| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༢. ཀཎཝེརཔུཔྥིཡཏྠེརཨཔདཱནཝཎྞནཱ
2. Kaṇaverapupphiyattheraapadānavaṇṇanā
སིདྡྷཏྠོ ནཱམ བྷགཝཱཏིཨཱདིཀཾ ཨཱཡསྨཏོ ཀཎཝེརཔུཔྥིཡཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ སིདྡྷཏྠསྶ བྷགཝཏོ ཀཱལེ སུདྡཀུལེ ནིབྦཏྟོ ཝུདྡྷིམནྭཱཡ རཉྙོ ཨནྟེཔུརཔཱལཀོ ཨཧོསི། ཏསྨིཾ སམཡེ སིདྡྷཏྠོ བྷགཝཱ བྷིཀྑུསངྒྷཔརིཝུཏོ རཱཛཝཱིཐིཾ པཊིཔཛྫི། ཨཐ སོ ཨནྟེཔུརཔཱལཀོ ཙརམཱནཾ བྷགཝནྟཾ དིསྭཱ པསནྣམཱནསོ ཧུཏྭཱ ཀཎཝེརཔུཔྥེན བྷགཝནྟཾ པཱུཛེཏྭཱ ནམསྶམཱནོ ཨཊྛཱསི། སོ ཏེན པུཉྙེན སུགཏིསམྤཏྟིཡོཡེཝ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཨེཀསྨིཾ ཀུལེ ནིབྦཏྟིཏྭཱ ཝུདྡྷིཔྤཏྟོ སཏྠུ དྷམྨདེསནཾ སུཏྭཱ པཊིལདྡྷསདྡྷོ པབྦཛིཏྭཱ ནཙིརསྶེཝ ཨརཧཱ ཨཧོསི།
Siddhatthonāma bhagavātiādikaṃ āyasmato kaṇaverapupphiyattherassa apadānaṃ. Ayampi purimabuddhesu katādhikāro siddhatthassa bhagavato kāle suddakule nibbatto vuddhimanvāya rañño antepurapālako ahosi. Tasmiṃ samaye siddhattho bhagavā bhikkhusaṅghaparivuto rājavīthiṃ paṭipajji. Atha so antepurapālako caramānaṃ bhagavantaṃ disvā pasannamānaso hutvā kaṇaverapupphena bhagavantaṃ pūjetvā namassamāno aṭṭhāsi. So tena puññena sugatisampattiyoyeva anubhavitvā imasmiṃ buddhuppāde ekasmiṃ kule nibbattitvā vuddhippatto satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
༧. སོ པཏྟཨགྒཕལོ པུབྦེ ཀཏཀུསལཾ སརིཏྭཱ སཉྫཱཏསོམནསྶོ པུབྦཙརིཏཱཔདཱནཾ པཀཱསེནྟོ སིདྡྷཏྠོ ནཱམ བྷགཝཱཏིཨཱདིམཱཧ། ཏཾ སབྦཾ ཧེཊྛཱ ཝུཏྟཏྟཱ ཨུཏྟཱནཏྠམེཝཱཏི།
7. So pattaaggaphalo pubbe katakusalaṃ saritvā sañjātasomanasso pubbacaritāpadānaṃ pakāsento siddhattho nāma bhagavātiādimāha. Taṃ sabbaṃ heṭṭhā vuttattā uttānatthamevāti.
ཀཎཝེརཔུཔྥིཡཏྠེརཨཔདཱནཝཎྞནཱ སམཏྟཱ།
Kaṇaverapupphiyattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༢. ཀཎཝེརཔུཔྥིཡཏྠེརཨཔདཱནཾ • 2. Kaṇaverapupphiyattheraapadānaṃ
