| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. ган̇кзяяасуд̇д̇ам̣
2. Kaṅkheyyasuttaṃ
988. згам̣ самаяам̣ ааяасмаа ломасагам̣бхияо 1 саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаанаамо сагго язнааяасмаа ломасагам̣бхияо д̇знубасан̇гами; убасан̇гамид̇ваа ааяасманд̇ам̣ ломасагам̣бхияам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго ааяасманд̇ам̣ ломасагам̣бхияам̣ зд̇ад̣̇авожа – ‘‘со зва ну ко, бханд̇з, сзко вихааро со д̇ат̇ааг̇ад̇авихааро, уд̣̇ааху ан̃н̃ова 2 сзко вихааро ан̃н̃о д̇ат̇ааг̇ад̇авихааро’’д̇и?
988. Ekaṃ samayaṃ āyasmā lomasakaṃbhiyo 3 sakkesu viharati kapilavatthusmiṃ nigrodhārāme. Atha kho mahānāmo sakko yenāyasmā lomasakaṃbhiyo tenupasaṅkami; upasaṅkamitvā āyasmantaṃ lomasakaṃbhiyaṃ abhivādetvā ekamantaṃ nisīdi. Ekamantaṃ nisinno kho mahānāmo sakko āyasmantaṃ lomasakaṃbhiyaṃ etadavoca – ‘‘so eva nu kho, bhante, sekho vihāro so tathāgatavihāro, udāhu aññova 4 sekho vihāro añño tathāgatavihāro’’ti?
‘‘на ко, аавусо махаанаама, свзва сзко вихааро, со д̇ат̇ааг̇ад̇авихааро. ан̃н̃о ко, аавусо махаанаама, сзко вихааро, ан̃н̃о д̇ат̇ааг̇ад̇авихааро. яз д̇з, аавусо махаанаама, бхигкуу сзкаа аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и, д̇з бан̃жа нийваран̣з бахааяа вихаранд̇и. гад̇амз бан̃жа? гаамажчанд̣̇анийваран̣ам̣ бахааяа вихаранд̇и, б̣яаабаад̣̇анийваран̣ам̣…бз… т̇инамид̣̇д̇ханийваран̣ам̣…бз… уд̣̇д̇хажжагуггужжанийваран̣ам̣…бз… вижигижчаанийваран̣ам̣ бахааяа вихаранд̇и.
‘‘Na kho, āvuso mahānāma, sveva sekho vihāro, so tathāgatavihāro. Añño kho, āvuso mahānāma, sekho vihāro, añño tathāgatavihāro. Ye te, āvuso mahānāma, bhikkhū sekhā appattamānasā anuttaraṃ yogakkhemaṃ patthayamānā viharanti, te pañca nīvaraṇe pahāya viharanti. Katame pañca? Kāmacchandanīvaraṇaṃ pahāya viharanti, byāpādanīvaraṇaṃ…pe… thinamiddhanīvaraṇaṃ…pe… uddhaccakukkuccanīvaraṇaṃ…pe… vicikicchānīvaraṇaṃ pahāya viharanti.
‘‘язби д̇з, аавусо махаанаама, бхигкуу сзкаа аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и, д̇з имз бан̃жа нийваран̣з бахааяа вихаранд̇и.
‘‘Yepi te, āvuso mahānāma, bhikkhū sekhā appattamānasā anuttaraṃ yogakkhemaṃ patthayamānā viharanti, te ime pañca nīvaraṇe pahāya viharanti.
‘‘яз жа ко д̇з, аавусо махаанаама, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇зсам̣ бан̃жа нийваран̣аа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа 5 ааяад̇им̣ ануббаад̣̇ад̇хаммаа. гад̇амз бан̃жа? гаамажчанд̣̇анийваран̣ам̣ бахийнам̣ ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣; б̣яаабаад̣̇анийваран̣ам̣ бахийнам̣…бз… т̇инамид̣̇д̇ханийваран̣ам̣…бз… уд̣̇д̇хажжагуггужжанийваран̣ам̣…бз… вижигижчаанийваран̣ам̣ бахийнам̣ ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣.
‘‘Ye ca kho te, āvuso mahānāma, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tesaṃ pañca nīvaraṇā pahīnā ucchinnamūlā tālāvatthukatā anabhāvaṃkatā 6 āyatiṃ anuppādadhammā. Katame pañca? Kāmacchandanīvaraṇaṃ pahīnaṃ ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ; byāpādanīvaraṇaṃ pahīnaṃ…pe… thinamiddhanīvaraṇaṃ…pe… uddhaccakukkuccanīvaraṇaṃ…pe… vicikicchānīvaraṇaṃ pahīnaṃ ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ.
‘‘яз д̇з, аавусо махаанаама, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇зсам̣ имз бан̃жа нийваран̣аа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇ад̣̇аминаабзд̇ам̣, аавусо махаанаама, барияааязна взд̣̇ид̇аб̣б̣ам̣ яат̇аа – ан̃н̃ова сзко вихааро, ан̃н̃о д̇ат̇ааг̇ад̇авихааро.
‘‘Ye te, āvuso mahānāma, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tesaṃ ime pañca nīvaraṇā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tadamināpetaṃ, āvuso mahānāma, pariyāyena veditabbaṃ yathā – aññova sekho vihāro, añño tathāgatavihāro.
‘‘згамид̣̇ам̣, аавусо махаанаама, самаяам̣ бхаг̇аваа ижчаанан̇г̇алз вихарад̇и ижчаанан̇г̇алаванасан̣д̣з. д̇ад̇ра ко, аавусо махаанаама, бхаг̇аваа бхигкуу ааманд̇зси – ‘ижчаамахам̣, бхигкавз, д̇змаасам̣ бадисаллийяид̇ум̣. наамхи гзнажи убасан̇гамид̇аб̣б̣о, ан̃н̃ад̇ра згзна бин̣д̣абаад̇анийхаарагзнаа’д̇и. ‘звам̣, бханд̇з’д̇и ко, аавусо махаанаама, д̇з бхигкуу бхаг̇авад̇о бадиссуд̇ваа наассуд̇ха гожи бхаг̇аванд̇ам̣ убасан̇гамад̇и, ан̃н̃ад̇ра згзна бин̣д̣абаад̇анийхаарагзна.
‘‘Ekamidaṃ, āvuso mahānāma, samayaṃ bhagavā icchānaṅgale viharati icchānaṅgalavanasaṇḍe. Tatra kho, āvuso mahānāma, bhagavā bhikkhū āmantesi – ‘icchāmahaṃ, bhikkhave, temāsaṃ paṭisallīyituṃ. Nāmhi kenaci upasaṅkamitabbo, aññatra ekena piṇḍapātanīhārakenā’ti. ‘Evaṃ, bhante’ti kho, āvuso mahānāma, te bhikkhū bhagavato paṭissutvā nāssudha koci bhagavantaṃ upasaṅkamati, aññatra ekena piṇḍapātanīhārakena.
‘‘ат̇а ко, аавусо, бхаг̇аваа д̇асса д̇змаасасса ажжаязна бадисаллаанаа вудтид̇о бхигкуу ааманд̇зси – ‘сажз ко, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – гад̇амзнаавусо, вихаарзна саман̣о г̇од̇амо вассааваасам̣ б̣ахулам̣ вихаасийд̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – аанаабаанассад̇исамаад̇хинаа ко, аавусо, бхаг̇аваа вассааваасам̣ б̣ахулам̣ вихаасийд̇и. ид̇хаахам̣, бхигкавз , сад̇о ассасаами, сад̇о бассасаами. д̣̇ийгхам̣ ассасанд̇о д̣̇ийгхам̣ ассасаамийд̇и баж̇аанаами, д̣̇ийгхам̣ бассасанд̇о д̣̇ийгхам̣ бассасаамийд̇и баж̇аанаами…бз… бадиниссаг̇г̇аанубассий ассасиссаамийд̇и баж̇аанаами, бадиниссаг̇г̇аанубассий бассасиссаамий’д̇и баж̇аанаами’’.
‘‘Atha kho, āvuso, bhagavā tassa temāsassa accayena paṭisallānā vuṭṭhito bhikkhū āmantesi – ‘sace kho, bhikkhave, aññatitthiyā paribbājakā evaṃ puccheyyuṃ – katamenāvuso, vihārena samaṇo gotamo vassāvāsaṃ bahulaṃ vihāsīti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ānāpānassatisamādhinā kho, āvuso, bhagavā vassāvāsaṃ bahulaṃ vihāsīti. Idhāhaṃ, bhikkhave , sato assasāmi, sato passasāmi. Dīghaṃ assasanto dīghaṃ assasāmīti pajānāmi, dīghaṃ passasanto dīghaṃ passasāmīti pajānāmi…pe… paṭinissaggānupassī assasissāmīti pajānāmi, paṭinissaggānupassī passasissāmī’ti pajānāmi’’.
‘‘яан̃хи д̇ам̣, бхигкавз, саммаа вад̣̇амаано вад̣̇зяяа – арияавихааро ид̇иби, б̣рахмавихааро ид̇иби, д̇ат̇ааг̇ад̇авихааро ид̇иби. аанаабаанассад̇исамаад̇хим̣ саммаа вад̣̇амаано вад̣̇зяяа – арияавихааро ид̇иби, б̣рахмавихааро ид̇иби, д̇ат̇ааг̇ад̇авихааро ид̇иби.
‘‘Yañhi taṃ, bhikkhave, sammā vadamāno vadeyya – ariyavihāro itipi, brahmavihāro itipi, tathāgatavihāro itipi. Ānāpānassatisamādhiṃ sammā vadamāno vadeyya – ariyavihāro itipi, brahmavihāro itipi, tathāgatavihāro itipi.
‘‘яз д̇з, бхигкавз, бхигкуу сзкаа аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и, д̇зсам̣ аанаабаанассад̇исамаад̇хи бхаавид̇о б̣ахулийгад̇о аасаваанам̣ каяааяа сам̣вад̇д̇ад̇и.
‘‘Ye te, bhikkhave, bhikkhū sekhā appattamānasā anuttaraṃ yogakkhemaṃ patthayamānā viharanti, tesaṃ ānāpānassatisamādhi bhāvito bahulīkato āsavānaṃ khayāya saṃvattati.
‘‘яз жа ко д̇з, бхигкавз, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇зсам̣ аанаабаанассад̇исамаад̇хи бхаавид̇о б̣ахулийгад̇о д̣̇идтзва д̇хаммз сукавихаарааяа жзва сам̣вад̇д̇ад̇и сад̇исамбаж̇ан̃н̃ааяа жа.
‘‘Ye ca kho te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tesaṃ ānāpānassatisamādhi bhāvito bahulīkato diṭṭheva dhamme sukhavihārāya ceva saṃvattati satisampajaññāya ca.
‘‘яан̃хи д̇ам̣, бхигкавз, саммаа вад̣̇амаано вад̣̇зяяа – арияавихааро ид̇иби, б̣рахмавихааро ид̇иби, д̇ат̇ааг̇ад̇авихааро ид̇иби. аанаабаанассад̇исамаад̇хим̣ саммаа вад̣̇амаано вад̣̇зяяа – арияавихааро ид̇иби, б̣рахмавихааро ид̇иби, д̇ат̇ааг̇ад̇авихааро ид̇ибий’’д̇и. ‘‘иминаа ко зд̇ам̣, аавусо махаанаама, барияааязна взд̣̇ид̇аб̣б̣ам̣, яат̇аа – ан̃н̃ова сзко вихааро, ан̃н̃о д̇ат̇ааг̇ад̇авихааро’’д̇и. д̣̇уд̇ияам̣.
‘‘Yañhi taṃ, bhikkhave, sammā vadamāno vadeyya – ariyavihāro itipi, brahmavihāro itipi, tathāgatavihāro itipi. Ānāpānassatisamādhiṃ sammā vadamāno vadeyya – ariyavihāro itipi, brahmavihāro itipi, tathāgatavihāro itipī’’ti. ‘‘Iminā kho etaṃ, āvuso mahānāma, pariyāyena veditabbaṃ, yathā – aññova sekho vihāro, añño tathāgatavihāro’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. ижчаанан̇г̇аласуд̇д̇аад̣̇иван̣н̣анаа • 1-2. Icchānaṅgalasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. ижчаанан̇г̇аласуд̇д̇аад̣̇иван̣н̣анаа • 1-2. Icchānaṅgalasuttādivaṇṇanā
