| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੪੪. ਕਣ੍ਹਦੀਪਾਯਨਜਾਤਕਂ (੬)
444. Kaṇhadīpāyanajātakaṃ (6)
੬੨.
62.
ਸਤ੍ਤਾਹਮੇવਾਹਂ ਪਸਨ੍ਨਚਿਤ੍ਤੋ, ਪੁਞ੍ਞਤ੍ਥਿਕੋ ਆਚਰਿਂ 1 ਬ੍ਰਹ੍ਮਚਰਿਯਂ।
Sattāhamevāhaṃ pasannacitto, puññatthiko ācariṃ 2 brahmacariyaṃ;
ਅਥਾਪਰਂ ਯਂ ਚਰਿਤਂ ਮਮੇਦਂ 3, વਸ੍ਸਾਨਿ ਪਞ੍ਞਾਸ ਸਮਾਧਿਕਾਨਿ।
Athāparaṃ yaṃ caritaṃ mamedaṃ 4, vassāni paññāsa samādhikāni;
ਅਕਾਮਕੋ વਾਪਿ 5 ਅਹਂ ਚਰਾਮਿ, ਏਤੇਨ ਸਚ੍ਚੇਨ ਸੁવਤ੍ਥਿ ਹੋਤੁ।
Akāmako vāpi 6 ahaṃ carāmi, etena saccena suvatthi hotu;
ਹਤਂ વਿਸਂ ਜੀવਤੁ ਯਞ੍ਞਦਤ੍ਤੋ॥
Hataṃ visaṃ jīvatu yaññadatto.
੬੩.
63.
ਯਸ੍ਮਾ ਦਾਨਂ ਨਾਭਿਨਨ੍ਦਿਂ ਕਦਾਚਿ, ਦਿਸ੍વਾਨਹਂ ਅਤਿਥਿਂ વਾਸਕਾਲੇ।
Yasmā dānaṃ nābhinandiṃ kadāci, disvānahaṃ atithiṃ vāsakāle;
ਨ ਚਾਪਿ ਮੇ ਅਪ੍ਪਿਯਤਂ ਅવੇਦੁਂ, ਬਹੁਸ੍ਸੁਤਾ ਸਮਣਬ੍ਰਾਹ੍ਮਣਾ ਚ॥
Na cāpi me appiyataṃ aveduṃ, bahussutā samaṇabrāhmaṇā ca.
ਅਕਾਮਕੋ વਾਪਿ ਅਹਂ ਦਦਾਮਿ, ਏਤੇਨ ਸਚ੍ਚੇਨ ਸੁવਤ੍ਥਿ ਹੋਤੁ।
Akāmako vāpi ahaṃ dadāmi, etena saccena suvatthi hotu;
ਹਤਂ વਿਸਂ ਜੀવਤੁ ਯਞ੍ਞਦਤ੍ਤੋ॥
Hataṃ visaṃ jīvatu yaññadatto.
੬੪.
64.
ਤਸ੍ਮਿਞ੍ਚ ਮੇ ਅਪ੍ਪਿਯਤਾਯ ਅਜ੍ਜ, ਪਿਤਰਿ ਚ ਤੇ ਨਤ੍ਥਿ ਕੋਚਿ વਿਸੇਸੋ।
Tasmiñca me appiyatāya ajja, pitari ca te natthi koci viseso;
ਏਤੇਨ ਸਚ੍ਚੇਨ ਸੁવਤ੍ਥਿ ਹੋਤੁ, ਹਤਂ વਿਸਂ ਜੀવਤੁ ਯਞ੍ਞਦਤ੍ਤੋ॥
Etena saccena suvatthi hotu, hataṃ visaṃ jīvatu yaññadatto.
੬੫.
65.
ਦੀਪਾਯਨ ਕਿਸ੍ਸ ਜਿਗੁਚ੍ਛਮਾਨੋ, ਅਕਾਮਕੋ ਚਰਸਿ ਬ੍ਰਹ੍ਮਚਰਿਯਂ॥
Dīpāyana kissa jigucchamāno, akāmako carasi brahmacariyaṃ.
੬੬.
66.
ਸਦ੍ਧਾਯ ਨਿਕ੍ਖਮ੍ਮ ਪੁਨਂ ਨਿવਤ੍ਤੋ, ਸੋ ਏਲ਼ਮੂਗੋવ ਬਾਲੋ 15 વਤਾਯਂ।
Saddhāya nikkhamma punaṃ nivatto, so eḷamūgova bālo 16 vatāyaṃ;
ਏਤਸ੍ਸ વਾਦਸ੍ਸ ਜਿਗੁਚ੍ਛਮਾਨੋ, ਅਕਾਮਕੋ ਚਰਾਮਿ ਬ੍ਰਹ੍ਮਚਰਿਯਂ।
Etassa vādassa jigucchamāno, akāmako carāmi brahmacariyaṃ;
વਿਞ੍ਞੁਪ੍ਪਸਤ੍ਥਞ੍ਚ ਸਤਞ੍ਚ ਠਾਨਂ 17, ਏવਮ੍ਪਹਂ ਪੁਞ੍ਞਕਰੋ ਭવਾਮਿ॥
Viññuppasatthañca satañca ṭhānaṃ 18, evampahaṃ puññakaro bhavāmi.
੬੭.
67.
ਸਮਣੇ ਤੁવਂ ਬ੍ਰਾਹ੍ਮਣੇ ਅਦ੍ਧਿਕੇ ਚ, ਸਨ੍ਤਪ੍ਪਯਾਸਿ ਅਨ੍ਨਪਾਨੇਨ ਭਿਕ੍ਖਂ।
Samaṇe tuvaṃ brāhmaṇe addhike ca, santappayāsi annapānena bhikkhaṃ;
ਓਪਾਨਭੂਤਂવ ਘਰਂ ਤવ ਯਿਦਂ, ਅਨ੍ਨੇਨ ਪਾਨੇਨ ਉਪੇਤਰੂਪਂ।
Opānabhūtaṃva gharaṃ tava yidaṃ, annena pānena upetarūpaṃ;
ਅਥ ਕਿਸ੍ਸ વਾਦਸ੍ਸ ਜਿਗੁਚ੍ਛਮਾਨੋ, ਅਕਾਮਕੋ ਦਾਨਮਿਮਂ ਦਦਾਸਿ॥
Atha kissa vādassa jigucchamāno, akāmako dānamimaṃ dadāsi.
੬੮.
68.
ਪਿਤਰੋ ਚ ਮੇ ਆਸੁਂ ਪਿਤਾਮਹਾ ਚ, ਸਦ੍ਧਾ ਅਹੁਂ ਦਾਨਪਤੀ વਦਞ੍ਞੂ।
Pitaro ca me āsuṃ pitāmahā ca, saddhā ahuṃ dānapatī vadaññū;
ਤਂ ਕੁਲ੍ਲવਤ੍ਤਂ ਅਨੁવਤ੍ਤਮਾਨੋ, ਮਾਹਂ ਕੁਲੇ ਅਨ੍ਤਿਮਗਨ੍ਧਨੋ 19 ਅਹੁਂ।
Taṃ kullavattaṃ anuvattamāno, māhaṃ kule antimagandhano 20 ahuṃ;
ਏਤਸ੍ਸ વਾਦਸ੍ਸ ਜਿਗੁਚ੍ਛਮਾਨੋ, ਅਕਾਮਕੋ ਦਾਨਮਿਮਂ ਦਦਾਮਿ॥
Etassa vādassa jigucchamāno, akāmako dānamimaṃ dadāmi.
੬੯.
69.
ਦਹਰਿਂ ਕੁਮਾਰਿਂ ਅਸਮਤ੍ਥਪਞ੍ਞਂ, ਯਂ ਤਾਨਯਿਂ ਞਾਤਿਕੁਲਾ ਸੁਗਤ੍ਤੇ।
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
ਨ ਚਾਪਿ ਮੇ ਅਪ੍ਪਿਯਤਂ ਅવੇਦਿ, ਅਞ੍ਞਤ੍ਰ ਕਾਮਾ ਪਰਿਚਾਰਯਨ੍ਤਾ 21।
Na cāpi me appiyataṃ avedi, aññatra kāmā paricārayantā 22;
ਅਥ ਕੇਨ વਣ੍ਣੇਨ ਮਯਾ ਤੇ ਭੋਤਿ, ਸਂવਾਸਧਮ੍ਮੋ ਅਹੁ ਏવਰੂਪੋ॥
Atha kena vaṇṇena mayā te bhoti, saṃvāsadhammo ahu evarūpo.
੭੦.
70.
ਆਰਾ ਦੂਰੇ ਨਯਿਧ ਕਦਾਚਿ ਅਤ੍ਥਿ, ਪਰਮ੍ਪਰਾ ਨਾਮ ਕੁਲੇ ਇਮਸ੍ਮਿਂ।
Ārā dūre nayidha kadāci atthi, paramparā nāma kule imasmiṃ;
ਤਂ ਕੁਲ੍ਲવਤ੍ਤਂ ਅਨੁવਤ੍ਤਮਾਨਾ, ਮਾਹਂ ਕੁਲੇ ਅਨ੍ਤਿਮਗਨ੍ਧਿਨੀ ਅਹੁਂ।
Taṃ kullavattaṃ anuvattamānā, māhaṃ kule antimagandhinī ahuṃ;
ਏਤਸ੍ਸ વਾਦਸ੍ਸ ਜਿਗੁਚ੍ਛਮਾਨਾ, ਅਕਾਮਿਕਾ ਪਦ੍ਧਚਰਾਮ੍ਹਿ 23 ਤੁਯ੍ਹਂ॥
Etassa vādassa jigucchamānā, akāmikā paddhacarāmhi 24 tuyhaṃ.
੭੧.
71.
ਮਣ੍ਡਬ੍ਯ ਭਾਸਿਂ ਯਮਭਾਸਨੇਯ੍ਯਂ 25, ਤਂ ਖਮ੍ਯਤਂ ਪੁਤ੍ਤਕਹੇਤੁ ਮਜ੍ਜ।
Maṇḍabya bhāsiṃ yamabhāsaneyyaṃ 26, taṃ khamyataṃ puttakahetu majja;
ਪੁਤ੍ਤਪੇਮਾ ਨ ਇਧ ਪਰਤ੍ਥਿ ਕਿਞ੍ਚਿ, ਸੋ ਨੋ ਅਯਂ ਜੀવਤਿ ਯਞ੍ਞਦਤ੍ਤੋਤਿ॥
Puttapemā na idha paratthi kiñci, so no ayaṃ jīvati yaññadattoti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੪੪] ੬. ਕਣ੍ਹਦੀਪਾਯਨਜਾਤਕવਣ੍ਣਨਾ • [444] 6. Kaṇhadīpāyanajātakavaṇṇanā
