| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૧૦. કણ્ટકસિક્ખાપદવણ્ણના
10. Kaṇṭakasikkhāpadavaṇṇanā
‘‘અયં સમણુદ્દેસો પારાજિકો હોતિ. સચે તં દિટ્ઠિં પટિનિસ્સજ્જતિ, સઙ્ઘસ્સ આરોચેત્વા સઙ્ઘાનુમતિયા પબ્બાજેતબ્બો’’તિ પોરાણગણ્ઠિપદે વુત્તં, તં ન યુત્તં. દણ્ડકમ્મનાસના હિ ઇધાધિપ્પેતા. યદિ સો પારાજિકો હોતિ, લિઙ્ગનાસના નામ સિયા. ‘‘તે પટિસેવતો નાલં અન્તરાયાયા’’તિ ચ દિટ્ઠિ સત્થરિ અસત્થાદિદિટ્ઠિ ન હોતિ. સચે સા યસ્સ ઉપ્પજ્જતિ, સો પારાજિકો હોતિ, તસ્મિમ્પિ એવમેવ પટિપજ્જિતબ્બં, સંવરે અતિટ્ઠન્તો લિઙ્ગનાસનાય નાસેતબ્બોતિ (વજિર॰ ટી॰ પાચિત્તિય ૪૨૮) આચરિયસ્સ તક્કો.
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
કણ્ટકસિક્ખાપદવણ્ણના નિટ્ઠિતા.
Kaṇṭakasikkhāpadavaṇṇanā niṭṭhitā.
સપ્પાણકવગ્ગો સત્તમો.
Sappāṇakavaggo sattamo.
