| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[440] 2. ган̣хаж̇аад̇агаван̣н̣анаа
[440] 2. Kaṇhajātakavaṇṇanā
ган̣хо вад̇ааяам̣ бурисод̇и ид̣̇ам̣ сад̇т̇аа габилавад̇т̇ум̣ убаниссааяа ниг̇род̇хаараамз вихаранд̇о сид̇абаад̇угаммам̣ аараб̣бха гат̇зси. д̇ад̣̇аа гира сад̇т̇аа сааяанхасамаяз ниг̇род̇хаараамз бхигкусан̇гхабаривуд̇о ж̇ан̇гхавихаарам̣ анужан̇гамамаано ан̃н̃ад̇арасмим̣ бад̣̇зсз сид̇ам̣ баад̇ваагааси. аананд̣̇ад̇т̇зро ‘‘го ну ко хзд̇у, го бажжаяо бхаг̇авад̇о сид̇асса баад̇угаммааяа, на ахзд̇у д̇ат̇ааг̇ад̇аа сид̇ам̣ баад̇угаронд̇и, бужчиссаами д̇ааваа’’д̇и ан̃ж̇алим̣ баг̇г̇аяха сид̇агааран̣ам̣ бужчи. ат̇асса сад̇т̇аа ‘‘бхууд̇абуб̣б̣ам̣, аананд̣̇а, ган̣хо наама иси ахоси, со имасмим̣ бхуумиббад̣̇зсз вихааси жхааяий жхаанарад̇о, д̇асса сийлад̇зж̇зна саггасса бхаванам̣ гамбий’’д̇и сид̇агааран̣ам̣ вад̇ваа д̇асса вад̇т̇уно абаагадад̇д̇аа т̇зрзна яаажид̇о ад̇ийд̇ам̣ аахари.
Kaṇhovatāyaṃ purisoti idaṃ satthā kapilavatthuṃ upanissāya nigrodhārāme viharanto sitapātukammaṃ ārabbha kathesi. Tadā kira satthā sāyanhasamaye nigrodhārāme bhikkhusaṅghaparivuto jaṅghavihāraṃ anucaṅkamamāno aññatarasmiṃ padese sitaṃ pātvākāsi. Ānandatthero ‘‘ko nu kho hetu, ko paccayo bhagavato sitassa pātukammāya, na ahetu tathāgatā sitaṃ pātukaronti, pucchissāmi tāvā’’ti añjaliṃ paggayha sitakāraṇaṃ pucchi. Athassa satthā ‘‘bhūtapubbaṃ, ānanda, kaṇho nāma isi ahosi, so imasmiṃ bhūmippadese vihāsi jhāyī jhānarato, tassa sīlatejena sakkassa bhavanaṃ kampī’’ti sitakāraṇaṃ vatvā tassa vatthuno apākaṭattā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асияам̣ згзна асийд̇игодивибхавзна абуд̇д̇агзна б̣раахман̣зна сийлам̣ самаад̣̇ияид̇ваа буд̇д̇з бад̇т̇ид̇з б̣од̇хисад̇д̇о д̇асса б̣раахман̣ияаа гужчимхи ниб̣б̣ад̇д̇и. гаал̣аван̣н̣ад̇д̇аа банасса наамаг̇г̇ахан̣ад̣̇ивасз ‘‘ган̣хагумааро’’д̇и наамам̣ агам̣су. со сол̣асавассагаалз ман̣ибадимаа вияа собхаг̇г̇аббад̇д̇о худ̇ваа бид̇араа сиббуг̇г̇ахан̣ад̇т̇ааяа бзсид̇о д̇аггасилааяам̣ саб̣б̣асиббаани уг̇г̇ахзд̇ваа бажжааг̇ажчи. ат̇а нам̣ бид̇аа ануруубзна д̣̇аарзна сам̣яож̇зси. со абарабхааг̇з маад̇аабид̇уунам̣ ажжаязна саб̣б̣иссарияам̣ бадибаж̇ж̇и. ат̇згад̣̇ивасам̣ рад̇анагодтааг̇аараани вилогзд̇ваа варабаллан̇гамаж̇жхаг̇ад̇о суван̣н̣абаддам̣ аахараабзд̇ваа ‘‘зд̇д̇агам̣ д̇ханам̣ асугзна уббаад̣̇ид̇ам̣, зд̇д̇агам̣ асугзнаа’’д̇и буб̣б̣ан̃аад̇ийхи суван̣н̣абаддз ликид̇аани агкараани д̣̇исваа жинд̇зси ‘‘язхи имам̣ д̇ханам̣ уббаад̣̇ид̇ам̣, д̇з на бан̃н̃ааяанд̇и, д̇ханамзва бан̃н̃ааяад̇и, згоби ид̣̇ам̣ д̇ханам̣ г̇ахзд̇ваа г̇ад̇о наама над̇т̇и, на ко бана саггаа д̇ханабхан̣д̣игам̣ б̣анд̇хид̇ваа баралогам̣ г̇анд̇ум̣. бан̃жаннам̣ взраанам̣ саад̇хааран̣абхаавзна хи асаарасса д̇ханасса д̣̇аанам̣ сааро, б̣ахурог̇асаад̇хааран̣абхаавзна асаарасса сарийрасса сийлаванд̇зсу абхиваад̣̇анаад̣̇игаммам̣ сааро, анижжаабхибхууд̇абхаавзна асаарасса ж̇ийвид̇асса анижжаад̣̇ивасзна вибассанааяог̇о сааро, д̇асмаа асаарзхи бхог̇зхи саараг̇г̇ахан̣ад̇т̇ам̣ д̣̇аанам̣ д̣̇ассаамий’’д̇и.
Atīte bārāṇasiyaṃ brahmadatte rajjaṃ kārente bārāṇasiyaṃ ekena asītikoṭivibhavena aputtakena brāhmaṇena sīlaṃ samādiyitvā putte patthite bodhisatto tassa brāhmaṇiyā kucchimhi nibbatti. Kāḷavaṇṇattā panassa nāmaggahaṇadivase ‘‘kaṇhakumāro’’ti nāmaṃ akaṃsu. So soḷasavassakāle maṇipaṭimā viya sobhaggappatto hutvā pitarā sippuggahaṇatthāya pesito takkasilāyaṃ sabbasippāni uggahetvā paccāgacchi. Atha naṃ pitā anurūpena dārena saṃyojesi. So aparabhāge mātāpitūnaṃ accayena sabbissariyaṃ paṭipajji. Athekadivasaṃ ratanakoṭṭhāgārāni viloketvā varapallaṅkamajjhagato suvaṇṇapaṭṭaṃ āharāpetvā ‘‘ettakaṃ dhanaṃ asukena uppāditaṃ, ettakaṃ asukenā’’ti pubbañātīhi suvaṇṇapaṭṭe likhitāni akkharāni disvā cintesi ‘‘yehi imaṃ dhanaṃ uppāditaṃ, te na paññāyanti, dhanameva paññāyati, ekopi idaṃ dhanaṃ gahetvā gato nāma natthi, na kho pana sakkā dhanabhaṇḍikaṃ bandhitvā paralokaṃ gantuṃ. Pañcannaṃ verānaṃ sādhāraṇabhāvena hi asārassa dhanassa dānaṃ sāro, bahurogasādhāraṇabhāvena asārassa sarīrassa sīlavantesu abhivādanādikammaṃ sāro, aniccābhibhūtabhāvena asārassa jīvitassa aniccādivasena vipassanāyogo sāro, tasmā asārehi bhogehi sāraggahaṇatthaṃ dānaṃ dassāmī’’ti.
со аасанаа вудтааяа ран̃н̃о санд̇игам̣ г̇анд̇ваа рааж̇аанам̣ аабужчид̇ваа махаад̣̇аанам̣ бавад̇д̇зси. яаава сад̇д̇амаа д̣̇ивасаа д̇ханам̣ абаригкийяамаанам̣ д̣̇исваа ‘‘гим̣ мз д̇ханзна, яаава мам̣ ж̇араа наабхибхавад̇и, д̇аавад̣̇зва баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о бхависсаамий’’д̇и жинд̇зд̇ваа г̇зхз саб̣б̣ад̣̇ваараани вивараабзд̇ваа ‘‘д̣̇иннам̣ мз, харанд̇уу’’д̇и асужим̣ вияа ж̇иг̇ужчанд̇о вад̇т̇угаамз бахааяа махааж̇анасса род̣̇анд̇асса барид̣̇званд̇асса наг̇араа нигкамид̇ваа химаванд̇абад̣̇зсам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа ад̇д̇ано васанад̇т̇ааяа раман̣ийяам̣ бхуумибхааг̇ам̣ ологзнд̇о имам̣ таанам̣ бад̇ваа ‘‘ид̇ха васиссаамий’’д̇и згам̣ инд̣̇аваарун̣ийругкам̣ г̇ожараг̇аамам̣ ад̇хидтааяа д̇ассзва ругкасса муулз вихааси. г̇ааманд̇асзнаасанам̣ бахааяа ааран̃н̃иго ахоси, бан̣н̣асаалам̣ агад̇ваа ругкамуулиго ахоси, аб̣бхогаасиго нзсаж̇ж̇иго. сажз нибаж̇ж̇ид̇угаамо, бхуумияам̣язва нибаж̇ж̇ад̇и, д̣̇анд̇амуусалиго худ̇ваа анаг̇г̇ибаггамзва каад̣̇ад̇и, т̇усабаригкид̇д̇ам̣ гин̃жи на каад̣̇ад̇и, згад̣̇ивасам̣ згаваарамзва каад̣̇ад̇и, згаасаниго ахоси. камааяа бат̇авийаабад̇зж̇авааяусамо худ̇ваа зд̇з зд̇д̇агз д̇худ̇ан̇г̇аг̇ун̣з самаад̣̇ааяа вад̇д̇ад̇и, имасмим̣ гира ж̇аад̇агз б̣од̇хисад̇д̇о барамаббижчо ахоси. со на жирассзва абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о д̇ад̇т̇зва васад̇и, палаапалад̇т̇амби ан̃н̃ад̇т̇а на г̇ажчад̇и, ругкасса палид̇агаалз палам̣ каад̣̇ад̇и, бубпид̇агаалз бубпам̣ каад̣̇ад̇и, сабад̇д̇агаалз бад̇д̇аани каад̣̇ад̇и, ниббад̇д̇агаалз бабадигам̣ каад̣̇ад̇и. звам̣ барамасанд̇удто худ̇ваа имасмим̣ таанз жирам̣ васад̇и.
So āsanā vuṭṭhāya rañño santikaṃ gantvā rājānaṃ āpucchitvā mahādānaṃ pavattesi. Yāva sattamā divasā dhanaṃ aparikkhīyamānaṃ disvā ‘‘kiṃ me dhanena, yāva maṃ jarā nābhibhavati, tāvadeva pabbajitvā abhiññā ca samāpattiyo ca nibbattetvā brahmalokaparāyaṇo bhavissāmī’’ti cintetvā gehe sabbadvārāni vivarāpetvā ‘‘dinnaṃ me, harantū’’ti asuciṃ viya jigucchanto vatthukāme pahāya mahājanassa rodantassa paridevantassa nagarā nikkhamitvā himavantapadesaṃ pavisitvā isipabbajjaṃ pabbajitvā attano vasanatthāya ramaṇīyaṃ bhūmibhāgaṃ olokento imaṃ ṭhānaṃ patvā ‘‘idha vasissāmī’’ti ekaṃ indavāruṇīrukkhaṃ gocaragāmaṃ adhiṭṭhāya tasseva rukkhassa mūle vihāsi. Gāmantasenāsanaṃ pahāya āraññiko ahosi, paṇṇasālaṃ akatvā rukkhamūliko ahosi, abbhokāsiko nesajjiko. Sace nipajjitukāmo, bhūmiyaṃyeva nipajjati, dantamūsaliko hutvā anaggipakkameva khādati, thusaparikkhittaṃ kiñci na khādati, ekadivasaṃ ekavārameva khādati, ekāsaniko ahosi. Khamāya pathavīāpatejavāyusamo hutvā ete ettake dhutaṅgaguṇe samādāya vattati, imasmiṃ kira jātake bodhisatto paramappiccho ahosi. So na cirasseva abhiññā ca samāpattiyo ca nibbattetvā jhānakīḷaṃ kīḷanto tattheva vasati, phalāphalatthampi aññattha na gacchati, rukkhassa phalitakāle phalaṃ khādati, pupphitakāle pupphaṃ khādati, sapattakāle pattāni khādati, nippattakāle papaṭikaṃ khādati. Evaṃ paramasantuṭṭho hutvā imasmiṃ ṭhāne ciraṃ vasati.
со згад̣̇ивасам̣ буб̣б̣ан̣хасамаяз д̇асса ругкасса баггаани палаани г̇ан̣хи, г̇ан̣ханд̇о бана лолуббажаарзна удтааяа ан̃н̃асмим̣ бад̣̇зсз на г̇ан̣хаад̇и, яат̇аанисиннова хад̇т̇ам̣ басаарзд̇ваа хад̇т̇аббасааран̣адтаанз тид̇аани палаани сам̣харад̇и, д̇зсуби манаабааманаабам̣ авижинид̇ваа самбад̇д̇асамбад̇д̇амзва г̇ан̣хаад̇и. звам̣ барамасанд̇удтасса д̇асса сийлад̇зж̇зна саггасса бан̣д̣угамб̣аласилаасанам̣ ун̣хаагаарам̣ д̣̇ассзси. д̇ам̣ гира саггасса ааяугкаязна ваа ун̣хам̣ ход̇и бун̃н̃агкаязна ваа, ан̃н̃асмим̣ ваа махаанубхаавасад̇д̇з д̇ам̣ таанам̣ бад̇т̇знд̇з, д̇хаммигаанам̣ ваа махид̣̇д̇хигасаман̣аб̣раахман̣аанам̣ сийлад̇зж̇зна ун̣хам̣ ход̇и. сагго ‘‘го ну ко мам̣ таанаа жаавзд̇угаамо’’д̇и ааваж̇ж̇зд̇ваа имасмим̣ бад̣̇зсз васанд̇ам̣ ган̣хам̣ исим̣ ругкапалаани ужжинанд̇ам̣ д̣̇исваа жинд̇зси ‘‘аяам̣ иси гхорад̇або барамаж̇ид̇инд̣̇рияо, имам̣ д̇хаммагат̇ааяа сийханаад̣̇ам̣ над̣̇аабзд̇ваа сугааран̣ам̣ суд̇ваа варзна санд̇аббзд̇ваа имамасса ругкам̣ д̇хувапалам̣ гад̇ваа ааг̇амиссаамий’’д̇и. со маханд̇знаанубхаавзна сийгхам̣ од̇арид̇ваа д̇асмим̣ ругкамуулз д̇асса бидтибассз тад̇ваа ‘‘ад̇д̇ано аван̣н̣з гат̇ид̇з гуж̇жхиссад̇и ну ко, но’’д̇и виймам̣санд̇о батамам̣ г̇аат̇амааха –
So ekadivasaṃ pubbaṇhasamaye tassa rukkhassa pakkāni phalāni gaṇhi, gaṇhanto pana loluppacārena uṭṭhāya aññasmiṃ padese na gaṇhāti, yathānisinnova hatthaṃ pasāretvā hatthappasāraṇaṭṭhāne ṭhitāni phalāni saṃharati, tesupi manāpāmanāpaṃ avicinitvā sampattasampattameva gaṇhāti. Evaṃ paramasantuṭṭhassa tassa sīlatejena sakkassa paṇḍukambalasilāsanaṃ uṇhākāraṃ dassesi. Taṃ kira sakkassa āyukkhayena vā uṇhaṃ hoti puññakkhayena vā, aññasmiṃ vā mahānubhāvasatte taṃ ṭhānaṃ patthente, dhammikānaṃ vā mahiddhikasamaṇabrāhmaṇānaṃ sīlatejena uṇhaṃ hoti. Sakko ‘‘ko nu kho maṃ ṭhānā cāvetukāmo’’ti āvajjetvā imasmiṃ padese vasantaṃ kaṇhaṃ isiṃ rukkhaphalāni uccinantaṃ disvā cintesi ‘‘ayaṃ isi ghoratapo paramajitindriyo, imaṃ dhammakathāya sīhanādaṃ nadāpetvā sukāraṇaṃ sutvā varena santappetvā imamassa rukkhaṃ dhuvaphalaṃ katvā āgamissāmī’’ti. So mahantenānubhāvena sīghaṃ otaritvā tasmiṃ rukkhamūle tassa piṭṭhipasse ṭhatvā ‘‘attano avaṇṇe kathite kujjhissati nu kho, no’’ti vīmaṃsanto paṭhamaṃ gāthamāha –
11.
11.
‘‘ган̣хо вад̇ааяам̣ бурисо, ган̣хам̣ бхун̃ж̇ад̇и бхож̇анам̣;
‘‘Kaṇho vatāyaṃ puriso, kaṇhaṃ bhuñjati bhojanaṃ;
ган̣хз бхуумибад̣̇зсасмим̣, на маяхам̣ манасо бияо’’д̇и.
Kaṇhe bhūmipadesasmiṃ, na mayhaṃ manaso piyo’’ti.
д̇ад̇т̇а ган̣ход̇и гаал̣аван̣н̣о. бхож̇ананд̇и ругкапалабхож̇анам̣.
Tattha kaṇhoti kāḷavaṇṇo. Bhojananti rukkhaphalabhojanaṃ.
ган̣хо иси саггасса важанам̣ суд̇ваа ‘‘го ну ко маяаа сад̣̇д̇хим̣ гат̇зд̇ий’’д̇и д̣̇иб̣б̣ажагкунаа убад̇хаарзнд̇о ‘‘сагго’’д̇и н̃ад̇ваа анивад̇д̇ид̇ваа анологзд̇ваава д̣̇уд̇ияам̣ г̇аат̇амааха –
Kaṇho isi sakkassa vacanaṃ sutvā ‘‘ko nu kho mayā saddhiṃ kathetī’’ti dibbacakkhunā upadhārento ‘‘sakko’’ti ñatvā anivattitvā anoloketvāva dutiyaṃ gāthamāha –
12.
12.
‘‘на ган̣хо д̇ажасаа ход̇и, анд̇осааро хи б̣раахман̣о;
‘‘Na kaṇho tacasā hoti, antosāro hi brāhmaṇo;
яасмим̣ баабаани гаммаани, са вз ган̣хо суж̇амбад̇ий’’д̇и.
Yasmiṃ pāpāni kammāni, sa ve kaṇho sujampatī’’ti.
д̇ад̇т̇а д̇ажасаад̇и д̇ажзна ган̣хо наама на ход̇ийд̇и ад̇т̇о. анд̇осаарод̇и аб̣бханд̇арз сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасаарзхи саманнааг̇ад̇о. зваруубо хи б̣аахид̇абаабад̇д̇аа б̣раахман̣о наама ход̇и. са взд̇и яасмим̣ бана баабаани гаммаани ад̇т̇и, со яад̇т̇а гад̇т̇ажи гулз ж̇аад̇оби язна гзнажи сарийраван̣н̣зна саманнааг̇ад̇оби гаал̣агова.
Tattha tacasāti tacena kaṇho nāma na hotīti attho. Antosāroti abbhantare sīlasamādhipaññāvimuttivimuttiñāṇadassanasārehi samannāgato. Evarūpo hi bāhitapāpattā brāhmaṇo nāma hoti. Sa veti yasmiṃ pana pāpāni kammāni atthi, so yattha katthaci kule jātopi yena kenaci sarīravaṇṇena samannāgatopi kāḷakova.
зван̃жа бана вад̇ваа имзсам̣ сад̇д̇аанам̣ ган̣хабхаавагараани баабагаммаани згавид̇хаад̣̇ибхзд̣̇зхи вид̇т̇аарзд̇ваа саб̣б̣ааниби д̇аани г̇арахид̇ваа сийлаад̣̇аяо г̇ун̣з басам̣сид̇ваа аагаасз жанд̣̇ам̣ удтаабзнд̇о вияа саггасса д̇хаммам̣ д̣̇зсзси. сагго д̇асса д̇хаммагат̇ам̣ суд̇ваа бамуд̣̇ид̇о соманассаж̇аад̇о махаасад̇д̇ам̣ варзна ниманд̇знд̇о д̇ад̇ияам̣ г̇аат̇амааха –
Evañca pana vatvā imesaṃ sattānaṃ kaṇhabhāvakarāni pāpakammāni ekavidhādibhedehi vitthāretvā sabbānipi tāni garahitvā sīlādayo guṇe pasaṃsitvā ākāse candaṃ uṭṭhāpento viya sakkassa dhammaṃ desesi. Sakko tassa dhammakathaṃ sutvā pamudito somanassajāto mahāsattaṃ varena nimantento tatiyaṃ gāthamāha –
13.
13.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ б̣раахман̣а д̇з д̣̇амми, яам̣ гин̃жи манасижчасий’’д̇и.
Varaṃ brāhmaṇa te dammi, yaṃ kiñci manasicchasī’’ti.
д̇ад̇т̇а зд̇асминд̇и яам̣ ид̣̇ам̣ д̇аяаа саб̣б̣ан̃н̃уб̣уд̣̇д̇хзна вияа сулабид̇ам̣, д̇асмим̣ сулабид̇з д̇умхаагамзва анужчавигад̇д̇аа бад̇ируубз субхаасид̇з яам̣ гин̃жи манасаа ижчаси, саб̣б̣ам̣ д̇з яам̣ варам̣ ижчид̇ам̣ бад̇т̇ид̇ам̣, д̇ам̣ д̣̇аммийд̇и ад̇т̇о.
Tattha etasminti yaṃ idaṃ tayā sabbaññubuddhena viya sulapitaṃ, tasmiṃ sulapite tumhākameva anucchavikattā patirūpe subhāsite yaṃ kiñci manasā icchasi, sabbaṃ te yaṃ varaṃ icchitaṃ patthitaṃ, taṃ dammīti attho.
д̇ам̣ суд̇ваа махаасад̇д̇о жинд̇зси ‘‘аяам̣ гим̣ ну ко ад̇д̇ано аван̣н̣з гат̇ид̇з гуж̇жхиссад̇и, нод̇и мам̣ виймам̣санд̇о маяхам̣ чавиван̣н̣ан̃жа бхож̇анан̃жа васанадтаанан̃жа г̇арахид̇ваа ид̣̇аани маяхам̣ агуд̣̇д̇хабхаавам̣ н̃ад̇ваа басаннажид̇д̇о варам̣ д̣̇зд̇и, мам̣ ко банзса ‘саггиссарияаб̣рхмиссарияаанам̣ ад̇т̇ааяа б̣рахмажарияам̣ жарад̇ий’д̇иби ман̃н̃зяяа, д̇ад̇расса нигган̇кабхаавад̇т̇ам̣ маяхам̣ барзсу год̇хо ваа д̣̇осо ваа маа уббаж̇ж̇ад̇у, барасамбад̇д̇ияам̣ лобхо ваа барзсу синзхо ваа маа уббаж̇ж̇ад̇у, маж̇жхад̇д̇ова бхавзяяанд̇и имз маяаа жад̇д̇ааро варз г̇ахзд̇ум̣ ваддад̇ий’’д̇и. со д̇асса нигган̇кабхаавад̇т̇ааяа жад̇д̇ааро варз г̇ан̣ханд̇о жад̇уд̇т̇ам̣ г̇аат̇амааха –
Taṃ sutvā mahāsatto cintesi ‘‘ayaṃ kiṃ nu kho attano avaṇṇe kathite kujjhissati, noti maṃ vīmaṃsanto mayhaṃ chavivaṇṇañca bhojanañca vasanaṭṭhānañca garahitvā idāni mayhaṃ akuddhabhāvaṃ ñatvā pasannacitto varaṃ deti, maṃ kho panesa ‘sakkissariyabrhmissariyānaṃ atthāya brahmacariyaṃ caratī’tipi maññeyya, tatrassa nikkaṅkhabhāvatthaṃ mayhaṃ paresu kodho vā doso vā mā uppajjatu, parasampattiyaṃ lobho vā paresu sineho vā mā uppajjatu, majjhattova bhaveyyanti ime mayā cattāro vare gahetuṃ vaṭṭatī’’ti. So tassa nikkaṅkhabhāvatthāya cattāro vare gaṇhanto catutthaṃ gāthamāha –
14.
14.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
суниггод̇хам̣ сунид̣̇д̣̇осам̣, ниллобхам̣ вуд̇д̇имад̇д̇ано;
Sunikkodhaṃ suniddosaṃ, nillobhaṃ vuttimattano;
ниснзхамабхиган̇каами, зд̇з мз жад̇уро варз’’д̇и.
Nisnehamabhikaṅkhāmi, ete me caturo vare’’ti.
д̇ад̇т̇а варан̃жз мз ад̣̇о саггаад̇и сажз д̇вам̣ маяхам̣ варам̣ ад̣̇ааси. суниггод̇ханд̇и агуж̇жханавасзна судту ниггод̇хам̣. сунид̣̇д̣̇осанд̇и ад̣̇уссанавасзна судту нид̣̇д̣̇осам̣. ниллобханд̇и барасамбад̇д̇ийсу ниллобхам̣. вуд̇д̇имад̇д̇анод̇и зваруубам̣ ад̇д̇ано вуд̇д̇им̣. ниснзханд̇и буд̇д̇ад̇хийд̇аад̣̇ийсу ваа савин̃н̃аан̣агзсу д̇ханад̇хан̃н̃аад̣̇ийсу ваа авин̃н̃аан̣агзсу ад̇д̇ано санд̇агзсуби ниснзхам̣ абаг̇ад̇алобхам̣. абхиган̇каамийд̇и зваруубам̣ имзхи жад̇уухан̇г̇зхи саманнааг̇ад̇ам̣ ад̇д̇ано вуд̇д̇им̣ абхиган̇каами. зд̇з мз жад̇уро варзд̇и зд̇з ниггод̇хаад̣̇игз жад̇уро маяхам̣ варз д̣̇зхийд̇и.
Tattha varañce me ado sakkāti sace tvaṃ mayhaṃ varaṃ adāsi. Sunikkodhanti akujjhanavasena suṭṭhu nikkodhaṃ. Suniddosanti adussanavasena suṭṭhu niddosaṃ. Nillobhanti parasampattīsu nillobhaṃ. Vuttimattanoti evarūpaṃ attano vuttiṃ. Nisnehanti puttadhītādīsu vā saviññāṇakesu dhanadhaññādīsu vā aviññāṇakesu attano santakesupi nisnehaṃ apagatalobhaṃ. Abhikaṅkhāmīti evarūpaṃ imehi catūhaṅgehi samannāgataṃ attano vuttiṃ abhikaṅkhāmi. Ete me caturo vareti ete nikkodhādike caturo mayhaṃ vare dehīti.
гим̣ банзса на ж̇аанаад̇и ‘‘яат̇аа на саггаа саггасса санд̇игз варам̣ г̇ахзд̇ваа варзна год̇хаад̣̇аяо ханид̇у’’нд̇и. но на ж̇аанаад̇и, саггз ко бана варам̣ д̣̇знд̇з на г̇ан̣хаамийд̇и важанам̣ на яуд̇д̇анд̇и д̇асса жа нигган̇кабхаавад̇т̇ааяа г̇ан̣хи . д̇ад̇о сагго жинд̇зси ‘‘ган̣хабан̣д̣ид̇о варам̣ г̇ан̣ханд̇о ад̇ивияа анаваж̇ж̇з варз г̇ан̣хи, зд̇зсу варзсу г̇ун̣ад̣̇осам̣ зд̇амзва бужчиссаамий’’д̇и. ат̇а нам̣ бужчанд̇о бан̃жамам̣ г̇аат̇амааха –
Kiṃ panesa na jānāti ‘‘yathā na sakkā sakkassa santike varaṃ gahetvā varena kodhādayo hanitu’’nti. No na jānāti, sakke kho pana varaṃ dente na gaṇhāmīti vacanaṃ na yuttanti tassa ca nikkaṅkhabhāvatthāya gaṇhi . Tato sakko cintesi ‘‘kaṇhapaṇḍito varaṃ gaṇhanto ativiya anavajje vare gaṇhi, etesu varesu guṇadosaṃ etameva pucchissāmī’’ti. Atha naṃ pucchanto pañcamaṃ gāthamāha –
15.
15.
‘‘гим̣ну год̇хз ваа д̣̇осз ваа, лобхз снзхз жа б̣раахман̣а;
‘‘Kiṃnu kodhe vā dose vā, lobhe snehe ca brāhmaṇa;
аад̣̇ийнавам̣ д̇вам̣ бассаси, д̇ам̣ мз агкаахи бужчид̇о’’д̇и.
Ādīnavaṃ tvaṃ passasi, taṃ me akkhāhi pucchito’’ti.
д̇ассад̇т̇о – б̣раахман̣а гим̣ ну ко д̇вам̣ год̇хз д̣̇осз лобхз снзхз жа аад̣̇ийнавам̣ бассаси, д̇ам̣ д̇аава мз бужчид̇о агкаахи, на хи маяам̣ зд̇т̇а аад̣̇ийнавам̣ ж̇аанаамаад̇и.
Tassattho – brāhmaṇa kiṃ nu kho tvaṃ kodhe dose lobhe snehe ca ādīnavaṃ passasi, taṃ tāva me pucchito akkhāhi, na hi mayaṃ ettha ādīnavaṃ jānāmāti.
ат̇а нам̣ махаасад̇д̇о ‘‘д̇зна хи сун̣аахий’’д̇и вад̇ваа жад̇ассо г̇аат̇аа абхааси –
Atha naṃ mahāsatto ‘‘tena hi suṇāhī’’ti vatvā catasso gāthā abhāsi –
16.
16.
‘‘аббо худ̇ваа б̣аху ход̇и, вад̣дхад̇з со аканд̇иж̇о;
‘‘Appo hutvā bahu hoti, vaḍḍhate so akhantijo;
аасан̇г̇ий б̣ахубааяаасо, д̇асмаа год̇хам̣ на рожаяз.
Āsaṅgī bahupāyāso, tasmā kodhaṃ na rocaye.
17.
17.
‘‘д̣̇удтасса парусаа ваажаа, бараамаасо ананд̇араа;
‘‘Duṭṭhassa pharusā vācā, parāmāso anantarā;
д̇ад̇о баан̣и д̇ад̇о д̣̇ан̣д̣о, сад̇т̇асса барамаа г̇ад̇и;
Tato pāṇi tato daṇḍo, satthassa paramā gati;
д̣̇осо год̇хасамудтаано, д̇асмаа д̣̇осам̣ на рожаяз.
Doso kodhasamuṭṭhāno, tasmā dosaṃ na rocaye.
18.
18.
‘‘аалобасаахасаагаараа, нигад̇ий ван̃жанаани жа;
‘‘Ālopasāhasākārā, nikatī vañcanāni ca;
д̣̇иссанд̇и лобхад̇хаммзсу, д̇асмаа лобхам̣ на рожаяз.
Dissanti lobhadhammesu, tasmā lobhaṃ na rocaye.
19.
19.
‘‘снзхасан̇г̇ат̇ид̇аа г̇ант̇аа, сзнд̇и маномаяаа бут̇уу;
‘‘Snehasaṅgathitā ganthā, senti manomayā puthū;
д̇з бхусам̣ убад̇аабзнд̇и, д̇асмаа снзхам̣ на рожаяз’’д̇и.
Te bhusaṃ upatāpenti, tasmā snehaṃ na rocaye’’ti.
д̇ад̇т̇а аканд̇иж̇од̇и со анад̇хиваасагаж̇аад̇игасса аканд̇ид̇о ж̇аад̇о год̇хо батамам̣ барид̇д̇о худ̇ваа бажчаа б̣аху ход̇и абараабарам̣ вад̣дхад̇и. д̇асса вад̣дханабхааво канд̇иваад̣̇ийж̇аад̇агзна (ж̇аа. 1.4.49 аад̣̇аяо) жзва жуул̣ад̇хаммабаалаж̇аад̇агзна (ж̇аа. 1.5.44 аад̣̇аяо) жа ван̣н̣зд̇аб̣б̣о. абижа д̇иссаамажжассабзд̇т̇а бхарияам̣ аад̣̇им̣ гад̇ваа саб̣б̣ам̣ сабариж̇анам̣ маарзд̇ваа бажчаа ад̇д̇ано маарид̇авад̇т̇у гат̇зд̇аб̣б̣ам̣. аасан̇г̇ийд̇и аасан̇г̇агаран̣о. яасса уббаж̇ж̇ад̇и, д̇ам̣ аасад̇д̇ам̣ лаг̇г̇ид̇ам̣ гарод̇и, д̇ам̣ вад̇т̇ум̣ виссаж̇ж̇зд̇ваа г̇анд̇ум̣ на д̣̇зд̇и, нивад̇д̇ид̇ваа аггосанаад̣̇ийни гаарзд̇и. б̣ахубааяаасод̇и б̣ахунаа гааяигажзд̇асигад̣̇угкасан̇каад̇зна убааяаасзна гиламат̇зна саманнааг̇ад̇о. год̇хам̣ ниссааяа хи год̇хавасзна арияаад̣̇ийсу гад̇авийд̇иггамаа д̣̇идтад̇хаммз жзва самбарааяз жа вад̇хаб̣анд̇хавиббадисаараад̣̇ийни жзва бан̃жавид̇хаб̣анд̇ханагаммагаран̣аад̣̇ийни жа б̣ахууни д̣̇угкаани анубхаванд̇ийд̇и год̇хо б̣ахубааяаасо наама. д̇асмаад̇и яасмаа зса звам̣ анзгаад̣̇ийнаво, д̇асмаа год̇хам̣ на рожзми.
Tattha akhantijoti so anadhivāsakajātikassa akhantito jāto kodho paṭhamaṃ paritto hutvā pacchā bahu hoti aparāparaṃ vaḍḍhati. Tassa vaḍḍhanabhāvo khantivādījātakena (jā. 1.4.49 ādayo) ceva cūḷadhammapālajātakena (jā. 1.5.44 ādayo) ca vaṇṇetabbo. Apica tissāmaccassapettha bhariyaṃ ādiṃ katvā sabbaṃ saparijanaṃ māretvā pacchā attano māritavatthu kathetabbaṃ. Āsaṅgīti āsaṅgakaraṇo. Yassa uppajjati, taṃ āsattaṃ laggitaṃ karoti, taṃ vatthuṃ vissajjetvā gantuṃ na deti, nivattitvā akkosanādīni kāreti. Bahupāyāsoti bahunā kāyikacetasikadukkhasaṅkhātena upāyāsena kilamathena samannāgato. Kodhaṃ nissāya hi kodhavasena ariyādīsu katavītikkamā diṭṭhadhamme ceva samparāye ca vadhabandhavippaṭisārādīni ceva pañcavidhabandhanakammakaraṇādīni ca bahūni dukkhāni anubhavantīti kodho bahupāyāso nāma. Tasmāti yasmā esa evaṃ anekādīnavo, tasmā kodhaṃ na rocemi.
д̣̇удтассаад̇и гуж̇жханалагкан̣зна год̇хзна гуж̇жхид̇ваа абарабхааг̇з д̣̇уссаналагкан̣зна д̣̇осзна д̣̇удтасса батамам̣ д̇аава ‘‘арз, д̣̇ааса, бзссаа’’д̇и парусаваажаа нижчарад̇и, ваажааяа ананд̇араа аагад̣дханавигад̣дханавасзна хад̇т̇абараамаасо, д̇ад̇о ананд̇араа убаггаманавасзна баан̣и бавад̇д̇ад̇и, д̇ад̇о д̣̇ан̣д̣о, д̣̇ан̣д̣аббахаарз ад̇иггамид̇ваа бана згад̇од̇хаараубхад̇од̇хаарасса сад̇т̇асса барамаа г̇ад̇и, саб̣б̣абарияанд̇аа сад̇т̇анибпад̇д̇и ход̇и. яад̣̇аа хи сад̇т̇зна барам̣ ж̇ийвид̇аа воробзд̇ваа бажчаа д̇знзва сад̇т̇зна ад̇д̇аанам̣ ж̇ийвид̇аа воробзд̇и, д̇ад̣̇аа д̣̇осо мад̇т̇агаббад̇д̇о ход̇и. д̣̇осо год̇хасамудтаанод̇и яат̇аа анамб̣илам̣ д̇аггам̣ ваа ган̃ж̇игам̣ ваа барин̣аамавасзна баривад̇д̇ид̇ваа амб̣илам̣ ход̇и, д̇ам̣ згаж̇аад̇игамби самаанам̣ амб̣илам̣ анамб̣иланд̇и наанаа вужжад̇и, д̇ат̇аа буб̣б̣агаалз год̇хо барин̣амид̇ваа абарабхааг̇з д̣̇осо ход̇и. со агусаламуулад̇д̇зна згаж̇аад̇игоби самаано год̇хо д̣̇осод̇и наанаа вужжад̇и. яат̇аа анамб̣илад̇о амб̣илам̣, звам̣ соби год̇хад̇о самудтаад̇ийд̇и год̇хасамудтаано. д̇асмаад̇и яасмаа звам̣ анзгаад̣̇ийнаво д̣̇осо, д̇асмаа д̣̇осамби на рожзми.
Duṭṭhassāti kujjhanalakkhaṇena kodhena kujjhitvā aparabhāge dussanalakkhaṇena dosena duṭṭhassa paṭhamaṃ tāva ‘‘are, dāsa, pessā’’ti pharusavācā niccharati, vācāya anantarā ākaḍḍhanavikaḍḍhanavasena hatthaparāmāso, tato anantarā upakkamanavasena pāṇi pavattati, tato daṇḍo, daṇḍappahāre atikkamitvā pana ekatodhāraubhatodhārassa satthassa paramā gati, sabbapariyantā satthanipphatti hoti. Yadā hi satthena paraṃ jīvitā voropetvā pacchā teneva satthena attānaṃ jīvitā voropeti, tadā doso matthakappatto hoti. Doso kodhasamuṭṭhānoti yathā anambilaṃ takkaṃ vā kañjikaṃ vā pariṇāmavasena parivattitvā ambilaṃ hoti, taṃ ekajātikampi samānaṃ ambilaṃ anambilanti nānā vuccati, tathā pubbakāle kodho pariṇamitvā aparabhāge doso hoti. So akusalamūlattena ekajātikopi samāno kodho dosoti nānā vuccati. Yathā anambilato ambilaṃ, evaṃ sopi kodhato samuṭṭhātīti kodhasamuṭṭhāno. Tasmāti yasmā evaṃ anekādīnavo doso, tasmā dosampi na rocemi.
аалобасаахасаагаараад̇и д̣̇иваа д̣̇ивассзва г̇аамам̣ бахарид̇ваа вилумбанаани жа аавуд̇хам̣ сарийрз табзд̇ваа ‘‘ид̣̇ам̣ наама мз д̣̇зхий’’д̇и саахасаагаараа жа. нигад̇ий ван̃жанаани жаад̇и бад̇ируубагам̣ д̣̇ассзд̇ваа барасса харан̣ам̣ нигад̇и наама, саа асуван̣н̣амзва ‘‘суван̣н̣а’’нд̇и гуудагахаабан̣ам̣ ‘‘гахаабан̣о’’д̇и д̣̇ад̇ваа барасанд̇агаг̇г̇ахан̣з д̣̇адтаб̣б̣аа. бадибхаанавасзна бана убааяагусалад̇ааяа барасанд̇агаг̇г̇ахан̣ам̣ ван̃жанам̣ наама. д̇ассзвам̣ бавад̇д̇и д̣̇адтаб̣б̣аа – зго гира уж̇уж̇аад̇иго г̇аамигабурисо аран̃н̃ад̇о сасагам̣ аанзд̇ваа над̣̇ийд̇ийрз табзд̇ваа нхааяид̇ум̣ од̇ари. ат̇зго д̇худ̇д̇о д̇ам̣ сасагам̣ сийсз гад̇ваа нхааяид̇ум̣ од̇ин̣н̣о. ид̇аро уд̇д̇арид̇ваа сасагам̣ абассанд̇о ид̇о жид̇о жа вилогзси. д̇амзнам̣ д̇худ̇д̇о ‘‘гим̣ бхо вилогзсий’’д̇и вад̇ваа ‘‘имасмим̣ мз таанз сасаго табид̇о, д̇ам̣ на бассаамий’’д̇и вуд̇д̇з ‘‘анд̇хаб̣аала, д̇вам̣ на ж̇аанааси, сасагаа наама над̣̇ийд̇ийрз табид̇аа балааяанд̇и, басса ахам̣ ад̇д̇ано сасагам̣ сийсз табзд̇ваава нхааяаамий’’д̇и ааха. со аббадибхаанад̇ааяа ‘‘звам̣ бхависсад̇ий’’д̇и баггаами. згагахаабан̣зна миг̇абод̇агам̣ г̇ахзд̇ваа буна д̇ам̣ д̣̇ад̇ваа д̣̇вигахаабан̣аг̇гханагасса миг̇асса г̇ахид̇авад̇т̇убзд̇т̇а гат̇зд̇аб̣б̣ам̣. д̣̇иссанд̇и лобхад̇хаммзсууд̇и сагга, имз аалобаад̣̇аяо баабад̇хаммаа лобхасабхаавзсу лобхаабхибхууд̇зсу сад̇д̇зсу д̣̇иссанд̇и. на хи алуд̣̇д̇хаа зваруубаани гаммаани гаронд̇и. звам̣ лобхо анзгаад̣̇ийнаво, д̇асмаа лобхамби на рожзми.
Ālopasāhasākārāti divā divasseva gāmaṃ paharitvā vilumpanāni ca āvudhaṃ sarīre ṭhapetvā ‘‘idaṃ nāma me dehī’’ti sāhasākārā ca. Nikatī vañcanāni cāti patirūpakaṃ dassetvā parassa haraṇaṃ nikati nāma, sā asuvaṇṇameva ‘‘suvaṇṇa’’nti kūṭakahāpaṇaṃ ‘‘kahāpaṇo’’ti datvā parasantakaggahaṇe daṭṭhabbā. Paṭibhānavasena pana upāyakusalatāya parasantakaggahaṇaṃ vañcanaṃ nāma. Tassevaṃ pavatti daṭṭhabbā – eko kira ujujātiko gāmikapuriso araññato sasakaṃ ānetvā nadītīre ṭhapetvā nhāyituṃ otari. Atheko dhutto taṃ sasakaṃ sīse katvā nhāyituṃ otiṇṇo. Itaro uttaritvā sasakaṃ apassanto ito cito ca vilokesi. Tamenaṃ dhutto ‘‘kiṃ bho vilokesī’’ti vatvā ‘‘imasmiṃ me ṭhāne sasako ṭhapito, taṃ na passāmī’’ti vutte ‘‘andhabāla, tvaṃ na jānāsi, sasakā nāma nadītīre ṭhapitā palāyanti, passa ahaṃ attano sasakaṃ sīse ṭhapetvāva nhāyāmī’’ti āha. So appaṭibhānatāya ‘‘evaṃ bhavissatī’’ti pakkāmi. Ekakahāpaṇena migapotakaṃ gahetvā puna taṃ datvā dvikahāpaṇagghanakassa migassa gahitavatthupettha kathetabbaṃ. Dissanti lobhadhammesūti sakka, ime ālopādayo pāpadhammā lobhasabhāvesu lobhābhibhūtesu sattesu dissanti. Na hi aluddhā evarūpāni kammāni karonti. Evaṃ lobho anekādīnavo, tasmā lobhampi na rocemi.
снзхасан̇г̇ат̇ид̇аа г̇ант̇аад̇и аарамман̣зсу аллийяаналагкан̣зна снзхзна сан̇г̇ат̇ид̇аа бунаббунам̣ уббаад̣̇авасзна гхадид̇аа суд̇д̇зна бубпаани вияа б̣ад̣̇д̇хаа наанаббагаарзсу аарамман̣зсу бавад̇д̇амаанаа абхиж̇жхаагааяаг̇ант̇аа. сзнд̇и маномаяаа бут̇ууд̇и д̇з бут̇уусу аарамман̣зсу уббаннаа суван̣н̣аад̣̇ийхи ниб̣б̣ад̇д̇аани суван̣н̣аад̣̇имаяаани аабхаран̣аад̣̇ийни вияа манзна ниб̣б̣ад̇д̇ад̇д̇аа маномаяаа абхиж̇жхаагааяаг̇ант̇аа д̇зсу аарамман̣зсу сзнд̇и анусзнд̇и. д̇з бхусам̣ убад̇аабзнд̇ийд̇и д̇з звам̣ анусаяид̇аа б̣алавад̇аабам̣ ж̇анзнд̇аа бхусам̣ убад̇аабзнд̇и ад̇игиламзнд̇и. д̇зсам̣ бана бхусам̣ убад̇аабанз ‘‘саллавид̣̇д̇хова руббад̇ий’’д̇и (су. ни. 773) г̇аат̇ааяа вад̇т̇у, ‘‘бияаж̇аад̇игаа хи г̇ахабад̇и, согабарид̣̇звад̣̇угкад̣̇оманассубааяаасаа бияаббабхуд̇игаа’’ (ма. ни. 2.353), ‘‘бияад̇о ж̇ааяад̇ий сого’’д̇иаад̣̇ийни (д̇ха. ба. 212) суд̇д̇аани жа аахарид̇аб̣б̣аани. абижа ман̇г̇алаб̣од̇хисад̇д̇асса д̣̇аарагз д̣̇ад̇ваа б̣алавасогзна хад̣̇аяам̣ пали, взссанд̇араб̣од̇хисад̇д̇асса маханд̇ам̣ д̣̇оманассам̣ уд̣̇абаад̣̇и. звам̣ буурид̇абаарамийнам̣ махаасад̇д̇аанам̣ бзмам̣ убад̇аабам̣ гарод̇иязва. аяам̣ снзхз аад̣̇ийнаво, д̇асмаа снзхамби на рожзмийд̇и.
Snehasaṅgathitā ganthāti ārammaṇesu allīyanalakkhaṇena snehena saṅgathitā punappunaṃ uppādavasena ghaṭitā suttena pupphāni viya baddhā nānappakāresu ārammaṇesu pavattamānā abhijjhākāyaganthā. Senti manomayā puthūti te puthūsu ārammaṇesu uppannā suvaṇṇādīhi nibbattāni suvaṇṇādimayāni ābharaṇādīni viya manena nibbattattā manomayā abhijjhākāyaganthā tesu ārammaṇesu senti anusenti. Te bhusaṃ upatāpentīti te evaṃ anusayitā balavatāpaṃ janentā bhusaṃ upatāpenti atikilamenti. Tesaṃ pana bhusaṃ upatāpane ‘‘sallaviddhova ruppatī’’ti (su. ni. 773) gāthāya vatthu, ‘‘piyajātikā hi gahapati, sokaparidevadukkhadomanassupāyāsā piyappabhutikā’’ (ma. ni. 2.353), ‘‘piyato jāyatī soko’’tiādīni (dha. pa. 212) suttāni ca āharitabbāni. Apica maṅgalabodhisattassa dārake datvā balavasokena hadayaṃ phali, vessantarabodhisattassa mahantaṃ domanassaṃ udapādi. Evaṃ pūritapāramīnaṃ mahāsattānaṃ pemaṃ upatāpaṃ karotiyeva. Ayaṃ snehe ādīnavo, tasmā snehampi na rocemīti.
сагго бан̃хависсаж̇ж̇анам̣ суд̇ваа ‘‘ган̣хабан̣д̣ид̇а д̇аяаа имз бан̃хаа б̣уд̣̇д̇халийл̣ааяа саад̇хугам̣ гат̇ид̇аа, ад̇ивияа д̇удтосми д̇з, абарамби варам̣ г̇ан̣хаахий’’д̇и вад̇ваа д̣̇асамам̣ г̇аат̇амааха –
Sakko pañhavissajjanaṃ sutvā ‘‘kaṇhapaṇḍita tayā ime pañhā buddhalīḷāya sādhukaṃ kathitā, ativiya tuṭṭhosmi te, aparampi varaṃ gaṇhāhī’’ti vatvā dasamaṃ gāthamāha –
20.
20.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ б̣раахман̣а д̇з д̣̇амми, яам̣ гин̃жи манасижчасий’’д̇и.
Varaṃ brāhmaṇa te dammi, yaṃ kiñci manasicchasī’’ti.
д̇ад̇о б̣од̇хисад̇д̇о ананд̇араг̇аат̇амааха –
Tato bodhisatto anantaragāthamāha –
21.
21.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
аран̃н̃з мз вихарад̇о, нижжам̣ згавихаарино;
Araññe me viharato, niccaṃ ekavihārino;
ааб̣аад̇хаа маа уббаж̇ж̇зяяум̣, анд̇арааяагараа бхусаа’’д̇и.
Ābādhā mā uppajjeyyuṃ, antarāyakarā bhusā’’ti.
д̇ад̇т̇а анд̇арааяагараа бхусаад̇и имасса мз д̇абогаммасса анд̇арааяагараа.
Tattha antarāyakarā bhusāti imassa me tapokammassa antarāyakarā.
д̇ам̣ суд̇ваа сагго ‘‘ган̣хабан̣д̣ид̇о варам̣ г̇ан̣ханд̇о на аамисасанниссид̇ам̣ г̇ан̣хаад̇и, д̇абогамманиссид̇амзва г̇ан̣хаад̇ий’’д̇и жинд̇зд̇ваа бхияяосомад̇д̇ааяа басанно абарамби варам̣ д̣̇ад̣̇амаано ид̇арам̣ г̇аат̇амааха –
Taṃ sutvā sakko ‘‘kaṇhapaṇḍito varaṃ gaṇhanto na āmisasannissitaṃ gaṇhāti, tapokammanissitameva gaṇhātī’’ti cintetvā bhiyyosomattāya pasanno aparampi varaṃ dadamāno itaraṃ gāthamāha –
22.
22.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ б̣раахман̣а д̇з д̣̇амми, яам̣ гин̃жи манасижчасий’’д̇и.
Varaṃ brāhmaṇa te dammi, yaṃ kiñci manasicchasī’’ti.
б̣од̇хисад̇д̇оби вараг̇г̇ахан̣аабад̣̇зсзна д̇асса д̇хаммам̣ д̣̇зсзнд̇о осаанаг̇аат̇амааха –
Bodhisattopi varaggahaṇāpadesena tassa dhammaṃ desento osānagāthamāha –
23.
23.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
на мано ваа сарийрам̣ ваа, мам̣-гад̇з сагга гассажи;
Na mano vā sarīraṃ vā, maṃ-kate sakka kassaci;
гад̣̇аажи убахан̃н̃зт̇а, зд̇ам̣ сагга варам̣ варз’’д̇и.
Kadāci upahaññetha, etaṃ sakka varaṃ vare’’ti.
д̇ад̇т̇а мано ваад̇и манод̣̇ваарам̣ ваа. сарийрам̣ ваад̇и гааяад̣̇ваарам̣ ваа, важийд̣̇ваарамби зд̇зсам̣ г̇ахан̣зна г̇ахид̇амзваад̇и взд̣̇ид̇аб̣б̣ам̣. мам̣-гад̇зд̇и мама гааран̣аа. убахан̃н̃зт̇аад̇и убагхаад̇ам̣ аабаж̇ж̇зяяа абарисуд̣̇д̇хам̣ асса. ид̣̇ам̣ вуд̇д̇ам̣ ход̇и – сагга д̣̇зварааж̇а, мама гааран̣аа мам̣ ниссааяа мама анад̇т̇агаамад̇ааяа гассажи сад̇д̇асса гисмин̃жи гаалз ид̣̇ам̣ д̇ивид̇хамби гаммад̣̇ваарам̣ на убахан̃н̃зт̇а, баан̣аад̇ибаад̇аад̣̇ийхи д̣̇асахи агусалагаммабат̇зхи вимуд̇д̇ам̣ барисуд̣̇д̇хамзва бхавзяяаад̇и.
Tattha mano vāti manodvāraṃ vā. Sarīraṃ vāti kāyadvāraṃ vā, vacīdvārampi etesaṃ gahaṇena gahitamevāti veditabbaṃ. Maṃ-kateti mama kāraṇā. Upahaññethāti upaghātaṃ āpajjeyya aparisuddhaṃ assa. Idaṃ vuttaṃ hoti – sakka devarāja, mama kāraṇā maṃ nissāya mama anatthakāmatāya kassaci sattassa kismiñci kāle idaṃ tividhampi kammadvāraṃ na upahaññetha, pāṇātipātādīhi dasahi akusalakammapathehi vimuttaṃ parisuddhameva bhaveyyāti.
ид̇и махаасад̇д̇о часуби таанзсу варам̣ г̇ан̣ханд̇о нзгкамманиссид̇амзва г̇ан̣хи, ж̇аанаад̇и жзса ‘‘сарийрам̣ наама б̣яаад̇хид̇хаммам̣, на д̇ам̣ саггаа саггзна аб̣яаад̇хид̇хаммам̣ гаад̇у’’нд̇и. сад̇д̇аанан̃хи д̇ийсу д̣̇ваарзсу барисуд̣̇д̇хабхааво асаггааяад̇д̇ова, звам̣ санд̇зби д̇асса д̇хаммад̣̇зсанад̇т̇ам̣ имз варз г̇ан̣хи. саггоби д̇ам̣ ругкам̣ д̇хувапалам̣ гад̇ваа махаасад̇д̇ам̣ ванд̣̇ид̇ваа сираси ан̃ж̇алим̣ бад̇идтабзд̇ваа ‘‘арог̇аа ид̇хзва васат̇аа’’д̇и вад̇ваа сагадтаанамзва г̇ад̇о. б̣од̇хисад̇д̇оби абарихийнаж̇жхаано б̣рахмалогуубаг̇о ахоси.
Iti mahāsatto chasupi ṭhānesu varaṃ gaṇhanto nekkhammanissitameva gaṇhi, jānāti cesa ‘‘sarīraṃ nāma byādhidhammaṃ, na taṃ sakkā sakkena abyādhidhammaṃ kātu’’nti. Sattānañhi tīsu dvāresu parisuddhabhāvo asakkāyattova, evaṃ santepi tassa dhammadesanatthaṃ ime vare gaṇhi. Sakkopi taṃ rukkhaṃ dhuvaphalaṃ katvā mahāsattaṃ vanditvā sirasi añjaliṃ patiṭṭhapetvā ‘‘arogā idheva vasathā’’ti vatvā sakaṭṭhānameva gato. Bodhisattopi aparihīnajjhāno brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘аананд̣̇а, буб̣б̣з маяаа нивуд̇т̇абхуумиббад̣̇зсо жзсо’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа сагго ануруд̣̇д̇хо ахоси, ган̣хабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘ānanda, pubbe mayā nivutthabhūmippadeso ceso’’ti vatvā jātakaṃ samodhānesi – ‘‘tadā sakko anuruddho ahosi, kaṇhapaṇḍito pana ahameva ahosi’’nti.
ган̣хаж̇аад̇агаван̣н̣анаа д̣̇уд̇ияаа.
Kaṇhajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 440. ган̣хаж̇аад̇агам̣ • 440. Kaṇhajātakaṃ
