааси. наг̇араг̇уд̇д̇иго ‘‘аяам̣ жоро баагадо, на саггаа зд̇ам̣ виссаж̇ж̇зд̇ум̣, ан̃н̃ам̣ бана мануссам̣ лабхид̇ваа имам̣ бадижчаннаяаанагз нисийд̣̇аабзд̇ваа бзсзд̇ум̣ саггаа’’д̇и ааха. саа г̇анд̇ваа д̇ассаа аарожзси.
Tadā ca bārāṇasiyaṃ sahassaṃ gaṇhantī sāmā nāma gaṇikā hoti rājavallabhā pañcasatavaṇṇadāsīparivārā. Sā pāsādatale vātapānaṃ vivaritvā ṭhitā taṃ nīyamānaṃ passi. So pana abhirūpo pāsādiko ativiya sobhaggappatto devavaṇṇo sabbesaṃ matthakamatthakena paññāyati. Sāmā taṃ disvā paṭibaddhacittā hutvā ‘‘kena nu kho upāyenāhaṃ imaṃ purisaṃ attano sāmikaṃ kareyya’’nti cintayantī ‘‘attheko upāyo’’ti attano atthacarikāya ekissā hatthe nagaraguttikassa sahassaṃ pesesi ‘‘ayaṃ coro sāmāya bhātā, aññatra sāmāya añño etassa avassayo natthi, tumhe kira idaṃ sahassaṃ gahetvā etaṃ vissajjethā’’ti . Sā gantvā tathā akāsi. Nagaraguttiko ‘‘ayaṃ coro pākaṭo, na sakkā etaṃ vissajjetuṃ, aññaṃ pana manussaṃ labhitvā imaṃ paṭicchannayānake nisīdāpetvā pesetuṃ sakkā’’ti āha. Sā gantvā tassā ārocesi.
д̇ад̣̇аа банзго сздтибуд̇д̇о саамааяа бадиб̣ад̣̇д̇хажид̇д̇о д̣̇звасигам̣ сахассам̣ д̣̇зд̇и. со д̇ам̣ д̣̇ивасамби суурияад̇т̇ан̇г̇аманавзлааяа сахассам̣ г̇ан̣хид̇ваа д̇ам̣ гхарам̣ аг̇амааси. саамааби сахассабхан̣д̣игам̣ г̇ахзд̇ваа ууруусу табзд̇ваа барод̣̇анд̇ий нисиннаа ход̇и. ‘‘гим̣ зд̇а’’нд̇и жа вуд̇д̇аа ‘‘саами, аяам̣ жоро мама бхаад̇аа, ‘ахам̣ нийжагаммам̣ гаромий’д̇и маяхам̣ санд̇игам̣ на зд̇и, наг̇араг̇уд̇д̇игасса бахид̇ам̣ ‘сахассам̣ лабхамаано виссаж̇ж̇зссаами на’нд̇и саасанам̣ бзсзси. ид̣̇аани имам̣ сахассам̣ аад̣̇ааяа наг̇араг̇уд̇д̇игасса санд̇игам̣ г̇ажчанд̇ам̣ на лабхаамий’’д̇и ааха. со д̇ассаа бадиб̣ад̣̇д̇хажид̇д̇ад̇ааяа ‘‘ахам̣ г̇амиссаамий’’д̇и ааха. ‘‘д̇зна хи д̇аяаа аабхад̇амзва г̇ахзд̇ваа г̇ажчаахий’’д̇и. со д̇ам̣ г̇ахзд̇ваа наг̇араг̇уд̇д̇игасса г̇зхам̣ г̇ан̃чи. со д̇ам̣ сздтибуд̇д̇ам̣ бадижчаннадтаанз табзд̇ваа жорам̣ бадижчаннаяаанагз нисийд̣̇аабзд̇ваа саамааяа бахин̣ид̇ваа ‘‘аяам̣ жоро радтз баагадо, д̇аманд̇хагаарам̣ д̇аава ход̇у, ат̇а нам̣ манусссаанам̣ бадисаллийнавзлааяа гхаад̇аабзссаамий’’д̇и абад̣̇зсам̣ гад̇ваа мухуд̇д̇ам̣ вийд̇инаамзд̇ваа мануссзсу бадисаллийнзсу сздтибуд̇д̇ам̣ маханд̇знаарагкзна аагхаад̇анам̣ нзд̇ваа асинаа сийсам̣ чинд̣̇ид̇ваа сарийрам̣ суулз ааробзд̇ваа наг̇арам̣ баависи.
Tadā paneko seṭṭhiputto sāmāya paṭibaddhacitto devasikaṃ sahassaṃ deti. So taṃ divasampi sūriyatthaṅgamanavelāya sahassaṃ gaṇhitvā taṃ gharaṃ agamāsi. Sāmāpi sahassabhaṇḍikaṃ gahetvā ūrūsu ṭhapetvā parodantī nisinnā hoti. ‘‘Kiṃ eta’’nti ca vuttā ‘‘sāmi, ayaṃ coro mama bhātā, ‘ahaṃ nīcakammaṃ karomī’ti mayhaṃ santikaṃ na eti, nagaraguttikassa pahitaṃ ‘sahassaṃ labhamāno vissajjessāmi na’nti sāsanaṃ pesesi. Idāni imaṃ sahassaṃ ādāya nagaraguttikassa santikaṃ gacchantaṃ na labhāmī’’ti āha. So tassā paṭibaddhacittatāya ‘‘ahaṃ gamissāmī’’ti āha. ‘‘Tena hi tayā ābhatameva gahetvā gacchāhī’’ti. So taṃ gahetvā nagaraguttikassa gehaṃ gañchi. So taṃ seṭṭhiputtaṃ paṭicchannaṭṭhāne ṭhapetvā coraṃ paṭicchannayānake nisīdāpetvā sāmāya pahiṇitvā ‘‘ayaṃ coro raṭṭhe pākaṭo, tamandhakāraṃ tāva hotu, atha naṃ manusssānaṃ paṭisallīnavelāya ghātāpessāmī’’ti apadesaṃ katvā muhuttaṃ vītināmetvā manussesu paṭisallīnesu seṭṭhiputtaṃ mahantenārakkhena āghātanaṃ netvā asinā sīsaṃ chinditvā sarīraṃ sūle āropetvā nagaraṃ pāvisi.
д̇ад̇о бадтааяа саамаа ан̃н̃зсам̣ хад̇т̇ад̇о гин̃жи на г̇ан̣хаад̇и, д̇знзва сад̣̇д̇хим̣ абхирамамаанаа вижарад̇и. со жинд̇зси ‘‘сажз аяам̣ ан̃н̃асмим̣ бадиб̣ад̣̇д̇хажид̇д̇аа бхависсад̇и, мамби маараабзд̇ваа д̇зна сад̣̇д̇хим̣ абхирамиссад̇и, ажжанд̇ам̣ мид̇д̇ад̣̇уб̣бхиний зсаа, маяаа ид̇ха авасид̇ваа киббам̣ балааяид̇ум̣ ваддад̇и, г̇ажчанд̇о жа бана д̇ужчахад̇т̇о аг̇анд̇ваа зд̇иссаа аабхаран̣абхан̣д̣ам̣ г̇ахзд̇ваа г̇ажчиссаамий’’д̇и жинд̇зд̇ваа згасмим̣ д̣̇ивасз д̇ам̣ ааха – ‘‘бхад̣̇д̣̇з, маяам̣ бан̃ж̇арз багкид̇д̇агуггудаа вияа нижжам̣ гхарзязва хома, згад̣̇ивасам̣ уяяаанагийл̣ам̣ гариссаамаа’’д̇и. саа ‘‘саад̇хуу’’д̇и самбадижчид̇ваа каад̣̇анийяабхож̇анийяаад̣̇им̣ саб̣б̣ам̣ бадияаад̣̇зд̇ваа саб̣б̣аабхаран̣абадиман̣д̣ид̇аа д̇зна сад̣̇д̇хим̣ бадижчаннаяаанз нисийд̣̇ид̇ваа уяяаанам̣ аг̇амааси. со д̇ад̇т̇а д̇ааяа сад̣̇д̇хим̣ гийл̣анд̇о ‘‘ид̣̇аани маяхам̣ балааяид̇ум̣ ваддад̇ий’’д̇и д̇ааяа сад̣̇д̇хим̣ гилзсарад̇ияаа рамид̇угаамо вияа згам̣ ган̣авийраг̇ажчанд̇арам̣ бависид̇ваа д̇ам̣ аалин̇г̇анд̇о вияа ниббийл̣зд̇ваа висан̃н̃ам̣ гад̇ваа баад̇зд̇ваа саб̣б̣аабхаран̣аани омун̃жид̇ваа д̇ассааязва уд̇д̇араасан̇г̇зна б̣анд̇хид̇ваа бхан̣д̣игам̣ канд̇хз табзд̇ваа уяяаанавад̇им̣ лан̇гхид̇ваа баггаами.
Tato paṭṭhāya sāmā aññesaṃ hatthato kiñci na gaṇhāti, teneva saddhiṃ abhiramamānā vicarati. So cintesi ‘‘sace ayaṃ aññasmiṃ paṭibaddhacittā bhavissati, mampi mārāpetvā tena saddhiṃ abhiramissati, accantaṃ mittadubbhinī esā, mayā idha avasitvā khippaṃ palāyituṃ vaṭṭati, gacchanto ca pana tucchahattho agantvā etissā ābharaṇabhaṇḍaṃ gahetvā gacchissāmī’’ti cintetvā ekasmiṃ divase taṃ āha – ‘‘bhadde, mayaṃ pañjare pakkhittakukkuṭā viya niccaṃ ghareyeva homa, ekadivasaṃ uyyānakīḷaṃ karissāmā’’ti. Sā ‘‘sādhū’’ti sampaṭicchitvā khādanīyabhojanīyādiṃ sabbaṃ paṭiyādetvā sabbābharaṇapaṭimaṇḍitā tena saddhiṃ paṭicchannayāne nisīditvā uyyānaṃ agamāsi. So tattha tāya saddhiṃ kīḷanto ‘‘idāni mayhaṃ palāyituṃ vaṭṭatī’’ti tāya saddhiṃ kilesaratiyā ramitukāmo viya ekaṃ kaṇavīragacchantaraṃ pavisitvā taṃ āliṅganto viya nippīḷetvā visaññaṃ katvā pātetvā sabbābharaṇāni omuñcitvā tassāyeva uttarāsaṅgena bandhitvā bhaṇḍikaṃ khandhe ṭhapetvā uyyānavatiṃ laṅghitvā pakkāmi.
сааби бадилад̣̇д̇хасан̃н̃аа удтааяа барижааригаанам̣ санд̇игам̣ ааг̇анд̇ваа ‘‘аяяабуд̇д̇о гаха’’нд̇и бужчи. ‘‘на ж̇аанаама, аяяз’’д̇и. ‘‘мам̣ мад̇аад̇и сан̃н̃ааяа бхааяид̇ваа балаад̇о бхависсад̇ий’’д̇и анад̇д̇аманаа худ̇ваа д̇ад̇оязва г̇зхам̣ г̇анд̇ваа ‘‘мама бияасаамигасса ад̣̇идтагаалад̇о бадтааязва алан̇гад̇асаяанз на саяиссаамий’’д̇и бхуумияам̣ нибаж̇ж̇и. д̇ад̇о бадтааяа манаабам̣ саадагам̣ на ниваасзд̇и, д̣̇вз бхад̇д̇аани на бхун̃ж̇ад̇и, г̇анд̇хамаалаад̣̇ийни на бадисзвад̇и, ‘‘язна гзнажи убааязна аяяабуд̇д̇ам̣ бариязсид̇ваа баггосаабзссаамий’’д̇и надз баггосаабзд̇ваа сахассам̣ ад̣̇ааси. ‘‘гим̣ гарома, аяяз’’д̇и вуд̇д̇з ‘‘д̇умхаагам̣ аг̇аманадтаанам̣ наама над̇т̇и, д̇умхз г̇ааманиг̇амарааж̇ад̇хаанияо жаранд̇аа самаж̇ж̇ам̣ гад̇ваа самаж̇ж̇аман̣д̣алз батамамзва имам̣ г̇ийд̇ам̣ г̇ааязяяаат̇аа’’д̇и надз сигкаабзнд̇ий батамам̣ г̇аат̇ам̣ вад̇ваа ‘‘д̇умхзхи имасмим̣ г̇ийд̇агз г̇ийд̇з сажз аяяабуд̇д̇о д̇асмим̣ барисанд̇арз бхависсад̇и, д̇умхзхи сад̣̇д̇хим̣ гат̇зссад̇и, ат̇асса мама арог̇абхаавам̣ гат̇зд̇ваа д̇ам̣ аад̣̇ааяа ааг̇ажчзяяаат̇а, но жз ааг̇ажчад̇и, саасанам̣ бзсзяяаат̇аа’’д̇и бариб̣б̣аяам̣ д̣̇ад̇ваа надз уяяож̇зси. д̇з б̣аараан̣асид̇о нигкамид̇ваа д̇ад̇т̇а д̇ад̇т̇а самаж̇ж̇ам̣ гаронд̇аа згам̣ бажжанд̇аг̇аамагам̣ аг̇амим̣су. соби жоро балааяид̇ваа д̇ад̇т̇а васад̇и. д̇з д̇ад̇т̇а самаж̇ж̇ам̣ гаронд̇аа батамамзва имам̣ г̇ийд̇агам̣ г̇ааяим̣су –
Sāpi paṭiladdhasaññā uṭṭhāya paricārikānaṃ santikaṃ āgantvā ‘‘ayyaputto kaha’’nti pucchi. ‘‘Na jānāma, ayye’’ti. ‘‘Maṃ matāti saññāya bhāyitvā palāto bhavissatī’’ti anattamanā hutvā tatoyeva gehaṃ gantvā ‘‘mama piyasāmikassa adiṭṭhakālato paṭṭhāyeva alaṅkatasayane na sayissāmī’’ti bhūmiyaṃ nipajji. Tato paṭṭhāya manāpaṃ sāṭakaṃ na nivāseti, dve bhattāni na bhuñjati, gandhamālādīni na paṭisevati, ‘‘yena kenaci upāyena ayyaputtaṃ pariyesitvā pakkosāpessāmī’’ti naṭe pakkosāpetvā sahassaṃ adāsi. ‘‘Kiṃ karoma, ayye’’ti vutte ‘‘tumhākaṃ agamanaṭṭhānaṃ nāma natthi, tumhe gāmanigamarājadhāniyo carantā samajjaṃ katvā samajjamaṇḍale paṭhamameva imaṃ gītaṃ gāyeyyāthā’’ti naṭe sikkhāpentī paṭhamaṃ gāthaṃ vatvā ‘‘tumhehi imasmiṃ gītake gīte sace ayyaputto tasmiṃ parisantare bhavissati, tumhehi saddhiṃ kathessati, athassa mama arogabhāvaṃ kathetvā taṃ ādāya āgaccheyyātha, no ce āgacchati, sāsanaṃ peseyyāthā’’ti paribbayaṃ datvā naṭe uyyojesi. Te bārāṇasito nikkhamitvā tattha tattha samajjaṃ karontā ekaṃ paccantagāmakaṃ agamiṃsu. Sopi coro palāyitvā tattha vasati. Te tattha samajjaṃ karontā paṭhamameva imaṃ gītakaṃ gāyiṃsu –
69.
69.
‘‘яам̣ д̇ам̣ васанд̇асамаяз, ган̣авзрзсу бхаан̣усу;
‘‘Yaṃ taṃ vasantasamaye, kaṇaveresu bhāṇusu;
саамам̣ б̣аахааяа бийл̣зси, саа д̇ам̣ аарог̇яамаб̣равий’’д̇и.
Sāmaṃ bāhāya pīḷesi, sā taṃ ārogyamabravī’’ti.
д̇ад̇т̇а ган̣авзрзсууд̇и гаравийрзсу. бхаан̣усууд̇и рад̇д̇аван̣н̣аанам̣ бубпаанам̣ бабхааяа самбаннзсу. сааманд̇и звам̣наамигам̣. бийл̣зсийд̇и гилзсарад̇ияаа рамид̇угаамо вияа аалин̇г̇анд̇о бийл̣зси. саа д̇анд̇и саа саамаа арог̇аа, д̇вам̣ бана ‘‘саа мад̇аа’’д̇и сан̃н̃ааяа бхийд̇о балааяаси, саа ад̇д̇ано аарог̇яам̣ аб̣рави гат̇зси, аарожзсийд̇и ад̇т̇о.
Tattha kaṇaveresūti karavīresu. Bhāṇusūti rattavaṇṇānaṃ pupphānaṃ pabhāya sampannesu. Sāmanti evaṃnāmikaṃ. Pīḷesīti kilesaratiyā ramitukāmo viya āliṅganto pīḷesi. Sā tanti sā sāmā arogā, tvaṃ pana ‘‘sā matā’’ti saññāya bhīto palāyasi, sā attano ārogyaṃ abravi kathesi, ārocesīti attho.
жоро д̇ам̣ суд̇ваа надам̣ убасан̇гамид̇ваа ‘‘д̇вам̣ ‘саамаа ж̇ийвад̇ий’д̇и вад̣̇аси, ахам̣ бана на сад̣̇д̣̇ахаамий’’д̇и д̇зна сад̣̇д̇хим̣ саллабанд̇о д̣̇уд̇ияам̣ г̇аат̇амааха –
Coro taṃ sutvā naṭaṃ upasaṅkamitvā ‘‘tvaṃ ‘sāmā jīvatī’ti vadasi, ahaṃ pana na saddahāmī’’ti tena saddhiṃ sallapanto dutiyaṃ gāthamāha –
70.
70.
‘‘амбхо на гира сад̣̇д̇хзяяам̣, яам̣ ваад̇о баб̣б̣ад̇ам̣ вахз;
‘‘Ambho na kira saddheyyaṃ, yaṃ vāto pabbataṃ vahe;
баб̣б̣ад̇ан̃жз вахз ваад̇о, саб̣б̣амби бат̇авим̣ вахз;
Pabbatañce vahe vāto, sabbampi pathaviṃ vahe;
яад̇т̇а саамаа гаалагад̇аа, саа мам̣ аарог̇яамаб̣равий’’д̇и.
Yattha sāmā kālakatā, sā maṃ ārogyamabravī’’ti.
д̇ассад̇т̇о – амбхо нада, ид̣̇ам̣ гира на сад̣̇д̣̇ахзяяам̣ на сад̣̇д̣̇ахид̇аб̣б̣ам̣. яам̣ ваад̇о д̇ин̣абан̣н̣аани вияа баб̣б̣ад̇ам̣ вахзяяа, сажзби со баб̣б̣ад̇ам̣ вахзяяа, саб̣б̣амби бат̇авим̣ вахзяяа, яат̇аа жзд̇ам̣ асад̣̇д̣̇ахзяяам̣, д̇ат̇аа ид̣̇анд̇и. яад̇т̇а саамаа гаалагад̇аад̇и яаа наама саамаа гаалагад̇аа, саа мам̣ аарог̇яам̣ аб̣равийд̇и гим̣гааран̣аа сад̣̇д̣̇ахзяяам̣. мад̇аа наама на гассажи саасанам̣ бзсзнд̇ийд̇и.
Tassattho – ambho naṭa, idaṃ kira na saddaheyyaṃ na saddahitabbaṃ. Yaṃ vāto tiṇapaṇṇāni viya pabbataṃ vaheyya, sacepi so pabbataṃ vaheyya, sabbampi pathaviṃ vaheyya, yathā cetaṃ asaddaheyyaṃ, tathā idanti. Yattha sāmā kālakatāti yā nāma sāmā kālakatā, sā maṃ ārogyaṃ abravīti kiṃkāraṇā saddaheyyaṃ. Matā nāma na kassaci sāsanaṃ pesentīti.
д̇асса важанам̣ суд̇ваа надо д̇ад̇ияам̣ г̇аат̇амааха –
Tassa vacanaṃ sutvā naṭo tatiyaṃ gāthamāha –
71.
71.
‘‘на жзва саа гаалагад̇аа, на жа саа ан̃н̃амижчад̇и;
‘‘Na ceva sā kālakatā, na ca sā aññamicchati;
згабхад̇д̇игиний саамаа, д̇амзва абхиган̇кад̇ий’’д̇и.
Ekabhattikinī sāmā, tameva abhikaṅkhatī’’ti.
д̇ад̇т̇а д̇амзва абхиган̇кад̇ийд̇и ан̃н̃ам̣ бурисам̣ на ижчад̇и, д̇ан̃н̃зва ган̇кад̇и ижчад̇и бад̇т̇зд̇ийд̇и.
Tattha tameva abhikaṅkhatīti aññaṃ purisaṃ na icchati, taññeva kaṅkhati icchati patthetīti.
д̇ам̣ суд̇ваа жоро ‘‘саа ж̇ийвад̇у ваа маа ваа, на д̇ааяа маяхам̣ ад̇т̇о’’д̇и вад̇ваа жад̇уд̇т̇ам̣ г̇аат̇амааха –
Taṃ sutvā coro ‘‘sā jīvatu vā mā vā, na tāya mayhaṃ attho’’ti vatvā catutthaṃ gāthamāha –
72.
72.
‘‘асант̇уд̇ам̣ мам̣ жирасант̇уд̇зна, нимийни саамаа ад̇хувам̣ д̇хувзна;
‘‘Asanthutaṃ maṃ cirasanthutena, nimīni sāmā adhuvaṃ dhuvena;
маяааби саамаа ниминзяяа ан̃н̃ам̣, ид̇о ахам̣ д̣̇уурад̇арам̣ г̇амисса’’нд̇и.
Mayāpi sāmā nimineyya aññaṃ, ito ahaṃ dūrataraṃ gamissa’’nti.
д̇ад̇т̇а асант̇уд̇анд̇и агад̇асам̣саг̇г̇ам̣. жирасант̇уд̇знаад̇и жирагад̇асам̣саг̇г̇зна. нимийнийд̇и баривад̇д̇зси. ад̇хувам̣ д̇хувзнаад̇и мам̣ ад̇хувам̣ д̇зна д̇хувасаамигзна баривад̇д̇зд̇ум̣ наг̇араг̇уд̇д̇игасса сахассам̣ д̣̇ад̇ваа мам̣ г̇ан̣хийд̇и ад̇т̇о. маяааби саамаа ниминзяяа ан̃н̃анд̇и саамаа маяааби ан̃н̃ам̣ саамигам̣ баривад̇д̇зд̇ваа г̇ан̣хзяяа. ид̇о ахам̣ д̣̇уурад̇арам̣ г̇амиссанд̇и яад̇т̇а на саггаа д̇ассаа саасанам̣ ваа бавад̇д̇им̣ ваа сод̇ум̣, д̇аад̣̇исам̣ д̣̇уурад̇арам̣ таанам̣ г̇амиссам̣, д̇асмаа мама ид̇о ан̃н̃ад̇т̇а г̇ад̇абхаавам̣ д̇ассаа аарожзт̇аад̇и вад̇ваа д̇зсам̣ бассанд̇аанан̃н̃зва г̇аал̣хад̇арам̣ ниваасзд̇ваа взг̇зна балааяи.
Tattha asanthutanti akatasaṃsaggaṃ. Cirasanthutenāti cirakatasaṃsaggena. Nimīnīti parivattesi. Adhuvaṃ dhuvenāti maṃ adhuvaṃ tena dhuvasāmikena parivattetuṃ nagaraguttikassa sahassaṃ datvā maṃ gaṇhīti attho. Mayāpi sāmā nimineyya aññanti sāmā mayāpi aññaṃ sāmikaṃ parivattetvā gaṇheyya. Ito ahaṃ dūrataraṃ gamissanti yattha na sakkā tassā sāsanaṃ vā pavattiṃ vā sotuṃ, tādisaṃ dūrataraṃ ṭhānaṃ gamissaṃ, tasmā mama ito aññattha gatabhāvaṃ tassā ārocethāti vatvā tesaṃ passantānaññeva gāḷhataraṃ nivāsetvā vegena palāyi.
надаа г̇анд̇ваа д̇зна гад̇агирияам̣ д̇ассаа гат̇аяим̣су. саа виббадисаариний худ̇ваа ад̇д̇ано багад̇ияаа зва вийд̇инаамзси.
Naṭā gantvā tena katakiriyaṃ tassā kathayiṃsu. Sā vippaṭisārinī hutvā attano pakatiyā eva vītināmesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi.
д̇ад̣̇аа сздтибуд̇д̇о аяам̣ бхигку ахоси, саамаа бураан̣ад̣̇уд̇ияигаа, жоро бана ахамзва ахосинд̇и.
Tadā seṭṭhiputto ayaṃ bhikkhu ahosi, sāmā purāṇadutiyikā, coro pana ahameva ahosinti.
ган̣авзраж̇аад̇агаван̣н̣анаа адтамаа.
Kaṇaverajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 318. ган̣авзраж̇аад̇агам̣ • 318. Kaṇaverajātakaṃ
