Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೪೪. ಕಣ್ಹದೀಪಾಯನಜಾತಕಂ (೬)
444. Kaṇhadīpāyanajātakaṃ (6)
೬೨.
62.
ಸತ್ತಾಹಮೇವಾಹಂ ಪಸನ್ನಚಿತ್ತೋ, ಪುಞ್ಞತ್ಥಿಕೋ ಆಚರಿಂ 1 ಬ್ರಹ್ಮಚರಿಯಂ।
Sattāhamevāhaṃ pasannacitto, puññatthiko ācariṃ 2 brahmacariyaṃ;
ಅಥಾಪರಂ ಯಂ ಚರಿತಂ ಮಮೇದಂ 3, ವಸ್ಸಾನಿ ಪಞ್ಞಾಸ ಸಮಾಧಿಕಾನಿ।
Athāparaṃ yaṃ caritaṃ mamedaṃ 4, vassāni paññāsa samādhikāni;
ಅಕಾಮಕೋ ವಾಪಿ 5 ಅಹಂ ಚರಾಮಿ, ಏತೇನ ಸಚ್ಚೇನ ಸುವತ್ಥಿ ಹೋತು।
Akāmako vāpi 6 ahaṃ carāmi, etena saccena suvatthi hotu;
ಹತಂ ವಿಸಂ ಜೀವತು ಯಞ್ಞದತ್ತೋ॥
Hataṃ visaṃ jīvatu yaññadatto.
೬೩.
63.
ಯಸ್ಮಾ ದಾನಂ ನಾಭಿನನ್ದಿಂ ಕದಾಚಿ, ದಿಸ್ವಾನಹಂ ಅತಿಥಿಂ ವಾಸಕಾಲೇ।
Yasmā dānaṃ nābhinandiṃ kadāci, disvānahaṃ atithiṃ vāsakāle;
ನ ಚಾಪಿ ಮೇ ಅಪ್ಪಿಯತಂ ಅವೇದುಂ, ಬಹುಸ್ಸುತಾ ಸಮಣಬ್ರಾಹ್ಮಣಾ ಚ॥
Na cāpi me appiyataṃ aveduṃ, bahussutā samaṇabrāhmaṇā ca.
ಅಕಾಮಕೋ ವಾಪಿ ಅಹಂ ದದಾಮಿ, ಏತೇನ ಸಚ್ಚೇನ ಸುವತ್ಥಿ ಹೋತು।
Akāmako vāpi ahaṃ dadāmi, etena saccena suvatthi hotu;
ಹತಂ ವಿಸಂ ಜೀವತು ಯಞ್ಞದತ್ತೋ॥
Hataṃ visaṃ jīvatu yaññadatto.
೬೪.
64.
ತಸ್ಮಿಞ್ಚ ಮೇ ಅಪ್ಪಿಯತಾಯ ಅಜ್ಜ, ಪಿತರಿ ಚ ತೇ ನತ್ಥಿ ಕೋಚಿ ವಿಸೇಸೋ।
Tasmiñca me appiyatāya ajja, pitari ca te natthi koci viseso;
ಏತೇನ ಸಚ್ಚೇನ ಸುವತ್ಥಿ ಹೋತು, ಹತಂ ವಿಸಂ ಜೀವತು ಯಞ್ಞದತ್ತೋ॥
Etena saccena suvatthi hotu, hataṃ visaṃ jīvatu yaññadatto.
೬೫.
65.
ದೀಪಾಯನ ಕಿಸ್ಸ ಜಿಗುಚ್ಛಮಾನೋ, ಅಕಾಮಕೋ ಚರಸಿ ಬ್ರಹ್ಮಚರಿಯಂ॥
Dīpāyana kissa jigucchamāno, akāmako carasi brahmacariyaṃ.
೬೬.
66.
ಸದ್ಧಾಯ ನಿಕ್ಖಮ್ಮ ಪುನಂ ನಿವತ್ತೋ, ಸೋ ಏಳಮೂಗೋವ ಬಾಲೋ 15 ವತಾಯಂ।
Saddhāya nikkhamma punaṃ nivatto, so eḷamūgova bālo 16 vatāyaṃ;
ಏತಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ಚರಾಮಿ ಬ್ರಹ್ಮಚರಿಯಂ।
Etassa vādassa jigucchamāno, akāmako carāmi brahmacariyaṃ;
ವಿಞ್ಞುಪ್ಪಸತ್ಥಞ್ಚ ಸತಞ್ಚ ಠಾನಂ 17, ಏವಮ್ಪಹಂ ಪುಞ್ಞಕರೋ ಭವಾಮಿ॥
Viññuppasatthañca satañca ṭhānaṃ 18, evampahaṃ puññakaro bhavāmi.
೬೭.
67.
ಸಮಣೇ ತುವಂ ಬ್ರಾಹ್ಮಣೇ ಅದ್ಧಿಕೇ ಚ, ಸನ್ತಪ್ಪಯಾಸಿ ಅನ್ನಪಾನೇನ ಭಿಕ್ಖಂ।
Samaṇe tuvaṃ brāhmaṇe addhike ca, santappayāsi annapānena bhikkhaṃ;
ಓಪಾನಭೂತಂವ ಘರಂ ತವ ಯಿದಂ, ಅನ್ನೇನ ಪಾನೇನ ಉಪೇತರೂಪಂ।
Opānabhūtaṃva gharaṃ tava yidaṃ, annena pānena upetarūpaṃ;
ಅಥ ಕಿಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ದಾನಮಿಮಂ ದದಾಸಿ॥
Atha kissa vādassa jigucchamāno, akāmako dānamimaṃ dadāsi.
೬೮.
68.
ಪಿತರೋ ಚ ಮೇ ಆಸುಂ ಪಿತಾಮಹಾ ಚ, ಸದ್ಧಾ ಅಹುಂ ದಾನಪತೀ ವದಞ್ಞೂ।
Pitaro ca me āsuṃ pitāmahā ca, saddhā ahuṃ dānapatī vadaññū;
ತಂ ಕುಲ್ಲವತ್ತಂ ಅನುವತ್ತಮಾನೋ, ಮಾಹಂ ಕುಲೇ ಅನ್ತಿಮಗನ್ಧನೋ 19 ಅಹುಂ।
Taṃ kullavattaṃ anuvattamāno, māhaṃ kule antimagandhano 20 ahuṃ;
ಏತಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ದಾನಮಿಮಂ ದದಾಮಿ॥
Etassa vādassa jigucchamāno, akāmako dānamimaṃ dadāmi.
೬೯.
69.
ದಹರಿಂ ಕುಮಾರಿಂ ಅಸಮತ್ಥಪಞ್ಞಂ, ಯಂ ತಾನಯಿಂ ಞಾತಿಕುಲಾ ಸುಗತ್ತೇ।
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
ನ ಚಾಪಿ ಮೇ ಅಪ್ಪಿಯತಂ ಅವೇದಿ, ಅಞ್ಞತ್ರ ಕಾಮಾ ಪರಿಚಾರಯನ್ತಾ 21।
Na cāpi me appiyataṃ avedi, aññatra kāmā paricārayantā 22;
ಅಥ ಕೇನ ವಣ್ಣೇನ ಮಯಾ ತೇ ಭೋತಿ, ಸಂವಾಸಧಮ್ಮೋ ಅಹು ಏವರೂಪೋ॥
Atha kena vaṇṇena mayā te bhoti, saṃvāsadhammo ahu evarūpo.
೭೦.
70.
ಆರಾ ದೂರೇ ನಯಿಧ ಕದಾಚಿ ಅತ್ಥಿ, ಪರಮ್ಪರಾ ನಾಮ ಕುಲೇ ಇಮಸ್ಮಿಂ।
Ārā dūre nayidha kadāci atthi, paramparā nāma kule imasmiṃ;
ತಂ ಕುಲ್ಲವತ್ತಂ ಅನುವತ್ತಮಾನಾ, ಮಾಹಂ ಕುಲೇ ಅನ್ತಿಮಗನ್ಧಿನೀ ಅಹುಂ।
Taṃ kullavattaṃ anuvattamānā, māhaṃ kule antimagandhinī ahuṃ;
ಏತಸ್ಸ ವಾದಸ್ಸ ಜಿಗುಚ್ಛಮಾನಾ, ಅಕಾಮಿಕಾ ಪದ್ಧಚರಾಮ್ಹಿ 23 ತುಯ್ಹಂ॥
Etassa vādassa jigucchamānā, akāmikā paddhacarāmhi 24 tuyhaṃ.
೭೧.
71.
ಮಣ್ಡಬ್ಯ ಭಾಸಿಂ ಯಮಭಾಸನೇಯ್ಯಂ 25, ತಂ ಖಮ್ಯತಂ ಪುತ್ತಕಹೇತು ಮಜ್ಜ।
Maṇḍabya bhāsiṃ yamabhāsaneyyaṃ 26, taṃ khamyataṃ puttakahetu majja;
ಪುತ್ತಪೇಮಾ ನ ಇಧ ಪರತ್ಥಿ ಕಿಞ್ಚಿ, ಸೋ ನೋ ಅಯಂ ಜೀವತಿ ಯಞ್ಞದತ್ತೋತಿ॥
Puttapemā na idha paratthi kiñci, so no ayaṃ jīvati yaññadattoti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೪೪] ೬. ಕಣ್ಹದೀಪಾಯನಜಾತಕವಣ್ಣನಾ • [444] 6. Kaṇhadīpāyanajātakavaṇṇanā