| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[210] 10. ганд̣̇аг̇алагаж̇аад̇агаван̣н̣анаа
[210] 10. Kandagalakajātakavaṇṇanā
амбхо го наамаяам̣ ругкод̇и ид̣̇ам̣ сад̇т̇аа взл̣уванз вихаранд̇о суг̇ад̇аалаяам̣ аараб̣бха гат̇зси. д̇ад̣̇аа хи сад̇т̇аа ‘‘д̣̇звад̣̇ад̇д̇о суг̇ад̇аалаяам̣ агаасий’’д̇и суд̇ваа ‘‘на, бхигкавз, ид̣̇аанзва д̣̇звад̣̇ад̇д̇о маяхам̣ анугирияам̣ гаронд̇о винаасам̣ бад̇д̇о, буб̣б̣зби баабун̣иязваа’’д̇и вад̇ваа ад̇ийд̇ам̣ аахари.
Ambho ko nāmayaṃ rukkhoti idaṃ satthā veḷuvane viharanto sugatālayaṃ ārabbha kathesi. Tadā hi satthā ‘‘devadatto sugatālayaṃ akāsī’’ti sutvā ‘‘na, bhikkhave, idāneva devadatto mayhaṃ anukiriyaṃ karonto vināsaṃ patto, pubbepi pāpuṇiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз ругкагоддагасагун̣аяонияам̣ ниб̣б̣ад̇д̇и, ‘‘кад̣̇ираванияо’’д̇исса наамам̣ ахоси. со кад̣̇ираванзязва г̇ожарам̣ г̇ан̣хи, д̇ассзго ганд̣̇аг̇алаго наама сахааяо ахоси, со симб̣алибаалибхад̣̇д̣̇агаванз г̇ожарам̣ г̇ан̣хаад̇и. со згад̣̇ивасам̣ кад̣̇ираванияасса санд̇игам̣ аг̇амааси. кад̣̇ираванияо ‘‘сахааяо мз ааг̇ад̇о’’д̇и ганд̣̇аг̇алагам̣ г̇ахзд̇ваа кад̣̇ираванам̣ бависид̇ваа кад̣̇ираканд̇хам̣ д̇ун̣д̣зна бахарид̇ваа ругкад̇о баан̣агз нийхарид̇ваа ад̣̇ааси. ганд̣̇аг̇алаго д̣̇иннз д̣̇иннз мад̇хурабуувз вияа чинд̣̇ид̇ваа чинд̣̇ид̇ваа каад̣̇и. д̇асса каад̣̇анд̇ассзва маано уббаж̇ж̇и – ‘‘аяамби ругкагоддагаяонияам̣ ниб̣б̣ад̇д̇о, ахамби, гим̣ мз зд̇зна д̣̇иннаг̇ожарзна, саяамзва кад̣̇ираванз г̇ожарам̣ г̇ан̣хиссаамий’’д̇и. со кад̣̇ираванияам̣ ааха – ‘‘самма, маа д̇вам̣ д̣̇угкам̣ анубхави, ахамзва кад̣̇ираванз г̇ожарам̣ г̇ан̣хиссаамий’’д̇и.
Atīte bārāṇasiyaṃ brahmadatte rajjaṃ kārente bodhisatto himavantapadese rukkhakoṭṭakasakuṇayoniyaṃ nibbatti, ‘‘khadiravaniyo’’tissa nāmaṃ ahosi. So khadiravaneyeva gocaraṃ gaṇhi, tasseko kandagalako nāma sahāyo ahosi, so simbalipālibhaddakavane gocaraṃ gaṇhāti. So ekadivasaṃ khadiravaniyassa santikaṃ agamāsi. Khadiravaniyo ‘‘sahāyo me āgato’’ti kandagalakaṃ gahetvā khadiravanaṃ pavisitvā khadirakhandhaṃ tuṇḍena paharitvā rukkhato pāṇake nīharitvā adāsi. Kandagalako dinne dinne madhurapūve viya chinditvā chinditvā khādi. Tassa khādantasseva māno uppajji – ‘‘ayampi rukkhakoṭṭakayoniyaṃ nibbatto, ahampi, kiṃ me etena dinnagocarena, sayameva khadiravane gocaraṃ gaṇhissāmī’’ti. So khadiravaniyaṃ āha – ‘‘samma, mā tvaṃ dukkhaṃ anubhavi, ahameva khadiravane gocaraṃ gaṇhissāmī’’ti.
ат̇а нам̣ со ‘‘ханд̣̇а д̇вам̣ самма, симб̣алибаалибхад̣̇д̣̇агаад̣̇иванз ниссаарз г̇ожараг̇г̇ахан̣агулз ж̇аад̇о, кад̣̇ираа наама ж̇аад̇асаараа т̇ад̣̇д̇хаа, маа д̇з зд̇ам̣ ружжий’’д̇и ааха. ганд̣̇аг̇алаго ‘‘гим̣ д̣̇аанаахам̣ на ругкагоддагаяонияам̣ ниб̣б̣ад̇д̇о’’д̇и д̇асса важанам̣ анаад̣̇ияид̇ваа взг̇зна г̇анд̇ваа кад̣̇ираругкам̣ д̇ун̣д̣зна бахари. д̇аавад̣̇звасса д̇ун̣д̣ам̣ бхиж̇ж̇и, агкийни нигкаманаагаараббад̇д̇аани ж̇аад̇аани, сийсам̣ палид̇ам̣. со канд̇хз бад̇идтаад̇ум̣ асаггонд̇о бхуумияам̣ бад̇ид̇ваа батамам̣ г̇аат̇амааха –
Atha naṃ so ‘‘handa tvaṃ samma, simbalipālibhaddakādivane nissāre gocaraggahaṇakule jāto, khadirā nāma jātasārā thaddhā, mā te etaṃ ruccī’’ti āha. Kandagalako ‘‘kiṃ dānāhaṃ na rukkhakoṭṭakayoniyaṃ nibbatto’’ti tassa vacanaṃ anādiyitvā vegena gantvā khadirarukkhaṃ tuṇḍena pahari. Tāvadevassa tuṇḍaṃ bhijji, akkhīni nikkhamanākārappattāni jātāni, sīsaṃ phalitaṃ. So khandhe patiṭṭhātuṃ asakkonto bhūmiyaṃ patitvā paṭhamaṃ gāthamāha –
119.
119.
‘‘амбхо го наамаяам̣ ругко, синнабад̇д̇о саган̣даго;
‘‘Ambho ko nāmayaṃ rukkho, sinnapatto sakaṇṭako;
яад̇т̇а згаббахаарзна, уд̇д̇аман̇г̇ам̣ вибхиж̇ж̇ид̇а’’нд̇и.
Yattha ekappahārena, uttamaṅgaṃ vibhijjita’’nti.
д̇ад̇т̇а амбхо го наамаяам̣ ругкод̇и, бхо кад̣̇ираванияа, го наама аяам̣ ругко. ‘‘го наама со’’д̇иби баато. синнабад̇д̇од̇и сукумабад̇д̇о. яад̇т̇а згаббахаарзнаад̇и яасмим̣ ругкз згзнзва бахаарзна. уд̇д̇аман̇г̇ам̣ вибхиж̇ж̇ид̇анд̇и сийсам̣ бхиннам̣, на гзвалан̃жа сийсам̣, д̇ун̣д̣амби бхиннам̣. со взд̣̇анааббад̇д̇ад̇ааяа кад̣̇ираругкам̣ ‘‘гим̣ ругко наамзсо’’д̇и ж̇аанид̇ум̣ асаггонд̇о взд̣̇анааббад̇д̇о худ̇ваа имааяа г̇аат̇ааяа виббалаби.
Tattha ambho ko nāmayaṃ rukkhoti, bho khadiravaniya, ko nāma ayaṃ rukkho. ‘‘Ko nāma so’’tipi pāṭho. Sinnapattoti sukhumapatto. Yattha ekappahārenāti yasmiṃ rukkhe ekeneva pahārena. Uttamaṅgaṃ vibhijjitanti sīsaṃ bhinnaṃ, na kevalañca sīsaṃ, tuṇḍampi bhinnaṃ. So vedanāppattatāya khadirarukkhaṃ ‘‘kiṃ rukkho nāmeso’’ti jānituṃ asakkonto vedanāppatto hutvā imāya gāthāya vippalapi.
д̇ам̣ важанам̣ суд̇ваа кад̣̇ираванияо д̣̇уд̇ияам̣ г̇аат̇амааха –
Taṃ vacanaṃ sutvā khadiravaniyo dutiyaṃ gāthamāha –
120.
120.
‘‘ажаари вад̇ааяам̣ вид̇уд̣̇ам̣ ванаани, гадтан̇г̇аругкзсу асаарагзсу;
‘‘Acāri vatāyaṃ vitudaṃ vanāni, kaṭṭhaṅgarukkhesu asārakesu;
ат̇аасад̣̇аа кад̣̇ирам̣ ж̇аад̇асаарам̣, яад̇т̇аб̣бхид̣̇аа г̇арул̣о уд̇д̇аман̇г̇а’’нд̇и.
Athāsadā khadiraṃ jātasāraṃ, yatthabbhidā garuḷo uttamaṅga’’nti.
д̇ад̇т̇а ажаари вад̇ааяанд̇и ажари вад̇а аяам̣. вид̇уд̣̇ам̣ ванаанийд̇и ниссаарасимб̣алибаалибхад̣̇д̣̇агаванаани вид̇уд̣̇анд̇о виж̇жханд̇о. гадтан̇г̇аругкзсууд̇и ванагадтагодтаасзсу ругкзсу. асаарагзсууд̇и ниссаарзсу баалибхад̣̇д̣̇агасимб̣алиаад̣̇ийсу. ат̇аасад̣̇аа кад̣̇ирам̣ ж̇аад̇асааранд̇и ат̇а бод̇агагаалад̇о бадтааяа ж̇аад̇асаарам̣ кад̣̇ирам̣ самбаабун̣и. яад̇т̇аб̣бхид̣̇аа г̇арул̣о уд̇д̇аман̇г̇анд̇и яад̇т̇аб̣бхид̣̇аад̇и яасмим̣ кад̣̇ирз абхинд̣̇и бад̣̇аалаяи. г̇арул̣од̇и сагун̣о. саб̣б̣асагун̣аанан̃хзд̇ам̣ саг̇ааравасаббад̇исса важанам̣.
Tattha acāri vatāyanti acari vata ayaṃ. Vitudaṃ vanānīti nissārasimbalipālibhaddakavanāni vitudanto vijjhanto. Kaṭṭhaṅgarukkhesūti vanakaṭṭhakoṭṭhāsesu rukkhesu. Asārakesūti nissāresu pālibhaddakasimbaliādīsu. Athāsadā khadiraṃ jātasāranti atha potakakālato paṭṭhāya jātasāraṃ khadiraṃ sampāpuṇi. Yatthabbhidā garuḷo uttamaṅganti yatthabbhidāti yasmiṃ khadire abhindi padālayi. Garuḷoti sakuṇo. Sabbasakuṇānañhetaṃ sagāravasappatissa vacanaṃ.
ид̇и нам̣ кад̣̇ираванияо вад̇ваа ‘‘бхо ганд̣̇аг̇алага, яад̇т̇а д̇вам̣ уд̇д̇аман̇г̇ам̣ абхинд̣̇и, кад̣̇иро наамзсо саараругко’’д̇и ааха. со д̇ад̇т̇зва ж̇ийвид̇агкаяам̣ баабун̣и.
Iti naṃ khadiravaniyo vatvā ‘‘bho kandagalaka, yattha tvaṃ uttamaṅgaṃ abhindi, khadiro nāmeso sārarukkho’’ti āha. So tattheva jīvitakkhayaṃ pāpuṇi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ганд̣̇аг̇алаго д̣̇звад̣̇ад̇д̇о ахоси, кад̣̇ираванияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kandagalako devadatto ahosi, khadiravaniyo pana ahameva ahosi’’nti.
ганд̣̇аг̇алагаж̇аад̇агаван̣н̣анаа д̣̇асамаа.
Kandagalakajātakavaṇṇanā dasamā.
над̇ам̣д̣̇ал̣хаваг̇г̇о чадто.
Nataṃdaḷhavaggo chaṭṭho.
д̇ассуд̣̇д̣̇аанам̣ –
Tassuddānaṃ –
б̣анд̇ханааг̇аарам̣ гзл̣исийлам̣, кан̣д̣ам̣ вийрагаг̇ан̇г̇зяяам̣;
Bandhanāgāraṃ keḷisīlaṃ, khaṇḍaṃ vīrakagaṅgeyyaṃ;
гурун̇г̇амассаган̃жзва, сусумааран̃жа гуггудам̣;
Kuruṅgamassakañceva, susumārañca kukkuṭaṃ;
ганд̣̇аг̇алаганд̇и д̇з д̣̇аса.
Kandagalakanti te dasa.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 210. ганд̣̇аг̇алагаж̇аад̇агам̣ • 210. Kandagalakajātakaṃ
